Dominican Republic

SANG 1492, nagpanakayon si Christopher Columbus pakadto sa Bag-ong Kalibutan—ang manggaranon nga kadutaan nga madamo sing bag-o nga butang nga matun-an. Ginhingalanan niya ang isa sa mga isla nga iya nakadtuan nga La Isla Española, ukon Hispaniola, nga mga 66 porsiento sini amo ang Dominican Republic subong. Sining moderno nga panahon, nadiskobrehan sang linibo ka taga-Dominican Republic ang pinasahi gid nga butang—ang magaabot nga bag-ong kalibutan nga puy-an sang mga matarong sing walay katapusan sa idalom sang Ginharian sang Dios. (2 Ped. 3:13) Ang masunod amo ang makakulunyag nga kasaysayan sang bunayag sing tagipusuon nga mga tawo nga nakadiskobre sining dalayawon nga butang.