ROV MUS XYUAS
ZAJ KAWM 9
Txawj Nyob Luag Chaw
Hauv paus ntsiab lus: “Thaum luag zoo siab cia li nrog luag zoo siab, thaum luag quaj cia li nrog luag quaj.”—Loos 12:15.
Yexus Coj Li Cas?
1. Saib zaj YEEB YAJ KIAB, los sis nyeem Malakaus 6:30-34. Tom qab ntawd, tham txog ob lo lus no:
Vim li cas Yexus thiab nws cov tub txib xav mus rau ib qho chaw uas tsis muaj neeg?
Ua li cas Yexus ho zoo siab hlo qhia pab neeg coob coob?
Peb Kawm Tau Li Cas Los Ntawm Yexus?
2. Yog peb txawj nyob luag chaw ces peb yuav tsis qhia txoj xov zoo nkaus xwb tiam sis peb yuav nqes tes hlo pab thiab.
Xyaum Yexus
3. Ua tib zoo mloog. Cia nws tham ua ntej tso xwv koj thiaj paub tias nws xav li cas hauv nruab siab. Txhob txiav nws lus thiab txhob maj tham lwm yam. Yog nws txhawj txog los sis tsis nyiam ib yam dab tsi twg, ua tib zoo mloog nws hais kom tas tso. Qhov koj ua li ntawd yuav ua rau nws pom tias koj yeej saib taus nws.
4. Ua tib zoo xav txog nws lub neej. Muab tej uas neb twb tham lawd coj los ua zoo xav thiab teb ob lo lus no:
Vim li cas yuav tau qhia qhov tseeb rau nws?
Ua li cas kev kawm Vajlugkub yeej yuav pab tau nws lub neej tam sim no thiab yav tom ntej?
5. Xaiv ib lub ntsiab kom raug. Cia li ua qauv qhia tias kev kawm Vajlugkub zoo li cas. Nws yuav pom tias phau Vajlugkub teb tau nws tej lus nug, thiab tsav tswv yim rau nws lub neej.
SAIB COV NQE VAJLUGKUB
Loos 10:13, 14; Filipis 2:3, 4; 1 Petus 3:8