Txawj Xav Txawj Pab

Yexus Coj Li Cas?

YEEB YAJ KIAB: Yexus Kho Tus Txiv Neej Dig Muag

1. Saib zaj YEEB YAJ KIAB, los sis nyeem Yauhas 9:1-7. Tom qab ntawd, tham txog ob lo lus no:

1. Puas yog Yexus xub qhia txoj xov zoo rau tus txiv neej dig muag?​—Mus saib Yauhas 9:35-38.

2. Vim li cas qhov uas Yexus xub kho tus txiv neej pab tau nws xav mloog txoj xov zoo dua?

Peb Kawm Tau Li Cas Los Ntawm Yexus?

2. Thaum tib neeg hnov tias peb txhawj txog lawv tiag, lawv yuav yeem mloog peb qhia txoj xov zoo dua.

Xyaum Yexus

3. Khuv leej tib neeg. Lawv mob siab li cas, yus mob siab li ntawd.

1. Xav seb, tus neeg koj nrog tham ntxhov siab txog dab tsi? Nws xav tau kev pab kev nplig siab li cas? Yog koj ua li no ces nws yuav pom tias koj txawj xav txog nws tiag, tsis yog lam tuaj xwb.

2. Thaum tib neeg qhib siab rau koj, koj yuav tsum ua tib zoo mloog. Lawv tej teeb meem txawm loj txawm me yeej tseem ceeb rau lawv huv tib si, txhob maj hloov mus tham dua lwm yam.

4. Hais lus mos muag, txhob hais lus siab luag. Thaum koj mob siab tib neeg thiab muaj lub siab xav pab lawv tiag, koj yuav tsis lam tau lam hais lus nyob tsam siab lawv. Koj lub suab thiab tus yam ntxwv yuav tsum nplig tau lawv siab.

5. Nqes tes pab tib neeg. Ua tib zoo xyuas seb tus neeg koj nrog tham puas cheem tsum kev pab dab tsi. Yog koj ua siab dawb pab nws, nws yuav yeem nrog koj tham dua.