SALAMO
BUKA GINIGUNANA
(Salamo 1-41)
1 Inai bamona ia karaia tauna be ia moale, ia be kara dika taudia edia sisiba ia badinaia lasi
Bona kara dika taudia edia dala dekenai ia gini lasi+
Bona kara namo taudia idia kirikirilaia taudia ida ia helai hebou lasi.+
2 To ia be Iehova ena taravatu dekenai ia moale,+
Bona dina bona hanuaboi ai Dirava ena taravatu be gado maragi ai ia duahia.*+
3 Ia be sinavai badinai idia hadoa au bamona,
Unai au be ena nega ai huahua ia havaraia,
Bona ena raurau idia kakoro lasi.
Bona unai tauna be ia karaia gaudia ibounai lalonai do ia kwalimu.+
4 To kara dika taudia be unai bamona lasi.
Idia be lai ese ia odaia lao witi ena momoru bamona.
5 Unai dainai kara dika taudia be kota negana ai do idia gini noho lasi,+
Bona kara dika taudia be kara maoromaoro taudia edia hebou lalonai do idia gini noho lasi.+
6 Badina Iehova be kara maoromaoro tauna ese ia karaia gaudia ia diba,+
To kara dika tauna bona ia karaia gaudia be do idia boio.+
2 Dahaka dainai bese idauidau idia heiriheiri?
Bona dahaka dainai taunimanima be anina lasi gaudia idia maumauraia* noho?+
2 Tanobada ena king taudia idia gini
Bona ladana bada taudia be orea tamona bamona idia gini hebou,*+
3 Idia gwau: “Namona be ita idia kwatua seini ita hamakohidia
Bona varo ita kokidia!”
4 Guba ena terona ai ia helai Dirava be idia dekenai do ia kiri,
Iehova be idia dekenai do ia hevaseha.
5 Unai nega ai mai badu danu idia do ia hereva henia
Bona ena badu mai siahu dainai do idia gari,
7 Namona be Iehova ena taravatu lau gwauraia,
Ia be lau dekenai ia gwau: “Oi be egu natuna,+
Hari dina lau be emu tamana ai lau lao.+
8 Lau oi noia, bona lau ese bese idauidau be emu ahuna bamona do lau henia
Bona tanobada ibounai be oi do lau henia, oi biagua totona.+
10 Vadaeni, umui king taudia e, umui laloa namonamo,
Tanobada ena hahemaoro taudia e, umui hamaoromaoroa totona idia henia sisiba umui abia dae.
11 Mai gari ida Iehova umui hesiai henia,
Bona mai moale ida, ia umui matauraia.
12 Natuna umui abia dae,*+ Dirava do ia badu garina
Badina Dirava ena badu do ia vara haraga.
Dirava be edia heau mauri gabuna ai idia halaoa taudia ibounai be idia moale.
Davida be ena natuna Abesaloma amo ia heau neganai, inai ane ia abia.+
3 Iehova e, dahaka dainai egu inai taudia be momo herea?+
Dahaka dainai taunimanima momo idia ura lau idia tuari henia?+
2 Taunimanima momo be lau idia herevalaia noho, idia gwau:
3 To Iehova e, oi be egu kesi, lau oi hagegea bamona,+
4 Lau be Iehova dekenai do lau boiboi badabada,
Bona ia ese ena ororo helagana amo lau do ia haere henia.+ (Sela)
5 Do lau hekure bona mahuta,
Bona lau noga neganai, dika ta do lau davaria lasi,
Badina Iehova be lau ia naria noho.+
6 Lau tuari henia totona taunimanima 10 tausen momo be kahana idauidau amo idia mai,
To lau be idia dekenai lau gari lasi.+
7 Iehova e, oi toreisi! Egu Dirava e, lau oi hamauria!+
Badina oi ese egu inai taudia ibounai edia aukina do oi botaia,
Oi ese kara dika taudia edia isena do oi makohia.+
8 Iehova e, oi be hamauria tauna.+
Emu taunimanima dekenai hahenamo oi henia noho. (Sela)
Hereva ta miusiki gunalaia tauna totona. Miusiki gaudia idauidau mai edia varo gadaralaia. Davida ena ane.
4 Egu kara maoromaoro Diravana e, lau boiboi neganai, lau oi haere henia.+
Dika lau davaria neganai, lau totona heau mauri dalana oi karaia.
Lau oi hebogahisi henia bona egu guriguri oi kamonai.
2 Taunimanima e, egu ladana namona do umui hadikaia noho ela bona edena negai?
Anina lasi gaudia umui ura henia noho bona umui koikoi noho ela bona edena negai? (Sela)
3 Laloatao, Iehova ese ia idia badinaia taudia be dala namo hereana ai do ia kara henia.
Iehova dekenai lau boiboi neganai, do ia kamonai.
4 Umui badu neganai, umui kara dika lasi.+
Emui bedi ai umui hekure neganai, emui lalona ai umui hereva, bona umui regerege lasi. (Sela)
5 Kara maoromaoro ai boubou gaudia umui henia,
Bona Iehova umui abidadama henia.+
6 Momo idia hereva noho, idia gwau: “Daika ese ai dekenai gau namodia do ia hahedinaraia?”
Iehova e, ai latanai emu vairana ena diari oi hahedinaraia be namo.+
7 Oi ese egu lalona be moale amo oi hahonua,
Witi momo idia gogoa bona wain matamata idia karaia taudia edia moale ia hereaia.
8 Lau be do lau hekure bona mai maino ida do lau mahuta,+
Badina Iehova e, oi sibona ese lau oi gimaia.+
Hereva ta Nehilote* miusiki gunalaia tauna totona. Davida ena ane.
5 Iehova e, lau gwauraia herevadia oi kamonai.+
Egu hisihisi oi lalopararalaia.
2 Lau be heduru totona lau taitai neganai mani oi kamonai,
Badina lau ese oi, egu King bona egu Dirava lau guriguri henia.
3 Iehova e, daba ai egu gado regena do oi kamonai.+
Daba ai lau laloa gaudia be oi dekenai do lau gwauraia+ bona mai ura ida do lau naria.
5 Hekokoroku tauna be emu vairana ai ia gini diba lasi.
Oi ese kara dika idia karaia taudia ibounai oi inai henia.+
6 Koikoi herevadia idia gwauraia taudia do oi hadikaia ore.+
7 To lau be emu ruma lalonai do lau vareai,+ badina emu lalokau* be bada.+
Bona mai hemataurai ida emu dubu helaga vairanai do lau tui diho.+
8 Iehova e, egu inai taudia dainai, emu kara maoromaoro dalana ai lau oi hakaua,
Bona lau totona emu dala ai koua gaudia oi kokia.+
9 Badina idia herevalaia gaudia be ta ese ia abidadama henia diba lasi,
Idia be koikoi gaudia sibona idia herevalaia,
Edia uduna be ia kehoa mase guri bamona,
Bona haida hanamoa koikoi dalanai edia malana idia gaukaralaia.+
10 To Dirava ese idia do ia gwauraia dika,
Edia palani dikadia dainai dika do idia davaria.+
Edia kara dika be momo dainai, idia oi hadikaia ore,
Badina idia be oi idia gwau-edeede henia.
11 To heau mauri gabuna ai oi idia halaoa taudia be do idia moale,+
Idia be nega ibounai mai moale ida do idia boiboi.
Oi ese idia do oi gimaia,
Bona oiemu ladana idia ura henia taudia be oi dainai do idia moale.
12 Iehova e, oi ese kara maoromaoro tauna do oi hanamoa,
Bona oi ese idia do oi lalonamo henia. Idia do oi gimaia, kesi badana ta bamona.+
Hereva ta miusiki gunalaia tauna totona. Seminiti* ena tiuni ai miusiki gaudia idauidau mai edia varo gadaralaia. Davida ena ane.
6 Iehova e, oi badu neganai, lau oi sisiba henia lasi,
Bona oi badu dikadika neganai, egu kara oi hamaoromaoroa lasi.+
2 Iehova e, lau oi hebogahisi henia, badina lau manoka noho.
Iehova e, lau dekenai goada oi henia,+ badina egu turia idia hisihisi noho.
3 Oibe, lau be lau laloa momo,+
Bona Iehova e, oi lau nanadaia, egu hisihisi be edena negai do ia ore?+
6 Lau lalohisihisi noho dainai lau manoka vadaeni,+
Hanuaboi ibounai lalonai lau taitai dainai, egu bedi be mata ranu amo ia paripari,
Bona lau taitai dainai egu helai gauna ia paripari momokani.+
7 Lau davaria metau gaudia idauidau dainai lau lalometau bada,+
Lau idia hahisia taudia dainai egu matana ena goada ia ore.
8 Kara dika umui karaia taudia ibounai e, lau amo umui raka siri,
Badina Iehova ese egu taitai do ia kamonai.+
9 Iehova ena lalonamo abia totona lau noinoi neganai, do ia kamonai,+
Iehova ese egu guriguri do ia abia dae.
10 Egu inai taudia ibounai be do idia hemarai bona lalomanoka,
Idia be dika bada do idia davaria haraga.+
Beniamina tauna Kusu ena hereva dainai, Davida be Iehova dekenai lalohisihisi anena* ia abia.
7 Iehova egu Dirava e, oi be egu heau mauri gabuna.+
Lau idia dagedage henia taudia ibounai amo lau oi hamauria.+
2 Bema lasi, idia be laiona bamona lau do idia darea maragimaragi,+
Bona lau do idia abia lao, ta ese lau do ia hamauria lasi.
3 Iehova egu Dirava e, bema lau be kerere ta lau karaia,
Bema kara maorona lau karaia lasi,
4 Bema lau ia kara namo henia tauna lau kara dika henia,+
Eiava bema egu inai tauna ena gaudia lau abia kava,
5 Vadaeni egu inai tauna be egu murinai ia heau mai bona lau ia dogoatao be namo,
Bona lau be tano dekenai ia moia diho be namo
Bona egu hairai be kahu lalonai do ia boio. (Sela)
6 Iehova e, emu badu dekenai oi toreisi,
Egu inai taudia tuari henia totona oi gini,+
Oi toreisi bona lau oi durua, bona oda oi henia kota maoromaoro ia vara totona.+
7 Bese idauidau ese oi idia hagegea be namo,
Bona emu terona amo idia do oi hahemaoro henia.
8 Iehova ese taunimanima panisia herevana do ia gwauraia.+
Iehova e, egu kara maoromaoro hegeregerena
Bona egu abidadama hegeregerena lau oi hahemaoro henia.+
9 Mani kara dika taudia edia kara dikadia oi haorea.
To kara maoromaoro tauna oi durua,+
Badina oi be kara maoromaoro Diravana,+ oi ese kudouna+ bona lalona momokani ai idia noho gaudia oi tahua.*+
10 Dirava be egu kesi,+ kudou namo taudia edia Hamauria Tauna.+
11 Dirava be mai kara maoromaoro ida hahemaoro ia karaia,+
Bona Dirava be nega ibounai kara dika taudia hahemaoro henia karana ia herevalaia.
12 Bema ta ia helalo-kerehai lasi,+ Dirava be ena tuari kaia ia segea vadaeni,+
Bona ena peva be ia abia hegaegae.+
13 Ia ese mase havaraia tuari kohu ia hegaegaelaia,
Bona ena diba mai ena lahi ia hegaegaelaia.+
14 Itaia, tau ta be kara dika ia ura karaia,
Bona ia be kerere bona koikoi ia havaraia noho.+
15 Ia ese guri ta ia geia ela bona ia dobu,
To ia sibona ese ia geia guri lalonai ia moru.+
16 Ia havaraia hekwakwanai be sibona dekenai do ia giroa,+
Bona ena dagedage karadia ese ia sibona do ia hadikaia.
17 Iehova ena kota maoromaoro karana dainai ia do lau hanamoa,+
Lau ese Ataiai Momokani Diravana,+ Iehova ena ladana dekenai hanamoa anedia do lau abia.*+
Hereva ta miusiki gunalaia tauna totona; Gititi* miusiki gadaralaia. Davida ena ane.
8 Iehova emai Lohiabada e, tanobada ibounai dekenai emu ladana be namo herea momokani,
2 Oi idia dagedage henia taudia dainai,
Natu maragidia bona rata idia inua beibi+ edia uduna amo oi be goada oi abia,
Unai amo emu inai tauna bona dika davana ia henia lou tauna edia uduna oi koua.
3 Guba ai, emu imana amo oi karaia gaudia lau itaia neganai,
Hua bona hisiu danu lau itaia neganai,+
4 Taunimanima be dahaka bona oi ese ia oi laloa noho?
Bona taunimanima ena natuna be dahaka bona oi ese ia oi naria?+
5 Oi ese ia oi karaia bona aneru edia goada ese ena goada ia hereaia,
Bona ia dekenai hairai bona hemataurai oi henia.
6 Ia dekenai oi karaia gaudia oi henia ia biagua totona;+
Oi ese ena aena henunai gau ibounai oi atoa:
7 Mamoe bona boromakau oreadia ibounai,
Uda animal ibounai danu,+
8 Atai manudia bona davara ena gwarume,
Davara lalonai idia loaloa gaudia danu.
9 Iehova emai Lohiabada e, tanobada ibounai dekenai emu ladana be namo herea momokani!
Hereva ta miusiki gunalaia tauna totona; Mutalabena* miusiki gadaralaia. Davida ena ane.
א [Aleph]
9 Iehova e, mai kudouna ibounai ida lau ese oi do lau hanamoa,
Lau ese oi karaia gau namodia ibounai do lau herevalaia.+
2 Lau be oi dainai mai moale ida oi do lau hanamoa,
Ataiai Momokani Diravana e, emu ladana hanamoa totona ane do lau abia.*+
ב [Beth]
3 Emu vairana amo egu inai taudia idia heau siri neganai,+
Do idia moru bona boio ore.
4 Badina kota ai egu maoro totona oi hereva,
Emu terona ai oi helai bona mai kara maoromaoro ida oi hahemaoro.+
ג [Gimel]
5 Oi ese bese idauidau oi gwau henia+ bona kara dika taudia oi hadikaia ore,
Kara dika taudia edia ladana be do ia boio ela bona hanaihanai.
6 Oi idia inai henia taudia be dika idia davaria vadaeni,
Oi ese edia siti oi hadikadia ore vadaeni,
Bona taunimanima ese edia ladana do idia gwauraia lou lasi.+
ה [He]
7 To Iehova be ena terona ai ia helai ela bona hanaihanai,+
Ia ese ena terona ia haginia goada vadaeni, kota maoromaoro karaia totona.+
8 Ia ese mai kara maoromaoro ida tanobada taudia do ia hahemaoro henia,+
Kota ai ia ese bese idauidau totona disisen maorodia do ia karaia.+
ו [Waw]
9 Iehova be dagedage idia davaria taudia edia heau mauri gabuna,*+
Hisihisi negadia ai ia be heau mauri gabuna.+
10 Iehova e, emu ladana idia dibaia noho taudia be oi do idia abidadama henia,+
Oi idia tahua taudia be do oi rakatania lasi.+
ז [Zayin]
11 Siona ai ia noho Diravana Iehova dekenai hanamoa anedia umui abia,
Iena kara be taunimanima huanai umui herevalaia.+
12 Dirava ese hisihisi idia davaria taudia ia laloatao,+
Bona edia rara idia bubua taudia dekenai davana do ia henia.+
ח [Heth]
13 Iehova e, lau oi hebogahisi henia, bona egu inai taudia ese lau dekenai idia havaraia hisihisi oi itaia,
Oi be mase ena iduara amo lau oi hamauria Diravana,+
14 Unai amo lau ese emu kara namodia be Siona ena siti* ena geiti ai do lau herevalaia,+
Bona lau oi hamauria dainai do lau moale bada.+
ט [Teth]
15 Bese idauidau be sibodia idia geia guri ai idia moru vadaeni,
Edia aena be idia hunia reke ese ia abia vadaeni.+
16 Iehova be ia karaia hahemaoro karana amo ena kara ia hahedinaraia.+
Kara dika tauna be sibona ia karaia gaudia ese ia idia tarapua noho.+
Higaioni.* (Sela)
י [Yod]
17 Kara dika taudia be Mase Gurina* dekenai do idia lao,
Dirava idia laloaboio besedia ibounai edia dokona be mase.
18 To Dirava ese ogogami taudia do ia laloaboio lasi,+
Bona manau taudia edia helaro be do ia boio lasi.+
כ [Kaph]
19 Iehova e, mani oi toreisi! Bese idauidau oi hahemaoro henia.+
Namo lasi taunimanima idia kwalimu.
20 Iehova e, idia dekenai gari oi havaraia,+
Namona be bese idauidau idia diba idia be taunimanima sibona. (Sela)
ל [Lamed]
10 Iehova e, dahaka dainai daudau dekenai oi gini?
Dahaka dainai hisihisi negadia ai oi hunia?+
2 Kara dika tauna be mai hekokoroku ida manoka tauna ia lulua noho,+
To ia be sibona ia karaia tarapu lalonai do ia moru.+
3 Badina kara dika tauna be sibona ena ura ia hagugurua dainai ia heagi+
Bona mataganigani tauna ia hanamoa;*
נ [Nun]
Ia be Iehova ia matauraia lasi.
4 Kara dika tauna be ia hekokoroku dainai, Dirava ia tahua lasi,
Bona ia be inai bamona ia laloa: “Dirava be ia noho lasi.”+
5 Kara dika tauna be ia karaia gaudia dekenai ia kwalimu noho,+
To emu hahemaoro karadia be ia lalopararalaia diba lasi,+
Ia be ena inai taudia ibounai ia kirikirilaia.
6 Ia be ena lalona ai ia hereva noho: “Lau be do lau marere diba lasi,
Badina uru ta amo ela bona uru ma ta
Lau be dika do lau itaia lasi.”+
פ [Pe]
7 Iena uduna be hadikaia herevadia, koikoi bona hagaria herevadia amo ia honu,+
Iena malana ese hekwakwanai bona dika ia herevalaia.+
8 Ia be hanua idauidau kahirakahira ia hunia noho,
Bona ena hunia gabuna amo ia ese kerere lasi tauna ia hamasea.+
ע [Ayin]
Iena matana be kerere lasi tauna ia tahua noho.+
9 Ia be ena hunia gabuna ai ia naria, laiona be ena noho gabuna ai ia naria noho bamona.+
Ia naria noho manoka tauna ta ia dogoatao totona.
Ia ese ena reke ia veria neganai, kerere lasi tauna ia abia.+
10 Kerere lasi tauna be dika ia davaria bona ia hisihisi,
Idia manoka taudia be iena imana lalonai idia moru.
11 Dika tauna be ena lalona ai ia hereva noho: “Dirava be egu kara ia laloaboio.+
Ia ese ena vairana ia hunia.
Gau ta ia itaia lasi.”+
ק [Qoph]
12 Iehova e, mani oi toreisi.+ Dirava e, emu imana oi abia isi.+
Namo lasi heduru idia abia lasi taudia oi laloaboio.+
13 Dahaka dainai kara dika tauna be Dirava ia matauraia lasi?
Ia be ena lalona ai ia gwau: “Oi be lau do oi hahemaoro henia lasi.”
ר [Resh]
14 To oi be hekwakwanai bona hisihisi oi itaia noho.
Unai gaudia oi itaia noho bena kara ta oi karaia.+
Kerere lasi tauna be oi dekenai ia giroa,+
ש [Shin]
15 Kara dika tauna ena imana oi hamakohia,+
Unai amo ia karaia dika oi tahua neganai,
Gau ta do oi davaria lasi.
ת [Taw]
17 To Iehova e, oi ese manau taudia edia noinoi do oi kamonai.+
Oi ese edia lalona do oi hagoadaia+ bona idia oi kamonai henia namonamo.+
18 Oi ese tamana lasi natudia bona idia hisihisi taudia totona kota maoromaoro do oi karaia,+
Unai amo tanobada taudia ese idia do idia hagaria lou lasi.+
Hereva ta miusiki gunalaia tauna totona. Davida ena ane.
11 Iehova be egu heau mauri gabuna ai lau halaoa.+
Dahaka dainai lau dekenai umui gwau:
“Emu ororo dekenai manu bamona oi roho lao!
2 Kara dika taudia be edia peva idia hegaegaelaia dalana oi itaia,
Edia diba be peva ena varo ai idia atoa,
Dibura gabuna amo kudou maoro taudia idia pidia totona.
3 Kota maoromaoro be lasi bona taravatu idia matauraia lasi neganai,
Kara maoromaoro taudia be dahaka do idia karaia?”
4 Iehova be ena dubu helaga lalonai ia noho.+
Iehova ena terona be guba ai.+
Iena matana amo tanobada taudia ia itaia noho.+
5 Iehova be kara maoromaoro taudia bona kara dika taudia ia itaia namonamo,+
Ia ese dagedage karadia ia ura henia tauna ia badu henia.+
6 Kara dika taudia totona tarapu do ia atoa,
Lahi bona salipa+ bona lai badana be edia latanai do ia diho.
Hereva ta miusiki gunalaia tauna totona, Seminiti* ena tiuni ai. Davida ena ane.
12 Iehova e, lau oi hamauria, badina Dirava badinaia tauna ta ia noho lasi,
Taunimanima huanai abidadama tauna ta ia noho lasi.
2 Taunimanima be ta ta dekenai koikoi herevadia idia gwauraia noho,
Edia uduna amo ta idia hanamoa koikoi bona ta ta idia koia noho.+
3 Iehova ese haida hanamoa koikoi taudia edia uduna do ia koua,
Bona sibona ena ladana ia abia isi tauna ena uduna do ia koua danu,+
4 Haida idia gwau: “Iseda uduna ena hereva amo do ita kwalimu.
Ita ura herevalaia gaudia be ita gwauraia sibona,
Tau ta ese ita do ia biagua lasi.”+
5 Iehova ia gwau: “Haida ese idia hahisia taudia
Bona idia taitai noho ogogami taudia dainai,+
Lau ese kara ta do lau karaia.
Lau ese ogogami taudia be dagedage taudia amo do lau hamauria.”
6 Iehova ena hereva be goeva momokani,+
Iena hereva be siliva bamona, lahi ia araia noho gabuna* lalonai nega 7 idia hagoevaia siliva unai.
7 Iehova e, oi ese idia do oi gimaia,+
Oi ese inai uru taudia amo idia ta ta do oi gimaia ela bona hanaihanai.
8 Taunimanima be koikoi bona kara dika idia abia dae dainai,
Kara dika taudia be idia loaloa noho.+
Hereva ta miusiki gunalaia tauna totona. Davida ena ane.
13 Iehova e, lau do oi laloaboio ela bona edena negai? Ela bona hanaihanai, a?
Emu vairana be lau amo do oi hunia ela bona edena negai?+
2 Do lau lalohekwarahi noho,
Dina ta ta ai egu kudouna ai lau taitai noho ela bona edena negai?
Egu inai tauna be do ia kwalimu noho ela bona edena negai?+
3 Iehova egu Dirava e, lau oi laloa bona lau oi haere henia.
Lau dekenai goada oi henia lou, unai amo do lau mase lasi,
4 Vadaeni egu inai tauna be lau dekenai do ia gwau lasi: “Lau ese ia lau halusia vadaeni!”
Namo lasi lau ia inai henia tauna be lau moru dainai do ia moale.+
5 To lau be emu lalokau* karana dekenai lau abidadama,+
Lau oi hamauria dainai egu kudouna ai lau moale bada.+
6 Lau be Iehova dekenai ane do lau abia, badina ia ese lau ia hanamoa bada.+
Hereva ta miusiki gunalaia tauna totona. Davida ena ane.
14 Kavakava tauna be ena lalona ai ia gwau:
“Iehova be ia noho lasi.”+
Kavakava taudia edia kara be gageva, bona kara dika rohoroho idia karaia,
Idia ta be kara namo ia karaia lasi.+
2 To Iehova be guba amo taunimanima ia itaia noho,
Ia ura diba bema idia ta be mai ena laloparara, eiava bema idia ta be Iehova ena heduru ia tahua noho.+
3 Idia ibounai be kara namodia idia rakatania vadaeni,+
Idia ibounai be kara gageva taudia.
Idia ta be kara namo ia karaia lasi,
Lasi bona lasi momokani.
4 Inai kerere karaia taudia idia laloparara lasi, ani?
Idia ese Dirava ena taunimanima idia haorea noho, paraoa idia ania ore bamona.
Idia be Iehova ena ladana dekenai idia boiboi lasi.
5 To idia be do idia gari bada,+
Badina Iehova be kara maoromaoro taudia ida ia noho.
6 Umui kerere karaia taudia be ladana maragi tauna ena palani umui hadikaia toho,
To Iehova be iena heau mauri gabuna.+
7 Israela hamauria dalana be Siona amo do ia mai be namo!+
Iehova ese ena taunimanima, idia abia lao taudia ia haboua lou neganai,
Iakobo ia moale be namo, Israela ia moale bada be namo.
Davida ena ane.
15 Iehova e, daika be emu palai ruma lalonai do ia noho?*
Daika be emu ororo helagana ai do ia noho?+
2 Ia be hanaihanai Dirava ia badinaia,+
Ia be kara maorona ia karaia noho+
Bona ena kudouna amo hereva momokani ia gwauraia.+
3 Ia ese ena hereva amo ma haida edia ladana ia hadikaia lasi,+
Ia ese ena dekena tauna dekenai kara dikana ta ia karaia lasi,+
4 Ia ese hemarai karadia idia karaia taudia ia dadaraia,+
To Iehova idia gari henia taudia ia matauraia.
Ia karaia gwauhamata ia badinaia, ena be hagugurua totona be ia auka.+
5 Ia ese ena moni ia henitorehai lasi atoa kau davana abia totona,+
Bona kerere lasi tauna hadikaia totona idia henia moni ia abia dae lasi.+
Inai bamona ia karaia tauna be gau ta ese ia hamarerea diba lasi.+
Davida ena mikitama.*
16 Dirava e, mani lau oi gimaia, badina oi be egu heau mauri gabuna.+
2 Lau be Iehova dekenai lau gwau: “Oi be Iehova, egu gau namodia ibounai ena badina.
3 Bona tanobada ai idia noho helaga taudia,
Hairai bada taudia unai, dainai lau moale bada.”+
4 Dirava ma haida idia hesiai henia taudia be hisihisi momo idia davaria.+
Lau ese edia rara be boubou gauna bamona do lau bubua lasi,
Eiava egu udu bibina amo edia ladana* do lau gwauraia lasi.+
6 Oi ese lau totona oi makaia gabudia be gabu namodia.
Oibe, lau be egu ahuna dainai lau moale.+
7 Lau ese Iehova, lau ia sisiba henia tauna, do lau hanamoa.+
Hanuaboi ai, egu lalona momokani ai lau laloa gaudia* ese lau ia hamaoromaoroa.+
8 Lau ese nega ibounai Iehova lau laloa noho.+
Ia be egu imana idibana kahanai dainai, ta ese lau do ia hagaria diba lasi.+
9 Bena egu kudouna ia moale, egu lalona ibounai ia moale bada.
Bona lau noho namonamo.
