Peb Lub Vej Xaij Pab Tau Txhua Leej Txhua Tus
Yexus tau sam hwm kom peb tshaj tawm txoj xov zoo txog lub Nceeg Vaj, mus “thoob plaws lub ntiajteb ua timkhawv rau ib tsoom tebchaws.” (Mth. 24:14) Yuav kom ‘peb tes haujlwm no muaj tiav,’ cov kwvtij tau muab 3 lub Vej xaij no watchtower.org, jw-media.org, thiab jw.org, los koom ua ib lub lawm xwb. Lub Vej xaij tshiab hu ua jw.org.—2Tmt. 4:5.
“Thoob Plaws Lub Ntiajteb”: Muaj txog ib feem peb ntawm cov tibneeg hauv lub ntiajteb no siv Is Taws Nej. Feem coob tsuas siv Is Taws Nej nkaus xwb, los kawm thiab tshawb nrhiav txog tej yam tshiab. Cov hluas yog cov uas yimhuab siv Is Taws Nej heev. Peb lub Vej xaij yuav pab kom tibneeg nrhiav tau qhov tseeb txog phau Vajlugkub. Yog tias lawv saib peb lub Vej xaij lawv yuav paub txog Yehauvas lub koom haum, thiab paub sau npe mus thov kom ib tug mus qhia Vajlugkub rau lawv. Lub Vej xaij qheb kev rau coob leej ntau tus los hnov txoj xov zoo. Tej koog lossis tej lub tebchaws uas peb mus qhia tsis txog yuav hnov huvsi thiab.
“Ib Tsoom Tebchaws”: Yuav kom “ib tsoom tebchaws” hnov txoj xov zoo, yuav tsum muab qhov tseeb hauv phau Vajlugkub txhais ua ntau yam lus. Cov uas mus saib lub Vej xaij jw.org yuav pom tias muaj ntaub ntawv txhais ua 400 yam lus diam. Tsis tau muaj ib lub Vej xaij ua li no.
Xyaum Kom Paub Siv Lub Vej Xaij: Lub Vej xaij jw.org tsis yog npaj rau cov uas tsis tau ntseeg Yehauvas nkaus xwb. Lub Vej xaij no yog npaj rau Yehauvas cov Timkhawv thiab. Cia peb kawm seb yuav xyaum siv li cas. Yog tias koj muaj Is Taws Nej, cia li xyaum kom paub siv lub Vej xaij no.
[Duab piav qhia nyob sab 4]
(Yog xav paub tseeb tiag, mus saib hauv phau ntawv)
Xyaum Siv
1 Mus rau hauv Is Taws Nej, thiab ntaus www.jw.org rau hauv kab uas ntaus lub Vej xaij chaw nyob.
2 Siv sijhawm los tshawb nrhiav lub Vej xaij. Yog tias koj nias tej ntsiab me, lossis tej duab, ces yuav txuas tau rau lwm sab hauv lub Vej xaij.
3 Yog tias koj muaj tej twj lossis tej xov tooj uas txuas tau Is Taws Nej, ces xyaum siv los tshawb nrhiav jw.org. Thaum siv xov tooj los tshawb nrhiav, ces koj yuav pom tias lub Vej xaij txawv mentsis lawm, thiaj haum lub xov tooj, tiamsis cov ntsiab lus yeej yog tib co xwb.