Tej Vajtswv Tsim

1. Vajtswv Yehauvas, koj pom txhua yam,

Kuv pw kuv sawv, los koj pom thiab paub tas.

Kuv tej kev xav thiab tej siab ntshaw koj tshawb txhua,

Tej lus kuv hais, tsawg tshais kauj ruam,

los koj paub txhua.

Thaum kuv xeeb nruab thiab los koj yeej pom,

Kuv cov pob txha hlav zwb zawv tuaj sib dhos.

Kuv xeeb li cas los koj twb pom thiab paub tas,

Kuv qhuas koj lub zog loj zog nchav,

uas tsim txhua yam.

Koj kev txawj ntse tsis muaj hnub kuv yuav paub txhij,

Kuv thiaj li qhuas txhua tsav yam koj tau tsim.

Txawm nyob saum ntuj los yog rau hauv ntiaj teb no,

Tsis muaj ib yam uas yuav nraim tau ntawm koj.

Vajtswv, koj paub txhua yam huv tib si,

Tej nyob nraim nkoos los koj yeej pom kaj nrig.

Txawm yog yuav nyob rau hauv qhov tsaus los qhov kaj,

Txawm yog yuav nyob tej roob tej hav,

los koj pom tag.