10 Badina oi ese Mase Gurina* lalonai lau do oi rakatania lasi.+
Oi ia abidadama henia tauna be do oi rakatania lasi guri ia itaia totona.*+
11 Oi ese mauri ena dala be lau dekenai oi hadibaia vadaeni.+
Lau oi lalonamo henia neganai, egu moale ia bada herea.+
Emu imana idibana ai hanaihanai moale ia noho.
Davida ena guriguri.
17 Iehova e, kota maoromaoro totona egu noinoi mani oi kamonai,
Heduru totona lau taitai, mani oi kamonai namonamo,
Mai momokani ida lau gwauraia guriguri oi kamonai.+
2 Lau totona disisen maorona oi karaia be namo,+
Oi ese ia maoro gauna oi itaia be namo.
3 Oi ese egu kudouna oi sekea, hanuaboi ai oi ese lau oi tahua namonamo,+
Bona oi ese egu kudouna oi hagoevaia,+
Do oi davaria lau ese palani dikana ta lau karaia lasi,
Bona egu hereva dalana amo lau kerere lasi.
4 Ena be taunimanima be gau idauidau idia karaia,
To emu uduna ena hereva hegeregerena, lau ese henaohenao taudia edia dala lau dadaraia.+
5 Lau oi durua emu dala dekenai lau raka totona,
Unai amo egu aena do ia dedi lasi.+
6 Dirava e, lau be oi dekenai lau boiboi, badina oi ese lau do oi haere henia.+
Emu taiana amo lau oi kamonai henia.* Lau gwauraia herevadia oi kamonai.+
7 Hamauria Tauna e, emu lalokau* be dala namo hereana ai oi hahedinaraia,+
Emu imana idibana ai heau mauri gabuna idia tahua taudia oi hamauria,
Oi idia gwau-edeede henia taudia amo idia oi hamauria.
9 Lau idia hahisia taudia amo lau oi gimaia,
Lau idia inai henia taudia be lau idia hagegea noho, idia amo lau oi gimaia.+
10 Idia be gau ta idia laloa lasi,
Edia uduna amo hekokoroku herevadia idia gwauraia.
12 Idia ura ai idia hadikaia, laiona be ia ura dikadika ena vamu ia darea maragimaragi bamona,
Bona laiona natuna bamona, hunia gabudia ai idia naria noho.
13 Iehova e, idia tuari henia totona oi toreisi+ bona idia oi hamorua,
Emu tuari kaia oi gaukaralaia kara dika taudia amo lau oi hamauria totona.
14 Iehova e, emu imana amo lau oi hamauria,
Inai tanobada taudia, hari ena mauri sibona idia laloa taudia amo lau oi hamauria,+
Idia be oi henia gau namodia amo idia bogakunu+
Bona edia natudia momo dekenai edia ahuna idia henia.
15 To kara maoromaoro lau karaia dainai, oi ese lau oi lalonamo henia,
Lau noga neganai, emu hairai lau itaia bona lau moale.+
Hereva ta miusiki gunalaia tauna totona. Iehova ena hesiai tauna Davida ena ane. Ia be ena inai taudia ibounai edia imana amo bona Saulo ena imana amo Iehova ese ia hamauria negana ai, inai ane hereva be Iehova dekenai ia gwauraia. Ia gwau:+
18 Iehova e, oi be egu goada, lau ese oi lau lalokau henia noho.+
2 Iehova be egu nadi badana bona egu magu aukana, bona lau ia hamauria Diravana.+
Lauegu Dirava be lauegu nadi badana,+ ia be egu heau mauri gabuna,
Ia be egu kesi bona lau ia hamauria doana,* bona egu heau mauri gabuna goadana.*+
3 Iehova, hanamoa ia abia be maoro Diravana, lau boiboi henia,
Bona egu inai taudia amo lau ia hamauria.+
6 Egu lalometau lalonai Iehova dekenai lau boiboi,
Egu Dirava dekenai heduru totona lau boiboi noho.
Iena dubu helaga amo egu gadona ia kamonai,+
Bona ia dekenai heduru totona lau taitai neganai, ia kamonai.+
7 Bena tanobada be ia marere badabada matamaia.+
Ororo ena badina idia mareremarere
Bona Dirava ia badu dainai idia marere lao mai.+
8 Kwalahu be ena udu baubau amo ia daekau,
Bona lahi be ena uduna amo ia raka-lasi bona gau ibounai ia araia ore,+
Idia hururu lahi gida be ia amo idia mai.
9 Ia be guba amo ia diho neganai, guba be ia diho bamona,+
Bona ori koremadia be ena aena henunai idia noho.+
11 Bena ia ese dibura amo sibona ia koua,+
Dibura be palai bamona Dirava ia koua hagegea,
Dibura lalonai ranu koremadia bona ori badadia idia noho.+
12 Dirava ena vaira kahanai ia hedinarai diari amo
Aisi nadi bona lahi gida mai siahuna idia mai, ori lalona amo idia diho mai.
13 Bena Iehova ia hereva, guba boiboi ia vara,+
Ataiai Momokani Diravana ena gadona idia kamonai,+
Aisi nadi bona lahi gida idia hedinarai danu.
14 Ia ese ena diba ia pidia lao noho bona ena inai taudia be gabu idauidau dekenai idia heau lao.+
Bona kevaru ia siaia bona idia dekenai daradara ia havaraia.+
15 Sinavai henunai ia noho tano be ia hedinarai,+
Iehova e, emu hereva goadana dainai tanobada ena badina idia hedinarai,
Oibe, emu udu baubau amo ia raka-lasi laga ese tanobada ena badina ia hahedinaraia.+
16 Ia be ataiai amo ena imana ia atoa diho,
Bona lau ia dogoatao bona ranu ena dobu gabudia amo ia veria daekau.+
17 Ia ese egu inai tauna goadana amo lau ia hamauria,+
Lau idia inai henia taudia edia goada ese egu goada ia hereaia, to ia ese idia amo lau ia hamauria.+
18 Dika lau davaria dinana ai, idia be lau idia tuari henia,+
To Iehova ese lau ia durua.
19 Ia ese gabu namona dekenai lau ia hakaua lao.
Ia ese lau ia hamauria badina lau dekenai ia moale.+
20 Iehova ese egu kara maoromaoro hegeregerena, lau dekenai ahuna ia henia.+
Ia ese lau dekenai davana namona ia henia, badina lau be kerere lasi.*+
21 Badina lau ese Iehova ena dala lau badinaia noho,
Bona Dirava rakatania karana be kara dikana dainai, lau be Dirava lau rakatania lasi.
22 Iena hahemaoro karadia ibounai be lau vairanai idia noho,
Lau be iena taravatu amo do lau raka siri lasi.
24 Egu kara maoromaoro hegeregerena, namona be Iehova ese lau dekenai ahuna ia henia,+
Bona iena vairanai lau kerere lasi, unai hegeregerena ahuna ia henia.+
25 Oi idia badinaia taudia be oi rakatania lasi.+
Oi ese kerere lasi tauna be mai maoromaoro ida oi kara henia.+
26 Oi ese ia goeva noho tauna do oi hanamoa,+
To kara gageva tauna be ena kara hegeregerena davana do oi henia.+
28 Badina Iehova e, oi ese egu lamepa oi hadiaria,
Egu Dirava ese lau ia hagegea dibura ia hadiaria.+
29 Emu heduru amo dadidadi taudia lau tuari henia diba,+
Bona Dirava ena siahu amo magu ta lau roho hanaia diba.+
30 Dirava momokanina ena dala be goevadae.+
Iehova ena hereva be goeva momokani.+
Ia be ia amo heduru idia tahua taudia ibounai edia kesi.+
31 Dirava ma ta ia noho lasi, Iehova sibona, ani?+
Bona iseda Dirava sibona be iseda nadi badana, ani?+
33 Ia ese egu aena be dia edia aena hegeregerena ai ia halaoa.
34 Ia ese tuari totona egu imana ia treinia,
Egu imana amo kopa peva lau veria diba.
35 Oi ese lau dekenai kesi oi henia, lau oi hamauria totona,+
Emu imana idibana amo lau oi durua,
Bona emu manau karana dainai ladana bada lau abia.+
36 Oi ese egu aena atoa gabudia edia dala oi habadaia,
Unai amo egu aena do idia dedi lasi.+
37 Lau ese egu inai taudia do lau lulua lao bona hadikaia ore,
Do lau giroa lou lasi ela bona idia ibounai lau haorea.
38 Lau ese idia do lau moia diho, unai amo do idia toreisi lasi,+
Idia be egu aena henunai do idia moru.
39 Oi ese lau dekenai goada do oi henia lau tuari totona,
Oi dainai egu inai taudia be lau vairanai do idia moru.+
40 Oi dainai egu inai taudia be lau amo do idia heau siri,
Bona lau idia inai henia taudia be do lau hadikaia ore.+
41 Idia be heduru totona do idia boiboi, to ta ia noho lasi idia ia hamauria totona,
Iehova dekenai idia boiboi danu, to idia ia haere henia lasi.
42 Lau ese idia do lau moia patapata ela bona lai ese ia negea lao kahu bamona ai do idia lao,
Bona lau ese idia do lau negea lao, dala ai ia noho kopukopu bamona.
43 Taunimanima edia maumau karana amo lau do oi hamauria.+
Oi ese lau do oi abia hidi, bese momo edia gunalaia tauna ai lau lao totona.+
Lau diba lasi taudia ese lau do idia hesiai henia.+
44 Sivarai ta dainai idia ese lau do idia kamonai henia,
Idau tano taudia be mai gari ida lau dekenai do idia mai.+
45 Idau tano taudia edia lalona do ia manoka,
Idia be edia magu aukadia amo mai heudeheude ida do idia mai.
47 Dirava momokanina ese lau dekenai dika idia karaia taudia edia davana ia henia,+
Ia ese taunimanima be egu siahu henunai ia atoa.
48 Ia ese lau idia dagedage henia inai taudia amo lau ia hamauria.
Lau idia tuari henia taudia ataiai lau oi abia isi,+
Oi ese dagedage tauna amo lau oi hamauria.
49 Unai dainai Iehova e, bese momo edia huanai oi do lau hanamoa,+
50 Ia ese kara badadia ia karaia dainai, ena king ia kwalimu noho,+
Ia ese ena horoa tauna dekenai lalokau* ia hahedinaraia,+
Oibe, Davida bona ena bese dekenai lalokau do ia hahedinaraia ela bona hanaihanai.+
Hereva ta miusiki gunalaia tauna totona. Davida ena ane.
19 Guba gaudia ese Dirava ena hairai idia gwauraia noho.+
Iena imana amo ia karaia gaudia be guba ese ia gwauraia hedinarai.+
2 Dina ta ta ai idia hereva noho, ia aru haraga ranu bamona,
Bona hanuaboi ta ta ai aonega idia hahedinaraia noho.
3 Idia be gau ta idia gwauraia lasi,
Bona edia gado regena ita kamonai lasi.
4 To edia gado regena be tanobada ibounai dekenai ia lao,
Bona edia hereva be tanobada ena dokona momokani dekenai ia lao.+
Dirava ese guba ai dina totona palai ruma ta ia haginia vadaeni,
5 Daba ai dina ia hedinarai, headava matamata tauna be ena ruma amo ia raka-lasi bamona,
Dina be ena dala ia badinaia noho, goada tauna be ena dala ai ia heau noho bamona.
6 Dina be guba ena kahana ta amo ia daekau,
Bona guba ena kahana ma ta ai ia diho,+
Bona gau ta be iena siahu amo ia hunia diba lasi.
7 Iehova ena taravatu be goevadae,+ ta dekenai goada ia henia lou.+
Iehova ena hadibaia herevadia be momokani,+ diba bada lasi tauna dekenai aonega ia henia.+
8 Iehova ena hakaua herevadia be maoromaoro, ta ena kudouna ia hamoalea,+
Iehova ena oda herevadia be goeva, ta ena matana ia hadiaria.+
9 Iehova gari henia karana+ be helaga, nega hanaihanai do ia noho.
Iehova ena hahemaoro karadia be momokani, idia ibounai be maoromaoro.+
10 Unai gaudia edia namo ese golo ena namo ia hereaia,
Oibe, golo goevana ia hereaia,+
Bona edia mamina be namo herea, hani namo hereana ia hereaia.+
11 Dirava e, emu hesiai tauna dekenai emu taravatu oi hadibaia, dala kererena ia dadaraia totona,+
Bona ia badinaia neganai, ahuna namona ia abia.+
12 Daika ese sibona ena kara kereredia ia lalopararalaia diba?+
Lau diba lasi dainai lau karaia kereredia mani oi gwauatao.
13 Bona gwau-edeede karadia amo lau, emu hesiai tauna, oi hakaua siri,+
Namo lasi unai kara ese lau ia biagua.+
Vadaeni lau be do lau kerere lasi,+
Bona kara dika badadia do lau karaia lasi.
14 Iehova, egu Nadi Badana+ bona egu Hoia Lou Tauna+ e,
Mani egu uduna herevadia bona egu kudouna ai lau laloa dobu gaudia dekenai oi moale be namo.+
Hereva ta miusiki gunalaia tauna totona. Davida ena ane.
20 Hisihisi negadia ai Iehova ese oi ia haere henia.
Iakobo ena Dirava ena ladana dekenai oi boiboi neganai, oi do ia gimaia.+
3 Oi henia harihari gaudia ibounai ia laloatao be namo,
Oi henia gabua boubou be mai lalonamo ida ia abia dae. (Sela)
4 Ia ese emu kudouna ena ura gaudia be oi dekenai do ia henia+
Bona emu palani* ibounai ia hagugurua be namo.
5 Oiemu hahemauri karadia dainai mai moale bada ida do ai boiboi,+
Emai Dirava ena ladana do ai hanamoa.+
Iehova ese emu noinoi gaudia ibounai ia hagugurua be namo.
6 Hari lau diba Iehova be ena horoa tauna ia hamauria.+
Ia ese guba ena helaga gabuna amo ia haere henia,
Iena imana idibana amo ia hamauria.+
7 Haida be kariota dekenai idia abidadama bona haida be hosi dekenai idia abidadama,+
To ita be iseda Dirava Iehova ena ladana dekenai do ita boiboi.+
8 Idia be idia moru vadaeni,
To ita be ita toreisi bona ita gini lou vadaeni.+
Hereva ta miusiki gunalaia tauna totona. Davida ena ane.
2 Oi ese iena kudouna ena ura gaudia oi henia,+
Bona ia noia gaudia oi henia vadaeni. (Sela)
3 Badina ia dekenai hahenamo momo oi henia,
Bona golo goevana amo idia karaia korona be iena kwarana ai oi atoa.+
4 Ia be oi dekenai mauri ia noia, bona ia dekenai mauri oi henia,+
Unai be mauri daudauna, ela bona hanaihanai gauna.
5 Emu hahemauri karadia dainai, ia be hairai bada ia abia.+
Hemataurai bona siahu bada be ia dekenai oi henia.
7 Badina king be Iehova ia abidadama henia,+
Ataiai Momokani Diravana ena lalokau* dainai, ia be do ia marere lasi.+
8 Emu imana ese emu inai taudia ibounai do ia dogoatao,
Bona emu imana idibana ese oi idia inai henia taudia do ia dogoatao.
9 Emu nega korikori ai idia do oi hadikaia ore, lahi badana dekenai idia oi negea vareai bamona.
Iehova ia badu dainai idia do ia hadikaia ore bona lahi ese do ia araia.+
10 Oi ese edia bese taudia be tanobada amo do oi hadikaia ore,
Bona edia natudia danu do oi hadikaia ore.
12 Oi ese emu peva amo idia do oi poinia dainai,
Idia be do idia heau boio.+
13 Iehova e, oi toreisi, bona emu goada oi hahedinaraia.
Ai be emu goada dainai hanamoa anedia do ai abia.*
Hereva ta miusiki gunalaia tauna totona. “Daba Diari Ena Dia Hahine”* ena tiuni hegeregerena. Davida ena ane.
22 Egu Dirava e, egu Dirava e, dahaka dainai lau oi rakatania?+
Dahaka dainai lau hamauria totona oi mai lasi?
Dahaka dainai egu hisihisi dainai lau taitai neganai, oi kamonai lasi?+
2 Egu Dirava e, dina bona hanuaboi ai oi dekenai lau boiboi,
To lau oi haere henia lasi.+
3 To oi be helaga,+
Israela taudia ibounai be oi idia hanamoa.
5 Oi dekenai idia taitai, bona idia oi hamauria,
Bona oi dekenai idia abidadama dainai, idia lalohisihisi lasi.*+
6 To taunimanima ese lau idia kirikirilaia bona lau idia ura henia lasi,+
Toana be lau be biluga ta, to taunimanima lasi.
7 Lau idia itaia noho taudia ibounai be lau idia hevasehalaia,+
Idia be lau idia kirikirilaia noho bona edia kwarana idia hamarerea, idia gwau:+
8 “Ia be Iehova dekenai ia tabekau. Ia ese ia hamauria be namo!
Dirava ese ia hamauria be namo, badina ia lalokau henia bada!”+
9 Oi ese lau be egu sinana ena bogana amo oi abia mai,+
Bona egu sinana ena imana ai lau noho neganai, oi ese lau oi naria.
10 Lau vara negana amo, oi ese lau oi naria.
Egu sinana ena bogana dekenai lau noho neganai, oi be lauegu Dirava.
12 Egu inai taudia momo be lau tuari henia totona lau idia hagegea,
Idia be Basana tano ai idia noho boromakau goadadia bamona.+
13 Idia ese edia uduna idia kehoa badabada, lau idia hadikaia totona,+
Ia boiboi badabada laiona be ia ania vamu ia darea maragimaragi bamona.+
14 Egu goada ia ore, ranu idia bubua ore bamona,
Egu turia ibounai idia dika.
Egu kudouna be girisi* bamona ai ia lao,+
Egu lalona dekenai ia veve ore.+
15 Egu goada be ia ore, raro amo idia karaia uro bamona,+
Egu malana be egu uduna ataiai ia kamokau,+
Oi ese guri dekenai lau oi hakaua mai, lau mase totona.+
16 Badina kara dika taudia momo be sisia bamona lau idia hagegea noho,+
Idia be lau kahirakahira idia mai noho,+
Bona laiona ta bamona, egu imana bona aena idia koria.+
17 Egu turia ibounai idia hedinarai.+
Taunimanima be lau idia raraia noho.
20 Tuari kaia amo lau oi hamauria,
Bona sisia dikadia amo lau oi hamauria.+
21 Laiona edia uduna amo bona dagedage boromakau edia doana amo lau oi hamauria,+
Lau oi haere henia bona lau oi hamauria.
22 Lau ese emu ladana be egu tadikakadia dekenai do lau harorolaia,+
Bona hebou taudia huanai oi do lau hanamoa.+
23 Iehova gari henia taudia e, ia umui hanamoa!
Iakobo ena bese taudia e, ia dekenai hairai umui henia!+
Israela besena e, Dirava dekenai hemataurai umui hahedinaraia.
24 Badina ia ese hisihisi ia davaria tauna ia inai henia lasi bona ia dadaraia lasi,+
Bona ia amo ena vairana ia koua lasi.+
Ia dekenai heduru totona ia taitai neganai, ia kamonai.+
25 Lau ese hebou badadia dekenai oi do lau hanamoa,+
Bona ia idia gari henia taudia edia vairanai, egu gwauhamata do lau hamomokania.
26 Manau taudia be do idia aniani bona do idia bogakunu,+
Iehova idia tahua taudia be ia do idia hanamoa.+
Namona be mauri oi moalelaia hanaihanai.
27 Tanobada ena kahana ibounai dekenai idia noho taudia be Iehova do idia laloatao bona ia dekenai do idia giroa.
Bese idauidau edia famili ibounai be emu vairanai do idia tui diho.+
28 Badina king siahuna be Iehova ena,+
Ia ese bese idauidau ia lohiaia.
29 Tanobada ena taga bada taudia be do idia aniani bona igo diho,
Kahu dekenai idia diho lao taudia be ia vairanai do idia tui diho,
Idia ta be sibona do ia hamauria diba lasi.
30 Edia bese taudia be Iehova do idia hesiai henia,
Bona gabeai do idia mai uru taudia dekenai iena sivarai do idia gwauraia.
31 Idia be do idia mai bona iena kara maoromaoro do idia herevalaia.
Gabeai idia vara taudia dekenai ia karaia gaudia do idia herevalaia.
Davida ena ane.
2 Rei gabuna namona dekenai lau ia hakaua lao, lau laga-ani totona.
Laga-ani gabu namodia mai edia ranu dekenai lau ia hakaua lao.+
4 Ena be dibura momokani gabuna ai lau raka,+
To lau be dika gauna ta dekenai lau gari lasi,+
Badina oi be lau ida oi noho.+
Emu au bona itotohi ese lau dekenai goada ia henia.
5 Lau idia inai henia taudia vairanai lau totona teibolo ai aniani oi hegaegaelaia.+
Dehoro amo egu kwarana oi dahua neganai, egu hemami ia namo.+
Oi ese egu kapusi oi hahonua.+
6 Momokani egu mauri lalonai emu kara namo bona lalokau* be lau dekenai do oi hahedinaraia,+
Bona egu mauri dinadia ibounai lalonai lau be Iehova ena ruma ai do lau noho.+
Davida ena ane.
24 Tanobada bona ia lalonai idia noho gaudia ibounai be Iehova ena,+
Tano namona bona idia noholaia taudia ibounai danu.
2 Badina ia ese davara latanai tanobada ia haginia+
Bona sinavai gabudia ai tanobada ia haginia goada.
3 Daika be Iehova ena ororo dekenai do ia daekau lao?+
Bona daika be iena helaga gabuna dekenai do ia gini?
4 Kerere lasi tauna bona ena kudouna ia goeva tauna,+
Ia be egu ladana ai gwauhamata koikoi ta ia karaia lasi,
Eiava koikoi dalana ai gwauhamata ta ia abia dae lasi.+
5 Ia be Iehova amo hahenamo momo do ia abia+
Bona ena hahemauri Diravana ese ia do ia gwauraia kara maoromaoro tauna.+
6 Inai be ia idia tahua taudia edia uru taudia,
Iakobo ena Dirava e, idia be emu lalonamo idia tahua. (Sela)
7 Geiti e, umui gini maoromaoro.+
Idaunegai iduara e, umui kehoa,
Unai amo King mai ena hairai ia vareai diba!+
8 Unai King mai ena hairai be daika?
Ia be Iehova, siahu bada bona goada bada Diravana,+
Ia be Iehova, tuari ai ia kwalimu noho Diravana.+
9 Geiti e, umui gini maoromaoro.+
Idaunegai iduara e, umui kehoa,
Unai amo King mai ena hairai ia vareai diba!
10 Unai King mai ena hairai be daika?
Tuari oreadia edia Iehova,* ia be King mai ena hairai bada.+ (Sela)
Davida ena ane.
א [Aleph]
25 Iehova e, lau be oi lau guriguri henia.
ב [Beth]
2 Egu Dirava e, lau be oi lau abidadama henia,+
Namo lasi lau dekenai hemarai oi havaraia.+
Namo lasi egu hisihisi dainai egu inai taudia ese lau idia kirikirilaia.+
ג [Gimel]
3 Oi dekenai idia tabekau taudia be hemarai do idia abia lasi,+
To koikoi taudia be hemarai do idia abia.+
ד [Daleth]
ה [He]
5 Emu dala maorona ai lau oi hakaua bona lau oi hadibaia,+
Badina oi be egu hahemauri Diravana.
ו [Waw]
Nega ibounai lau be oi dekenai lau naria noho.
ז [Zayin]
6 Iehova e, oi hahedinaraia hebogahisi bona lalokau* oi laloatao,+
Unai be hanaihanai oi hahedinaraia karadia.+
ח [Heth]
7 Namo lasi egu matamata negana ai lau karaia kara dikadia bona kerere oi laloatao.
Iehova e, emu lalokau* bona kara namodia dainai,+
Lau oi laloatao.+
ט [Teth]
8 Iehova be kara namo bona kara maoromaoro Diravana.+
Unai dainai ia ese kara dika taudia dekenai mauri dala maorona ia hadibaia.+
י [Yod]
9 Ia ese manau taudia be kara maoromaoro dalana ai do ia hakaua,+
Bona ia ese manau taudia dekenai iena dala do ia hadibaia.+
כ [Kaph]
10 Iehova be iena gwauhamata bona hakaua herevadia idia badinaia taudia totona+
Iena dala ibounai ai lalokau* bona kara momokani ia hahedinaraia.
ל [Lamed]
11 Iehova e, oiemu ladana dainai,+
Ena be egu kerere be bada, to mani oi gwauatao.
מ [Mem]
נ [Nun]
ס [Samekh]
14 Iehova idia gari henia taudia be iena turana namodia,+
Bona idia dekenai iena gwauhamata ia hahedinaraia.+
ע [Ayin]
פ [Pe]
16 Emu vairana oi giroa bona lau dekenai hebogahisi oi hahedinaraia,
Badina lau be sibona bona ta ese lau ia durua lasi.
צ [Tsade]
17 Egu kudouna ai lalometau be ia bada herea,+
Egu lalohisihisi amo lau oi ruhaia.
ר [Resh]
19 Mani oi itaia, egu inai taudia be momo herea
Bona mai dagedage ida lau idia inai henia.
ש [Shin]
20 Egu mauri oi gimaia bona lau oi hamauria.+
Oi be egu heau mauri gabuna dainai, hemarai do lau abia lasi.
ת [Taw]
21 Oi lau badinaia karana bona egu kara maoromaoro ese lau ia gimaia,+
Badina lau be oi dekenai lau naria noho.+
22 Dirava e, Israela ena metau ibounai amo oi hamauria.*
Davida ena ane.
26 Iehova e, lau ese oi lau badinaia dainai, lau oi kota henia maoromaoro.+
Iehova e, lau be oi lau abidadama henia momokani.+
2 Iehova e, lau oi sekea bona oi tohoa,
Egu lalona momokani ai idia noho gaudia bona egu kudouna oi hagoevaia.+
5 Lau be kara dika taudia bamoa karana lau inai henia,+
Bona kerere karaia taudia bamoa karana lau dadaraia.+
6 Iehova e, egu imana do lau huria, unai amo lau hahedinaraia lau be kerere lasi,
Bona lau be emu boubou patana do lau raka hagegea,
10 Unai taudia be nega ibounai hemarai karadia idia karaia,
Bona edia imana idibana be laloani moni amo ia honu.
