Txhob Yuam Luag Tham

Filis Coj Li Cas?

YEEB YAJ KIAB: Filis Tshaj Tawm Rau Ib Tug Nom Ethi-aupias

1. Saib zaj YEEB YAJ KIAB, los sis nyeem Tes Hauj Lwm 8:30, 31. Tom qab ntawd, tham txog ob lo lus no:

1. Filis pib nrog tus nom Ethi-aupias tham lus li cas?

2. Filis puas yuam qhia qhov tseeb rau tus nom Ethi-aupias? Nws siv tswv yim li cas nws thiaj qhia tau ib qho tshiab txog qhov tseeb?

Peb Kawm Tau Li Cas Los Ntawm Filis?

2. Peb yuav tsum tsis txhob yuam tib neeg nrog peb tham. Yog lawv zoo siab hlo nrog peb tham, lawv yuav tsis ntshai peb thiab yuav xav mloog peb qhia txoj xov zoo.

Xyaum Filis

3. Txawj saib ib ncig. Ua tib zoo saib seb tus neeg uas koj nrog tham ntawd coj li cas. Nws tus yam ntxwv puas qhia tias nws xav nrog koj tham tiag? Yog nws yeem mloog, koj kuj pib li no: “Ua li, koj puas tau hnov dua . . . ?” Tsis txhob yuam kom nws nrog koj tham.

4. Tswj koj tus kheej. Yog tsis zoo sij hawm tham Vajlugkub, txhob maj tham. Lwm zaus yus mam tham Vajlugkub los yeej tau.

5. Paub yoog lwm tus. Txawm tus uas koj nrog tham ntawd pib tham dua lwm yam los, cia li yoog nws. Tsis txhob yuav li koj npaj tuaj qhia nkaus xwb, yeej meem siv lwm nqe Vajlugkub los qhia.