Ang Bag-o nga Ambahanon

1. Mag-amba sa Dios sing bag-o nga ambahanon.

Ang tanan sugiran sang iya himuon.

Sia ang aton Dios, sia ang Dios sang kadalag-an.

’Gahukom sa tawo nga may katarungan.

2. Maghilinugyaw, magkalipay sa Hari ta.

Amba sing pagdayaw, padunggan ngalan n’ya.

Magbuylog kita sa pag-amba kay Jehova,

Kaupod ang arpa, budyong, kag trumpeta.

3. Binuhatan n’ya sa kadagatan, magdayaw.

Kag tanan sa duta, magsinggit, maghugyaw.

Ang mga suba, magpalakpak sa kasadya;

Mga kabukiran mag-amba sa iya.