11 To lau be oi do lau badinaia noho.
Mani lau oi hamauria bona hebogahisi oi hahedinaraia.
Davida ena ane.
27 Iehova be egu diari+ bona egu hahemauri Diravana.
Daika dekenai do lau gari?+
Iehova be egu mauri ena kohoro goadana.+
Daika dekenai do lau gari?
2 Lau idia inai henia taudia be lau hadikaia totona idia mai neganai,+
Idia raka namonamo lasi bona idia moru.
3 Ena be tuari oreana be lau tuari henia totona kamepa idia haginia,
To lau be do lau gari lasi.+
Ena be lau do idia tuari henia,
To Dirava do lau abidadama henia noho.
4 Lau be Iehova amo gau tamona sibona lau noia,
Unai be egu ura gauna,
Egu mauri dinadia ibounai lalonai Iehova ena ruma ai do lau noho,+
Iehova ena kara namodia lau itaia totona,
Bona iena dubu helaga lau laloa bada totona.+
5 Badina ia ese dika negana ai iena ruma lalonai lau do ia hunia,+
Ia ese iena palai ruma ena hehuni gabuna ai lau do ia hunia,+
Unai be nadi badana ena ataiai lau do ia atoa.+
6 Bona hari lau ese egu inai taudia lau halusia vadaeni.
Iena palai ruma lalonai mai moale ida do lau boiboi,
Bona Iehova dekenai hanamoa anedia do lau abia.*
9 Lau amo emu vairana oi hunia lasi.+
Oi badu dainai lau, emu hesiai tauna, do oi dadaraia lasi.
Oi be egu durua tauna.+
Egu hahemauri Diravana e, lau oi dadaraia lasi eiava oi rakatania lasi.
11 Iehova e, emu dala be lau dekenai oi hadibaia,+
Egu inai taudia dainai, mani kara maoromaoro dalana dekenai lau oi hakaua.
12 Lau idia dagedage henia taudia edia imana ai lau oi atoa lasi,+
Badina idia be lau hadikaia totona lau idia samania koikoi,+
Bona dagedage karadia amo lau idia hagaria.
13 Lau diba momokani, lau do mauri lalonai
Lau ese Iehova ena kara namodia do lau itaia.+
Davida ena ane.
28 Iehova egu Nadi Badana e, oi dekenai lau boiboi noho.+
Namo lasi lau dekenai emu taiana oi koua.
Bema lau dekenai oi haere lasi,
Lau be guri* dekenai idia diho lao taudia bamona do lau lao.+
2 Lau be emu dubu helaga ena lalona momokani daiutu dekenai egu imana lau abia isi,+
Bona heduru totona oi dekenai lau taitai neganai, mani egu noinoi oi kamonai.
3 Kara dika taudia, dagedage taudia unai, ida lau oi doria lao lasi,+
Unai taudia be edia dekena taudia ida maino herevadia idia gwauraia, to edia kudouna ai kara dika lalohadai idia noho.+
4 Edia kara dika hegeregerena,
Edia davana oi henia.+
Edia imana amo idia karaia karadia dainai,
Edia dika davana oi henia.+
5 Badina idia be Iehova ena gaukara idia laloa lasi,+
Bona ia karaia gaudia idia laloa bada lasi.+
Ia ese idia do ia hadikaia ore bona do ia haginidia lou lasi.
6 Iehova ita hanamoa be namo,
Badina ia ese heduru totona egu noinoi ia kamonai.
7 Iehova be egu goada gabuna+ bona egu kesi.+
Lau be ia lau abidadama henia.+
Lau ese iena heduru lau abia vadaeni, bona egu kudouna ai lau moale bada,
Unai dainai egu ane amo ia do lau hanamoa.
8 Iehova be ena taunimanima edia goada.
Ia be kohoro goadana bamona, ia horoa tauna ia hamauria.+
9 Emu taunimanima oi hamauria, bona emu taunimanima oi hanamoa.+
Mamoe naria tauna bamona idia oi naria bona emu imana ai idia oi huaia ela bona hanaihanai.+
Davida ena ane.
29 Siahu taudia edia natudia memero e, Iehova umui hanamoa,
Iehova ena hairai bona goada dainai ia umui hanamoa.+
2 Iehova ena ladana dainai ia umui hanamoa.
Iehova dekenai umui tui diho* mai emui dabua helagadia ida.*
3 Iehova ena gadona be ori* latanai idia kamonai.
Hairai Diravana ena gadona be guba ena boiboi bamona.+
Iehova be ori koremana latanai.+
4 Iehova ena gadona ena siahu be bada.+
Iehova ena gadona be namo herea.
5 Iehova ena gadona ese sida audia ia hamakohia noho.
Oibe, Iehova ese Lebanona ena sida audia ia hadikaia noho.+
6 Ia ese Lebanona* ia hamarerea dainai, boromakau natuna bamona ia heau,
Bona Siriona+ ororo ia hamarerea dainai, uda boromakau ena natuna bamona ia heau.
7 Iehova ena gadona ese lahi ia havaraia noho.+
9 Iehova ena gadona ese dia ia hamarerea bona dia ia mara,
Bona iena gadona ese uda ena au edia raurau ia kokia ore.+
Bona ena dubu ai idia noho taudia idia gwau: “Dirava ita hanamoa!”
10 Iehova be abata ranu latanai terona ai ia helai.+
Iehova be ena terona ai ia helai bona ia be king ela bona hanaihanai.+
11 Iehova ese ena taunimanima dekenai goada do ia henia.+
Iehova ese ena taunimanima do ia hanamoa dainai, maino ai do idia noho.+
Ruma hahelagaia ane. Davida ena ane.
30 Iehova e, oi do lau hanamoa, badina oi ese lau oi abia isi.
Lau oi durua dainai, egu inai taudia be lau dekenai idia moale lasi.+
2 Iehova egu Dirava e, heduru totona oi dekenai lau guriguri, bona oi ese lau oi hanamoa.+
3 Iehova e, oi ese lau be Mase Gurina* amo oi abia isi.+
Kahirakahira mase ena guri lalonai lau diho, to oi ese lau oi hamauria.+
4 Dirava umui badinaia taudia e, Iehova dekenai hanamoa ane umui abia,*+
Iena ladana helagana dainai ia umui tanikiu henia.+
5 Badina iena badu be ia ore haraga,+
To iena lalonamo be ia noho hanaihanai.+
Reana hanuaboi ai idia taitai noho, to daba ai idia moale bada.+
6 Egu lalona ia namo neganai, lau gwau:
“Gau ta ese lau do ia hamarerea lasi.”
7 Iehova e, lau oi lalonamo henia neganai, goada bada lau abia, ororo bamona.+
To lau amo emu vairana oi hunia neganai, lau gari bada.+
8 Iehova e, oi dekenai lau boiboi noho.+
Bona Iehova e, oi dekenai lau noinoi noho, lau oi lalonamo henia totona.
9 Lau mase bona guri dekenai lau diho neganai, dahaka namo do ia vara?+
Kahu ese oi do ia hanamoa, a?+ Kahu ese emu kara namodia do ia herevalaia, a?+
11 Oi ese egu taitai oi hadokoa, bona oi dainai mai moale ida lau mavaru.
Oi ese egu puse dabua oi kokia, bona ena gabu ai moale oi atoa,
12 Unai amo oi hanamoa ane do lau abia noho, egu uduna do lau koua lasi.
Iehova egu Dirava e, oi do lau hanamoa ela bona hanaihanai.
Hereva ta miusiki gunalaia tauna totona. Davida ena ane.
31 Iehova e, oi be egu heau mauri gabuna.+
Hemarai do lau abia lasi.+
Emu kara maoromaoro dainai, lau oi hamauria.+
2 Emu taiana amo lau oi kamonai henia.*
Lau hamauria totona oi mai haraga.+
Egu ororo goadana ta ai oi lao,
Bona lau mauri totona, egu magu goadana ai oi lao.+
3 Badina oi be egu nadi badana bona kohoro goadana.+
4 Lau hadikaia totona hehuni ai idia atoa tarapu amo lau do oi ruhaia,+
Badina oi be egu hunia gabu goadana.+
5 Egu mauri be emu imana dekenai lau atoa.+
Iehova e, oi be kara momokani Diravana, oi ese lau oi hoia lou.+
6 Anina lasi kaivakuku idia tomadiho henia taudia lau inai henia,
To lau be Iehova dekenai lau abidadama.
7 Emu lalokau* dainai do lau moale bada,
Badina oi ese egu hisihisi oi itaia vadaeni,+
Bona egu lalometau oi diba.
8 Oi ese egu inai tauna dekenai lau oi henia lasi,
To oi ese gabu namona ta ai lau oi hunia.
9 Iehova e, lau lalometau dainai lau oi hebogahisi henia.
Hisihisi lau davaria dainai egu matana ena goada ia ore,+ egu tauanina ibounai danu ia manoka.+
10 Lau hisihisi momo dainai egu mauri ia kwadogi+
Bona egu mauri lalonai lau taitai noho.+
Egu kerere dainai egu goada ia ore,
Bona egu turia ibounai idia manoka.+
11 Egu inai taudia ibounai ese lau idia kirikirilaia,+
Idia be egu dekena taudia.
Bona egu turadia ese lau idia hagaria,
Idia ese ariara ai lau idia itaia neganai, lau amo idia heau.+
12 Edia kudouna* ai lau idia laloaboio momokani, toana be lau mase vadaeni,
Lau be ia makohi vadaeni uro ta bamona.
13 Lau ese sivarai dikadia momo lau kamonai vadaeni,
Lau gari badina kahana kahana amo lau idia hagaria noho.+
Lau tuari henia totona idia haboua neganai,
Palani idia karaia egu mauri idia kokia totona.+
15 Egu mauri dinadia be emu imana ai idia noho.
Lau idia inai henia taudia bona idia dagedage henia taudia amo lau oi hamauria.+
17 Iehova e, oi lau boiboi henia neganai mani oi kamonai, unai amo lau hemarai lasi.+
Kara dika taudia ese hemarai idia abia be namo,+
Bona regerege lasi ida Mase Gurina* ai idia diho lao be namo.+
18 Hereva koikoi taudia edia uduna oi koua,+
Idia be hekokoroku bona hemataurai lasi dalanai kara maoromaoro taudia idia hadikaia.
19 Emu kara namodia be momo herea!+
Oi idia gari henia taudia dekenai emu kara namodia oi hahedinaraia,+
Bona oi dekenai idia heau mauri taudia totona, emu kara namodia be taunimanima vairanai oi hahedinaraia.+
20 Oi kahirakahira ia noho hunia gabuna dekenai idia do oi hunia,+
Taunimanima edia palani dikadia amo idia oi gimaia totona.
Oi ese emu palai ruma ai idia do oi hunia,
Dagedage taudia amo idia oi gimaia totona.+
21 Iehova lau hanamoa be namo,
Lau be idia hagegea siti+ dekenai lau noho neganai, ia ese dala namo hereana ai iena lalokau* ia hahedinaraia.+
22 To lau be lau gari bada bona lau gwau:
“Emu vairana amo do lau boio.”+
To oi dekenai heduru totona lau noinoi neganai, lau oi kamonai henia.+
23 Dirava badinaia taudia ibounai e, Iehova umui lalokau henia!+
Iehova ese abidadama taudia ia gimaia,+
To hekokoroku taudia ia panisia.+
Davida ena ane. Masikili.*
32 Dirava ese ta ena kerere bona kara dika ia gwauatao neganai, unai tauna ia moale.+
2 Iehova ese ta ia gwauraia kerere lasi neganai, unai tauna ia moale,+
Unai tauna be ena kudouna ai ia koikoi lasi.
3 Lau hereva lasi neganai, lau manoka lau lao, badina dina ibounai lalonai lau hisihisi noho.+
4 Badina lau oi lalonamo henia lasi neganai, dina bona hanuaboi ai unai ese lau ia hametaua.+
Egu goada ia ore, siahu ese ranu ia hakaukaua bamona. (Sela)
5 Vadaeni oi dekenai egu kara dika lau gwauraia hedinarai,
Egu kerere lau hunia lasi.+
Lau gwau: “Lau ese Iehova dekenai egu dika do lau gwauraia hedinarai.”+
Bona oi ese egu kara dika oi gwauatao.+ (Sela)
6 Unai dainai abidadama taudia ibounai be oi do idia guriguri henia,+
Badina dala ia do noho.+
Bena abata ranu bamona hekwakwanai idauidau do idia davaria lasi.
7 Oi be egu hunia gabuna ta bamona,
Oi ese lalometau negana ai lau do oi gimaia.+
Emu hahemauri karana dainai, moale bada ena boiboi regena ese lau idia hagegea.+ (Sela)
8 “Lau ese oi dekenai aonega do lau henia bona emu raka dalana be oi do lau hadibaia.+
Lau ese oi dekenai sisiba lau henia neganai, egu matana be oi dekenai.+
9 Namo lasi oi be hosi eiava doniki* bamona oi kara, idia be laloparara lasi,+
Idia be oi kahirakahira idia do mai lasi lalonai,
Edia uduna ai varo* idia kwatua be namo, unai amo edia dagedage karana idia biagua.”
10 Kara dika tauna ena hisihisi be momo,
To Iehova ia abidadama henia tauna dekenai iena lalokau* ia hahedinaraia noho.+
11 Kara maoromaoro taudia e, Iehova dainai umui moale,
Umui kudou maoro taudia e, mai moale bada ida umui boiboi.
33 Umui kara maoromaoro taudia e, Iehova dainai mai moale ida umui boiboi.+
Kara maoromaoro taudia ese ia idia hanamoa be maoro.
3 Ia dekenai ane matamata umui abia.+
Miusiki umui gadaralaia namonamo, bona mai moale ida ane umui abia badabada.
4 Badina Iehova ena hereva be maoromaoro,+
Bona ia be mai momokani ida gau ibounai ia karaia.
5 Ia be kara maoromaoro bona kota maoromaoro ia ura henia.+
6 Iehova ena hereva dainai guba ia vara,+
Bona iena uduna amo ia hahodi bena guba lalonai gau ibounai idia vara.
7 Ia ese davara ranu ia haboua, haba amo ia koua bamona.+
Ia ese abata ranu be ranu haboua rumadia lalonai ia atoa.
8 Tanobada taudia ibounai ese Iehova idia gari henia be namo.+
Tanobada idia noholaia taudia be ia idia matauraia be namo.
9 Badina Dirava ia hereva, bona tanobada ia vara.+
Oda ia henia, bona gau ta ese ia hamarerea diba lasi.+
10 Iehova ese bese idauidau edia palani ia hadikaia,+
Bona ia ese taunimanima idia ura karaia gauna ia koua.+
11 To Iehova ia karaia disisen be do ia gini ela bona hanaihanai,+
Ia lalohadailaia gaudia be hanaihanai do idia noho.
12 Bema bese ta ena Dirava be Iehova, unai bese be ia moale,+
Ia ese ia sibona totona ia abia hidi bese taudia unai.+
13 Iehova be guba amo ia itaia diho
Bona taunimanima ibounai ia itaia.+
14 Iena noho gabuna amo,
Ia ese tanobada ai idia noho taudia ia itaia noho.
15 Ia ese taunimanima edia laloa daladia ia havaraia,
Ia ese idia karaia karadia ibounai ia tahua namonamo.+
16 Tuari orea badana ta ese king ta ia hamauria diba lasi,+
Tau goadana ta be ena goada ese ia hamauria diba lasi.+
17 Hosi ese tau ta dekenai hahemauri ia mailaia diba lasi,+
Bona iena goada bada ese guia tauna ia hamauria diba lasi.
18 Iehova be ia dekenai idia gari taudia ia itaia noho,+
Bona iena lalokau* dekenai idia naria noho taudia ia itaia danu,
19 Mase amo idia ia hamauria totona,
Bona hitolo bada negana ai idia ia hamauria totona.+
20 Ita be Iehova ita naria noho.
Ia be iseda durua tauna bona iseda kesi.+
21 Ia dainai iseda kudouna be ia moale,
Badina ita be iena ladana helagana ita abidadama henia.+
Davida ena ane. Abimeleka vairanai kavakava tauna bamona ia kara,+ Abimeleka ese ia lulua bona ia lao neganai.
א [Aleph]
34 Nega ibounai lau ese Iehova dekenai hanamoa ane do lau abia.
Egu uduna amo ia do lau hanamoa hanaihanai.
ב [Beth]
ג [Gimel]
ד [Daleth]
4 Iehova dekenai lau guriguri, bona lau ia haere henia.+
Lau gari henia gaudia ibounai amo lau ia hamauria.+
ה [He]
5 Ia idia itaia noho taudia be do idia moale bada.
Idia be do idia hemarai diba lasi.
ז [Zayin]
ח [Heth]
ט [Teth]
8 Iehova oi tohoa bona do oi itaia, ia be namo.+
Dirava be edia hunia gabuna ai idia halaoa taudia be idia moale.
י [Yod]
9 Iehova ena helaga taudia ibounai e, ia do umui gari henia,
Badina ia idia gari henia taudia be idia dabu lasi.+
כ [Kaph]
10 Laiona natudia mai edia goada be aniani lasi dainai idia hitolo,
To Iehova idia tahua taudia be gau namodia dekenai do idia dabu lasi.+
ל [Lamed]
11 Egu natudia memero e, umui mai bona lau umui kamonai henia.
Lau ese umui dekenai Iehova gari henia karana do lau hadibaia.+
מ [Mem]
נ [Nun]
ס [Samekh]
14 Kara dika oi dadaraia bona kara namodia oi karaia.+
Maino umui tahua bona maino umui badinaia noho.+
ע [Ayin]
15 Iehova ena matana be kara maoromaoro taudia ia itaia,+
Bona iena taiana be heduru totona idia noinoi taudia ia kamonai henia.+
פ [Pe]
16 To Iehova ese kara dika idia karaia taudia ia ura henia lasi,
Ia ese tanobada amo idia ibounai do ia kokia momokani, bona ta ese idia do ia laloatao lasi.+
צ [Tsade]
17 Kara maoromaoro taudia idia boiboi, bona Iehova ia kamonai.+
Ia ese edia hisihisi ibounai amo idia ia hamauria.+
ק [Qoph]
ר [Resh]
19 Kara maoromaoro tauna ese ia davaria hisihisi* be momo,+
To idia ibounai amo Iehova ese ia hamauria.+
ש [Shin]
ת [Taw]
21 Dika ese kara dika tauna do ia hamasea.
Kara maoromaoro taudia idia inai henia taudia be edia kerere dainai panisi do idia abia.
22 Iehova ese ena hesiai taudia do ia hamauria.
Dirava be edia heau mauri gabuna ai idia halaoa taudia do ia panisia lasi.+
Davida ena ane.
35 Iehova e, kota ai egu inai taudia edia hereva koua totona, lau oi durua.+
Lau idia tuari henia taudia oi tuari henia.+
3 Emu io bona ira oi abia, bona lau idia lulua noho taudia oi tuari henia.+
Lau dekenai oi gwau: “Lau be emu hahemauri Diravana.”+
4 Idia ura lau idia hamasea taudia dekenai hemarai oi havaraia.+
Egu mase dalana idia tahua taudia be mai hemarai ida idia heau siri be namo.
5 Namona be idia be lai ese ia abia lao witi ena momoru bamona.
Iehova ena aneru ese idia ia lulua lao be namo.+
6 Iehova ena aneru ese idia ia lulua neganai,
Namona be edia raka dalana ia dibura bona ia dedidedi.
7 Badina ena be idia lau hadikaia lasi, to reke ta idia hunia lau idia tarapua totona,
Bona ena be idia lau hadikaia lasi, to lau totona guri ta idia geia.
8 Idia diba lasi negana ai, idia dekenai dika ia vara.
Idia sibona ese idia hunia reke be idia ia tarapua,
Unai reke lalonai idia moru bona dika idia davaria.+
9 To lau be Iehova dekenai do lau moale,
Iena hahemauri karadia dainai do lau moale bada.
10 Mai goada ibounai ida lau gwau:
“Iehova e, daika be oi hegeregerena?
Oi ese goada taudia amo manoka taudia oi hamauria,+
Manoka taudia bona ogogami taudia be edia gaudia idia dadia taudia amo oi hamauria.”+
11 Lau idia kota henia lalonai tatau dikadia idia mai,+
Bona lau diba lasi gaudia totona lau idia samania.
12 Lau be kara namo lau karaia, to idia ese lau idia hadikaia,+
Idia ese lau idia hahisia bada.
13 To idia gorere neganai, lau be puse dabua lau atoa,
Lau aniani lasi bona unai ese lau ia hahisia,
Bona egu guriguri ena haere lau abia lasi neganai,
14 Mai taitai ida lau raka loaloa, egu turana ta eiava tadikaka ta dainai lau taitai bamona.
Mai lalohisihisi ida lau tui diho bona lau taitai, ta be ena sinana totona ia taitai bamona.
15 To dika lau davaria neganai, idia moale bona idia haboua,
Idia haboua lau idia tuari henia totona.
Edia hereva amo lau idia hahisia bada bona lau idia gwauraia dika noho.
16 Dirava dadaraia taudia ese lau idia kirikirilaia,*
Idia be lau dekenai idia badu dainai, edia isena idia koria.+
17 Iehova e, unai do oi itaia noho ela bona edena negai?+
Edia hadikaia karadia amo lau oi hamauria,+
Laiona natudia amo egu mauri namona oi gimaia.+
18 Bena hebou taudia huanai oi do lau tanikiu henia.+
Taunimanima hutuma huanai oi do lau hanamoa.
19 Lau idia inai henia kava taudia oi koua, unai amo lau do idia kirikirilaia lasi.
Lau idia inai henia kava taudia oi koua,+ unai amo lau do idia hevasehalaia lasi.+
20 Badina idia be maino herevadia idia gwauraia lasi,
To tano ai mai maino danu idia noho taudia hadikaia totona koikoi herevadia idia gwauraia.+
21 Lau idia samania totona edia uduna idia kehoa badabada,
Idia gwau: “Ai ese emu kara ai itaia vadaeni!”
22 Iehova e, ia vara gauna oi itaia vadaeni. Namona be kara ta oi karaia.+
Iehova e, lau amo oi noho daudau lasi.+
23 Egu Dirava, Iehova e, oi noga bona lau gimaia totona oi toreisi,
Kota dekenai lau totona oi hereva.
24 Egu Dirava, Iehova e, emu kara maoromaoro hegeregerena lau oi kota henia.+
Namo lasi lau davaria hisihisi dainai, egu inai taudia idia moale.
25 Namo lasi idia huanai idia herevahereva bona idia gwau: “Namo herea, iseda ura gauna ita abia vadaeni.”
Namo lasi idia gwau: “Ia ita hadikaia vadaeni.”+
26 Idia ibounai be hemarai idia abia be namo,
Badina dika lau davaria neganai, lau idia kirikirilaia.
Lau idia laloa maragi taudia idia hemarai be namo.
27 To egu kara maoromaoro idia ura henia taudia be mai moale ida idia boiboi badabada.
Nega ibounai idia gwau:
“Iehova ita hanamoa be namo, ia ese ena hesiai tauna dekenai maino ia henia.”+
28 Bena lau ese emu kara maoromaoro do lau herevalaia,*+
Bona dina ibounai lalonai oi do lau hanamoa.+
Hereva ta miusiki gunalaia tauna totona. Iehova ena hesiai tauna Davida ena ane.
36 Kerere ese kara dika tauna ena lalona ia veria,
Unai tauna be Dirava ia gari henia lasi.+
2 Badina ia be sibona ia laloa bada dainai,
Iena kerere ia itaia lasi bona ia inai henia lasi.+
3 Iena uduna amo haida hahisia herevadia bona koikoi herevadia ia gwauraia.
Ia be ia aonega lasi bona kara namodia ia hahedinaraia lasi.
4 Iena mahuta patana ai kara dika ia palanilaia noho.
Ia be dala dikana dekenai ia lao noho.
Ia be kara dika ia dadaraia lasi.
5 Iehova e, emu lalokau* be bada herea, ena bada ese guba ia abia,+
Taunimanima dekenai oi henia heduru be bada herea dainai, ori dekenai ia daekau lao.
6 Emu kara maoromaoro be ororo badadia bamona.+
Emu hahemaoro karadia be ia dobu davara badana bamona.+
Iehova e, oi ese taunimanima bona animal oi naria noho.+
7 Dirava e, emu lalokau karadia be namo herea!+
Emu apena ena ikerukeru ai taunimanima idia hunia diba.+
8 Emu ruma ai idia noho aniani momo idia ania, bona idia bogakunu,+
Bona emu gau namodia be ia aru sinavai bamona idia dekenai oi henia, idia inua totona.+
10 Oi idia diba taudia dekenai emu lalokau oi hahedinaraia noho,+
Bona kudou maoro taudia dekenai emu kara maoromaoro oi hahedinaraia noho.+
11 Hekokoroku taudia oi koua, edia aena amo lau idia moia lasi totona,
Eiava kara dika taudia oi koua, lau idia lulua lasi totona.
12 Kerere karaia taudia be idia moru vadaeni,
Idia hekure noho bona idia toreisi diba lasi.+
Davida ena ane.
א [Aleph]
ב [Beth]
3 Iehova oi abidadama henia bona kara namo oi karaia,+
Tanobada ai oi noho bona mai abidadama ida oi kara.+
4 Iehova dainai do oi moale bada,
Bona ia ese emu kudouna ena ura gaudia do ia henia.
ג [Gimel]
5 Emu mauri be Iehova ena imana ai oi atoa,+
Ia dekenai oi tabekau, bona oi totona kara ta do ia karaia.+
6 Ia ese emu kara namodia do ia hahedinaraia daba ena diari bamona,
Bona emu kara maoromaoro do ia hahedinaraia dina tubua ena diari bamona.
ד [Daleth]
7 Mai regerege lasi ida Iehova totona oi naria+
Bona mai haheauka ida ia totona oi naria.
Tau ta be ena palani ia hagugurua neganai,
Ia dekenai oi lalohisihisi lasi.+
ה [He]
8 Badu karana bona dagedage karana oi rakatania.+
Oi lalohisihisi lasi bona kara dika do oi karaia lasi.
9 Badina kara dika taudia be do idia boio,+
To Iehova idia abidadama henia taudia be tanobada do idia noholaia.+
ו [Waw]
10 Nega daudau lasi murinai, kara dika taudia do idia noho lasi.+
Idia noho gabuna dekenai idia do oi tahua,
To idia do oi davaria lasi.+
11 To manau taudia ese tanobada do idia abia,+
Bona do idia moale bada, badina gabu ibounai dekenai maino do ia noho.+
ז [Zayin]
12 Kara dika tauna be kara maoromaoro tauna totona palani dikana ta ia karaia,+
Bona ia badu dainai ena isena ia koria.
