Magbatas Tubtob sa Katapusan

1. Saad sang Dios sa Pulong n’ya

Aton masaligan.

Makabulig nga mabatas

Ang mga kabudlayan.

Ang pagbatas sang pagtilaw

Nagaulay sa aton.

Gani adlaw n’ya dumdumon;

Pagtuo pabakuron.

2. Ang aton una nga gugma

Indi pagpabay-an,

Gani indi magpadala

Sa mga kabudlayan.

Madamo man ang pagtilaw,

Kay Jehova magsalig.

’Gaaman sia sing lulutsan,

Kay sia nagaulikid.

3. Mga mabinatason lang

Ang may kaluwasan.

Kag sa libro sang kabuhi

Yara ang ila ngalan.

Gani aton tulumuron,

Magbatas sing padayon.

Kag pat-od nga si Jehova

Mapahamut-an naton.