Paggamit sing mga Pamangkot

Mateo 16:13-16

KON ANO ANG HIMUON: Mamangkot sing mataktikanhon para mapukaw kag mahuptan ang interes, para mangatarungan sa mga tagpalamati, kag para mapadaku ang importante nga mga punto.

KON PAANO INI HIMUON:

• Pukawa kag hupti ang interes. Maggamit sing retoriko nga mga pamangkot nga makapahunahuna sa punto ukon sabat.

• Mangatarungan sa isa ka topiko. Buligi ang imo mga tagpalamati nga masundan ang isa ka argumento paagi sa sunodsunod nga pamangkot nga makagiya sa husto nga konklusion.

• Ipadaku ang importante nga mga punto. Maggamit sang pamangkot nga makapukaw sa pagkamausisaon antes ipautwas ang importante nga punto. Maggamit sang repaso nga mga pamangkot pagkatapos mabinagbinag ang importante nga punto ukon sa imo konklusion.