Ambahanon 134
Handurawa nga Bag-o Na ang Tanan
1. Handurawa, nga yara ka
Sa kalibutan nga ginbag-o na.
Ano imo nga batyagon
Kon ang tanan mahidaiton?
Wala na sing malauton;
Ang Dios amo na ang magahom.
Tanan nga butang bag-uhon sing bug-os.
Tanan nga tawo magadayaw na sa Dios:
(KORO)
“Jehova nga Dios, dalayawon ka!
Ang mga saad mo natuman na.
Ginhimo mo nga bag-o tanan nga butang,
Takus ka nga hatagan sing kadungganan.”
2. Handurawa, nga didto ’ta
Sa kalibutan nga ginhanda n’ya.
Wala na sing kahadlukan,
Ukon kulba nga mabatyagan.
Natuman na ang saad n’ya;
Atipanon ’ta ni Jehova.
Mabanhaw na ang mga nagtaliwan;
Sila magabuylog sa ’ton pag-ambahan:
(KORO)
“Jehova nga Dios, dalayawon ka!
Ang mga saad mo natuman na.
Ginhimo mo nga bag-o tanan nga butang,
Takus ka nga hatagan sing kadungganan.”
(Tan-awa man ang Sal. 37:10, 11; Isa. 65:17; Juan 5:28; 2 Ped. 3:13.)