13 To Iehova be ia dekenai do ia kiri,
Badina ia diba kara dika tauna ena nega do ia mai, unai nega ai dika do ia davaria.+
ח [Heth]
14 Kara dika taudia be edia tuari kaia bona peva idia hegaegaelaia,
Hisihisi taudia bona ogogami taudia idia tuari henia totona,
Kara maorona idia karaia taudia idia hamasea totona.
15 To edia tuari kaia ese idia sibona edia kudouna do ia gwadaia,+
Bona edia peva be do idia makohi.
ט [Teth]
16 Ena be tau ta ena kohu be sisina, to ia kara maoromaoro, unai be namo,
Ena be tau ta be mai ena kohu momo, to ia kara dika, unai be dika.+
17 Badina kara dika taudia edia imana do ia hamakohia,
To Iehova ese kara maoromaoro taudia do ia durua.
י [Yod]
18 Iehova be kerere lasi taudia ese idia davaria hekwakwanai ia diba,
Bona idia dekenai noho hanaihanai ahuna do ia henia.+
19 Nega dikadia idia davaria neganai, idia be do idia lalohisihisi lasi.
Hitolo negana ai idia dekenai aniani momo do ia noho.
כ [Kaph]
20 To kara dika taudia be do idia ore.+
Iehova ena inai taudia be do idia boio, rei gabudia mai edia hairai idia boio bamona,
Idia be kwalahu bamona do idia boio.
ל [Lamed]
21 Kara dika tauna be ia abitorehai bona davana ia henia lou lasi,
To kara maoromaoro tauna be hariharibada bona hebogahisi* tauna.+
22 Dirava ese ia hanamoa taudia be tanobada do idia abia,
To Dirava ese ia gwauraia dika taudia be dika do idia davaria.+
מ [Mem]
23 Iehova ese tau ta ena kara dekenai ia moale neganai,+
Ia ese unai tauna be ena raka dalana dekenai ia hakaua.+
24 Ena be unai tauna do ia moru, to do ia moru diho momokani lasi,+
Badina Iehova ese ena imana amo ia do ia abia isi.+
נ [Nun]
25 Guna lau be mero matamata, hari lau buruka vadaeni,
To nega ta lau itaia lasi kara maoromaoro tauna ta be Dirava ese ia rakatania,+
Iena natudia danu be aniani idia tahua lasi.+
26 Ia be nega ibounai edia dabu gaudia ia henia,+
Bona iena natudia be Dirava ese do ia hanamoa.
ס [Samekh]
27 Kara dika oi dadaraia bona kara namo oi karaia,+
Bona do oi mauri hanaihanai.
ע [Ayin]
Nega ibounai Dirava ese idia do ia gimaia,+
To kara dika taudia edia bese taudia be do ia hadikaia ore.+
29 Kara maoromaoro taudia be tanobada do idia abia,+
Bona tanobada ai do idia noho ela bona hanaihanai.+
פ [Pe]
30 Kara maoromaoro tauna ena uduna ese aonega herevadia ia gwauraia,
Bona ena malana ese kara maoromaoro herevadia ia gwauraia.+
צ [Tsade]
32 Kara dika tauna be kara maoromaoro tauna ia itaia noho,
Bona ia hamasea dalana ia tahua noho.
33 To Iehova ese kara maoromaoro tauna be kara dika tauna ena imana ai do ia atoa lasi,+
Eiava kota ai idia samania neganai, Dirava ese ia do ia gwauraia maoro.+
ק [Qoph]
34 Iehova oi abidadama henia bona ena dala oi badinaia,
Bona ia ese oi do ia hanamoa, bona tanobada ai do oi noho.
ר [Resh]
35 Lau ese kara dika tauna lau itaia,
Ena mauri be namo herea, tano namona ai ia gini au namona bamona.+
ש [Shin]
37 Kerere lasi tauna oi laloa,
Bona kara maoromaoro tauna+ oi itaia noho,
Badina vaira nega ai unai tauna be maino ai do ia noho.+
38 To kara kerere taudia ibounai do idia ore,
Kara dika taudia be dika do idia davaria.+
ת [Taw]
39 Kara maoromaoro taudia be Iehova amo hahemauri idia abia.+
Hisihisi negadia ai ia be edia kohoro goadana.+
40 Iehova ese idia do ia durua bona hamauria.+
Ia ese kara dika taudia amo idia do ia hamauria,
Badina ia be edia hamauria gabuna ai idia halaoa.+
Davida ena ane, taunimanima ese idia laloatao totona.
38 Iehova e, mai badu ida lau oi sisiba henia lasi,
Bona mai badu bada ida egu kara oi hamaoromaoroa lasi.+
2 Badina emu peva ena diba ese lau idia gwadaia vadaeni,
Bona emu imana metauna be lau latanai ia noho.+
3 Emu badu dainai egu tauanina ibounai ia hisihisi.
Egu kara dika dainai egu lalona ai maino ia noho lasi.+
4 Lau mamia lau karaia kereredia ese lau idia hadikaia noho.+
Idia be metau badana ta bamona, lau huaia diba lasi.
5 Kavakava karadia lau karaia dainai,
Egu bero edia bonana be dika herea bona idia bodaga.
6 Lau lalometau bona lalohisihisi bada.
Dina ibounai lalonai mai lalohisihisi ida lau raka loaloa.
7 Egu lalona be lahi ia araia noho bamona,
Bona egu tauanina ibounai ia gorere noho.+
8 Lau manoka bona egu hemami ia dika momokani.
Egu kudouna ena hisihisi dainai lau taitai noho.
9 Iehova e, egu ura gaudia ibounai oi diba,
Bona mai lalohisihisi ida lau taitai be oi itaia.
10 Egu kudouna ia gaukara haragaharaga, egu goada ia ore vadaeni,
Bona egu matana ia diari lasi.+
11 Egu hisihisi dainai, egu turadia bona egu bamodia ese lau idia rakatania,
Bona egu varavara be lau amo idia daudau.
12 Idia ura lau idia hamasea taudia be tarapu idia atoa.
Idia ura lau idia hadikaia taudia be lau hadikaia dalana idia herevalaia.+
Dina ibounai lalonai koikoi herevadia idia gwauraia.
13 To taia kudima tauna bamona, edia hereva do lau kamonai lasi.+
Hereva diba lasi tauna bamona, egu uduna do lau kehoa lasi.+
14 Lau be hereva lau kamonai lasi tauna ta bamona,
Bona egu hereva hamomokania totona lau hereva diba lasi.
15 Badina Iehova e, lau be oi totona lau naria,+
Bona Iehova egu Dirava e, oi ese lau oi haere henia.+
16 Badina lau gwau: “Namo lasi egu hisihisi dainai lau idia kirikirilaia
Eiava namo lasi egu aena ia dedi neganai, idia moale.”
17 Badina lau be kahirakahira lau moru,
Bona hanaihanai hisihisi mamina lau abia noho.+
19 To egu inai taudia be mai edia goada bada,
Lau idia inai henia kava taudia be momo herea.
20 Lau be kara namo lau karaia, to idia ese lau idia hadikaia.
Idia ese lau idia koua kara namodia lau karaia lasi totona.
21 Iehova e, lau oi rakatania lasi.
Dirava e, lau amo oi noho daudau lasi.+
22 Egu hahemauri Diravana, Iehova e,
Lau durua totona mani oi haraga.+
Hereva ta miusiki gunalaia tauna totona. Iedutunu* ane abia dalana.+ Davida ena ane.
39 Lau gwau: “Egu raka dalana do lau naria namonamo,
Unai amo egu malana amo do lau kerere lasi.+
Kara dika tauna ta be lau ida ia noho negadia ai,
Egu uduna be gau ta amo do lau koua.+
2 Lau hereva diba lasi bona regerege ta lau karaia lasi.+
Gau namona ta lau herevalaia diba lasi,
To egu hisihisi be bada herea.
3 Egu kudouna ia siahu noho.
Lau laloa momo neganai, egu lalona be lahi bamona ia araia noho.
Bena egu malana ia hereva:
4 “Iehova e, egu mauri ena dokona bona egu mauri dinadia ibounai
Mani lau oi hadibaia,+
Unai amo do lau diba egu mauri be kwadogi sibona.
5 Momokani, oi ese egu mauri dinadia oi hakwadogia vadaeni,+
Bona emu vairana ai egu mauri dinadia be momo lasi.+
Momokani, taunimanima idia laloa edia mauri ia namo, to ia be hahodi tamona bamona.+ (Sela)
6 Momokani, taunimanima idia loaloa noho, dina ena laulau bamona.
Edia hekwarahi be anina lasi.
Kohu momo idia haboua, to idia diba lasi daika ese do ia abia.+
7 Iehova e, dahaka gau namona ma ta totona do lau naria?
Oi sibona be egu helaro.
8 Egu kara dika ibounai amo lau oi hamauria.+
Namo lasi kavakava taudia ese lau idia kirikirilaia.
10 Oi havaraia hisihisi be lau amo oi kokia.
Lau manoka momokani badina emu imana amo lau oi botaia.
11 Taunimanima edia kara kerere hamaoromaoroa totona idia oi panisia.+
Idia haboua kohu be oi hadikaia ore, manumanu* ese dabua ia hadikaia bamona.
Momokani, taunimanima ibounai edia mauri be hahodi tamona bamona.+ (Sela)
12 Iehova e, egu guriguri oi kamonai henia,
Heduru totona lau taitai neganai, mani oi kamonai.+
Egu mata ranu oi itaia neganai, lau oi dadaraia lasi.
Badina oi dekenai lau be idau tauna,+
Lau be loaloa tauna, egu sene taudia hegeregerena.+
13 Lau do mase lasi neganai,
Mai badu ida lau oi itaia lasi, unai amo do lau moale.”
Hereva ta miusiki gunalaia tauna totona. Davida ena ane.
40 Lau be mai ura bada* ida Iehova lau naria noho,
Bona iena taiana ia atoa kahirakahira* bona egu taitai heduru totona ia kamonai.+
2 Ia ese ranu ia noho gurina amo lau ia veria daekau,
Kopukopu bada gabuna amo lau ia veria daekau.
Bona nadi badana latanai lau ia haginia,
Ia ese egu aena atoa gabuna ia hagoadaia.
3 Bena ia ese egu uduna ai ane matamata ia atoa,+
Unai be iseda Dirava hanamoa anena.
Taunimanima momo be mai hemataurai ida unai do idia itaia,
Bona Iehova do idia abidadama henia.
4 Iehova ia abidadama henia tauna be ia moale
Bona ia ese gwau-edeede taudia bona koikoi taudia ia bamoa lasi.
5 Egu Dirava Iehova e,
Ai totona oi karaia gau namodia be momo herea,
Bona ai totona oi lalohadailaia gaudia be momo.+
Oi hegeregerena tauna ta be lasi.+
Bema oi karaia gaudia ibounai lau herevalaia,
Idia be momo herea, duahia diba lasi.+
6 Boubou gaudia bona harihari gaudia oi ura henia lasi,+
Oi be gabua bouboudia bona kara dika bouboudia totona oi noinoi lasi,+
To oi ese egu taiana oi kehoa, lau kamonai totona.+
7 Bena lau gwau: “Itaia, lau mai vadaeni.
Lokua toretore lalonai idia noho herevadia be lau totona idia torea.+
9 Hebou badana lalonai lau ese kara maoromaoro ena sivarai namona lau harorolaia,+
Iehova e, oi diba vadaeni,
Lau be egu uduna lau koua lasi.+
10 Lau ese emu kara maoromaoro be egu kudouna ai lau hunia lasi.
Lau ese emu kara momokani bona hahemauri karadia lau herevalaia.
Hebou badana lalonai emu lalokau* bona hereva momokani lau gwauraia hedinarai noho.”+
11 Iehova e, lau dekenai hebogahisi oi hahedinaraia.
Nega ibounai emu lalokau* bona hereva momokani ese lau ia gimaia be namo.+
12 Lau davaria dika be momo herea, lau duahia diba lasi.+
Egu kara kerere be momo herea dainai egu raka dalana lau itaia lasi.+
Idia be momo herea, egu kwarana ena huina ena momo ia hanaia,
Bona egu lalona ia manoka.
13 Iehova e, mani emu kara lau oi hamauria totona oi noho hegaegae.+
Iehova e, lau durua totona oi haraga.+
14 Idia ura lau idia hamasea taudia ibounai
Dekenai hemarai oi havaraia be namo.
Egu dika dainai idia moale taudia
Be mai hemarai ida idia heau siri be namo.
15 Lau idia hevasehalaia taudia
Be mai hemarai ida idia giroa lou be namo.
16 To oi idia tahua noho taudia+
Be emu ladana idia abia isi bona oi dainai idia moale be namo.+
Namona be emu hahemauri karadia idia ura henia taudia be nega ibounai idia gwau:
“Iehova ita hanamoa be namo.”+
17 To lau be heduru lau abia lasi bona lau ogogami.
Iehova ese lau ia kamonai henia be namo.
Oi be egu durua tauna bona egu hamauria tauna.+
Egu Dirava e, oi mai haraga.+
Hereva ta miusiki gunalaia tauna totona. Davida ena ane.
41 Ladana maragi tauna ia durua tauna be do ia moale.+
Dika bada negana ai Iehova ese ia do ia hamauria.
2 Iehova ese ia do ia gimaia bona ena mauri do ia naria.
Tanobada ai ia be do ia moale.+
Bona ena inai taudia dekenai ia do oi henia lasi.+
3 Ia gorere bona bedi ai ia hekure neganai, Iehova ese ia do ia naria.+
Ia gorere negana ai, oi ese ena mahuta gabuna do oi hanamoa.
4 Badina lau gwau: “Iehova e, lau oi hebogahisi henia.+
Egu gorere oi hanamoa,+ badina emu vairanai lau kara dika vadaeni.”+
5 To egu inai taudia be lau idia gwauraia dika, idia gwau:
“Ia be edena negai do ia mase, unai amo ia do ita laloaboio?”
6 Bema idia ta ese lau ia vadivadi henia, ia be mai koikoi ida ia hereva.
Ia be lau hadikaia totona hereva haida ia lalohadailaia,
Bena ia lao bona unai hereva ia gwauraia loaloa.
7 Lau idia inai henia taudia ibounai be ta ta dekenai gado maragina ai idia hereva,
Idia be lau hadikaia totona palani idia karaia noho, idia gwau:
9 Egu turana namona, lau abidadama henia tauna,+
Lau ida ia aniani hebou tauna be egu inai tauna ai ia lao.+
10 To Iehova e, lau oi hebogahisi henia bona lau oi abia isi,
Unai amo idia dekenai davana lau henia diba.
11 Egu inai taudia idia kwalimu lasi neganai,
Do lau diba oi be lau dekenai oi moale.+
12 Oi ese lau oi abia isi, badina lau be oi lau badinaia noho.+
Oi be lau dekenai do oi moale ela bona hanaihanai.+
BUKA IHARUANA
(Salamo 42-72)
Hereva ta miusiki gunalaia tauna totona. Kora ena natudia memero edia ane. Masikili.*+
42 Dirava e, lau ese oi lau ura henia bada,
Dia ese sinavai ena ranu ia ura henia bada bamona.
2 Tau ta ia ranu mase hegeregerena, lau be ia mauri noho Diravana lau ura henia bada.+
Edena negai do lau mai bona Dirava vairanai lau hedinarai?+
3 Dina bona hanuaboi ai lau taitai noho,
Dina ibounai lalonai taunimanima ese lau idia kirikirilaia, idia gwau: “Emu Dirava be edeseni?”+
4 Inai gaudia lau laloatao, bona egu lalohekwarahi lau gwauraia hedinarai,
Badina guna lau be taunimanima momo ida lau raka,
Lau be edia vairana ai Dirava ena ruma dekenai metairametaira lau raka lao,
Mai moale bada ida tanikiu anedia ai abia noho,
Hutuma be aria ta idia moalelaia bamona.+
5 Dahaka dainai lau be hisihisi bada lau mamia noho?+
Dahaka dainai lau dekenai unai ia vara?
Dirava dekenai lau naria noho be namo,+
Ia be egu Hamauria Tauna Badana dainai, ia do lau hanamoa noho.+
6 Egu Dirava e, lau lalohisihisi bada.+
Unai dainai lau ese oi lau laloatao,+
Ioridane ena tano amo bona Heremona ororo ena ataiai gabudia amo,
Bona Misara Ororo amo oi lau laloa noho.
7 Emu ranu idia aru goada,
Ranu dobudia edia regena be bada herea.
Oiemu hurehure goadadia ese lau ia koua vadaeni.+
8 Dina ai Iehova ese ena lalokau* be lau dekenai do ia hahedinaraia,
Bona hanuaboi ai lau dekenai mauri ia henia Diravana dekenai ane do lau abia bona do lau guriguri.+
9 Lau ese egu Dirava, nadi badana unai, dekenai do lau gwau:
“Dahaka dainai lau oi laloaboio?+
Egu inai taudia edia dagedage karadia dainai, dahaka dainai mai lalohisihisi ida lau raka loaloa?”+
10 Egu inai taudia be mai badu ida lau idia gwauraia dika,*
Dina ibounai lalonai lau idia kirikirilaia, idia gwau: “Emu Dirava be edeseni?”+
11 Dahaka dainai lau be hisihisi bada lau mamia noho?
Dahaka dainai lau dekenai unai ia vara?
Dirava dekenai lau naria noho be namo,+
Ia be egu Hamauria Tauna Badana bona egu Dirava dainai, ia do lau hanamoa noho.+
43 Dirava e, lau oi hahemaoro henia,+
Kota ai lau oi durua bona gwau-edeede besena edia hereva oi koua.+
Koikoi taudia bona kara maoromaoro lasi taudia amo lau oi hamauria.
2 Badina oi be egu Dirava, bona egu magu goadana.+
Dahaka dainai lau oi dadaraia?
Egu inai taudia edia dagedage karana dainai, dahaka dainai mai lalohisihisi ida lau raka loaloa?+
3 Emu diari bona emu hereva momokani oi siaia.+
Unai ese lau idia gunalaia be namo,+
Bona emu ororo helagana bona dubu helaga badana dekenai lau idia hakaua lao be namo.+
4 Bena lau be Dirava ena boubou patana dekenai do lau mai,+
Lau be egu Dirava dainai do lau moale.
5 Dahaka dainai lau be hisihisi bada lau mamia noho?
Dahaka dainai lau dekenai unai ia vara?
Dirava dekenai lau naria noho be namo,+
Ia be egu Hamauria Tauna Badana bona egu Dirava dainai, ia do lau hanamoa noho.+
Hereva ta miusiki gunalaia tauna totona. Kora ena natudia memero edia ane.+ Masikili.*
44 Dirava e, emai sene taudia be ai dekenai sivarai idia gwauraia,
Unai sivarai be emai taiana amo ai kamonai,+
Emai sene taudia edia nega ai oi karaia guguru gaudia,
Idaunegai idia vara gaudia edia sivarai unai.
2 Emu siahu amo bese idauidau oi lulua lao+
Bona emai sene taudia be unuseniai idia noho.+
Oi ese bese idauidau oi hadikaia bona oi lulua raka-lasi.+
3 Idia be edia tuari kaia amo tano idia abia lasi,+
Bona edia goada amo idia kwalimu lasi,+
To emu imana idibana bona emu goada+ bona emu lalonamo dainai idia kwalimu,
Badina idia oi lalokau henia.+
5 Emu siahu amo emai inai taudia do ai lulua lao,+
Emu ladana dekenai ai idia tuari henia taudia do ai moia diho.+
6 Lau be egu peva dekenai lau abidadama lasi,
Bona egu tuari kaia ese lau ia hamauria diba lasi.+
7 Oi ese emai inai taudia amo ai oi hamauria,+
Ai idia inai henia taudia be oi ese oi hahemaraia.
8 Dirava e, dina ibounai lalonai oi do ai hanamoa,
Bona emu ladana dainai oi do ai tanikiu henia hanaihanai. (Sela)
9 To hari oi ese ai oi negea bona ai oi hahemaraia,
Bona oi be emai tuari oreadia danu oi lao lasi.
10 Oi ese emai inai taudia oi koua lasi dainai, idia ese ai idia lulua noho,+
Bona edia ura hegeregerena emai kohu idia abia.
11 Oi ese emai inai taudia dekenai ai oi henia, idia ese mamoe bamona ai do idia alaia,
Oi ese bese idauidau huanai ai oi lulua lao.+
12 Oi ese emu taunimanima be davana maragi dekenai oi hoihoilaia,+
Bona moni bada oi abia lasi.
13 Oi dainai emai dekena taudia ese ai idia gwauraia dika,
Ai idia hagegea taudia ibounai ese ai idia kirikirilaia.
14 Oi dainai bese idauidau huanai ai idia hevasehalaia,+
Taunimanima ese ai idia itaia neganai, edia kwarana idia hamarerea.
15 Nega ibounai lau hemarai noho,
Bona egu hemarai dainai egu vairana lau hunia noho,
16 Badina egu inai taudia be idia badu,
Bona hadikaia herevadia bona hagaria herevadia idia gwauraia.
17 Inai ibounai be ai dekenai ia vara, to ai ese oi ai laloaboio lasi,
Bona emu gwaubou ai makohia lasi.+
18 Ai be oi amo ai raka-siri lasi,
Emai aena be emu dala ia badinaia noho.
19 To uda sisia idia noho gabuna ai, oi ese ai oi hadikaia,
Oi ese dibura badana amo ai oi koua.
20 Bema emai Dirava ena ladana ai laloaboio,
Eiava bema guriguri totona idau dirava dekenai emai imana ai abia isi,
21 Dirava ese unai do ia itaia, ani?
Ia be kudouna ena hehuni gaudia ibounai ia diba.+
22 Ai be oiemu taunimanima dainai, nega ibounai mase be emai vairanai,
Bona ai be idia alaia gwauraia mamoe bamona idia laloa.+
24 Dahaka dainai emu vairana oi hunia?
Dahaka dainai ai davaria hisihisi bona dika oi laloaboio?
25 Badina ai be tano ena kahu dekenai ai moru vadaeni
Bona ai be tano dekenai ai hekure noho.+
Hereva ta miusiki gunalaia tauna totona. “Lili Flaoaflaoa” tiuni hegeregerena. Kora ena natudia memero edia ane.+ Masikili.* Lalokau anena.
45 Egu kudouna be gau namodia ese ia hahonua.
Lau gwau: “Egu ane* be king ta totona.”+
Egu malana be taravatu torea hanai namonamo tauna* ena toretore gauna* bamona.+
2 Oi be hairai momokani, taunimanima ibounai oi hereaia.
Emu uduna amo hereva namodia idia mai.+
Unai dainai Dirava ese oi ia hanamoa hanaihanai.+
3 Tuari tauna goadana e,+ emu tuari kaia+ be emu gabana ai oi atoa,
Mai emu hemataurai bona siahu bada ida oi karaia.+
4 Bona mai siahu bada ida oi kwalimu noho.+
Hosi dekenai oi heau bona manau taudia totona bona hereva momokani bona kara maoromaoro totona oi tuari,+
Bona emu imana idibana amo kara badadia do oi karaia.
5 Emu peva ena diba be mai ena matana, emu vairanai taunimanima ia hamorua,+
Emu peva ena diba ese king ena inai taudia edia kudouna ia gwadaia.+
7 Oi ese kara maoromaoro oi ura henia+ bona kara dika oi inai henia.+
Unai dainai Dirava, oiemu Dirava, ese moale dehorona amo oi ia horoa bona king ma haida oi hereaia.+
8 Emu dabua ibounai dekenai muro,* aloe,* bona kasia* ena bonana namona ia noho,
King ena ruma, aivori* amo idia hahairaia rumana, dekenai hap* edia regena ese oi ia hamoalea.
9 King taudia edia natudia kekeni be idia matauraia bada hahinedia.
Kwini be emu imana idibana ai ia gini, ia be Opiri amo idia abia golo herahera gaudia ia karaia.+
10 Egu natuna kekeni e, mani emu taiana oi kehoa bona oi kamonai,
Emu taunimanima bona emu tamana ena bese taudia oi laloaboio.
11 Bona king be emu hairai dainai oi do ia ura henia.
Ia be emu lohia,
Unai dainai ia dekenai oi tui diho,
12 Turo ena natuna kekeni be mai ena harihari gauna ida do ia mai,
Taga bada taudia be oi do idia tahua, emu lalonamo abia totona.
13 King ena ruma lalonai, king ena natuna kekeni be mai ena hairai bada,
Iena dabua be golo amo idia hahairaia.
14 Ia be king dekenai do idia hakaua lao, ena dabua be namo herea.*
Ia murinai idia raka rami-hebou kekenidia be king vairanai idia hakaua mai.
15 Idia be mai moale bada ida do idia hakaua mai,
Idia be king ena ruma lalonai do idia vareai.
16 Emu natudia memero be emu sene taudia edia gabu do idia abia.
Oi ese idia do oi abia hidi, tanobada ibounai ena lohia taudia ai idia lao totona.+
17 Lau ese emu ladana be idia mai noho uru ibounai dekenai do lau hadibaia.+
Unai dainai taunimanima ese oi do idia hanamoa noho ela bona hanaihanai.
Hereva ta miusiki gunalaia tauna totona. Kora ena natudia memero edia ane.+ Alamota* tiuni hegeregerena.
46 Dirava be iseda heau mauri gabuna bona goada ia henia tauna,+
Metau negadia ai ia noho hegaegae heduru henia totona.+
2 Unai dainai do ita gari lasi, ena be tanobada ia mareremarere,
Eiava ororo be davara ena dobu momokani gabudia dekenai idia moru,+
3 Eiava davara ena regena be bada bona hurehure be bada,+
Eiava davara ia mareremarere dainai ororo idia noho namonamo lasi. (Sela)
4 Sinavai ta mai ena kahana momo ia noho, unai ese Dirava ena siti dekenai moale ia havaraia,+
Ataiai Momokani Diravana ena dubu helaga badana dekenai moale ia mailaia.
5 Dirava be unai siti ai ia noho,+ ta ese unai siti ia hadikaia diba lasi.
Daba ia rere neganai Dirava be unai siti durua totona do ia mai.+
6 Bese idauidau be idia heiriheiri bada, basileia idauidau be dika bada idia davaria,
Dirava ena gadona ia habadaia, bona tanobada ia veve.+
7 Tuari oreadia edia Iehova* be ita ida ia noho,+
Iakobo ena Dirava be iseda heau mauri gabuna goadana. (Sela)
8 Umui mai bona Iehova ena gaukara idauidau umui itaia,
Ia ese tanobada ai ia karaia hoa karadia umui itaia.
