Nagakaigo nga Pagpakilala sa Kasulatan

Mateo 22:41-45

KON ANO ANG HIMUON: Ihanda ang hunahuna sang imo mga tagpalamati antes mo basahon ang kasulatan.

KON PAANO INI HIMUON:

• Hunahunaa kon ngaa ginabasa mo ang kasulatan. Kon ginapakilala mo ang kasulatan, ipatalupangod ang importante nga punto nga luyag mo padakuon sa bersikulo.

• Gamita ang Biblia subong awtoridad. Kon nagaistorya ka sa mga tawo nga nagapati sa Dios, ipakilala ang Biblia subong Pulong sang Dios kay ginapakita sini nga ang imo ginatudlo halin sa Dios.

• Pukawa ang interes sang imo mga tagpalamati sa kasulatan. Magbayaw sang pamangkot ukon problema nga ang sabat yara sa kasulatan, ukon magsambit sang prinsipio nga mailustrar sang isa ka rekord sa Kasulatan.