PAB LAWV LOS UA THWJ TIM
ZAJ KAWM 10
Mob Siab Tiag
Hauv paus ntsiab lus: Peb thiaj coj txoj xov zoo uas Vajtswv muab rau peb lawm tuaj qhia rau nej. Tsis tas li ntawd xwb, peb tseem zoo siab muab peb lub dag lub zog tib si pab nej, peb tsis khuv xim li, rau qhov peb hlub nej heev.—1 Thexalaunikas 2:8.
Yexus Coj Li Cas?
1. Saib zaj YEEB YAJ KIAB, los sis nyeem Yauhas 3:1, 2. Tom qab ntawd, tham txog ob lo lus no:
Ua cas Nikhaudemaus ho mus cuag Yexus hmo ntuj?—Mus saib Yauhas 12:42, 43.
Yexus ua li cas qhia tias nws yeej mob siab xav pab tib neeg los ua nws cov thwj tim?
Peb Kawm Tau Li Cas Los Ntawm Yexus?
2. Yog peb hlub tib neeg tiag ces peb yeej yuav qee sij hawm thiab dag zog mus pab lawv los ua Yexus cov thwj tim.
Xyaum Yexus
3. Yoog tus kawm Vajlugkub. Ua tib zoo xav seb nws nyiam kawm Vajlugkub rau lub sij hawm twg thiab qhov chaw twg. Puas yog tom nws tsev, tom chaw ua hauj lwm, ntawm tej chaw muaj neeg coob dua kev, los sis lwm qhov. Yeej meem mus li nws teem tseg.
4. Kawm tsis tu ncua. Yog muaj qee zaus koj tsis xyeej qhia, txhob muab ncua cia, ua tib zoo xav seb koj ua tau li cas tso.
Koj puas xyeej qhia dua lwm lub sij hawm rau lub lim tiam ntawd?
Neb kawm puas tau hauv xov tooj los sis kawm saum huab saum cua?
Koj nrhiav puas tau lwm tus mus qhia hloov koj chaw?
5. Thov Yehauvas pab koj muaj cwj pwm zoo. Yog tus kawm Vajlugkub pheej kawm tsis cuag ncua los sis pheej tsis muab tej uas nws kawm coj los siv, thov Yehauvas pab kom koj txhob qaug zog. (Filipis 2:13) Thiab thov Yehauvas pab kom koj pom txog tus kawm Vajlugkub tej yeeb yam zoo xwb.
SAIB COV NQE VAJLUGKUB
Paj Lug 3:27; Tes Hauj Lwm 20:35; 2 Kauleethaus 12:15