Pagpanikasog nga Malab-ot ang Tagipusuon

Hulubaton 3:1

KON ANO ANG HIMUON: Buligi ang imo mga tagpalamati nga maapresyar ang ila natun-an kag manghikot suno sa sini.

KON PAANO INI HIMUON:

• Buligi ang imo mga tagpalamati nga usisaon ang ila kaugalingon. Maggamit sang retoriko nga mga pamangkot para mausisa sang imo mga tagpalamati ang ila tagipusuon.

• Palambua ang maayo nga motibo. Palig-una ang imo mga tagpalamati nga hibaluon kon ngaa nagahimo sila sing maayo. Buligi sila nga palambuon ang pinakamaayo nga motibo nga amo ang gugma kay Jehova, sa isigkatawo, kag sa mga panudlo sang Biblia. Mangatarungan sa ila, pero indi sila pagsermoni. Imbes nga pakonsiensiahon, palig-una sila nga himuon ang ila pinakamaayo.

• Ipatuhoy ang ila atension kay Jehova. Ipadaku kon paano ang mga panudlo, prinsipio, kag kasuguan sa Biblia nagapakita sang mga kinaiya sang Dios kag sang iya gugma sa aton. Palambua ang handum sang mga tagpalamati nga hunahunaon ang balatyagon ni Jehova kag pahamut-an sia.