9 Ia ese tanobada ibounai lalonai tuari ia haorea.+
Ia ese peva ia hamakohia bona io ia hakwaidua,
Ia ese tuari kariota* be lahi dekenai ia gabudia.
10 Ia gwau, “Tuari umui hadokoa bona do umui diba lau be Dirava.
Bese idauidau huanai lau do idia abia isi,+
Bona tanobada dekenai lau do idia abia isi.”+
11 Tuari oreadia edia Iehova be ita ida ia noho.+
Iakobo ena Dirava be iseda heau mauri gabuna goadana.+ (Sela)
Hereva ta miusiki gunalaia tauna totona. Kora ena natudia memero edia ane.+
47 Taunimanima ibounai e, emui imana umui patapataia.
Dirava umui hanamoa, mai moale ida umui boiboi.
2 Badina Iehova, Ataiai Momokani Diravana, be hoa kara badadia ia karaia.+
Ia be tanobada ibounai ena King badana.+
3 Ia ese taunimanima ibounai be iseda henunai ia atoa.
Ia ese bese idauidau be iseda aena henunai ia atoa.+
4 Ia ese ita totona iseda ahuna ia abia hidi,+
Unai ahuna be Iakobo ese ia heagilaia, ia be Dirava ese ia lalokau henia.+ (Sela)
5 Taunimanima be mai moale ida idia boiboi lalonai, Dirava ia daekau lao,
Taunimanima ese kibi idia hiriria lalonai, Iehova ia daekau lao.
6 Dirava hanamoa anedia umui abia.*
Iseda King dekenai hanamoa anedia umui abia.
7 Dirava be tanobada ibounai ena King dainai,+
Ia hanamoa anedia umui abia bona dala maorona ai umui karaia.
8 Dirava be bese idauidau edia King ai ia lao.+
Dirava be ena terona helagana ai ia helai.
9 Taunimanima edia gunalaia taudia ibounai be idia hebou,
Aberahamo ena Dirava ena taunimanima ida.
Badina tanobada ena lohia taudia be Dirava ena.
Ia be ataiai momokani gabuna ai ia noho.+
Kora ena natudia memero edia ane.+
48 Iseda Dirava ena siti, iena ororo helagana ai
Iehova ena siahu be bada herea bona hanamoa ia abia be namo.
2 Siona Ororo be ataiai momokani bona mai ena hairai, tanobada ibounai be ia dainai ia moale,+
Ia be not kahana ena daudau gabuna ai ia noho,
King Badana ena siti unai.+
3 Unai siti ena kohoro goadadia dekenai,
Dirava ia hahedinaraia vadaeni ia be heau mauri gabuna goadana.+
4 Itaia, king ibounai be idia haboua* vadaeni.
Idia be siti tuari henia totona idia lao.
5 Idia ese unai siti idia itaia neganai, idia hoa.
Idia gari bada dainai idia heau.
6 Unuseniai idia gari bada,
Bona hisihisi idia mamia, natuna ia havaraia gwauraia hahine ena hisihisi bamona.
7 Oi ese ist amo ia mai lai amo Tarasisi ena bouti oi hadikadia.
8 Ai kamonai vadaeni sivarai be hari ai itaia noho,
Tuari oreadia edia Iehova* ena siti, iseda Dirava ena siti dekenai unai ai itaia.
Dirava ese unai siti do ia haginia goada ela bona hanaihanai.+ (Sela)
9 Dirava e, ai ese oi hahedinaraia lalokauna* ai laloa dobu,+
Emu dubu helaga lalonai unai ai karaia.
10 Dirava e, tanobada ibounai dekenai emu ladana idia diba hegeregerena,
Tanobada ibounai ese oi idia hanamoa be namo.+
Nega ibounai emu siahu oi gaukaralaia kara maorona oi karaia totona.+
11 Siona Ororo+ ia moale be namo,
Emu hahemaoro karadia dainai, Iuda siti idauidau* idia moale be namo.+
12 Siona umui raka hagegea,
Iena kohoro ta ta umui duahia.+
13 Iena magu aukadia umui lalohadailaia namonamo.+
Iena kohoro goadadia umui sekea namonamo,
Unai amo uru gabedia dekenai umui herevalaia.
14 Badina inai Dirava be iseda Dirava+ ela bona hanaihanai.
Hereva ta miusiki gunalaia tauna totona. Kora ena natudia memero edia ane.+
49 Taunimanima ibounai e, inai hereva umui kamonai.
Tanobada taudia ibounai e, egu hereva umui kamonai henia,
2 Ladana maragi taudia bona ladana bada taudia,
Taga taudia bona ogogami taudia, umui kamonai.
3 Egu uduna amo aonega herevadia do lau gwauraia,
Bona egu kudouna ai lau laloa dobu,+ do lau laloparara totona.
4 Lau be aonega hereva ta do lau kamonai,
Lau be hap* lau gadaralaia lalonai, egu hunia hereva do lau gwauraia.
5 Egu inai taudia edia kara dika ia bada neganai,+
Dahaka dainai unai nega dikadia ai lau gari lasi be namo?
7 Idia ese ma tau ta ena mauri idia hoia lou diba lasi,
Eiava ia totona ena mauri davana be Dirava dekenai idia henia diba lasi,+
8 (Edia mauri hoia lou ena davana be bada herea,
Bona tau ta be ia hegeregere lasi unai davana ia karaia totona).
9 Edia tadikaka ia mauri hanaihanai bona mase gurina dekenai ia lao lasi totona.+
10 Idia itaia aonega taudia be idia mase danu,
Kavakava taudia bona laloa namonamo lasi taudia idia mase danu,+
Bona edia kohu be haida ese idia abia.+
11 Idia ura edia ruma be do idia noho hanaihanai,
Bona edia palai rumadia be do idia noho ela bona hanaihanai.
Edia noho gabudia dekenai edia ladadia idia hatoa.
12 Ena be ta be lada bada tauna, to ia be do ia mauri daudau lasi.+
Ia danu be do ia mase, animal hegeregerena.+
13 Inai be kavakava taudia edia dala+
Bona edia anina lasi herevadia idia badinaia taudia edia dala. (Sela)
14 Idia be Mase Gurina* dekenai do idia lao, mamoe be hamasea totona idia abia lao bamona.
Mase ese idia do ia naria,
Daba ai kara maoromaoro taudia ese idia do idia lohiaia.+
Idia be do idia boio,+
Idia be Mase Gurina*+ ai do idia noho, to edia ruma badadia dekenai do idia noho lasi.+
15 To Dirava ese Mase Gurina* ena siahu* amo lau do ia hamauria,*+
Badina ia ese mase amo lau do ia veria lou. (Sela)
16 Namo lasi tau ta be taga tauna ai ia lao dainai oi laloa momo,
Eiava namo lasi ena ruma ai kohu be momo herea dainai oi laloa momo,
17 Badina ia mase neganai, gau ta do ia abia lao lasi,+
Iena kohu namodia be ia ida do idia diho lao lasi.+
18 Badina ia mauri noho lalonai, sibona ena mauri ia hanamoa.+
(Taga tauna ai oi lao neganai, taunimanima be oi idia hanamoa.)+
19 To ia be do ia mase danu, ena sene taudia hegeregerena.
Idia be diari do idia itaia lou lasi.
20 Ena be unai ia lalopararalaia lasi tauna be mai ena ladana bada,+
To ia danu be do ia mase, animal hegeregerena.
Asapa ena ane.+
50 Iehova, dirava ibounai ia hereaia Diravana,+ ia gwau,
Ia ese tanobada taudia ibounai ia oda henia,
Dina daekau kahana amo ela bona dina diho kahana* ai idia noho taudia unai.
2 Dirava be Siona Ororo, hairai bada siti unai, amo ena diari ia halasia.+
3 Iseda Dirava be do ia mai bona mai regerege bada ida do ia mai.+
Iena vairana ai be lahi badana ia noho,+
Bona lai gubana ta be ia ia hagegea.+
4 Ia ese ena taunimanima ia hahemaoro henia totona,+
Guba bona tanobada ai idia noho taudia ia oda henia.+ Ia gwau:
5 “Egu helaga taudia be lau dekenai umui haboua,
Idia be boubou gauna amo lau ida gwaubou ta idia karaia.”+
6 Guba gaudia ese Dirava ena kara maoromaoro idia gwauraia noho,
Badina Dirava sibona be Hahemaoro Tauna.+ (Sela)
7 “Egu taunimanima e, do lau hereva bona umui kamonai,
Israela e, lau ese emu kara do lau gwauraia hedinarai.+
Lau be Dirava, oibe, lau be oiemu Dirava.+
8 Oiemu boubou gaudia dainai oi lau sisiba henia lasi,
Eiava egu vairanai hanaihanai emu gabua bouboudia idia noho dainai, oi lau sisiba henia lasi.+
9 Lau ese boromakau be oi naridia gabuna amo do lau abia lasi,
Eiava nanigosi tau be oi naridia gabuna amo do lau abia lasi.+
10 Badina uda ai idia noho animal ibounai be lauegu,+
Bona ororo ai idia noho animal tausen danu be lauegu.
11 Ororo manudia ibounai be lau diba,+
Bona tano dekenai idia noho animal momo herea be lauegu.
12 Bema lau hitolo, lau ese oi do lau hamaoroa lasi,
Badina tano namona bona ia lalonai idia noho gaudia ibounai be lauegu.+
13 Lau ese boromakau edia vamu lau ania diba, a?
Bona nanigosi edia rarana lau inua diba, a?+
14 Dirava tanikiu henia karadia be emu boubou gauna bamona,+
Bona Ataiai Momokani Diravana dekenai emu gwauhamata oi hamomokania.+
15 Hisihisi negadia ai lau dekenai umui boiboi.+
Lau ese umui do lau hamauria, bona umui ese lau do umui hanamoa.”+
16 To Dirava be kara dika tauna dekenai do ia gwau:
“Daika ese maoro ia henia egu taravatu oi gwauraidia totona?+
Eiava daika ese maoro ia henia egu gwauhamata oi herevalaia totona?+
18 Henaohenao tauna ta oi itaia neganai, ia oi hanamoa,*+
Bona oi ese heudahanai taudia oi bamoa noho.
19 Oi be emu uduna amo dika gaudia oi gwauraia loaloa,
Bona emu malana ai koikoi herevadia idia noho.+
20 Oi be haida ida oi helai bona emu tadikaka oi gwauraia dika,+
Oi ese emu tadikaka korikori ena kerere oi gwauraia hedinarai.
21 Unai gaudia oi karaia neganai, lau be hereva ta lau gwauraia lasi,
Unai amo oi laloa lau be oi hegeregerena.
To hari lau ese oi do lau sisiba auka henia,
Bona emu kerere ibounai do lau hahedinaraia.+
22 Dirava dadaraia taudia e,+ mani inai umui laloa,
Bema lasi, lau ese umui do lau darea maragimaragi, bona ta ese umui do ia hamauria diba lasi.
23 Bema ta ese Dirava tanikiu henia karadia be boubou gauna bamona ia henia, ia ese lau ia hanamoa,+
Bona kara maoromaoro dala ia badinaia goada tauna,
Ia be egu hahemauri dalana do ia itaia.”+
Hereva ta miusiki gunalaia tauna totona. Davida be Bataseba ida ia mahuta hebou dainai peroveta tauna Natana ese ia hereva henia murinai, Davida ese ane ia abia.+
51 Dirava e, emu lalokau* hegeregerena lau oi lalonamo henia.+
Emu hebogahisi bada dainai, egu kara dika do oi kokia momokani.+
4 Lau be oi dekenai lau kara dika vadaeni,+
Emu vairana ai dika gauna lau karaia.+
Unai dainai oi hereva neganai, emu hereva be maoromaoro
Bona mai kara maoromaoro ida hahemaoro oi karaia.+
5 Lau vara neganai lau be mai egu kara dika,
Bona egu sinana ena bogana lalonai lau noho neganai, lau be mai egu kara dika.+
6 Momokani, ta ena kudouna ai kara momokani ia noho neganai, oi moale.+
Lau oi hadibaia egu lalona ai aonega korikorina lau abia totona.
7 Egu kara dika be husopo amo oi hagoevaia, unai amo do lau goeva,+
Lau oi huria, unai amo sinou bamona do lau kurokuro momokani.+
8 Moale regedia do lau kamonai be namo,
Unai amo oi hamakohidia turia be do idia namo.+
10 Dirava e, egu kudouna oi hagoevaia,+
Bona oi lau badinaia noho totona egu lalona oi hamatamataia.+
11 Emu vairana amo lau oi negea lasi,
Bona lau amo emu lauma helaga oi kokia lasi.
12 Lau oi hamauria negana ai lau mamia moalena mani oi henia lou.+
Oi lau badinaia urana be lau dekenai oi havaraia.
13 Lau ese kerere taudia dekenai emu dala do lau hadibaia,+
Unai amo kara dika taudia be oi dekenai do idia giroa lou.
14 Egu hahemauri Diravana e,+ lau hadihoa rara ena kerere amo lau oi hamauria,+
Unai amo egu malana ese emu kara maoromaoro do ia gwauraia hedinarai.+
15 Iehova e, egu uduna oi kehoa,
Unai amo oi do lau hanamoa.+
16 Oi ese boubou gauna oi ura henia lasi, bema lau henia, do oi abia dae lasi,+
Oi ese gabua boubou dekenai oi moale lasi.+
17 Kudouna ia makohi karana be boubou gauna bamona Dirava ese ia abia dae,
Dirava e, helalo-kerehai bona manau kudouna oi dadaraia lasi.+
18 Siona ena namo totona gau namona ta oi karaia,
Ierusalema ena magu oi haginia.
19 Bena oi be kara maoromaoro tauna ena boubou gaudia dekenai do oi moale,
Gabua bouboudia bona boubou gaudia ibounai do oi abia dae,
Bena emu boubou patana latanai boromakau do idia bouboulaia.+
Hereva ta miusiki gunalaia tauna totona. Masikili.* Edoma tauna Doega ia lao bona Saulo ia hamaoroa Davida be Ahimeleka ena ruma dekenai ia lao murinai, Davida ese inai ane ia torea.+
52 Goada tauna e, dahaka dainai oi be emu kara dikadia dainai oi heagi?+
3 Dika oi ura henia bada, to namo oi ura henia lasi,
Oi koikoi momo, to hereva momokani oi gwauraia lasi. (Sela)
4 Koikoi momo malana e,
Oi be hadikaia herevadia ibounai oi ura henia bada!
5 Unai dainai Dirava ese oi do ia hadikaia ela bona hanaihanai.+
Ia ese oi do ia veria siri haraga bona emu palai rumana amo oi do ia kokia.+
Ia ese mauri taudia edia tano amo oi do ia kokia momokani.+ (Sela)
6 Kara maoromaoro taudia ese do idia itaia bona do idia hoa bada,+
Bona oi dekenai do idia kiri, do idia gwau:+
7 “Inai tauna ese Dirava be ena heau mauri gabuna* ai ia halaoa lasi,+
To ia be ena taga bada dekenai ia abidadama+
Bona ena palani dikadia dekenai ia tabekau.”
8 To Dirava ena ruma lalonai lau be olive au namona ta bamona do lau noho.
Lau be Dirava ena lalokau* dekenai lau abidadama,+ ela bona hanaihanai.
9 Lau ese oi do lau hanamoa hanaihanai, badina oi ese kara ta oi karaia vadaeni.+
Oi idia badinaia taudia vairanai,
Lau be emu ladana dekenai do lau abidadama,+ badina unai kara be namo.
Hereva ta miusiki gunalaia tauna totona. Mahalata* tiuni hegeregerena. Masikili.* Davida ena ane.
53 Kavakava tauna be ena lalona ai ia gwau:
“Iehova be ia noho lasi.”+
Unai taudia edia kara be gageva bona dika rohoroho.
Idia ta be kara namo ia karaia lasi.+
2 To Dirava be guba amo taunimanima ia itaia noho,+
Bema idia ta be mai ena laloparara, eiava bema idia ta be Iehova ia tahua noho.+
3 Idia ibounai be kara namodia idia rakatania vadaeni,
Idia ibounai be kara gageva taudia.
Idia ta be kara namo ia karaia lasi,
Lasi bona lasi momokani.+
4 Inai kerere karaia taudia idia laloparara lasi, ani?
Idia ese Dirava ena taunimanima idia haorea noho, paraoa idia ania ore bamona.
Idia be Iehova ena ladana dekenai idia boiboi lasi.+
5 To idia be do idia gari bada,
Guna unai bamona gari idia mamia lasi,*
Badina umui idia tuari henia noho taudia edia turia be Dirava ese do ia negea lao.
Idia be do idia hemarai, badina Iehova ese idia ia dadaraia.
6 Israela hamauria dalana be Siona amo do ia mai be namo!+
Iehova ese ena taunimanima, idia abia lao taudia ia haboua lou neganai,
Iakobo ia moale be namo, Israela ia moale bada be namo.
Hereva ta miusiki gunalaia tauna totona. Miusiki gaudia idauidau mai edia varo gadaralaia. Masikili.* Sipi taudia idia mai bona Saulo dekenai idia gwau: “Davida be ai huanai ia hunia noho.” Unai nega ai Davida be inai ane ia torea.+
2 Dirava e, egu guriguri oi kamonai.+
Egu uduna ena hereva mani oi kamonai.
3 Badina idau taudia idia mai lau idia hadikaia totona,
Bona dagedage taudia idia ura egu mauri idia kokia.+
Idia be Dirava idia laloa lasi taudia.+ (Sela)
4 Itaia! Dirava be egu durua tauna.+
Iehova be lau idia durua taudia ida ia noho.
5 Egu inai taudia edia kara dika dainai, ia ese edia davana do ia henia.+
Iena kara namodia dainai, idia ia hadikaia ore.+
6 Lau be mai ura bada ida oi dekenai boubou gaudia do lau henia.+
Iehova e, lau ese emu ladana do lau hanamoa, badina unai kara be namo.+
7 Badina oi ese hisihisi ibounai amo lau oi hamauria,+
Bona egu inai taudia idia lusi neganai, unai do lau itaia.+
Hereva ta miusiki gunalaia tauna totona. Miusiki gaudia idauidau mai edia varo gadaralaia. Masikili.* Davida ena ane.
55 Dirava e, egu guriguri oi kamonai,+
Bona hebogahisi totona lau noinoi neganai, lau oi dadaraia lasi.*+
2 Mani lau oi kamonai henia bona lau oi haere henia.+
Lau laloa momo dainai lau laga-ani diba lasi,+
Bona lau lalohekwarahi,
3 Badina egu inai tauna ena hereva ese lau ia hagaria
Bona kara dika tauna ese lau ia hahisia.
Idia ese lau dekenai kerere idia havaraia noho,
Bona lau idia inai henia noho.+
5 Lau gari bona lau heudeheude,
Bona lau mareremarere noho.
6 Lau hereva noho: “Bema lau be mai egu apena, pune manu bamona,
Do lau roho lao bona gabu namona ai lau noho.
7 Kamonai, lau be daudau gabuna dekenai do lau heau lao.+
Taunimanima lasi gabuna ai do lau noho.+ (Sela)
8 Lau be hunia gabuna ta dekenai lau lao haraga,
Lai gubana amo lau siri totona.”
9 Iehova e, idia dekenai daradara oi havaraia bona edia palani oi hadikaia,+
Badina lau ese siti lalonai dagedage bona heiriheiri lau itaia.
10 Dina bona hanuaboi ai idia be siti ena magu ataiai idia raka loaloa,
Siti lalonai inai heheni karadia bona kerere idia vara noho.+
11 Siti ai dika ia vara noho,
Bona ariara dekenai hahisia karadia bona koikoi karadia idia ore lasi.+
12 To lau ia gwauraia dika tauna be egu inai tauna lasi,+
Bema ia be egu inai tauna, ena kara lau haheaukalaia diba.
Lau ia tuari henia tauna be egu inai tauna lasi,
Bema ia be egu inai tauna, ia amo lau hunia diba.
14 Guna ita be tura namodia,
Dirava ena ruma ai hutuma ida ita raka hebou.
15 Idia latanai dika ia vara be namo!+
Idia mauri noho lalonai do idia guridia,
Badina dika be idia huanai bona edia lalona ai ia noho.
16 To lau be Dirava dekenai do lau boiboi,
Bona Iehova ese lau do ia hamauria.+
17 Adorahi bona daba bona dina tubua ai, lau lalohekwarahi bona lau taitai,+
Bona ia ese egu gadona ia kamonai.+
18 Hutuma be lau tuari henia totona idia mai,
Ia ese lau idia heatu henia taudia amo lau do ia hamauria* bona lau dekenai maino do ia henia.+
19 Dirava do ia kamonai bona do ia haere henidia,+
Ia be gunaguna negana amo terona ai ia helai.+ (Sela)
Do idia ura lasi edia kara dikadia idia haidaua,
Idia be Dirava idia gari henia lasi taudia.+
21 Iena hereva be manadamanada, bata ia hereaia,+
To iena kudouna ai badu ia noho.
Iena hereva be manokamanoka, oela ia hereaia,
To idia be tuari kaia bamona.+
22 Emu metau be Iehova dekenai oi negea lao,+
Bona ia ese oi do ia durua.+
Ia ese kara maoromaoro tauna do ia rakatania lasi ia moru totona.+
23 To Dirava e, oi ese kara dika taudia be guri dobu momokani gabuna ai do oi negea diho.+
Ala-ala taudia bona koikoi taudia be idia do matamata lalonai do idia mase.+
To lau be oi do lau abidadama henia.
Hereva ta miusiki gunalaia tauna totona. “Daudau ai Ia Noho Regerege Lasi Pune Manu” tiuni hegeregerena. Davida ena ane. Mikitama.* Filistia taudia ese Gata ai ia idia abia neganai.+
56 Dirava e, lau dekenai hebogahisi oi hahedinaraia, badina taunimanima ese lau idia tuari henia noho.
Dina ibounai idia ese lau idia heatu henia bona hahisia noho.
2 Dina ibounai egu inai taudia be lau idia tuari henia,
Idia momo be mai hekokoroku ida lau idia heatu henia.
3 Lau gari neganai,+ lau ese oi lau abidadama henia.+
4 Dirava lau abidadama henia, iena hereva lau hanamoa,
Dirava lau abidadama henia, lau gari lasi.
Taunimanima be lau dekenai dahaka do idia karaia?+
5 Dina ibounai idia be lau dekenai hekwakwanai idia havaraia,
Idia ura lau idia hahisia sibona.+
6 Idia hunia lau idia tuari henia totona,
Egu raka dala ibounai idia itaia noho,+
Edia ura be egu mauri idia kokia.+
7 Edia kara dika dainai idia oi dadaraia.
Dirava e, emu badu amo bese idauidau oi panisia.+
8 Oi ese egu loaloa gabudia oi itaia noho.+
Egu mata ranu be emu ranu pusena* ai oi haboua.+
Idia be emu buka ai oi torea, ani?+
9 Heduru totona lau boiboi dinana ai egu inai taudia be do idia heau.+
Lau diba momokani Dirava be lau ida.+
10 Dirava lau abidadama henia, iena hereva lau hanamoa,
Iehova lau abidadama henia, iena hereva lau hanamoa.
12 Dirava e, oi dekenai lau karaia gwauhamata ibounai lau badinaia,+
Lau ese oi dekenai tanikiu bouboudia do lau henia.+
13 Badina oi ese mase amo lau oi hamauria+
Bona oi ese egu aena oi gimaia, vadaeni lau moru lasi,+
Unai amo lau mauri noho bona Dirava vairanai lau raka.+
Hereva ta miusiki gunalaia tauna totona. “Dika Oi Havaraia Lasi” tiuni hegeregerena. Davida ena ane. Mikitama.* Unai be, Saulo amo ia heau bona kohua ai ia hunia negana ai.+
57 Egu Dirava e, lau dekenai hebogahisi oi hahedinaraia,
Badina oi be egu heau mauri gabuna,+
Bona emu apena henunai lau hunia ela bona dika ibounai ia ore.+
2 Ataiai Momokani Diravana lau boiboi henia,
Ia be Dirava momokanina, ia ese lau totona dika ibounai ia haorea momokani.
3 Ia ese guba amo heduru do ia siaia bona lau do ia hamauria.+
Ia ese lau idia tuari henia taudia edia palani do ia hadikaia. (Sela)
Dirava ese ena lalokau* bona kara momokani do ia hahedinaraia.+
4 Laiona ese lau idia hagegea.+
Lau idia ania gwauraia taudia huanai lau hekure,
Edia isena be io bona peva ena diba bamona
Bona edia malana be tuari kaia mai matana bamona.+
5 Dirava e, guba ai emu siahu oi hahedinaraia,
Tanobada ibounai dekenai emu hairai oi hahedinaraia.+
6 Idia ese reke idia hegaegaelaia egu aena tarapua totona.+
Lau lalohekwarahi dainai egu goada ia ore.+
Egu vairana ai guri ta idia geia vadaeni,
To idia sibona be unai guri lalonai idia moru.+ (Sela)
8 Egu lalona e, oi noga.
Miusiki gauna mai ena varo e, oi noga, hap* e, oi danu oi noga.
Daba ia rere lasi neganai, do lau noga.+
9 Iehova e, taunimanima huanai oi do lau hanamoa,+
Bese idauidau huanai oi dekenai hanamoa anedia do lau abia.*+
10 Badina emu lalokau* be bada herea, ena bada ese guba ia abia,+
Bona emu kara momokani be bada herea, ori dekenai ia daekau lao.
11 Dirava e, guba ai emu siahu oi hahedinaraia,
Tanobada ibounai dekenai emu hairai oi hahedinaraia.+
Hereva ta miusiki gunalaia tauna totona. “Dika Oi Havaraia Lasi” tiuni hegeregerena. Davida ena ane. Mikitama.*
58 Tatau e, dahaka dainai kara maoromaoro totona umui hereva lasi?+
Kara maoromaoro ai hahemaoro umui karaia diba, a?+
3 Kara dika taudia be idia vara negana amo dala kererena* idia badinaia.
Idia be kerere taudia, idia vara negana amo koikoi daladia idia badinaia.
5 Ena be meamea tauna be mai ena diba gaigai ia hamanadaia totona,
To gaigai ese ena hereva do ia kamonai lasi.
6 Dirava e, edia isena oi makohia!
Iehova e, inai laiona natudia edia aukina oi hamakohia!
7 Idia be ranu bamona idia boio.
Namona be Dirava ese peva ia hegaegaelaia bona ena diba amo idia do ia pidia.
