Nrhiav Kev Pab Rau Lub Neej Hauv JW.ORG/HMN

Vajtswv Txoj Lus yeej pab peb thev dhau tej kev nyuaj siab rau lub sij hawm kawg no. (2 Timautes 3:1, 16, 17) Tej thaud, peb tsis paub xyov yuav mus nrhiav nqe Vajlugkub twg los daws teeb meem. Yog koj yog ib leej niam leej txiv, tej zaum koj xav nrhiav tswv yim los pab cob qhia me tub me nyuam. Yog koj yog ib tug hluas, tej zaum koj xav paub seb yuav ua li cas thiaj tuav kev ntseeg ruaj. Hos yog koj tus txij nkawm tag sim neej lawm, koj kuj xav tau tej yam los nplig siab. Yog tias koj mus rau jw.org/hmn koj yuav nrhiav tau tej nqe Vajlugkub los txhawb koj, tsis hais rau tej yam no xwb tiam sis lwm yam ntxiv thiab.—Pajlug 2:3-6.

Hauv jw.org/hmn nias ntu VAJLUGKUB TEJ LUS QHIA. (Saib daim duab 1.) Xaiv lub ntsiab uas koj xav paub. Los sis nias ntu PEB TEJ NTAUB NTAWV > NTAU ZAJ NTAUB NTAWV thiab xaiv qhov uas koj xav paub txog. (Saib daim duab 2.) Koj kuj nrhiav tau tej nqe Vajlugkub thiab tej ntaub ntawv no hauv JW Library^® thiab.a Txawm koj yuav mus rau jw.org/hmn los sis JW Library los koj yeej nrhiav tau tib co ntaub ntawv xwb. Tab sis yog koj paub tias koj xav nrhiav yam twg lawm ces koj tsuas mus ntaus kiag rau qhov uas hais tias Nrhiav hauv jw.org/hmn xwb.

Ntaus cov lus hauv qab no rau ntawm qhov uas hais tias Nrhiav ces muab zaj uas koj xav nyeem sau cia.

• Tu me nyuam

• Cov hluas nyuaj siab

• Txij nkawm tag sim neej