‘Malip-ot Apang Puno sing Impormasyon’

Amo ini ang paglaragway sang isa ka babayi sa brosyur nga Ano ang Ginapatuman Sang Dios sa Aton? Ginpaathag niya dayon kon ngaa nasiling niya ini. “Paagi sa paggamit sini nga brosyur,” siling niya, “napapagsik liwat si Gloria, isa ka may-edad na nga babayi, nga basahon ang Biblia. Sadto indi sia makapadugay sa pagpungko kag sa pagkonsentrar apang karon tubtob duha ka oras na sia nga nagatuon. Abanse nga nagapreparar sia sang iya mga leksion kag nagausisa sang tanan nga teksto.”

Ang publikasyon nga Ano ang Ginapatuman Sang Dios sa Aton? may 32 ka pahina, kag pareho kadaku sa sini nga magasin. Ginapaathag gid sini kon ano ang katuyuan sang Dios para sa mga tawo kag ginasugid kon ano ang dapat naton himuon agod kahamut-an niya. Lakip sa makawiwili nga mga leksion sini amo ang “Sin-o ang Dios?,” “Sin-o si Jesucristo?,” “Ano ang Katuyuan Sang Dios Para sa Duta?,” kag “Ano ang Ginharian Sang Dios?”

Kon luyag mo magpangabay sing kopya, sulati lang kag ipadala ang kaupod nga kupon sa ginapakita nga direksion ukon sa nagakaigo nga direksion sa pahina 5 sining magasin.

□ Luyag ko mabaton ang isa ka kopya sang brosyur nga Ano ang Ginapatuman Sang Dios sa Aton?

□ Palihug kontaka ako tuhoy sa isa ka wala sing bayad nga pagtuon sa Biblia sa puluy-an.