Ang Pagpangita sang Isa ka Pamatan-on Sing Ihibalo
Isa ka 16-anyos nga estudyante sa hayskul sa Czech Republic ang nagsulat sa sanga talatapan sang mga Saksi ni Jehova sa Prague sang masunod nga sulat sang pasalamat.
“Natabuan lang nga nakabasa ako sang inyo magasin nga Magmata! Ambot kon daw ano na kadugay ini nagaapektar sa sining masangkad nga kalibutan, apang sa banta ko ginabaton gid ini sang publiko. Sa una nga pasiplat makatilingala gid kon daw ano ka damo nga impormasyon kag kamatuoran ang nalakip sa mga artikulo. Ang matuod nga mga sugilanon kag laygay sa Magmata! nagapamuklat sang mga mata sang isa nga indi pamilyar sa matag-adlaw nga mga problema kag mga katalagman.
“Ginadayaw ko ang magasin indi lamang bangod makatudlo gid ini kundi may masangkad man ini nga pagtamod tuhoy sa mga tawo kag mga rasa. . . . Paagi sa sini nga sulat luyag ko ipabutyag kon daw ano ka mapuslanon ang inyo mga panikasog agod isulat ini para sa amon. Ginalakip ko sa pagpasalamat ang tanan nga bumalasa nga, kaangay ko, nagadayaw sang inyo ginahimo. Palihug padalhi ako sang dugang pa nga mga guwa sang inyo magasin nga Magmata! . . . Palihug padalhi man ako sang brosyur nga Ano ang Katuyuan sang Kabuhi? Paano Mo Masapwan Ini?”
Nagasalig kami nga makabenepisyo ka man sing daku gikan sa pagbasa sa matahom nga 32-pahina nga brosyur nga Ano ang Katuyuan sang Kabuhi? Paano Mo Masapwan Ini? Ginapakita sini nga publikasyon nga ang aton Manunuga may isa ka matahom nga katuyuan nga malapit na matuman. Makapangabay ka sing kopya paagi sa pagsulat kag sa pagpadala sang kaupod nga kupon sa direksion nga makita sa kupon ukon sa nagakaigo nga direksion nga ginlista sa pahina 5 sini nga magasin.
□ Interesado ako nga makabaton sing isa ka kopya sang brosyur nga Ano ang Katuyuan sang Kabuhi? Paano Mo Masapwan Ini?
□ Palihug pakig-anguti ako tuhoy sa isa ka walay bayad nga pagtuon sing Biblia sa puluy-an.