Isa ka Palanan-awon nga Makapabakod sang Pagtuo

9:1-7

Sa palanan-awon sang pagbaylo sing dagway, nabatian ni Jesus ang tingog sang iya Amay sa langit nga nagasiling nga nahamut-an sia sang iya Amay. Imadyina ang ginbatyag ni Jesus sa sini. Sigurado nga nagpabakod ini sa iya para sa pag-antos nga iya atubangon. Ini nga palanan-awon nagpabakod man kanday Pedro, Santiago, kag Juan. Si Jesus amo gid ang Mesias, kag insakto gid nga nagpamati sila sa iya. Pagligad sang mga 32 ka tuig, nadumduman gihapon ini ni Pedro kag kon paano sini ginpabakod ang iya pagtuo sa “matagnaon nga pulong.”—2Pe 1:16-19.

Bisan pa wala naton nakita ining dalayawon nga palanan-awon, saksi kita sa katumanan sini. Si Jesus isa na subong ka gamhanan nga Hari. Sa indi madugay, ‘lutuson niya sing bug-os ang iya mga kaaway’ kag magabulos na ang matarong nga bag-ong kalibutan.—Bug 6:2.

Paano napabakod ang imo pagtuo kay nakita mo nga nagakatuman ang tagna sa Biblia?