Ang mga Puede Mo Tun-an sa Imo Personal nga Pagtuon kag sa Inyo Family Worship

Kon nagatipon kita sa aton mga miting, mga asembleya, kag mga kombension, ginasimba naton si Jehova bilang isa ka grupo. Magluwas sa sini, ginasimba man naton sia kon nagaisahanon kita kag kon upod naton ang aton pamilya. Ari ang mga puede mo tun-an sa imo personal nga pagtuon kag sa inyo family worship:

• Handai ang mga miting sang kongregasyon. Puede mo man ilakip ang pagpraktis sang mga kanta, kag buligi sa paghanda sang komento ang tanan nga miembro sang inyo pamilya.

• Basaha ang isa ka kasaysayan sa Biblia. Dayon, magdrowing sang isa ka hitabo sa sini nga kasaysayan ukon isulat ang imo natun-an.

• Basaha ang isa ka pangamuyo nga makita sa Biblia, kag binagbinaga kon paano ini makabulig para mapauswag mo ang imo mga pangamuyo.

• Tan-awa ang isa ka video sa jw.org. Dayon binagbinaga ini upod sa iban ukon isulat ang imo natun-an.

• Handai ang imo pagbantala. Praktisa sa isa ka miembro sang inyo pamilya kon ano ang ihambal mo sa tagbalay.

• Obserbahi ang mga tinuga ni Jehova kag pamalandungi kon ano ang ginatudlo sini sa imo parte sa iya. Puede mo man ini binagbinagon upod sa iban.a