Ambahanon 115
“Mangin Hanuot sa Inyo Gugma sa Tagsa-tagsa”
1. Ang gugma nga hanuot,
Maligon kag malumok,
Sa Dios ’gapahamuot
Kag ’gapasadya.
Bangod sa gugma sang Dios
Ginpadala si Jesus
Agod kita matubos
Kag mahiusa.
Kay sa Dios may kahadlok,
Ang gugma ginasuklob
Kag aton ginailog
Kay Cristo tikang.
Sa kalibutan karon
Gugma kinahanglanon.
Ini labing halangdon
—Dios ang huwaran, Dios ang huwaran.
2. Gugma disalimpapaw
Indi makasalaklaw,
Pagtahod di’gaugdaw
Sa kauturan.
Ini mapailubon,
Malulo, maluluyon.
Indi makiiyahon
Sa kaupdanan.
Lapit na katapusan,
Dapat naton mahangpan
Ang gugma kinahanglan
Nga palambuon.
Ipakita sa tagsa
Ang hanuot nga gugma
Tulad sang kay Jehova
Nga ’gapadayon, Nga ’gapadayon.