TULUN-AN 16

Makapalig-on kag Positibo

Job 16:5

KON ANO ANG HIMUON: Indi magpokus sa problema kundi sa solusyon kag sa mga butang nga makapalig-on sa imo mga tagpalamati.

Tamda sing positibo ang imo mga tagpalamati. Magsalig nga luyag sang imo kauturan nga pahamut-an si Jehova. Bisan pa kinahanglan ka maglaygay, hatagi sila anay sing sinsero nga komendasyon kon posible.

Tuguti nga ang gugma, indi ang kaugot, ang magapahulag sang imo isiling. Magyuhum para mabatyagan sang imo mga tagpalamati nga nahangpan mo sila kag makasalig sila sa imo.
Limitahi ang negatibo nga materyal. Ilakip lamang ang negatibo nga bahin sang topiko kon may mapuslanon ini nga katuyuan. Sa kabilugan, dapat mangin positibo ang imo presentasyon.
Gamita sing maayo ang Pulong sang Dios. Ipatalupangod ang mga nahimo, ginahimo, kag pagahimuon ni Jehova para sa katawhan. Hatagi sing paglaum ang imo mga tagpalamati kag palig-una sila.