Pamatuod sang Pagpakamaayo ni Jehova

8:6-9, 12; 9:1-5, 23, 24

Ginlamon sang kalayo halin kay Jehova ang una nga dulot nga sinunog nga ginhalad sang bag-o nga gin-ordenahan nga mga saserdote halin sa panimalay ni Aaron. Nagapakita ini nga ginasakdag kag ginakahamut-an ni Jehova ini nga kahimusan. Gani, ginpalig-on ni Jehova ang pungsod sang Israel nga nagatan-aw nga suportahan sing bug-os ang kahimusan sang pagkasaserdote. Subong, ginagamit ni Jehova si Jesucristo bilang mas daku nga Mataas nga Saserdote. (Heb 9:11, 12) Sang 1919, nagtangdo si Jesus sang gamay nga grupo sang mga hinaplas nga lalaki bilang “matutom kag mainandamon nga ulipon.” (Mat 24:45) Ano ang pamatuod nga ang matutom nga ulipon ginapakamaayo, ginasakdag, kag ginakahamut-an ni Jehova?

• Bisan wala untat ang paghingabot, padayon nga nagaaman sing espirituwal nga pagkaon ang matutom nga ulipon

• Bilang katumanan sang tagna, ang maayong balita ginabantala na subong “sa bug-os nga duta.”—Mat 24:14

Paano naton mapakita nga ginasuportahan naton sing bug-os ang matutom kag mainandamon nga ulipon?