Ginaagda Ikaw—Magatambong Ka Bala?

GINAAGDA SA ANO? Sa labing importante nga pagtinipon nga ginahiwat kada tuig sang mga Saksi ni Jehova—ang pagdumdom sa kamatayon ni Cristo, pasad sa Panihapon sang Ginuo nga ginsugdan niya. Ang rekord ni Mateo nagasugid sa aton: “Nagkuha si Jesus sing tinapay kag, sa tapos magsambit sing pagpakamaayo, gintipiktipik niya ini kag, sang ginahatag ini sa mga disipulo, nagsiling sia: ‘Kuha kamo, kaon kamo. Nagakahulugan ini sang akon lawas.’ Subong man, nagkuha sia sing kopa kag, sang makapasalamat, ginhatag niya ini sa ila, nga nagasiling: ‘Inom kamo gikan sa sini, kamo tanan; kay nagakahulugan ini sang akon “dugo sang katipan,” nga iula tungod sa madamo para sa kapatawaran sang mga sala.’ ”—Mateo 26:26-28.

Ang importansia sini nga mga pulong ipaathag sa selebrasyon sang Panihapon sang Ginuo karon nga tuig, nga hiwaton sa Huebes, Marso 28, pagtunod sang adlaw. Ginalauman namon nga magatambong ka. Pamangkuta palihug ang mga Saksi ni Jehova para sa eksakto nga oras kag duog sang pagtinipon sa inyo lugar. Abiabihon gid ikaw.