Padayon!

1. Padayon, padayon sa pagkahamtong!

Ang kamatuoran aton nga paiwagon.

Aton nga ministeryo pauswagon.

Kag Iya ’ta giyahan.

Mag-alagad kita sing bug-os

Subong sang ginhimo ni Jesus.

Indi ’ta mapukan kon upod ang Dios.

Sa husto manindugan.

2. Padayon, padayon sa pagbantala!

Sa tanan nga tawo isugid ang balita.

Mag-upod sa pagdayaw kay Jehova,

Sa tagsa ka puluy-an.

Bisan pa kon kita pahugon,

Ang pagbantala padayunon.

Ginharian sang Dios yari na karon.

Mas madamo buligan.

3. Padayon, padayon, magpakalig-on.

Mag-uswag kay daku

ang aton hilikuton.

Ang paggiya sang Dios pangayuon ta.

Magkalipay sa iya.

Mga tawo aton ulikdan,

Pirme naton sila balikan.

Magasilak gid ang kamatuoran

Kon sila maghamtong man.