Ambahanon 117
Pag-asawahay—Kahimusan Sang Dios
1. May kahimusan ang Dios
Sa pagasawahay.
Ini nagahiusa,
’Gahatag kalipay.
Lalaki kag babayi,
Ginhimo nga isa.
Sa pagalagad sa Dios
—’Gaupdanay sila.
2. Pulong sang Dios ang giya,
Laygay masaligan;
Tuhoy sa pagkaulo,
Bana ang ’gatuman.
‘Higugmaon asawa
Subong imo lawas.’
Sia nga matinahuron,
Hamili nga hiyas.
3. Lubid tatlo ang dupli,
Ini mas mabakod.
Diutay lang ang problema,
Kon Dios ang kaupod.
Mas labi ang kalipay
Kon mahinatagon.
Samtang nagaalagad,
Paghatag himuon.