“Mamala nga mga Tul-an” kag “Duha ka Saksi”—Ano ang Kaangtanan Nila?

Sang 1919, natuman ang duha ka tagna: ang isa parte sa “mamala nga mga tul-an,” kag ang isa parte sa “duha ka saksi.” Ang palanan-awon parte sa “mamala nga mga tul-an” nagtagna sang malawig nga tion (ginatos ka tuig) nga natapos sang nabuhi ang daku nga grupo sang katawhan sang Dios. (Ezeq. 37:2-4; Bug. 11:1-3, 7-13) Ang tagna parte sa “duha ka saksi” nagapakita sang malip-ot nga tion (nga natuman halin sang ulihi nga bahin sang 1914 asta sang nauna nga bahin sang 1919) nga natapos sang nabuhi ang gamay nga grupo sang mga alagad sang Dios. Ining duha ka tagna pareho nga naglaragway sang simbuliko nga pagkabanhaw, kag pareho nga may moderno nga katumanan sang 1919 sang ginpahanabo ni Jehova nga ‘magtindog’ ang iya hinaplas nga mga alagad, mahilway sa pagkabihag sang Babilonia nga Daku, kag matipon sa napasag-uli nga kongregasyon.—Ezeq. 37:10.

Pero may kinatuhayan ang katumanan sining duha ka tagna. Ang “mamala nga mga tul-an” nagatagna sang pagbalik sang kabuhi sang tanan nga miembro sang hinaplas nga nagkalabilin. Pero ang “duha ka saksi” nagatagna sang pagbalik sang kabuhi sang pila ka miembro sang hinaplas sang Dios nga nagkalabilin—ang mga nagapanguna sa organisasyon kag gintangdo bilang “matutom kag mainandamon nga ulipon.”—Mat. 24:45; Bug. 11:6.a

“Nalupyakan nga Puno sang mga Tul-an”—Ezeq. 37:1

1. PAGKATAPOS SANG 100 C.E.

   Sugod sang ikaduha nga siglo C.E. sang ginpatay sing simbuliko ang hinaplas nga Cristianong kongregasyon, “ang nalupyakan” napuno sang “mga tul-an”

2. UNA NGA BAHIN SANG 1919

   1919: Ang “mamala nga mga tul-an” nabuhi sang ginpahanabo ni Jehova nga mahilway sa Babilonia nga Daku ang tanan nga hinaplas kag matipon sa napasag-uli nga kongregasyon

“Duha ka Saksi”—Bug. 11:3

1. ULIHI NGA BAHIN SANG 1914

   pagbantala nga “nagasuksok sang sako”

   1914: Ang “duha ka saksi” nagbantala nga “nagasuksok sang sako” sa sulod sang tatlo ka tuig kag tunga. Pagkatapos sina, ginpatay sila sing simbuliko

2. simbuliko nga kamatayon

3. UNA NGA BAHIN SANG 1919

   1919: Ang “duha ka saksi” nabuhi sang ang gamay nga grupo sang hinaplas nga mga lalaki nga nagapanguna sa organisasyon gintangdo nga mag-alagad bilang “matutom kag mainandamon nga ulipon”