8 Idia be kururu* bamona idia kaukau bona idia boio,
Idia be bogana ai ia mase beibi bamona, ia vara neganai dina ena diari ia itaia lasi bona ia mase.
9 Au ginigini amo lahi oi karaia, to emu nanadu uro ia do siahu lasi neganai,
Dirava ese lai gubana amo ia paripari au ginigini bona ia kakoro au ginigini do ia kokia.+
10 Kara maoromaoro tauna do ia moale, badina ia itaia Dirava ese kara dika taudia edia davana ia henia.+
Iena aena be kara dika taudia edia rara lalonai do ia noho.+
11 Bena taunimanima do idia gwau: “Momokani kara maoromaoro tauna totona davana namona ia noho.+
Momokani tanobada ia hahemaoro henia Diravana ta ia noho.”+
Hereva ta miusiki gunalaia tauna totona. “Dika Oi Havaraia Lasi” tiuni hegeregerena. Davida ena ane. Mikitama.* Unai nega ai Saulo ese tatau haida be Davida ena ruma gimaia totona ia siaia lao, Davida hamasea totona.+
59 Egu Dirava e, egu inai taudia amo lau oi hamauria.+
Idia ura lau idia hadikaia taudia amo lau oi gimaia.+
2 Kara dika idia karaia taudia amo lau oi hamauria,
Bona dagedage* taudia amo lau oi hamauria.
3 Itaia, idia be lau hadikaia totona idia naria,+
Bona tatau goadadia ese lau idia tuari henia,
To Iehova e, lau gwau-edeede eiava kara dika dainai lasi.+
4 Ena be kerere ta lau karaia lasi, to idia heau mai bona tuari totona idia hegaegae.
Heduru totona lau boiboi neganai, oi toreisi bona oi itaia.
5 Badina oi, tuari oreadia edia Dirava Iehova, be Israela ena Dirava.+
Mani bese idauidau ese idia karaia gaudia oi itaia.
Lau hadikaia totona idia koikoi taudia oi hebogahisi henia lasi.+ (Sela)
6 Idia be adorahi ta ta ai idia giroa mai.+
Sisia bamona idia boiboi+ bona mai regerege lasi ida siti lalonai idia loaloa.+
7 Edia uduna amo hadikaia herevadia idia raka-lasi.
Edia udu bibina be tuari kaia bamona,+
Badina idia gwau: “Daika be ia kamonai noho?”+
9 Egu Dirava e, oi be egu Goada Henia Tauna, lau be oi dekenai do lau naria noho,+
10 Lau dekenai lalokau* ia hahedinaraia Diravana be lau durua totona do ia mai.+
Dirava ese egu inai taudia ia halusia neganai, unai do lau itaia.+
11 Idia oi hamasea ore lasi, unai amo egu taunimanima ese oi karaia gaudia do idia laloaboio lasi.
Emu siahu amo idia be loa kava taudia ai oi halaoa.
Iehova, emai kesi e, idia oi hamorua.+
12 Edia udu bibina amo idia gwauraia herevadia be dika,
Namona be edia hekokoroku karana ena tarapu lalonai idia moru.+
Badina idia ese hadikaia bona koikoi herevadia idia gwauraia.
13 Emu badu amo idia do oi hadikaia ore.+
Oi hadikaia ore momokani, unai amo do idia noho lasi.
Namona be idia diba Iakobo bona tanobada ibounai be Dirava ese ia lohiaia noho.+ (Sela)
14 Bena idia be adorahi ta ta ai do idia giroa mai.
Sisia bamona idia boiboi bona mai regerege lasi ida siti lalonai idia loaloa.+
15 Idia be gabu ibounai dekenai aniani idia tahua loaloa,+
Bona idia ese aniani eiava noho gabuna ta idia davaria lasi.
16 To lau be emu goada do lau anelaia.+
Daba ai lau be mai moale bada ida emu lalokau* do lau herevalaia.
Badina oi be egu heau mauri gabuna+
Bona hisihisi negana ai lau be oi dekenai do lau heau lao.+
17 Egu Dirava e, oi be egu goada henia Diravana, oi dekenai hanamoa anedia do lau abia,*+
Badina oi be egu heau mauri gabuna, lau dekenai lalokau* oi hahedinaraia Diravana.+
Hereva ta miusiki gunalaia tauna totona. “Hadibaia Lili Flaoaflaoa” tiuni hegeregerena. Mikitama.* Hadibaia totona. Davida ena ane. Unai be Arama-naharaimi bona Arama-Soba ida ia tuari negana ai, bona Ioaba ia giroa bona Damena Koura ai Edoma taudia 12,000 ia hamasea negana ai.+
60 Dirava e, oi ese ai oi dadaraia, bona emai tuari taudia oi halusia.+
Oi be ai dekenai oi badu, to hari, mani ai oi abia dae lou!
2 Oi ese tanobada oi hamarerea, bona oi hapararaia.
Tanobada ena dika gabudia oi hanamoa, badina ia moru noho.
3 Oi ese emu taunimanima oi hahisia bada.
Oi ese ai dekenai wain oi henia ai inua dainai, ai raka namonamo lasi.+
4 Oi ese saini au ta oi haginia, oi idia gari henia taudia oi hamaoroa
Peva amo idia heau siri haraga totona. (Sela)
5 Unai amo emu lalokau taudia do idia heau mauri,
Emu imana idibana amo ai oi hamauria bona ai oi haere henia.+
6 Dirava be helaga dainai, ia gwau:
“Do lau moale, lau ese Sekema be ahuna bamona do lau henia,+
Bona Sukoto Koura be do lau hahetohoa.+
7 Gileada bona Manase be lauegu,+
Bona Eparaima be egu kwara gauna,*
Iuda be egu lohia tauna ena itotohi.+
8 Moaba be egu uro.+
Edoma dekenai egu sandolo do lau negea lao.+
Filistia do lau halusia dainai, mai moale ida do lau boiboi.”+
9 Idia koua hagegea siti dekenai daika ese lau do ia hakaua lao?
Daika ese lau do ia gunalaia ela bona Edoma dekenai?+
10 Dirava e, oi ese ai dekenai kwalimu do oi henia! To itaia, oi be ai oi dadaraia.
Bona emai Dirava e, oi be emai tuari oreadia ida oi lao lasi.+
11 Emai hisihisi negadia lalonai, ai oi durua,
Badina taunimanima edia hahemauri karadia be anina lasi.+
Hereva ta miusiki gunalaia tauna totona. Miusiki gaudia idauidau mai edia varo gadaralaia. Davida ena ane.
61 Dirava e, heduru totona egu noinoi mani oi kamonai.
Egu guriguri oi kamonai henia.+
2 Egu kudouna ia metau* neganai,
Lau be tanobada ena dokona kahana amo oi dekenai do lau boiboi.+
Ataiai ia noho nadi badana ta dekenai lau oi hakaua lao.+
3 Badina oi be egu heau mauri gabuna,
Oi be egu inai taudia amo lau ia gimaia magu aukana ta bamona.+
4 Lau be emu palai ruma ai do lau noho ela bona hanaihanai.+
Lau be emu apena henunai mauri abia totona do lau hunia.+ (Sela)
5 Badina Dirava e, oi ese egu gwauhamata oi kamonai.
Oi ese emu ladana dekenai idia gari taudia edia ahuna be lau dekenai oi henia.+
6 Oi ese king ena mauri dinadia do oi halataia,+
Bona iena mauri lagani be do idia momo herea, uru ta amo ela bona uru ma ta.
7 Ia be Dirava vairanai terona ai do ia helai ela bona hanaihanai.+
Ia dekenai lalokau* bona kara momokani oi hahedinaraia, unai ese ia do ia gimaia.+
8 Dina ta ta ai egu gwauhamata lau hamomokania lalonai,+
Lau ese emu ladana dekenai ane do lau abia* ela bona hanaihanai.+
Hereva ta miusiki gunalaia tauna totona. Iedutunu.* Davida ena ane.
62 Lau be mai regerege lasi ida Dirava totona lau naria.
Egu hahemauri be ia amo ia mai.+
2 Ia be egu nadi badana bona egu hamauria tauna, ia be egu kohoro goadana,+
Gau ta ese lau do ia hamorua lasi.+
3 Umui ura tau ta alaia totona, ia do umui hahisia noho ela bona edena negai?+
Umui ibounai be ia dika magu ta bamona, ia moru gwauraia nadi maguna unai.
4 Idia be idia hereva hebou iena dagi badana amo ia idia kokia totona,
Idia be koikoi karadia idia ura henia.
Edia uduna amo hanamoa hereva idia gwauraia, to edia lalona be dika.+ (Sela)
6 Ia be egu nadi bona lau ia hamauria tauna, ia be egu kohoro goadana,
Gau ta ese lau do ia hamorua lasi.+
7 Egu hahemauri bona hairai be Dirava amo.
Ia be egu nadi goadana bona egu heau mauri gabuna.+
8 Taunimanima e, nega ibounai ia dekenai umui abidadama.
Ia dekenai umui laloa gaudia ibounai umui gwauraia.+
Ita totona Dirava be heau mauri gabuna.+ (Sela)
9 Taunimanima be hahodi tamona sibona bamona,
Taunimanima be nihi koikoi ta bamona.+
Sikele ai idia haboua neganai, idia be metau lasi, hahodi tamona ena metau ia hereaia.+
10 Namo lasi dadidadi karadia dekenai umui abidadama,
Eiava namo lasi henaohenao karadia dekenai umui tabekau.
Bema emui kohu be momo herea, namo lasi unai gaudia dekenai umui abidadama.+
11 Dirava be nega tamona ia hereva vadaeni, nega rua inai lau kamonai:
Dirava ena goada be bada herea.+
12 Iehova e, oi ese lalokau* oi hahedinaraia,+
Badina ta ta be edia kara hegeregerena davana oi henia.+
Davida ena ane, unai neganai ia be Iuda ena tano kaukauna ai ia noho.+
63 Dirava e, oi be egu Dirava, oi lau tahua noho.+
Lau be oi lau ura henia dikadika.+
Lau ura bada oi be egu badinai oi noho,
Tano kaukau, ranu lasi gabuna ai.+
2 Vadaeni emu helaga gabuna ai oi lau itaia,
Bona emu goada bona hairai lau itaia danu.+
4 Egu mauri dinadia ibounai lalonai oi do lau hanamoa,
Emu ladana dainai egu imana do lau abia isi.
5 Lau be kahana namona lau abia dainai lau moale,
Unai dainai mai moale ida egu uduna amo oi do lau hanamoa.+
6 Egu mahuta patana ai lau hekure lalonai oi lau laloatao,
Hanuaboi momokani ai lau be oi lau laloa noho.+
8 Lau be oi badinai lau noho,
Emu imana idibana ese lau ia dogoatao auka noho.+
9 To lau hamasea totona dala idia tahua taudia
Be tanobada ena dobu momokani gabuna ai do idia diho lao.
10 Idia be tuari kaia amo do idia mase ore,
Idia be uda sisia edia aniani ai do idia lao.
11 To king be Dirava dainai do ia moale.
Ia dekenai idia gwauhamata taudia ibounai be do idia moale,
Badina koikoi hereva idia gwauraia taudia be do idia regerege lasi.
Hereva ta miusiki gunalaia tauna totona. Davida ena ane.
64 Dirava e, lau lalohisihisi dainai lau noinoi, mani oi kamonai.+
Egu inai taudia edia dagedage karadia amo egu mauri oi gimaia.
2 Kara dika taudia ese hehuni ai idia karaia palani dikadia amo lau oi gimaia,+
Oibe, kara kerere taudia amo lau oi gimaia.
3 Edia malana be tuari kaia bamona idia segea,
Edia hadikaia herevadia be peva ena diba bamona,
4 Edia hunia gabuna amo kerere lasi tauna idia pidia totona,
Idia be mai gari lasi ida ia idia pidia haraga.
5 Idia be edia lalohadai dikadia idia badinaia goada.*
Idia be edia tarapu hunia daladia idia herevalaia,
Idia gwau: “Daika ese unai tarapu do ia itaia?”+
6 Idia be kerere karaia totona, dala matamatadia idia tahua,
Idia ese edia palani dikadia be hunia dalana ai idia karaia,+
Idia ta ta edia lalona ai ia noho gauna be ta ia diba lasi.
7 To Dirava ese idia do ia pidia,+
Peva ena diba ese karaharaga idia do ia haberoa.
8 Idia be sibona edia malana ese do ia hadikaia.+
Unai idia itaia noho taudia be edia kwarana do idia hamarerea.
9 Bena taunimanima ibounai do idia gari,
Bona Dirava ese ia karaia gauna do idia herevalaia,
Bona ia karaia gaudia do idia lalopararalaia.+
10 Kara maoromaoro tauna be Iehova dainai do ia moale, bona ia be ena heau mauri gabuna,+
Kudou maoro taudia ibounai be do idia moale bada.
Hereva ta miusiki gunalaia tauna totona. Davida ena ane.
2 Guriguri kamonai Diravana e, taunimanima idauidau be oi dekenai do idia mai.+
4 Oi abia hidi bona hakaua mai tauna be ia moale,
Emu dubu helaga ena ariara lalonai ia noho totona.+
Emu ruma ai idia noho gau namodia dainai ai be do ai hegeregere momokani,+
Emu ruma be dubu helaga unai.+
5 Emai hahemauri Diravana e,
Emu kara maoromaoro bona hoa kara badadia amo ai do oi haere henia.+
Tanobada ena kahana ibounai dekenai idia noho taudia
Bona davara kahana ai idia noho taudia be oi dekenai idia abidadama.+
6 Oi ese emu siahu amo ororo ibounai oi haginia goada,
Oiemu goada be bada herea.+
7 Oi ese ia regerege bada davara oi hamanadaia,+
Bona hurehure badadia bona bese idauidau edia heiriheiri oi haorea.+
8 Daudau gabudia ai idia noho taudia be emu toa karadia dainai do idia gari bada.+
Dina daekau bona dina diho kahana ai idia noho taudia be oi dainai mai moale ida do idia boiboi.
9 Oi ese tanobada oi naria namonamo,
Huahua momo oi havaraia bona tano oi hanamoa.+
Dirava amo ia aru mai sinavai be ranu amo ia honu,
Oi ese idia totona witi oi henia.+
Oi ese tanobada be unai bamona oi hegaegaelaia.
10 Oi ese idia geia gabudia ai ranu oi henia bona idia geia tanodia oi hapalakaia.
Oi ese medu amo tano oi hamanokaia, unai amo tubutubu gaudia idia tubu.+
11 Oi ese gau namodia amo lagani ibounai oi hahairaia,
Emu raka gabudia be gau namodia momo ese ia hahonua.+
12 Taunimanima lasi gabuna ai idia noho rei namodia be momo herea,+
Bona toana be ororo maragidia be idia moale bada.+
13 Rei gabudia ai mamoe momo herea idia noho,
Bona koura gabudia be witi ese ia hahonua.+
Idia be mai moale ida idia boiboi, oibe, ane idia abia.+
Hereva ta miusiki gunalaia tauna totona. Ane ta.
66 Tanobada ibounai e, mai moale bada ida Dirava hanamoa.+
3 Dirava dekenai umui gwau: “Emu gaukara ibounai be idau momokani dainai, taunimanima ese oi idia matauraia!+
Emu siahu bada dainai,
Emu inai taudia be emu vairanai do idia gari bada.+
4 Tanobada taudia ibounai be oi dekenai do idia tui diho,+
Oi dekenai hanamoa anedia do idia abia,
Idia ese emu ladana dainai hanamoa anedia do idia abia.”+ (Sela)
5 Umui mai bona Dirava ena gaukara umui itaia.
Taunimanima dekenai ia karaia karadia be namo herea.+
6 Ia ese davara be tano kaukauna ai ia halaoa,+
Idia be sinavai idia raka hanaia.+
Ita totona ia karaia gaudia dainai, unuseniai ita moale bada.+
7 Iena siahu be bada dainai ia lohia hanaihanai.+
Iena matana be bese idauidau ia itaia noho.+
Namo lasi kudou auka taudia idia hekokoroku.+ (Sela)
8 Taunimanima e, iseda Dirava hanamoa,+
Bona ia ita hanamoa regena idia kamonai be namo.
10 Dirava e, oi ese ai oi sekea namonamo.+
Oi ese ai oi hagoevaia, siliva idia hagoevaia bamona.
11 Oi ese emu reke amo ai oi tarapua,
Oi ese ai latanai maduna metauna oi atoa.
12 Oi ese taunimanima oi koua lasi ai idia moia diho totona,
Ai be lahi bona ranu ai raka hanaia,
Bena gabu namona dekenai ai oi hakaua lao.
13 Lau be emu ruma ai gabua bouboudia do lau mailaia,+
Oi dekenai egu gwauhamata do lau hamomokania,+
14 Unai be egu uduna amo lau gwauhamatalaia+
Bona egu lalometau negana ai lau herevalaia gauna.
15 Lau ese oi dekenai animal namodia be gabua boubou bamona do lau henia,
Idia gabua mamoe tau edia kwalahu be oi dekenai do ia daekau.
Lau ese boromakau bona nanigosi tau do lau bouboulaia. (Sela)
16 Dirava umui gari henia taudia ibounai e, umui mai bona kamonai,
Bona Dirava ese lau totona ia karaia gaudia be umui dekenai do lau gwauraia.+
17 Egu Dirava dekenai lau boiboi
Bona ia lau hanamoa.
18 Bema egu kudouna ai gau dikana ta lau hunia,
Iehova ese lau do ia kamonai henia lasi.+
20 Dirava hanamoa, badina ia ese egu guriguri ia abia dae
Bona lau amo ena lalokau* ia kokia lasi.
Hereva ta miusiki gunalaia tauna totona. Miusiki gaudia mai edia varo gadaralaia. Ane ta.
67 Dirava ese ita do ia lalonamo henia bona hanamoa.
Ita dekenai ena kara namo do ia hahedinaraia.+ (Sela)
2 Unai amo tanobada taudia ibounai ese emu kara do idia dibaia,+
Emu hahemauri karadia be bese ibounai ese do idia dibaia.+
3 Dirava e, taunimanima ese oi idia hanamoa.
Oibe, idia ibounai ese oi idia hanamoa be namo.
4 Bese idauidau be mai moale ida do idia boiboi,+
Badina oi ese taunimanima do oi kota henia maoromaoro.+
Oi ese tanobada ena bese ibounai do oi hakaua. (Sela)
5 Dirava e, taunimanima ese oi idia hanamoa.
Oibe, idia ibounai ese oi idia hanamoa be namo.
6 Tanobada ai tubutubu gaudia edia anina do idia vara namonamo.+
Iseda Dirava ese ita dekenai hahenamo do ia henia.+
7 Dirava ese ita dekenai hahenamo do ia henia,
Bona tanobada ibounai dekenai taunimanima ese ia do idia matauraia.+
Hereva ta miusiki gunalaia tauna totona. Davida ena ane.
68 Dirava ia toreisi neganai, iena inai taudia be gabu idauidau dekenai idia heau lao,
Bona iena inai taudia be ena vairana amo idia heau boio.+
2 Lai ese kwalahu ia abia lao hegeregerena, idia oi lulua lao be namo.
Kandolo be lahi ena siahu dainai ia veve bamona,
Dirava vairanai kara dika taudia idia boio be namo.+
3 To kara maoromaoro taudia idia moale be namo.+
Dirava vairanai idia moale bada be namo.
Mai moale bada ida idia boiboi be namo.
4 Dirava dekenai ane abia, iena ladana dekenai hanamoa anedia abia.*+
Tano kaukau palakadia* ia hanaia noho Diravana dekenai ane abia.
5 Dirava be tamana lasi natudia edia tamana bona vabu taudia edia gimaia* tauna,+
Ia be helaga gabuna ai ia noho.+
6 Dirava ese sibona idia noho taudia dekenai ruma ia henia idia noho totona.+
Ia ese dibura taudia ia ruhaia noho bona ia hanamodia.+
To kwara auka* taudia be ranu lasi gabuna ai idia noho be namo.+
7 Dirava e, oi ese emu taunimanima oi hakaua neganai,+
Tano kaukauna oi raka hanaia neganai, (Sela)
8 Tano ia mareremarere.+
Dirava dainai guba amo medu ia diho.
Israela ena Dirava dainai Sinai ia mareremarere.+
9 Dirava e, oi ese medu bada herea oi hadihoa.
Emu taunimanima idia hesiku bada, to idia oi hagoadaia.
10 Idia be emu palai rumadia dekenai idia noho.+
Dirava e, emu kara namodia dainai, ogogami taudia dekenai heduru oi henia.
11 Iehova ese oda ia henia,
Bona sivarai namona idia harorolaia hahine be tuari orea badana ta bamona.+
12 Tuari oreadia edia king idia heau!+
Ruma dekenai idia noho hahine be tuari taudia ese idia abia kohu amo ahuna idia abia danu.+
13 Ena be umui tatau be kamepa ena lahi gabuna* badinai umui hekure noho,
To unuseniai umui ese pune manu ena siliva apena
Bona ena hanina, golo namo hereana gauna do umui dogoatao.
16 Umui ororo badadia e, Dirava ese ia abia hidi ororona, iena noho gabuna unai,
Umui itaia neganai, dahaka dainai umui mama?+
Momokani, Iehova be unuseniai do ia noho ela bona hanaihanai.+
17 Dirava ena tuari kariota be tausen momo herea, duahia diba lasi.+
Iehova be Sinai amo helaga gabuna dekenai ia mai.+
18 Iah Dirava e, oi be ataiai dekenai oi daekau lao,+
Oi ese igui hesiai taudia oi abia lao.
Oi ese taunimanima be harihari gaudia bamona oi abia,+
Oibe, kwara auka taudia danu+ be edia huanai idia noho.
19 Iehova ita hanamoa, dina ta ta ai ia ese iseda metau ia huaia,+
Ia be iseda hahemauri Dirava momokanina. (Sela)
20 Dirava momokanina be ita ia hamauria Diravana.+
Bona Iehova, Siahu Ibounai Lohiabadana ese mase amo ita ia hamauria.+
21 Oibe, Dirava be ena inai taudia edia kwarana do ia hamakohia,
Kerere ia karaia noho tauna ena kwarana do ia hamakohia.+
22 Iehova ia gwau: “Lau ese Basana amo idia do lau hakaua giroa,+
Lau ese davara ena dobu momokani gabuna amo idia do lau hakaua giroa,
23 Unai amo emu aena be emu inai taudia edia rara lalonai do ia noho,+
Bona emu sisia ese emu inai taudia edia rara do idia inua.”
24 Dirava e, idia ese emu taunimanima edia orea edia raka idia itaia,
Egu Dirava, egu King, ena taunimanima edia orea be helaga gabuna dekenai idia raka vareai.+
25 Ane abia taudia be vairanai idia raka, edia murinai miusiki gaudia mai edia varo gadaralaia taudia idia raka,+
Edia huanai kekeni matamatadia be tambarin idia gadaralaia.+
26 Hebou lalonai, Dirava hanamoa,
Israela bese ia matamaia Tauna ena bese taudia e, Iehova hanamoa.+
27 Bese maragina Beniamina+ ese idia ia lulua lao noho,
Iuda ena lohia taudia bona hutuma be mai regerege ida idia lao danu,
Sebuluno ena lohia taudia, Napatali ena lohia taudia danu.
28 Emu Dirava ia gwau oi be do oi goada.
Dirava e, emu goada oi hahedinaraia, ai totona oi karaia bamona.+
29 Ierusalema ai emu dubu helaga ia noho dainai,+
King taudia be oi dekenai harihari gaudia do idia abia mai.+
30 Siriho dekenai idia noho uda animal oi gwau henia,
Idia haboua boromakau+ bona edia natudia danu,
Unai bamona oi karaia ela bona idia igo diho taudia ese siliva idia abia mai.
To ia ese tuari idia ura henia taudia be gabu idauidau dekenai ia lulua lao.
31 Kopa gaudia be Aigupito amo do idia abia mai,+
Kusu be Dirava dekenai harihari gaudia do ia henia haraga.
32 Tanobada ena basileia idauidau e, Dirava dekenai ane umui abia,+
Iehova dekenai hanamoa anedia umui abia,* (Sela)
33 Idaunegai ia noho guba ena ataiai momokani dekenai ia heau noho Diravana dekenai ane abia.+
Itaia! Iena gadona ena goada be guba ena boiboi bamona.
34 Dirava ena goada herevalaia.+
Iena hairai be Israela latanai ia noho,
Bona iena goada be guba* ai ia hedinarai.
35 Taunimanima ese helaga herea gabuna ai ia noho Diravana idia matauraia bona gari henia be namo.+
Ia be Israela ena Dirava,
Ia ese taunimanima dekenai goada bona siahu ia henia.+
Dirava hanamoa.
Hereva ta miusiki gunalaia tauna totona. “Lili Flaoaflaoa” tiuni hegeregerena. Davida ena ane.
69 Dirava e, lau oi hamauria, badina ranu ena goada ese kahirakahira lau ia hamasea.+
2 Lau be kopukopu lalonai lau diho momokani, tano aukana be lasi.+
Lau be ranu dobudia lalonai lau noho,
Bona sinavai ena aru goadana ese lau ia abia lao.+
3 Lau boiboi noho dainai egu goada ia ore,+
Bona egu gadona ia kaukau.
Egu Dirava lau naria noho lalonai, egu matana ena goada ia ore.+
4 Lau idia inai henia kava taudia be momo herea,+
Idia ese egu kwarana huina ena momo idia hereaia.
Egu inai taudia dikadia be idia momo idia lao,
Idia ura lau idia hamasea taudia unai.
Idia ese lau idia doria, lau henaoa lasi gauna lau henia lou totona.
5 Dirava e, egu kavakava karadia oi diba,
Bona egu kerere be oi amo idia hunia lasi.
6 Siahu Ibounai Lohiabadana, tuari oreadia edia Iehova* e,
Egu kara dainai oi dekenai idia naria noho taudia idia hemarai lasi be namo.
Israela ena Dirava e,
Egu kara dainai oi idia tahua noho taudia idia hemarai lasi be namo.
8 Egu tadikakadia dekenai lau be idau tauna ta bamona,
Egu sinana ena natudia memero dekenai lau be idau bese tauna ta bamona.+
9 Emu ruma lau ura henia bada, egu lalona dekenai unai ura be lahi bamona,+
Bona oi idia gwauraia dika taudia ese lau idia gwauraia dika danu.+
11 Puse dabua lau karaia neganai,
Idia ese lau idia kirikirilaia.
12 Siti ena geiti ai idia helai taudia ese lau idia herevalaia,
Bona kekero taudia ese edia ane lalonai lau idia herevalaia.
