Tulun-an sang Dios—Isa ka Bahandi

1. May yara tulun-an nga nagahatag

Sing kalinong, paglaum, kasadya.

Ini dalayawon gid kag gamhanan;

Kabuhi kag kapawa ang dala.

Ini amo ang Balaan nga Biblia

Nga ginsulat sang mga matutom,

Balaan nga espiritu naggiya

Gani panuytoy ila nabaton.

2. Diri mabasa ang pagtuga sang Dios

Sang aton bug-os nga uniberso.

Kag ginsaysay sang mga manunulat

Nga himpit sang gintuga ang tawo.

Suno sa ila may isa ka anghel,

Soberanya sang Dios ginhangkat n’ya.

Bangod sini nag-antos mga tawo

Apang sa Dios makalaum sila.

3. Karon ang panahon sa pagkasadya.

Ginharian sang Dios nabun-ag na.

Ini na ang adlaw sang kaluwasan

Sang mga nagatuman sa iya.

Sa Tulun-an may maayong balita

Nga nagapahalipay sa aton,

Nagahatag sing tunay nga paglaum

Gani dapat ini nga basahon.