Ipakita ang Imo Gugma sa Dios

Agod mahuptan ang isa ka abyan, dapat ka makighambal sa iya. Nagapamati ka sa iya, kag nagapamati sia sa imo. Nagahambal ka man sing maayong mga butang tuhoy sa imo abyan sa iban. Amo man sa pagpakig-abyan sa Dios. Binagbinaga ang ginasiling sang Biblia tuhoy sa sini:

Regular nga makighambal kay Jehova sa pangamuyo. “Magpadayon kamo sa pagpangamuyo.”—Roma 12:12.

Basaha ang Pulong sang Dios, ang Biblia. “Ang bug-os nga Kasulatan ginbugna sang Dios kag mapuslanon sa pagpanudlo, sa pagsabdong, sa pagtadlong sang mga butang.”—2 Timoteo 3:16.

Magpanudlo sa iban tuhoy sa Dios. “Busa lakat kamo kag maghimo sing mga disipulo sa mga tawo sa tanan nga kapungsuran, . . . nagatudlo sa ila nga tumanon ang tanan nga butang nga ginsugo ko sa inyo.”—Mateo 28:19, 20.

Makigsuod sa mga abyan sang Dios. “Sia nga nagalakat upod sa maalam nga mga tawo magaalam.”—Hulubaton 13:20.

Magtambong sa mga miting sa Kingdom Hall. “Binagbinagon naton ang isa kag isa agod pukawon sa gugma kag sa maayong mga buhat, . . . nagapalig-unay sa isa kag isa.”—Hebreo 10:24, 25.

Magbulig sa pagsakdag sa hilikuton sang Ginharian. ‘[Maghatag] ang kada isa suno sa ginpamat-od niya sa iya tagipusuon, indi nga may aligutgot ukon sa pagpilit, kay ang Dios nagahigugma sa manughatag nga malipayon.’—2 Corinto 9:7.