13 To oi dekenai lau guriguri,
Iehova e, egu guriguri oi abia dae.+
Dirava e, emu lalokau* be bada dainai,
Emu hahemauri karadia amo lau oi haere henia.+
14 Kopukopu gabuna amo lau oi abia isi,
Namo lasi kopukopu lalonai lau diho lao.
Egu inai taudia amo lau oi hamauria,
Bona ranu dobuna amo lau oi hamauria.+
15 Namo lasi abata ranu goadana ese lau ia abia lao,+
Eiava namo lasi davara dobuna ese lau ia hadonoa,
Eiava namo lasi ranu guri lalonai lau diho lao.+
16 Iehova e, lau oi haere henia, badina emu lalokau* be namo.+
Emu hebogahisi bada karana dainai, lau oi laloa lou.+
17 Lau, emu hesiai tauna, amo emu vairana oi hunia lasi.+
Lau oi haere henia haraga, badina lau lalometau bada.+
18 Lau kahirakahira oi mai bona lau oi hamauria.
Egu inai taudia amo lau oi hoia lou.
19 Lau idia gwauraia dika bona lau idia hahemaraia negadia be oi diba.+
Egu inai taudia ibounai be oi itaia.
20 Hadikaia hereva ese egu kudouna ia hamakohia, bona hanamoa dalana be lasi.*
Lau ura ta ese hebogahisi ia hahedinaraia, to ta ia noho lasi,+
Bona lau ura ta ese lau ia hagoadaia, to ta lau davaria lasi.+
21 Lau dekenai aniani idia henia lasi, to poisini idia henia,+
Bona lau dekenai ranu idia henia lasi, to viniga idia henia.+
22 Idia totona edia pata be tarapu ai ia lao,
Bona edia mauri namona be tarapu ta ai ia lao.+
23 Edia matana oi hadiburaia, unai amo do idia itaia lasi,
Bona nega ibounai edia aena oi heudeheudea.
24 Idia latanai emu badu oi bubua diho,
Bona edia latanai emu badu mai siahuna ia noho be namo.+
26 Badina idia ese oi hahisia tauna idia lulua lao,
Bona idia ese oi haberoa taudia edia hisihisi idia herevalaia noho.
27 Edia kerere latanai kerere ma haida oi havaraia,
Bona idia oi gwauraia lasi kara maoromaoro taudia.
28 Mauri bukana amo edia ladana oi kokia be namo,+
Bona kara maoromaoro taudia edia ladana ida oi atoa hebou lasi be namo.+
29 To lau lalometau bona lau hisihisi noho.+
Dirava e, emu hahemauri siahuna ese lau ia gimaia be namo.
30 Lau ese Dirava ena ladana dekenai ane do lau abia,
Bona ia do lau hanamoa bona tanikiu henia.
31 Unai ese Iehova do ia hamoalea, boromakau bouboulaia karana
Bona boromakau natuna bouboulaia karana ia hereaia.+
32 Manau taudia ese unai do idia itaia bona do idia moale.
Dirava idia tahua noho taudia e, emui kudouna idia goada lou be namo.
33 Badina Iehova ese ogogami taudia ia kamonai henia,+
Bona ia ese ena taunimanima, idia abia mauri taudia unai, do ia dadaraia lasi.+
34 Guba bona tanobada ese ia idia hanamoa be namo,+
Davara bona ia lalonai idia noho gaudia ibounai danu.
35 Badina Dirava ese Siona do ia hamauria+
Bona Iuda ena siti ibounai do ia hanamoa lou,
Bona unai tano do idia abia bona idia noholaia.
36 Iena hesiai taudia edia bese taudia ese tano do idia abia,+
Bona iena ladana idia ura henia bada taudia+ be unai tano ai do idia noho.
Hereva ta miusiki gunalaia tauna totona. Davida ena ane, taunimanima ese idia laloatao totona.
70 Dirava e, lau oi hamauria,
Iehova e, lau durua totona oi haraga.+
2 Idia ura lau idia hamasea taudia ibounai
Dekenai hemarai oi havaraia be namo.
Egu dika dainai idia moale taudia
Be mai hemarai ida idia heau siri be namo.
3 Lau idia hevasehalaia taudia
Be mai hemarai ida idia giroa lou be namo.
4 To oi idia tahua noho taudia
Be emu ladana idia abia isi bona oi dainai idia moale be namo.+
Namona be emu hahemauri karadia idia ura henia taudia be nega ibounai idia gwau:
“Dirava ita hanamoa be namo.”
5 To lau be heduru lau abia lasi bona lau ogogami.+
Dirava e, lau dainai kara ta oi karaia haraga.+
Oi be egu durua tauna bona egu hamauria tauna.+
Iehova e, oi mai haraga.+
71 Iehova e, oi be egu heau mauri gabuna.
Namo lasi haida ese lau idia hahemaraia.+
2 Emu kara maoromaoro dainai lau oi hamauria.
3 Lau dekenai oi be nadi kohoro goadana,
Nega ibounai unuseniai lau vareai diba.
Tau ta oi oda henia lau ia hamauria totona,
Badina oi be egu nadi badana bona kohoro goadana.+
4 Egu Dirava e, kara dika taudia edia imana amo lau oi hamauria,+
Kara gageva taudia amo lau oi hamauria.
5 Siahu Ibounai Lohiabadana Iehova e, oi be egu helaro,
Lau matamata negana amo oi lau abidadama henia.+
6 Lau vara negana amo lau be oi dekenai lau tabekau,
Oi ese egu sinana ena bogana amo lau oi abia raka-lasi.+
Nega ibounai oi lau hanamoa.
7 Lau dekenai ia vara gauna dainai taunimanima ibounai idia hoa,
To oi be egu heau mauri gabuna goadana.
8 Egu uduna be oi hanamoa herevadia amo ia honu,+
Dina ibounai lalonai emu hairai lau herevalaia noho.
9 Namo lasi egu buruka negana ai lau oi dadaraia,+
Namo lasi egu goada ia ore neganai lau oi rakatania.+
10 Egu inai taudia be lau idia gwauraia dika,
Bona idia ura lau idia hamasea taudia be idia gaukara hebou.+
11 Idia gwau: “Dirava ese ia rakatania vadaeni.
Iena murinai ita heau lao bona ita dogoatao, badina ia do ia hamauria tauna be lasi.”+
12 Dirava e, lau amo oi noho daudau lasi.
Egu Dirava e, lau durua totona mani oi haraga.+
13 Lau idia heatu henia taudia
Oi hahemaraia bona hadikaia ore.+
Lau hadikaia totona dala idia tahua taudia
Be haida ese idia gwauraia dika bona hahemaraia bada.+
14 To lau be do lau naria noho,
Lau ese oi do lau hanamoa bada.
15 Egu uduna amo emu kara maoromaoro do lau herevalaia,+
Dina ibounai emu hahemauri karadia do lau herevalaia,
Idia be momo herea dainai, lau duahia diba lasi.+
16 Siahu Ibounai Lohiabadana Iehova e,
Lau be do lau mai bona emu siahu karadia do lau herevalaia.
Lau ese emu kara maoromaoro sibona do lau gwauraia.
17 Dirava e, oi ese egu matamata negana amo lau oi hadibaia,+
Bona ema bona hari lau ese emu gaukara namodia lau herevalaia noho.+
18 Dirava e, ena be lau buruka bona huina ia kurokuro, lau oi rakatania lasi.+
Namona be gabeai do idia mai uru taudia dekenai emu siahu do lau herevalaia,
Bona emu goada be gabeai do idia vara uru taudia ibounai dekenai do lau herevalaia.+
19 Dirava e, emu kara maoromaoro be bada herea,+
Oi be gau namo hereadia oi karaia vadaeni,
Dirava e, daika be oi hegeregerena?+
20 Ena be lau davaria metau be momo bona dika oi koua lasi,+
To mani lau dekenai goada oi henia lou,
Tanobada ena dobu momokani gabuna* amo lau oi veria daekau.+
21 Oi ese lau dekenai ladana bada oi henia be namo
Bona lau oi gimaia bona hagoadaia.
22 Egu Dirava e, emu kara momokani dainai
Miusiki gaudia mai edia varo amo oi do lau hanamoa.+
Israela ena Helaga Diravana e,
23 Oi dekenai hanamoa ane lau abia neganai, mai moale ida ane do lau abia badabada,+
24 Dina ibounai emu kara maoromaoro do lau herevalaia,*+
Lau hadikaia totona dala idia tahua taudia be do idia hahemaraia bona gwauraia dika.+
Ane ta Solomona totona.
72 Dirava e, king dekenai emu hahemaoro herevadia oi hadibaia,
Bona king ena natuna dekenai emu kara maoromaoro oi hadibaia.+
2 Ia be mai kara maoromaoro ida emu taunimanima ia durua be namo,
Bona mai kara momokani ida ladana maragi taudia ia durua.+
3 Namona be ororo badadia ese taunimanima dekenai maino idia mailaia,
Bona ororo maragidia ese kara maoromaoro idia mailaia.
4 Ia ese taunimanima huanai ladana maragi taudia ia gimaia be namo,
Ia ese ogogami taudia edia natudia memero ia hamauria,
Bona koikoi dalanai kohu idia abia taudia ia hamasea be namo.+
5 Idia ese oi do idia gari henia ela bona hanaihanai,
Dina ia noho hanaihanai hegeregerena,
Bona hua ia noho hanaihanai hegeregerena.+
7 Iena lohia negana lalonai kara maoromaoro do ia bada,+
Bona maino do ia bada herea+ ela bona hua do ia hedinarai lou lasi.
8 Ia be davara ta amo ela bona davara ma ta do ia lohiaia,
Bona Sinavai* amo ia lao bona tanobada ena dokona do ia lohiaia.+
9 Tano kaukau ai idia noho taudia be iena vairanai do idia tui diho,
Bona iena inai taudia ese kahu do idia ania.+
10 Tarasisi ena king taudia bona motumotu idauidau edia king taudia,+
Bona Sieba ena king taudia bona Seba ena king taudia ese harihari gaudia do idia henia.+
11 King ibounai be iena vairanai do idia tui diho,
Bona bese idauidau ibounai ese ia do idia hesiai henia.
12 Badina ia ese heduru totona idia noinoi ogogami taudia do ia hamauria,
Ladana maragi taudia bona heduru idia abia lasi taudia do ia hamauria danu.
13 Ia ese ladana maragi taudia bona ogogami taudia do ia hebogahisi henia,
Bona ogogami taudia do ia hamauria.
14 Ia ese hisihisi bona dagedage karadia amo idia do ia hamauria,*
Bona iena matana ai edia rara be dava bada gauna.
15 King ia mauri daudau bona ia dekenai Sieba ena golo idia henia be namo.+
Ia totona idia guriguri hanaihanai be namo,
Bona dina ibounai ia idia hanamoa be namo.
16 Tanobada ai aniani be do ia momo herea,+
Ororo latanai witi be do idia momo herea,
King ena au huahua be do idia momo herea, Lebanona ai bamona,+
Bona siti ibounai ai taunimanima do idia momo herea, tanobada ena tubutubu gaudia bamona.+
17 Iena ladana ia noho hanaihanai be namo,+
Bona ena ladana do ia boio lasi, dina ia boio diba lasi bamona.
Taunimanima be ia dainai namo do idia davaria,+
Bese ibounai ese ia do idia gwauraia moale tauna.
18 Iehova Dirava, Israela ena Dirava, idia hanamoa be namo,+
Ia sibona ese gaukara namodia momo ia karaia.+
19 Iena ladana hairaina ita hanamoa hanaihanai be namo,+
Bona ena hairai ese tanobada ibounai ia hahonua be namo.+
Amen bona Amen.
20 Iese ena natuna Davida ena guriguri be iniseni ia doko.+
BUKA IHATOINA
(Salamo 73-89)
Asapa ena ane.+
73 Dirava ese Israela taudia, edia kudouna ia goeva taudia unai, ia kara namo henia.+
2 To lau be kahirakahira dala maorona amo lau raka-siri,
Kahirakahira egu aena ia dedi.+
3 Badina hekokoroku taudia
Bona kara dika taudia edia mauri namona lau itaia neganai, lau mama.+
4 Badina edia mase negana ai hisihisi be lasi,
Edia tauanina be namo.+
5 Idia be taunimanima ese idia davaria lalometau idia davaria lasi,+
Eiava ma haida ese idia davaria hisihisi idia davaria lasi.+
6 Unai dainai, hekokoroku karana be edia ageva bamona.+
Dagedage karana be dabua bamona idia karaia.
7 Edia mauri namona dainai edia matana ia bada,
Idia abia gaudia be momo herea, idia laloa gauna ia hereaia.
9 Idia hereva neganai, idia laloa idia be taunimanima ibounai edia ataiai,
Bona tanobada ai idia raka loaloa neganai, mai hekokoroku ida idia hereva.
10 Unai dainai Dirava ena taunimanima be edia kara idia badinaia,
Bona edia ranu momo gabuna amo ranu idia inua.
11 Idia gwau: “Dirava be edena bamona ia diba?+
Ataiai Momokani Diravana be momokani gau ibounai ia diba, a?”
15 To bema lau be unai gaudia lau gwauraia,
Lau ese emu taunimanima do lau hakaua kerere.
16 Lau ura edia kara lau lalopararalaia,
To unai ese egu lalona ia hahisia noho
17 Ela bona Dirava ena dubu helaga badana ai lau vareai,
Bona vaira nega ai idia dekenai do ia vara gauna lau dibaia.
18 Momokani, oi ese dedidedi gabuna ai idia oi atoa.+
Oi ese idia do oi hamorua bona dika do idia davaria.+
19 Idia dekenai dika do ia vara haraga!+
Unai nega be ia mai noho, bona unai nega ai do idia boio haraga.
20 Tau ta be ia nihi bona ia noga neganai, ena nihi ia boio hegeregerena,
Iehova e, oi toreisi neganai, unai taudia do oi laloaboio* momokani.
21 To egu kudouna ia hisihisi,+
Bona egu lalona momokani ai hisihisi bada lau mamia.
22 Lau laloa namonamo lasi bona lau laloparara lasi,
Emu vairanai lau be kavakava animal ta bamona.
23 To hari lau be nega ibounai oi ida lau noho.
Oi ese egu imana idibana oi dogoatao vadaeni.+
25 Guba ai daika ia noho lau ia durua totona?
Oi be lau ida dainai, tanobada ai gau ta lau ura lasi.+
26 Egu tauanina bona egu kudouna be idia manoka,
To Dirava be egu kudouna ia gimaia, ia be egu nadi badana. Ia be egu ahuna ela bona hanaihanai.+
27 Momokani, oi amo idia noho daudau taudia be do idia boio.
Oi idia badinaia lasi* taudia ibounai be do oi hadikaia ore.+
28 To lau dekenai Dirava kahirakahira lao karana be namo.+
Lau ese Siahu Ibounai Lohiabadana Iehova be egu heau mauri gabuna ai lau halaoa,
Unai amo iena kara ibounai lau gwauraia hedinarai.+
74 Dirava e, dahaka dainai ai oi dadaraia momokani?+
Dahaka dainai emu rei gabuna ai idia noho mamoe oreana latanai emu badu ia noho?+
2 Idaunegai oi abia hidi taudia* oi laloatao,+
Emu ahuna bamona oi hamauria iduhuna unai.+
Siona Ororo, oi noho gabuna unai, oi laloatao.+
3 Ia dika vadaeni gabuna dekenai oi lao.+
Emu inai tauna ese helaga gabuna ai idia noho gaudia ibounai ia hadikaia vadaeni.+
4 Emu inai taudia be emu hebou gabuna lalonai idia boiboi.+
Idia ese edia kwalimu ena saini be unuseniai idia atoa.
5 Idia be ira amo uda badana lalonai au idia utua taudia bamona.
6 Idia ese ira bona auri amo hebou gabuna ena herahera gaudia ibounai idia hamakohia.+
7 Idia ese emu dubu helaga be lahi amo idia gabua.+
Idia ese emu ladana ia noho dubuna idia matauraia lasi, tano dekenai idia veria diho.
8 Idia bona edia bese taudia be edia kudouna ai idia gwau:
“Tano ai, Dirava ena hebou gabudia ibounai* ita gabua be namo.”
9 Saini ta be lasi ai itaia totona,
Peroveta tauna ta be lasi danu,
Bona inai do ia noho ena daudau be ta ia diba lasi.
10 Dirava e, emu inai taudia ese oi do idia gwauraia dika ela bona edena nega?+
Emu inai taudia ese emu ladana do idia matauraia lasi ela bona edena nega?+
11 Dahaka dainai emu imana idibana amo gau ta oi karaia lasi?+
Emu imana be emu dabua amo oi kokia bona idia oi haorea.
12 To Dirava e, idaunega amo oi be egu King,
Tanobada ai hahemauri karadia oi karaia Diravana.+
13 Emu goada amo davara oi hamarerea bada,+
Oi ese davara ena dagedage gaudia edia kwarana oi hamakohia.
14 Oi ese Leviatano* ena kwarana oi hamakohia,
Bona tano kaukauna ai idia noho taunimanima dekenai aniani bamona oi henia.
16 Oi ese dina bona hanuaboi oi karaia.
Oi ese diari gaudia ma haida bona dina oi karaia.+
18 Iehova e, emu inai tauna ena hadikaia herevadia oi laloatao,
Kavakava taudia ese hemataurai lasi dalanai emu ladana idia hadikaia.+
19 Namo lasi emu kerea manu ena mauri be dagedage animal dekenai oi henia.
Namo lasi emu taunimanima, idia hisihisi taudia unai, edia mauri oi laloaboio momokani.
20 Ai ida oi karaia gwaubou oi laloatao,
Badina tanobada ena dibura gabudia be dagedage taudia amo ia honu.
21 Namo lasi idia hisihisi noho taudia idia hemarai,+
Ladana maragi bona ogogami taudia ese emu ladana idia hanamoa be namo.+
22 Dirava e, oi toreisi bona kota maoromaoro oi karaia.
Kavakava taudia ese dina ibounai oi idia gwauraia dika karana oi laloatao.+
23 Emu inai taudia edia hereva oi laloaboio lasi.
Oi idia gwau-edeede henia taudia edia boiboi regena be ia bada daekau noho.
Hereva ta miusiki gunalaia tauna totona. “Dika Oi Havaraia Lasi” tiuni hegeregerena. Asapa ena ane.+
75 Dirava e, oi ai tanikiu henia, oi ai tanikiu henia,
Emu ladana be ai dekenai ia noho,+
Bona taunimanima ese emu kara namodia idia herevalaia.
2 Oi gwau: “Nega ta lau makaia neganai,
Lau be hahemaoro maoromaoro do lau karaia.
3 Tanobada bona idia noholaia taudia ibounai idia heudeheude* neganai,
Lau ese iena du lau haginidia auka.” (Sela)
4 Hekokoroku taudia lau hamaoroa, “Umui hekokoroku lasi,”
Bona kara dika taudia lau hamaoroa, “Emui goada dainai umui hekokoroku lasi.
5 Emui goada dainai emui heagi karana umui habadaia lasi
Eiava mai hekokoroku ida umui hereva lasi.
6 Badina ta hanamoa karana
Be ist eiava west eiava saut kahana amo ia mai lasi.
8 Badina Iehova ena imana ai kapusi ta ia noho,+
Wain amo babol idia daekau bona ia mikisi vadaeni.
Ia ese wain do ia bubua,
Bona kara dika taudia ibounai ese do idia inua ela bona ia ore.”+
9 To lau ese Dirava ia karaia karana do lau herevalaia hanaihanai,
Lau ese Iakobo ena Dirava dekenai hanamoa anedia do lau abia.*
10 Badina ia gwau: “Lau ese kara dika taudia ibounai edia goada do lau kokia,
To kara maoromaoro taudia edia goada do lau habadaia.”
Hereva ta miusiki gunalaia tauna totona. Miusiki gaudia idauidau mai edia varo gadaralaia. Asapa ena ane.+
3 Unuseniai peva ena diba mai ena lahi ia makohia,
Kesi bona tuari kaia bona tuari gaudia ia makohia danu.+ (Sela)
4 Dirava e, oi diaridiari momokani.
Emu hairai ese animal idia noho ororo edia hairai ia hereaia.
5 Haida ese goada taudia edia gau ibounai idia abia vadaeni.+
Idia be idia mahuta mase vadaeni;
Tuari taudia goadadia edia durua taudia be lasi.+
6 Iakobo ena Dirava e, idia oi gwau henia dainai,
Kariota guia taudia bona hosi guia taudia idia mase ore.+
7 Oi sibona be hoa kara badadia oi karaia.+
Emu badu ia bada neganai, daika be emu vairanai do ia gini?+
8 Guba amo emu hahemaoro herevana oi gwauraia,+
Tanobada taudia be idia gari bona idia regerege lasi.+
9 Unai nega ai Dirava be hahemaoro karaia totona ia toreisi,
Tanobada ai manau taudia ibounai ia hamauria totona.+ (Sela)
10 Taunimanima edia badu dikadika karana amo oi ese hanamoa do oi abia,+
Idia dekenai ia do noho badu sisina ese oi dekenai hairai do ia henia.
11 Iehova emu Dirava dekenai gwauhamata oi karaia bona oi hagugurua,+
Namona be oi idia hagegea taudia ibounai be mai gari ida edia harihari gaudia idia mailaia.+
12 Ia ese idia hekokoroku lohia taudia do ia hahemaraia.
Ia ese tanobada ena king taudia dekenai gari ia havaraia noho.
Hereva ta miusiki gunalaia tauna totona. Iedutunu* tiuni hegeregerena. Asapa ena ane.+
77 Dirava dekenai mai taitai ida do lau boiboi,
Dirava dekenai do lau taitai, bona lau do ia kamonai henia.+
2 Egu lalometau negadia ai Iehova lau tahua.+
Hanuaboi ai ia dekenai egu imana lau abia isi bona lau guriguri noho, lau hesiku lasi.
Ta ese lau ia hagoadaia diba lasi.
4 Oi ese egu matana oi kehoa noho.
Lau lalohisihisi bona lau hereva diba lasi.
5 Nega gunadia lau laloa lou,
Lagani gunadia lau laloa lou.+
6 Hanuaboi ai egu ane lau laloatao,+
Egu kudouna ai lau laloa dobu noho,+
Lau laloparara totona egu lalona lau tahua namonamo.
8 Iena lalokau* be do ia ore momokani, a?
Iena gwauhamata be do ia guguru diba lasi, a?
9 Dirava be ena lalonamo karana ia laloaboio vadaeni, a?+
Eiava ia badu dainai ena hebogahisi karana ia ore, a? (Sela)
10 Lau hereva noho: “Egu lalona ia hahisia gauna be inai:+
Ataiai Momokani Diravana be ita dekenai heduru ia henia lou lasi.”
11 Lau be Iah ese ia karaia gaudia ibounai do lau laloatao.
Lau ese guna oi karaia hoa karadia do lau laloatao.
13 Dirava e, emu kara ibounai be helaga.
Dirava e, edena dirava ena goada be emu goada hegeregerena?+
14 Oi be Dirava momokanina, hoa kara badadia oi karaia Diravana.+
Oi ese emu goada be taunimanima dekenai oi hahedinaraia.+
15 Oi ese emu siahu* amo emu taunimanima oi hamauria* vadaeni,+
Idia be Iakobo bona Iosepa edia bese taudia. (Sela)
16 Dirava e, davara ese oi ia itaia.
Ranu gabudia be oi idia itaia bona idia gari.+
Bona ranu dobu gabudia idia marere bada.
17 Ori amo medu bada ia diho.
Guba ia boiboi,
Bona kevaru be peva ena diba bamona kahana ibounai amo ia hedinarai.+
18 Guba boiboi ena regena+ be kariota ena wili regena bamona.
Kevaru ena diari ese tanobada ia hadiaria.+
Tanobada ia heudeheude bona mareremarere.+
19 Emu raka dalana be davara huanai ia noho,+
Emu raka gabuna be davara dobudia huanai ia noho,
To ta ese emu aena maka ia itaia diba lasi.
78 Egu taunimanima e, egu taravatu* umui kamonai henia,
Lau gwauraia herevadia umui kamonai namonamo.
2 Egu uduna amo aonega hereva ta do lau gwauraia.
Lau ese idaunega ena hunia herevadia do lau gwauraia.+
3 Ita kamonai bona dibaia gaudia,
Unai gaudia be iseda tamadia ese ita dekenai idia herevalaia,+
4 Ita ese unai gaudia be edia bese taudia amo do ita hunia lasi,
Ita ese Iehova ena kara namodia bona ena siahu,+
Ia karaia gau namo hereadia,+
Be gabeai do idia mai besedia dekenai do ita herevalaia.+
5 Dirava ese Iakobo dekenai hadibaia hereva ta ia henia
Bona Israela ai taravatu ta ia atoa,
Ia ese iseda sene taudia ia oda henia
Edia natudia dekenai unai gaudia idia hadibaia totona,+
6 Unai amo gabeai do idia mai bese,
Idia do vara lasi natudia unai, be unai gaudia do idia dibaia.+
Bona idia ese edia natudia dekenai do idia herevalaia.+
7 Bena unai amo idia ese Dirava do idia abidadama henia,
Bona Dirava ena gaukara do idia laloaboio lasi,+
To iena oda herevadia do idia badinaia noho.+
8 Bena idia be edia sene taudia bamona do idia karaia lasi,
Unai sene taudia be kudou auka bona gwau-edeede taudia,+
Edia lalona be ia maoromaoro lasi+
Bona Dirava idia badinaia lasi.
9 Eparaima taudia be mai edia peva,
To idia be tuari dinana ai idia heau.
13 Ia ese davara ia hapararaia, unai amo idia hanaia diba,
Bona ia ese ranu ia haboua, haba bamona ia gini.+
14 Dina ai, ia ese ori ta amo idia ia hakaua
Bona hanuaboi ai, lahi ena diari amo idia ia hakaua.+
15 Ia ese tano kaukau gabudia ai nadi badadia ia hapararaia,
Ia ese idia dekenai ranu bada ia henia, unai ranu be davara ena ranu hegeregerena.+
16 Ia ese nadi badana ta amo ranu ia halasia
Bona ranu be sinavai bamona ia aru.+
17 Tano kaukau gabuna ai Ataiai Momokani Diravana idia gwau-edeede henia noho,
Idia be ia dekenai idia kara dika loulou.+
18 Idia ese mai ura ida Dirava idia tohoa,+
Badina aniani idia ura henia dikadika.
19 Dirava dekenai idia maumau,
Idia gwau: “Dirava be ita dekenai aniani do ia henia, a?”+
20 Itaia, ia ese nadi badana ia botaia,
Unai amo ranu bada ia mai.+
“Danu ia ese ita dekenai paraoa ia henia diba, a?
