Ua Siab Loj

Yexus Coj Li Cas?

YEEB YAJ KIAB: Yexus Qhuab Qhia Tus Txiv Neej Nplua Nuj

1. Saib zaj YEEB YAJ KIAB, los sis nyeem Malakaus 10:17-22. Tom qab ntawd, tham txog ob lo lus no:

1. Yexus pom tus txiv neej nplua nuj tej yeeb yam zoo twg?

2. Vim li cas Yexus yuav tsum muaj kev hlub thiab ua siab loj qhuab qhia tus txiv neej?

Peb Kawm Tau Li Cas Los Ntawm Yexus?

2. Peb yuav tsum hlub cov uas peb qhia, txhob ua siab me. Ua siab loj qhia meej tias nws yuav tau ua dab tsi thiaj yuav muaj kev sib raug zoo nrog Yehauvas tshaj qhov qub.

Xyaum Yexus

3. Pab tus kawm ncav cuag tej hom phiaj.

1. Hauv phau ntawv Nyob Kaj Siab Lug Mus Ib Txhis, kawm lub ntsiab “Koj Xav Xyaum Yam Twg” hauv txhua zaj.

2. Pab tus kawm nkag siab seb yuav tsum ua li cas thiaj ncav cuag tej hom phiaj me hom phiaj loj.

3. Thaum koj pom nws ua tau zoo, cia li qhuas nws.

4. Pab tus kawm kov yeej tej uas tav nws kev.

1. Ua tib zoo xav li no:

   • Dab tsi pheej khuam cheem nws es nws thiaj tsis ua kev cai raus dej?

   • Kuv puas pab tau nws li cas?

2. Thov kom Yehauvas pub lub siab loj, lub siab hlub rau peb qhia tsi ntsees tias nws yuav tau hloov li cas.

5. Txhob qhia ntxiv lawm yog tsis loj hlob.

1. Muab xav zoo zoo seb tus kawm Vajlugkub hloov ntau npaum li cas lawm:

   • Nws puas coj raws li tej uas nws kawm?

   • Nws puas tuaj kev sib txoos? Nws puas muab tej uas nws kawm qhia rau lwm tus?

   • Yog nws twb kawm tau ntev loo lawm, nws puas xav ua ib tug Tim Khawv thiab?

2. Yog tus kawm tsis mob siab hloov raws li nws tau kawm:

   • Nug nws seb ho muaj dab tsi khuam cheem nws.

   • Ua siab mos siab muag piav rau nws tias yog vim li cas koj tsis qhia Vajlugkub rau nws lawm.

   • Qhia meej meej rau nws tias yuav hloov li cas koj thiaj rov mus qhia Vajlugkub rau nws.