Vajtswv Mob Siab Txog Koj
PHAU Vajlugkub yog Vajtswv Txoj Lus thiab yuav pab tau peb lub neej. Txawm phau Vajlugkub tsis yog ib phau ntawv kho mob los, yeej pab peb thev taus tej kev nyuaj siab ntxhov plawv, kev mob siab tu siab, kev mob kev nkeeg los sis kev puas siab puas ntsws uas los raug peb.
Phau Vajlugkub qhia rau peb tias Vajtswv Yehauvasa yog tus tsim peb. Ces nws to taub peb zoo heev thiab nws tos tsis taus yuav pab peb. Ob nqe Vajlugkub no hais li no txog Vajtswv Yehauvas tias:
Vajtswv Yehauvas nyob ze cov neeg uas tas kev cia siab, nws cawm cov neeg uas tsis muaj chaw vam khom.—PHAU NTAWV NKAUJ 34:18.
Kuv yog Yehauvas, nej tus Vajtswv; kuv yeej tuav rawv nej sab tes xis, thiab kuv hais rau nej hais tias, “Tsis txhob ntshai kuv yuav pab nej!”—YAXAYAS 41:13.
Yehauvas yuav pab peb nyiaj taus peb tej kev nyuaj siab. Thaum koj nyeem phau ntawv no mus ntxiv, koj yuav pom tias nws yeej mob siab txog koj.
a Vajtswv lub npe hu ua Yehauvas.—Khiav Dim 3:14 cov lus hauv qab taw qhia hauv phau Txoj Moo Zoo Uas Yog Vajtswv Txojlus Phau Txhais Tshiab xyoo 2000 hais tias, “[Tus Tswv] lub npe ua lus Henplais hu ua Yaves (lossis Yehauvas).”