Hanasa Sila nga Magpadayon sa Pag-alagad kay Jehova

Ginapakita sang eksperiensia nga kon sa umpisa pa lang hanason na ang bag-uhan nga mga manugbantala nga mangin regular kag makugi sa ministeryo mangin epektibo sila nga manugbantala sa ulihi. (Hul 22:6; Fil 3:16) Ari ang pila ka panugda kon paano mo mabuligan ang isa ka estudyante para mangin maayo ang iya pundasyon sa ministeryo:

• Kon ang imo estudyante maaprobahan na nga mangin manugbantala, hanasa sia dayon. (km 8/15 1) Ipatudok sa iya nga himuon nga regular nga bahin sang iya rutina ang ministeryo kada semana. (Fil 1:10) Mangin positibo sa imo mga komento parte sa teritoryo. (Fil 4:8) Palig-una sia nga makig-upod sa manugtatap sang grupo kag sa iban nga manugbantala para makabenepisyo sia sa ila eksperiensia.—Hul 1:5; km 10/12 6 ¶3

  

• Bisan nabawtismuhan na ang imo estudyante, padayon sia nga palig-una kag hanasa sa ministeryo, ilabi na kon wala pa niya matapos ang libro nga Gugma sang Dios.—km 12/13 7

  

• Simpleha lang ang imo presentasyon kon upod mo sa ministeryo ang bag-uhan nga manugbantala. Pagkatapos niya mahatag ang iya presentasyon, hatagi sia sing komendasyon kag mga panugda kon paano mangin mas epektibo sa ministeryo.—km 5/10 7