‘Bantayi ang Imo Tagipusuon!’ Distrito nga Kombension sang Mga Saksi Ni Jehova
Tema Sa Biernes
“Ang GINOO Nagatolok sa Tagiposoon”—1 SAMUEL 16:7.
TEMA SA SABADO
“Gikan sa Kabuganaan sang Tagipusuon Nagahambal ang Baba” —MATEO 12:34.
TEMA SA DOMINGO
‘Alagda si Jehova sa Bug-os Mo nga Tagipusuon’—1 CRONICA 28:9, NW.
Mabasa sa Biblia ang tagipusuon sing mga isa ka libo ka beses. Sa masami, ang ginapatuhuyan sini indi ang literal kundi ang malaragwayon nga tagipusuon. Ano ang malaragwayon nga tagipusuon? Nagapatuhoy ini sa nasulod nga pagkatawo—ang ginahunahuna, ginabatyag, kag ginahandum sang isa ka persona.
Ngaa dapat naton bantayan ang aton malaragwayon nga tagipusuon? Ang Dios nagpasulat kay Hari Solomon: “Bantayi ang imo tagiposoon sa bug-os nga kakugi; kay sa sini nagagowa ang mga ilig sang kabuhi.” (Hulubaton 4:23) Ang aton kabuhi subong kag ang aton palaabuton nagadepende sa kondisyon sang aton malaragwayon nga tagipusuon. Ngaa? Bangod makita sang Dios kon ano ang ara sa aton tagipusuon. (1 Samuel 16:7) Ang pagtamod sang Dios sa aton nagadepende sa aton nasulod nga pagkatawo, ukon “tinago nga pagkatawo sa tagipusuon.”—1 Pedro 3:4.
Paano naton bantayan ang aton tagipusuon? Ang sabat sa sina nga pamangkot pagabinagbinagon sa ’Bantayi ang Imo Tagipusuon!’ Distrito nga Kombension sang mga Saksi ni Jehova umpisa sa Mayo sa Estados Unidos kag magapadayon sa bilog nga kalibutan. Ginaagda gid ikaw nga magtambong sa sining tatlo ka adlaw nga kombension.a Ang imo matun-an diri magabulig sa imo nga maghimo sang mga butang nga makapahalipay sa tagipusuon ni Jehova nga Dios.—Hulubaton 27:11.
[Nota]
a Para matultulan ang kombension malapit sa inyo lugar, palihug tan-awa ang Web site nga www.jw.org. Mahimo mo man kontakon ang mga Saksi ni Jehova sa inyo lugar ukon magsulat sa manugbalhag sini nga magasin.
[Retrato sa pahina 32]
Photo on right: Aus dem Fundus der MÜNCHNER OLYMPIAPARK GMBH, München