Sivarai Iharuana

3 Ierusalema dekenai, Solomona ese Moraia Ororona+ ai Iehova ena ruma ia haginia matamaia.+ Unuseniai Iehova be Solomona ena tamana Davida dekenai ia hedinarai,+ unai be Davida ese ia hegaegaelaia gabuna, Iebusu tauna Oronana ena witi moia gabuna unai.+ 2 Ia ese hua iharuana ena dina iharuana ai dubu ia haginia matamaia, unai be ena lohia lagani namba 4 ai. 3 Bona Solomona ese Dirava momokanina ena ruma ena badina ia haginia, ena lata be 60 kiubit bona ena lababa be 20 kiubit,+ guna idia karaia mesament hegeregerena.* 4 Dubu helaga ena vaira kahana ena vareai gabuna ena lababa be 20 kiubit, unai be dubu helaga ena lababa hegeregerena, bona ena lata be 20 kiubit,* bona dubu ena lalona be golo amo idia koua.+ 5 Ia ese dubu helaga ena daiutu badana* be iunipa audia amo ia karaia, unai murinai golo namo hereana amo ia koudia,+ bona pama au laulaudia+ bona seini herahera gaudia amo ia hahairaia.+ 6 Ma danu, dubu helaga ena kahana idauidau be dava bada nadi namo hereadia amo ia koua.+ Bona ia gaukaralaia golo+ be Paravaimi amo ia abia. 7 Dubu helaga ena floa amo ia daekau lao guhi, haba ibounai, bona ena iduara iboudiai be golo amo ia koua.+ Bona haba dekenai kerubi edia laulau ia karaia.+

8 Bena ia ese Helaga Herea gabuna ia karaia,+ ena lata be 20 kiubit, dubu ena lababa hegeregerena, ia be 20 kiubit. Ia ese golo namo hereana ena metau 600 talent* amo ia koua.+ 9 Ikoko totona idia gaukaralaia golo ena metau be 50 sikel.* Bona ataiai idia noho daiutu be golo amo ia koua.

10 Bena ia ese Helaga Herea gabuna lalonai kerubi rua ia koroa, bona golo amo ia koudia.+ 11 Kerubi rua edia apena ena lata+ be 20 kiubit. Kerubi ginigunana ena apena ta ena lata be 5 kiubit bona dubu ena haba dekenai ia kamokau, bona ena apena ma ta ena lata be 5 kiubit bona kerubi iharuana ena apena dekenai ia kamokau. 12 Bona kerubi iharuana ena apena ena lata be 5 kiubit bona dubu ena haba ma ta ia dogoatao, bona ena apena ma ta ena lata be 5 kiubit bona kerubi ginigunana ena apena ia dogoatao. 13 Inai kerubi rua edia apena idia kehoa ena lata be 20 kiubit. Bona idia gini maoromaoro, bona Helaga gabuna idia vaira henia.

14 Danu ia ese keten+ be wulu varo bulu, wulu pepol, kotini varo kakakaka, bona dabua namo hereana amo ia karaia, bona unai keten latanai kerubi edia laulau ia turia.+

15 Bena dubu helaga ena vaira kahanai du rua ia karaia,+ edia lata be 35 kiubit, bona unai du ta ta edia kwarana gaudia be 5 kiubit.+ 16 Bona seini be ageva bamodia ia karaia bona du edia ataiai ia atodia, bona pomogranet* 100 ia karaia bona seini edia latanai ia atodia. 17 Ia ese dubu helaga ena vaira kahanai du ia haginidia, ta be idiba* kahanai bona ta be lauri* kahanai. Idiba kahanai ia noho du ena ladana ia hatoa Iakini* bona lauri kahanai ia noho du ena ladana ia hatoa Boasi.*