Bag-o nga Miembro sang Nagadumala nga Hubon

SANG Mierkoles sang aga, Enero 24, 2018, nalipay gid ang pamilya Bethel sa Estados Unidos kag sa Canada sang mabatian nila ang pahibalo nga may bag-o nga miembro ang Nagadumala nga Hubon sang mga Saksi ni Jehova, kag sia amo si Utod Kenneth Cook, Jr.

Natawo si Utod Cook sa Pennsylvania, U.S.A., kag diri sia nagdaku. Antes sia maggradwar sa hayskul, natun-an niya ang kamatuoran paagi sa iya klasmeyt, kag nabawtismuhan sia sang Hunyo 7, 1980. Nangin regular payunir sia sang Septiembre 1, 1982. Pagligad sang duha ka tuig, ginpatawag sia sa Bethel, kag nag-alagad sia sa Wallkill, New York, sang Oktubre 12, 1984.

Sa sulod sang 25 ka tuig, nag-alagad si Utod Cook sa sarisari nga asaynment sa Printery kag sa Bethel Office. Napangasawa niya si Jamie sang 1996, kag nag-alagad man sia sa Bethel sa Wallkill. Sang Disiembre 2009, ginsaylo sila sa Watchtower Educational Center sa Patterson, New York, kag gin-asayn si Utod Cook sa Writing Correspondence Department. Sang Abril 2016, wala madugay pagbalik nila sa Wallkill, ginsaylo sila sa Brooklyn, New York. Pagligad sang lima ka bulan, nagsaylo sila sa ulong talatapan sa Warwick, New York. Sang Enero 2017, gintangdo si Utod Cook nga kabulig sang Writing Committee sang Nagadumala nga Hubon.