“Masunson nga Ginakonsulta sang mga Estudyante”

ISA ka librarian nga taga-Divinópolis, sa estado sang Minas Gerais sa Brazil, ang nagsulat sa opisina sang mga Saksi ni Jehova sa Brazil tuhoy sa interes sang mga estudyante sa magasin nga Magmata! Ginpaathag niya:

“Sa librarya sang eskwelahan sa munisipyo nga akon ginaobrahan, makabaton kami sa tion kag tion sing donasyon nga mga libro kag mga magasin nga ginbalhag sang [mga Saksi ni Jehova]. Bisan pa nga diutay gid lang sang mga estudyante diri ang mga Saksi ni Jehova, ang Magmata! masunson nga ginakonsulta sang mga estudyante nga nagapanalawsaw sa nanarisari nga mga topiko. Halimbawa, ang Septiembre 8, 2000, nga guwa napamatud-an nga mapuslanon gid bangod sang impormatibo sini nga mga artikulo tuhoy sa mga Hampang sa Olimpiada. Bangod sini, nagapangabay ako nga hatagan kuntani kami sing madamo nga kopya sang lainlain nga mga guwa sang Magmata! Napat-od ko nga may pareho kita nga huyog sa paghatag sing makapalig-on nga balasahon sa aton mga pamatan-on.”

Ginapaathag sa pahina 4 sang tagsa ka guwa sang Magmata! kon ngaa ginabalhag ini nga magasin. “Labi pa ka importante,” paathag sini, “ini nga magasin nagapalig-on sing pagsalig sa saad sang Manunuga tuhoy sa isa ka malinong kag may kalig-unan nga bag-ong kalibutan nga malapit na magabulos sa karon malaut, malinapason nga sistema sang mga butang.”

Ang mga Saksi ni Jehova nagaaman man sing mga brosyur nga gindesinyo sing espesipiko agod matuman ina nga katuyuan, isa sini ang may tig-ulo nga Ano ang Katuyuan Sang Kabuhi? Paano Mo Masapwan Ini? Makapangabay ka sing kopya paagi sa pagsulat sa kaupod nga kupon kag sa pagpadala sini sa direksion nga ginapakita sa kupon ukon sa nagakaigo nga direksion nga nalista sa pahina 5 sini nga magasin.

□ Interesado ako nga makabaton sing isa ka kopya sang brosyur nga Ano ang Katuyuan Sang Kabuhi? Paano Mo Masapwan Ini?

□ Palihug pakig-anguti ako tuhoy sa isa ka walay bayad nga pagtuon sa Biblia sa puluy-an.