Ang mga gulang, ministeryal nga alagad, kag ang iban pa nga may pribilehiyo sa kongregasyon pirme nagatan-aw sa information board para mahibaluan kon may asaynment sila. Pero, may importante nga mga impormasyon dira para sa bug-os nga kongregasyon. Nahibaluan mo bala kon san-o ang inyo iskedyul sa pagtinlo sang Kingdom Hall? Nagpadala bala sang importante nga sulat sa inyo kongregasyon ang manugtatap sang sirkito ukon ang sanga talatapan? Nahibaluan mo bala ang tema sang pamulongpulong publiko sini nga semana para maagda mo ang imo estudyante sa Biblia? May pagbag-o bala sa iskedyul sang miting ukon sa paggua sa latagon sang inyo grupo? Ang kalabanan sini nga impormasyon wala na ginapahibalo sa tion sang miting, kag mahimo indi na ini mapahibalo sang mga gulang sa kada manugbantala. Gani, pirme naton tan-awon ang information board. Kon himuon naton ini, nian ang tanan nga butang mahimo “sing disente kag suno sa kahimusan.”—1 Cor. 14:40.