YUAV UA LI CAS THIAJ TSIS NYUAJ SIAB
Koj Puas Xav Tau Lub Neej Tsis Muaj Kev Nyuaj Siab?
Tej tswvyim hauv phau Vajlugkub pab peb zam tau tej yam uas ua rau peb nyuaj siab. Ua neej nyob, peb yeej yuav ntsib kev nyuaj siab. Tiamsis tus kws tsim peb muaj peevxwm pab tau peb. Nws xaiv ib tug los pab kom peb tsis muaj kev nyuaj siab ib zaug ntxiv li lawm. Tus ntawd yog Yexus Khetos. Thaum Yexus nyob hauv ntiajteb, nws tau ua ntau yam los pab tibneeg. Tiamsis yav tom ntej, Yexus tseem yuav ua ntau tshaj ntawd los pab txhua leej txhua tus thoob plaws qab ntuj. Xws li:
YEXUS YUAV KHO COV NEEG MUAJ MOB MUAJ NKEEG.
“Sawvdaws txawm coj tej neeg muaj mob, tsis hais tus mob yam mob twg tuaj cuag Yexus, . . . los Yexus kho txhua tus zoo huv tibsi.”—MATHAIS 4:24.
YEXUS YUAV PUB VAJ TSE THIAB ZAUB MOV RAU TXHUA TUS.
“Cov neeg ua tsev yuav tau nyob hauv tej tsev ntawd, tsis yog lwm tus yuav tau nyob. Lawv yuav cog txiv hmab thiab yuav tau haus tej cawv txiv hmab ntawd, tsis yog lwm tus yuav tau haus.”—YAXAYAS 65:21, 22.
THAUM YEXUS KAV YUAV MUAJ KEV THAJ YEEB THOOB PLAWS NTIAJTEB.
“Thov kom tej kev ncaj ncees muaj nyob rau nws tiam, thiab thov kom muaj kev vammeej mus tsis tu ib yam li lub hli ci pom kev. Nws yuav kav sab hiavtxwv tim no mus txog ntua sab hiavtxwv tim ub, txij ntua ntawm tus dej Efalates mus txog ntua tim qab ntuj kawg. . . . Nws cov yeebncuab yuav qhau hlo cev da rau hauv av.”—PHAU NTAWV NKAUJ 72:7-9.
YEXUS YUAV RHUAV TSHEM TEJ KEV TSIS NCAJ NCEES.
“Nws hlub tshua cov uas qaug zog thiab cov pluag, nws cawm cov neeg txomnyem txojsia. Nws cawm lawv dim ntawm cov neeg tsimtxom thiab cov neeg limhiam.”—PHAU NTAWV NKAUJ 72:13, 14.
YEXUS YUAV TSIS PUB MUAJ KEV TXOM NYEM THIAB KEV TUAG LAWM.
“Kev tuag, kev ntxhov siab, kev quaj ntsuag thiab kev mob kev nkeeg yuav tsis muaj ib zaug li lawm.”—TSHWMSIM 21:4.