“Nag-abot Ini sa Husto nga Tion”

AMO ini ang ginsiling sang isa ka tawo halin sa siudad sang Abakaliki sa iya sulat sa sanga talatapan sang mga Saksi ni Jehova sa Nigeria. Ang ginapatuhuyan niya amo ang brosyur nga Kon ang Isa nga Ginahigugma Mo Mapatay, nga ginhatag sa iya sining karon lang. Sia nagpaathag:

“Napatay ang akon hinigugma nga asawa, si Tochi, sang nagbata sia sang Hunyo 18, 2000. Kapin na sa isa ka bulan ang nakaligad apang wala pa ako maulii bangod sang pagpangalisod sa hinali nga pagkapatay sang akon asawa kag daw indi pa makapati sa isa sang pinakagrabe nga trahedya nga natabo sa akon. Nian sang Hulyo ang isa sang mga Saksi ni Jehova naghatag sa akon sing kopya sang inyo publikasyon nga Kon ang Isa nga Ginahigugma Mo Mapatay. Ini nga brosyur daw bulong para sa akon, kag amat-amat ko nga nalandas ang kalisod​—⁠sa bulig sang mga laygay sini. Naghatag ini liwat sa akon sing paglaum kag nagparealisar sa akon nga pagkatapos sang isa ka masubo nga hitabo, may rason gid nga maglaum.”

Ayhan ikaw ukon ang isa nga kilala mo malugpayan man paagi sa pagbasa sining 32 ka pahina nga brosyur. Makapangabay ka sing kopya paagi sa pagsulat sa kaupod nga kupon kag sa pagpadala sini sa direksion nga makita sa kupon ukon sa nagakaigo nga direksion nga nalista sa pahina 5 sini nga magasin.

□ Interesado ako nga makabaton sing kopya sang brosyur nga Kon ang Isa nga Ginahigugma Mo Mapatay.

□ Kontaka ako palihug nahanungod sa walay bayad nga pagtuon sa Biblia sa puluy-an.