Gusto Ko Na nga Mag-untat sa Pag-alagad sa Dios

NAGDAKU ako sa isa ka debotado sa Katoliko nga pamilya nga luyag nga mangin pari ako. Gani sang 12 anyos ako, tatlo ka kurso ang ginkuha ko kag lainlain nga pari ang nagtudlo sa akon. Dayon sang 1990, sang 14 anyos ako, ginpaeskwela ako sa isa sa pinakamaayo nga seminaryo sa pungsod.

Madasig ang akon pag-uswag kag ginsilingan ako nga kon padayon ko nga iaplikar ang akon natun-an, mangin obispo ako sa ulihi. Pero dismayado ako. Sa baylo nga tudluan kami sang Biblia, gintudluan kami sing pilosopiya sang mga tawo. Kag mga imoral man ang mga pari. Sang ginabastos nila ako, gusto ko na nga mag-untat sa pag-alagad sa Dios.

Sa sina nga tion, ginpanaksihan sang mag-asawa nga misyonero ang accountant sang seminaryo kag ginhatagan sia sang libro nga Questions Young People Ask—Answers That Work. Ginhulam ko ini kag ginbasa ang bilog nga libro. Nagsiling ako sa akon kaugalingon, ‘Amo ini ang akon ginapangita.’ Naghalin ako sa seminaryo, nagtuon sa mga Saksi, kag nagsugod sa pagtambong sa mga miting. Pagligad sang walo ka bulan, sang Hulyo 1991, nabawtismuhan ako. Nangin regular payunir ako kag sang ulihi napangasawa ko ang payunir nga si María. Sugod sang 2006, nagaalagad kami bilang espesyal payunir. Sa baylo nga mag-untat sa pag-alagad sa Dios, nalipay ako sa pagbulig sa interesado nga mga tawo nga mangin matuod nga sumilimba ni Jehova.