ZAJ NKAUJ 48
Nrog Nraim Yehauvas Txhua Hnub
(Mikha 6:8)
1. Peb tuav rawv peb Leej Txiv txhais tes,
Peb txo hwjchim nrog nraim nws txhua hnub.
Cov uas nyiam taug Vajtswv txojkev
Yuav pom kev hlub nws ua siab dawb pub.
Vajtswv npaj tus nqe txhiv rau peb
Xwv peb thiaj nrog nws raug zoo.
Peb muab peb tus kheej cob rau nws;
Tuaj Yehauvas tog sawv nres nroos.
2. Twb txog lub caij Vajtswv txiav txim,
Tsis ntev lub sim ceeb yuav dua mus tas,
Peb niaj hnub ntsib tej kev tawm tsam,
Ua kom peb ntshai es peb thim rov qab.
Tiamsis Yehauvas tiv thaiv peb;
Txav ze nrog nraim nws ua ke.
Peb thiaj teev tiam nws mus ib txhis.
Npuab siab hlub tsis txhob tso nws tseg.
3. Vajtswv tau npaj kev los pab peb
Los ntawm nws lub hwj huam thiab Txojlus,
Los ntawm lub koom txoos Khixatia,
Thiab ntawm qhov uas nws teb peb cov lus.
Yog tias peb nrog nraim Yehauvas,
Nws yuav pab peb ua qhov yog,
Pab peb ua neeg siab dawb siab zoo,
Txo hwjchim nrog nraim nws tas zog.
(Rho ntawm Ch.K. 5:24; 6:9; 1Vntx. 2:3, 4.)