MGA LUGAR KAG MGA TAWO

Pagbisita sa Liechtenstein

Mapa diin makita ang Liechtenstein nga natung-an sang Switzerland kag Austria

ISA ini sa pinakagamay nga pungsod sa bilog nga kalibutan, nga makita sa mga kabukiran sa tunga sang Switzerland kag Austria. Sa sulod sang mga siglo ang mga Celt, Rhaetian, Romano, kag Alemanni nag-istar sa sini nga lugar. Sa karon, mga dos-tersia sang populasyon sang Liechtenstein mga kaliwat sang tribo sang Alemanni, nga nag-istar sa sini nga lugar sang nagligad nga mga 1,500 na ka tuig.

German ang opisyal nga lenguahe sang Liechtenstein, pero lainlain ang dialekto sa kada baryo. Ang duha sang kinaandan nga pagkaon sa Liechtenstein amo ang Tüarka-Rebel, pagkaon nga halin sa mais, kag Käsknöpfle, pasta nga madamo sing keso.

Duha sa kinaandan nga pagkaon sa Liechtenstein — *Käsknöpfle*

Babayi kag bata nga nagasuksok sing manami nga tradisyonal nga bayo sang Liechtenstein — Manami nga tradisyonal nga bayo

Kon maglagaw sa bilog nga pungsod, makita sang mga turista ang mga kabukiran nga nakulapan sing niebe, berde nga nalupyakan, ulubasan, kag lainlain nga tanom. Halimbawa, sa sining gamay nga pungsod makita ang halos 50 ka sahi sang ilahas nga orkidyas. May mga museo, teatro, kag hilimuan sang alak man sa Liechtenstein. Gani, nagabisita diri ang mga turista tig-ilinit man kag tigtulugnaw.

May mga Saksi ni Jehova na sa Liechtenstein sugod pa sang dekada 1920. Sa karon, may mga 90 ka Saksi sa pungsod, nga nagatudlo sing mensahe sa Biblia sa mga taga-diri kag sa mga bisita.

Ang libro nga Ano Gid ang Ginatudlo sang Biblia? ginbalhag sang mga Saksi ni Jehova sa German, ang opisyal nga lenguahe sang Liechtenstein, kag mabasa man sa www.jw.org.