Mga Rason sa Pagkalipay

1. Pirme gid kita malipayon

Bangod sa madamong rason.

Ang mga mapainubuson

Nagabuylog man sa aton.

Tudok gid ang aton kalipay

Bangod sa kamatuoran;

Mabakod ang aton pagtuo

Kay aton ini nahangpan.

Kita malipayon gihapon

Bisan pa may palaligban.

Makasalig ’ta kay Jehova

Indi n’ya kita pabay-an.

2. Nalipay kita nga makita

Sa dagat, langit, kag duta,

Mga tinuga ni Jehova

Nagahimaya sa iya.

Nalangkag kita nga isugid

Ang iya nga Ginharian.

Kay pakamaayuhon sang Dios

Ang iya mga katawhan.

Dali na lang naton maagom

Kabuhi nga ginahandum.

Sa bag-o nga langit kag duta

Kita mangin malipayon.