Eiava iena taunimanima totona vamu ia henia diba, a?”+
21 Iehova ese edia hereva ia kamonai neganai, ia badu dikadika,+
Ia ese lahi+ amo Iakobo ia hadikaia,
Bona Israela dekenai iena badu ia halasia,+
22 Badina idia be Dirava dekenai idia abidadama lasi,+
Idia abia dae lasi Dirava ese idia ia hamauria diba.
23 Vadaeni ia ese ori ia oda henidia,
Bona guba ena iduara ia kehodia.
24 Ia ese idia totona mana be medu bamona ia siaia noho,
Ia ese guba ena witi ia henidia.+
25 Taunimanima ese goada taudia* edia paraoa idia ania,+
Ia ese aniani momo ia henia, idia bogakunu totona.+
26 Ia ese guba amo ist kahana ena lai ia havaraia
Bona iena siahu amo saut kahana ena lai ia halasia.+
27 Bona ia ese idia dekenai vamu momo herea ia henia,
Manu ena momo be kone ena miri bamona.
28 Ia ese ena kamepa huanai manu momo ia hamorua,
Iena palai rumadia ibounai idia hagegea.
29 Bona idia aniani bona idia bogakunu,
Ia ese edia ura gaudia ia henia.+
30 To edia ura gauna idia do hagugurua lasi neganai,
Aniani be edia uduna ai idia do noho lalonai,
31 Dirava ena badu be idia dekenai ia halasia.+
Ia ese edia tau goadadia ia hamasea,+
Ia ese Israela ena tau matamatadia ia hamorua.
32 Ena be unai ia vara, to edia kara dika idia habadaia noho,+
Bona ia karaia gau namodia idia abia dae lasi.+
33 Vadaeni ia ese edia mauri dinadia ia hakwadogia, hahodi tamona bamona,+
Bona edia mauri lagani idia ore haraga, gari havaraia gaudia amo.
34 To Dirava ese idia haida ia hamasea negadia ai, idia haida be ia idia tahua,+
Idia be idia giroa lou bona ia idia tahua,
36 To edia uduna amo ia dekenai hereva koikoidia idia gwauraia toho
Bona edia malana amo ia idia koia.
37 Mai kudouna ibounai ida ia idia hesiai henia lasi,+
Bona ia ida idia karaia gwaubou idia badinaia lasi.+
38 To ia be hebogahisi Diravana,+
Ia ese edia dika ia gwauatao bona ia hadikadia lasi.+
Nega momo ena badu ia koua+
Bona ia halasia lasi.
39 Badina ia laloatao idia be taunimanima sibona,+
Idia be lai ia odaia lao bona ia giroa lou lasi bamona.*
40 Taunimanima lasi gabuna ai nega momo ia idia gwau-edeede henia+
Bona tano kaukauna ai ena lalona idia hahisia!+
41 Dirava idia tohoa loulou,+
Bona Israela ena Helaga Diravana idia hahisia noho.
42 Idia ese iena siahu bada idia laloatao lasi,
Edia inai tauna amo idia ia hamauria* dinana be idia laloatao lasi.+
43 Ia ese Aigupito ai toa idauidau ia karaia+
Bona Soana ai hoa karadia ia karaia,
44 Bona ia ese Naila sinavai maragidia be rara ai ia halaoa,+
Unai amo edia sinavai amo ranu idia inua diba lasi.
45 Dirava ese lao momo herea ia siaia idia ia hahisia totona+
Bona paroparo ia siaia idia ia hadikaia totona.+
46 Dirava ese kwadi momo herea ia siaia, edia uma aniani idia ania totona,
Idia hadoa gaudia edia huahua be kwadi oreana ese idia ania.+
47 Dirava ese edia vain audia be aisi nadi amo ia hadikaia+
Bona edia sikamoa au be aisi nadi amo ia hadikaia ore.
48 Dirava ese edia animal be aisi nadi amo ia hamasea ore+
Bona edia animal ibounai be kevaru amo ia hamasea ore.
49 Ia ese ena badu mai siahuna be edia latanai ia siaia,
Bona idia dekenai hisihisi bada ia havaraia,
Aneru oreadia ese dika bada idia mailaia noho.
50 Ia ese dala ia karaia ena badu ia hahedinaraia totona.
Ia ese mase amo idia ia hamauria lasi.
Bona gorere dikana amo idia ia hamasea.
51 Dokonai, ia ese Aigupito ena vara guna natudia ibounai ia hamasea,+
Hamo ena palai rumadia ai vara guna natudia ibounai unai.
52 Bena Dirava ese Aigupito amo ena taunimanima ia hakaua raka-lasi+
Bona tano kaukauna ai mamoe oreana ta bamona ia hakaudia lao.
54 Bona Dirava ese iena tano helagana dekenai idia ia mailaia,+
Iena imana idibana amo ia abia ororo gabuna unai.+
55 Dirava ese edia vairana ai bese idauidau ibounai ia lulua lao.+
Ia ese hahetohoa varo amo ia makaia tano be idia dekenai ia henia.+
Bona ia ese Israela ena iduhu ta ta dekenai ruma ia henia.+
56 To idia ese Ataiai Momokani Diravana idia tohoa loulou, bona idia gwau-edeede henia noho.+
Idia ese Dirava ena hadibaia herevadia idia badinaia lasi.+
57 Idia ese Dirava idia rakatania bona edia sene taudia hegeregerena koikoi karadia idia karaia.+
Idia be peva dikana bamona, gau idia karaia namonamo diba lasi.+
58 Ataiai gabudia* ai idia karaia tomadiho karadia amo Dirava idia habadua noho,+
Bona idia koroa kaivakuku idauidau amo Dirava idia habadua.+
59 Dirava ese unai ia itaia bona ia badu momokani,+
Unai dainai Israela ia dadaraia momokani.
60 Dokonai Dirava ese Silo ai ia noho palai dubu ia rakatania,+
Guna Dirava ia noho palai dubu unai, taunimanima huanai ia noho.+
61 Dirava ena inai taudia ese Taravatu Maua idia abia lao neganai, unai ia koua lasi,
Iena goada bona hairai ia laulaulaia gauna idia abia lao neganai, unai ia koua lasi.+
62 Bona ena taunimanima be tuari kaia amo idia hamasea neganai, unai ia koua lasi+
Bona ena taunimanima dekenai ia badu dikadika.
63 Lahi ese iena tatau matamatadia ia gabua ore,
Bona iena rami-hebou kekenidia totona headava anedia idia abia lasi.*
65 Vadaeni Iehova be mahuta amo ia noga bamona,+
Tau goadana+ be wain dainai ia mahuta bena ia noga bamona.
66 Bona ena inai taudia ia lulua lao.+
Ia ese idia ia hahemaraia ela bona hanaihanai.
67 Ia ese Iosepa ena palai rumana ia dadaraia.
Ia ese Eparaima ena iduhu ia abia hidi lasi.
69 Ia ese ena dubu helaga ia haginia, guba gauna hegeregerena,+
Ia haginia goada, tanobada ia gini goada bamona.+
71 Natudia idia naria mamoe hahinedia amo ia abia,
Dirava ese ia be Iakobo, iena taunimanima unai, ena mamoe naria tauna ai ia halaoa,+
Bona Israela, iena bese, ia naria danu.+
Asapa ena ane.+
79 Dirava e, bese idauidau ese emu tano idia abia vadaeni,+
Idia ese emu dubu helaga idia hamiroa vadaeni,+
Idia ese Ierusalema be idia hadikaia momokani.+
2 Idia ese emu hesiai taudia edia mase tauanina be aniani bamona manu dekenai idia henia
Bona oi idia badinaia taudia edia hidio be dagedage animal dekenai idia henia.+
3 Idia ese edia rara be ranu bamona idia bubua, Ierusalema ia hagegea,
Bona ta ia noho lasi idia ia guria totona.+
4 Emai dekena taudia ese ai idia gwauraia dika,+
Ai idia hagegea taudia ese ai idia hevasehalaia bona kirikirilaia.
5 Iehova e, do oi badu noho ela bona edena negai? Ela bona hanaihanai, a?+
Emu badu be lahi bamona do ia araia noho ela bona edena negai?+
6 Oi idia diba lasi besedia dekenai emu badu oi bubua
Bona emu ladana ai idia boiboi lasi basileia idauidau dekenai danu.+
7 Badina idia ese Iakobo idia tuari henia,
Bona ena noho gabuna idia hadikaia vadaeni.+
8 Emai sene taudia edia kerere davana be ai dekenai oi henia lasi.+
Ai dekenai hebogahisi oi hahedinaraia haraga,+
Badina ai lalomanoka momokani.
9 Emai hahemauri Diravana e, ai oi durua,+
Emu ladana hairaina dainai ai oi durua,
Emu ladana dainai ai oi hamauria bona emai kara dika oi gwauatao.+
10 Dahaka dainai bese idauidau idia gwau: “Edia Dirava be edeseni?”+
Mani emai vairana ai bese idauidau dekenai oi hahedinaraia,
Emu hesiai taudia edia rara idia bubua taudia edia davana be do oi henia.+
11 Namona be dibura ai ia noho tauna ena taitai oi kamonai.+
Emu siahu bada oi gaukaralaia mase totona idia naria taudia oi hamauria.*+
13 Bena ai, emu taunimanima bona oi naria mamoe oreana unai,+
Be oi do ai tanikiu henia ela bona hanaihanai.
Bona uru ta amo ia lao uru ta oi hanamoa herevadia do ai gwauraia.+
Hereva ta miusiki gunalaia tauna totona. “Lili Flaoaflaoa” tiuni hegeregerena. Laloatao totona. Asapa ena ane.+
80 Israela ena Mamoe Naria Tauna e, oi kamonai,
Oi ese Iosepa be mamoe oreana ta bamona oi hakaua.+
Oi be kerubi ataiai* terona latanai oi helai,
Emu diari oi halasia noho.+
2 Eparaima bona Beniamina bona Manase edia vairana ai,
Emu goada bada oi hahedinaraia.+
Mani oi mai bona ai oi hamauria.+
4 Tuari oreadia edia Dirava, Iehova e, emu taunimanima edia guriguri dekenai do oi badu noho ela bona edena nega?+
5 Oi ese mata ranu amo idia oi ubua, paraoa amo oi ubua bamona,
Bona mata ranu momo oi henia idia inua totona.
6 Emai dekena taudia be ai dainai idia heai neganai, unai oi koua lasi,
Emai inai taudia ese ai idia kirikirilaia noho.+
7 Tuari oreadia edia Dirava e, ai oi abia dae lou,
Ai oi lalonamo henia be namo, unai amo ai mauri diba.+
8 Oi ese Aigupito amo vain auna ta oi mailaia.+
Oi ese bese idauidau oi lulua lao bona unai vain au oi hadoa.+
9 Oi ese unai au ena tano oi hagoevaia,
Bona ena ramuna be tano lalonai ia diho bona tano ia hahonua.+
10 Unai au ena ikerukeru ese ororo badadia ia koua,
Bona iena rigidia ese Dirava ena sida au ia koudia.
12 Dahaka dainai oi ese vain uma ena nadi magu oi makohia,+
Unai amo idia hanaia taudia ibounai ese ena huahua idia kokia?+
13 Uda boromadia ese unai vain uma idia hadikaia,
Bona uda animal be unai vain idia ania.+
14 Tuari oreadia edia Dirava e, mani oi giroa mai.
Ia vara gauna be guba amo oi itaia!
Inai vain au oi gimaia,+
16 Unai vain idia utua diho bona lahi amo idia gabua.+
Oi gwau henidia neganai, idia boio.
17 Mani emu imana amo emu idiba kahana ai ia noho tauna oi durua,
Oi sibona totona taunimanima ena natuna dekenai goada oi henia.+
18 Vadaeni ai be oi do ai rakatania lasi.
Ai oi hamauria, unai amo emu ladana dekenai do ai boiboi.
19 Tuari oreadia edia Dirava, Iehova e, ai oi abia dae lou,
Ai oi lalonamo henia be namo, unai amo ai mauri diba.+
Hereva ta miusiki gunalaia tauna totona. Gititi* miusiki gadaralaia. Asapa ena ane.+
81 Mai moale bada ida Dirava, iseda goada ena badina, dekenai ita boiboi.+
Mai moale ida ita boiboi bona Iakobo ena Dirava ita hanamoa.
2 Miusiki hamatamaia bona tambarin gadaralaia,
Hap* bona miusiki gauna mai ena varo gadaralaia.
3 Hua matamata ai kibi umui hiriria,+
Hua ia kuboru negana ai, iseda aria dina totona kibi umui hiriria.+
4 Badina unai be Israela ena taravatu ta,
Iakobo ena Dirava ese ia henia.+
5 Unai be Dirava ese hadibaia hereva bamona Iosepa dekenai ia henia, ia laloatao totona,+
Dirava ese Aigupito taudia hahisia totona ia lao neganai.+
Lau ese gado ta lau kamonai, to lau diba lasi daika ena gadona, ia gwau:
6 “Lau ese iena pagana amo metau lau kokia,+
Iena imana amo bosea lau kokia.
8 Egu taunimanima e, umui kamonai, bona hereva metauna do lau gwauraia.
Israela e, lau umui kamonai henia be namo.+
9 Umui huanai, dirava idauna ta do ia noho lasi,
Bona idau diravana ta dekenai do umui tui diho lasi.+
10 Lau, Iehova, lau be emui Dirava,
Lau ese Aigupito amo umui lau hakaua raka-lasi.+
Emui uduna umui kehoa badabada, bona aniani amo do lau hahonua.+
11 To egu taunimanima ese egu hereva idia kamonai lasi,
Israela taudia be lau idia badinaia lasi.+
12 Vadaeni idia lau rakatania edia ura idia badinaia totona,
Idia laloa idia karaia gauna be maoro.+
14 Vadaeni edia inai taudia be karaharaga lau halusia diba,
Egu imana amo edia inai taudia lau hadikaia diba.+
15 Iehova idia inai henia taudia be gari dainai iena vairana ai do idia heudeheude,
Bona idia davaria dika be do ia noho hanaihanai.
16 To ia ese witi namo hereana amo oi* do ia ubua+
Bona nadi badana amo ia raka-lasi hani be oi dekenai do ia henia, oi bogakunu totona.”+
Asapa ena ane.+
82 Dirava be hebou gabuna helagana ai ena gabu ia abia,+
Ia be dirava idauidau edia huanai hahemaoro herevana ia gwauraia:+
2 “Hahemaoro karana do umui hagagevaia ela bona edena negai?+
Bona kara dika taudia sibona umui kara namo henia ela bona edena negai?+ (Sela)
3 Kota ai ladana maragi tauna bona tamana lasi natuna totona umui hereva.+
Heduru ia abia lasi tauna bona ogogami tauna totona hahemaoro umui karaia.+
4 Ladana maragi tauna bona ogogami tauna umui hamauria,
Kara dika tauna ena imana amo idia umui hamauria.”
5 Idia be gau ta idia diba lasi eiava gau ta idia lalopararalaia lasi,+
Idia be dibura lalonai idia raka loaloa noho.
Tanobada ena badina aukana be ia marere noho.+
8 Dirava e, oi toreisi, bona tanobada oi hahemaoro henia,+
Badina bese idauidau ibounai be oiemu.
Asapa ena ane ta.+
2 Itaia, emu inai taudia be idia regerege bada noho.+
Oi idia inai henia taudia be idia hekokoroku noho.
3 Mai koikoi ida dala idia tahua emu taunimanima idia hadikaia totona.
Idia be palani idia karaia oi ese oi laloa bada taudia* idia hadikaia totona.
4 Idia gwau: “Umui mai, Israela bese ita hadikaia ore,+
Unai amo unai bese ena ladana do idia laloatao lou lasi ela bona hanaihanai.”
5 Idia ibounai idia lalotamona bona palani idia karaia.
Idia be gwauhamata ta idia karaia oi idia tuari henia totona,+
6 Idia be Edoma taudia, Isamaela taudia, Moaba taudia+ bona Hagara taudia,+
9 Midiana taudia dekenai oi karaia bamona, idia dekenai oi karaia,+
Kisona koura ai Sisera bona Iabina dekenai oi karaia bamona.+
10 Ene-doro dekenai oi ese idia oi hadikaia ore,+
Idia be tano dekenai kukuri bamona idia noho.
11 Edia ladana bada taudia be Oreba bona Sebe bamona oi halaoa+
Bona edia lohia taudia* be Sebaha bona Salamuna bamona oi halaoa,+
12 Badina idia gwau: “Namona be Dirava ia noho tanona ita abia.”
13 Egu Dirava e, idia be lai ese ia negea lao ava ena momoru bamona ai oi halaoa,+
Lai ese ia negea lao witi momoru bamona.
14 Lahi ese uda badana ia gabua ore bamona,
Lahi ese ororo ia araia bona ia korema bamona,+
16 Iehova e, hemarai amo edia vairana oi koua,
Unai amo idia ese emu ladana do idia tahua.
17 Namona be idia oi hahemaraia bona do idia gari ela bona hanaihanai.
Namona be idia hemarai bona idia boio.
18 Namona be taunimanima do idia diba, oiemu ladana be Iehova,+
Oi sibona be tanobada ibounai ena Ataiai Momokani Diravana, tanobada ibounai oi lohiaia noho.+
Hereva ta miusiki gunalaia tauna totona. Gititi* miusiki gadaralaia. Kora ena natudia memero edia ane.+
2 Iehova ena dubu ena ariara
Be mai kudouna ibounai ida lau ura henia,
Oibe, lau ura henia dikadika.+
Mai lalona ibounai bona mai goada ibounai ida ia mauri noho Diravana dekenai lau boiboi.
3 Egu King bona egu Dirava,
Tuari oreadia edia Iehova e, emu boubou patana ena badinai,
Manu be edia ruma idia karaia danu,
Bona bisini manu edia ruma idia karaia,
Unuseniai edia natudia idia naria.
5 Oi amo goada idia abia taudia be idia moale,+
Idia be emu ruma ia lao henia dalana idia ura henia bada.
6 Idia be Baka Koura* idia raka hanaia neganai,
Unai gabu be ranu gabuna ai idia halaoa,
Bona medu ginigunana ese unai gabu ia hanamoa.*
7 Idia be do idia raka noho, bona edia goada be do ia ore lasi,+
Siona ai idia ta ta be Dirava vairanai do idia gini.
8 Tuari oreadia edia Dirava Iehova e, egu guriguri oi kamonai,
Iakobo ena Dirava e, mani oi kamonai. (Sela)
10 Emu ariara gabudia ai dina tamona lau noho ese dina tausen gabu ma ta ai ia hereaia!+
Egu Dirava ena ruma ena vareai gabuna ai lau gini be namo herea,
To kara dika taudia edia palai rumadia ai lau noho be dika.
11 Badina ita dekenai Iehova Dirava be dina+ bona kesi bamona,+
Ia ese lalonamo bona hairai ia henia.
Iehova be ia idia badinaia taudia dekenai
Gau namodia ia henia noho.+
12 Tuari oreadia edia Iehova e,
Oi ia abidadama henia tauna be ia moale.+
Hereva ta miusiki gunalaia tauna totona. Kora ena natudia memero edia ane.+
85 Iehova e, oi ese emu tano oi lalonamo henia,+
Oi ese Iakobo ena bese, idia abia lao taudia unai, oi abia giroa.+
2 Oi ese emu taunimanima edia kerere oi gwauatao vadaeni,
Edia kara dika ibounai oi gwauatao vadaeni.+ (Sela)
3 Oi badu dikadika, to oi hahedinaraia lasi,
Emu badu mai siahuna oi koua.+
5 Oi be ai do oi badu henia hanaihanai, a?+
Emu badu be nega ta do ia doko lasi, a?
6 Ai, emu taunimanima, ese oi ai hanamoa totona,
Oi ese ai do oi hagoadaia lou, ani?+
8 Lau be Dirava momokanina Iehova ena hereva do lau kamonai,
Badina ia be ena taunimanima, ia idia badinaia taudia, dekenai maino do ia herevalaia,+
To namo lasi idia hekokoroku lou.+
9 Dirava ia noho hegaegae ia idia gari henia taudia hamauria totona,+
Unai amo ena hairai be iseda tano dekenai do ia noho.
10 Lalokau* bona kara momokani be do idia hedavari,
Kara maoromaoro bona maino be do idia raka hebou.+
11 Kara momokani be tano amo do ia tubu daekau,
Bona kara maoromaoro be guba amo do ia itaia diho.+
13 Dirava ena vairanai kara maoromaoro do ia raka,+
Bona Dirava ena raka gabuna ena dala do ia karaia.
Davida ena guriguri.
86 Iehova e, lau oi kamonai henia* bona lau oi haere henia,
Badina lau hisihisi noho bona lau ogogami.+
2 Egu mauri oi gimaia, badina lau be oi lau badinaia noho.+
Lau, emu hesiai tauna oi hamauria, lau be oi lau abidadama henia noho,
Badina oi be egu Dirava.+
4 Lau, emu hesiai tauna, oi hamoalea,
Badina Iehova e, heduru abia totona lau be oi dekenai lau mai.
5 Iehova e, oi be namo+ bona oi noho hegaegae dika gwauatao totona.+
Emu ladana ai idia boiboi taudia dekenai emu lalokau* be bada herea.+
6 Iehova e, egu guriguri oi kamonai henia.
Bona heduru totona egu noinoi mani oi kamonai.+
8 Iehova e, dirava idauidau huanai ta be oi bamona lasi,+
Idia karaia karadia be oi karaia karadia hegeregerena lasi.+
9 Iehova e, oi ese oi havaraia besedia ibounai
Be oi dekenai do idia mai bona do idia tui diho,+
Bona emu ladana do idia abia isi.+
11 Iehova e, emu dala be lau oi hadibaia.+
Emu dala maorona ai do lau raka.+
Egu lalona oi hatamonaia, unai amo emu ladana dekenai do lau gari.+
12 Iehova egu Dirava e, mai kudouna ibounai ida oi lau hanamoa,+
Bona emu ladana do lau abia isi ela bona hanaihanai.
13 Badina lau dekenai emu lalokau* be bada,
Bona oi ese Mase Gurina* ena dobu gabuna amo lau oi hamauria.+
14 Dirava e, hekokoroku tatau be lau idia tuari henia.+
Dagedage taudia be dala idia tahua lau idia hamasea totona,
Bona idia be oi idia laloa bada lasi.+
15 To Iehova e, oi be hebogahisi Diravana,
Oi badu haraga lasi, emu lalokau* be bada herea bona oi be kara momokani Diravana.+
16 Lau oi laloa bona lau oi hebogahisi henia.+
Lau, emu hesiai tauna, dekenai emu goada oi henia,+
Bona lau, emu hesiai hahine ena natuna, oi hamauria.
17 Emu kara namo ena toa* ta be lau dekenai oi hahedinaraia,
Unai amo egu inai taudia ese do idia itaia bona idia hemarai.
Badina Iehova e, oi be egu durua tauna bona hagoadaia tauna.
Kora ena natudia memero edia ane.+
87 Dirava ena siti ena badina be ororo helagana ai ia noho.+
2 Iehova be Siona ia ura henia bada,+
To Israela ena gabu ma haida ia ura henia maragi.
3 Dirava momokanina ena siti e, oi totona gau namodia idia herevalaia vadaeni.+ (Sela)
4 Lau ese Rahaba*+ bona Babulonia be lau idia diba taudia ida do lau haboua.
Filistia bona Turo bona Kusu danu.
Idia totona do lau gwau: “Inai bese be unuseniai ia vara.”
5 Bona Siona totona taunimanima be do idia gwau:
“Unai bese ta ta be unuseniai idia vara.”
Bona Ataiai Momokani Diravana ese Siona do ia haginia goada.
6 Iehova be taunimanima edia ladana ia torea neganai, do ia gwau;
“Inai bese be unuseniai ia vara.” (Sela)
7 Ane abia taudia+ bona mavaru taudia+ do idia gwau:
“Egu mauri ai lau abia gau namodia ibounai be oi amo.”+
Kora ena natudia memero edia ane.+ Hereva ta miusiki gunalaia tauna totona. Mahalata* tiuni hegeregerena. Ane abia dalana be, orea ta ia ane bona orea ma ta ia haere. Sera ena bese tauna Hemana ena Masikili.*+
88 Egu hahemauri Diravana, Iehova e,+
Dina ai oi dekenai lau taitai bada,
Bona hanuaboi ai oi dekenai lau boiboi.+
5 Mase taudia huanai lau idia rakatania,
Mase guri lalonai, lau be idia hamasea tauna bamona,
Oi ese lau oi laloaboio vadaeni
Bona lau oi naria noho lasi.
6 Oi ese dobu momokani gabuna ai lau oi atoa,
Dibura bona dobu masemase gabuna badana unai.
7 Egu latanai emu badu ena metau be bada herea,+
Bona emu hurehure badadia ese lau ia koua momokani. (Sela)
8 Lau bamoa taudia be lau amo oi lulua daudau,+
Idia dekenai lau be gau dikana ta bamona ai oi halaoa.
Lau be tarapu lalonai lau noho bamona bona lau heau mauri diba lasi.
9 Egu hisihisi dainai egu matana be idia diari lasi.+
Iehova e, dina ibounai lalonai lau be oi dekenai lau boiboi,+
Oi dekenai egu imana lau kehoa.
10 Oi ese mase taudia totona kara badadia do oi karaia, a?
Idia mase vadaeni taudia be do idia toreisi oi idia hanamoa totona, a?+ (Sela)
11 Oi hahedinaraia lalokau* be mase guri dekenai do idia herevalaia, a?
Emu kara namodia be tauanina ia bodaga gabuna* ai do idia herevalaia, a?
12 Emu kara badadia be dibura gabuna ai do idia diba, a?
Eiava gau ta idia diba lasi taudia edia tano ai emu kara maoromaoro do idia diba, a?+
13 To Iehova e, heduru totona lau be oi dekenai lau taitai noho,+
Daba ta ta ai egu guriguri be oi dekenai lau gwauraia.+
15 Lau mero negana amo,
Lau hisihisi noho bona kahirakahira lau mase.+
Lau idia hahisia gaudia oi koua lasi dainai, lau manoka momokani.
16 Emu badu bada ese lau ia koua momokani,+
Oi havaraia gari gaudia ese lau ia hadikaia.
17 Idia be dina ibounai lau idia hagegea, ranu bamona,
Idia be kahana ibounai amo lau idia koua.
18 Oi ese egu turadia bona lau bamoa taudia be lau amo oi lulua daudau,+
Dibura sibona be egu turana.
Masikili.* Sera bese tauna Etana ena ane.+
89 Iehova ese ia hahedinaraia lalokau* be hanaihanai do lau anelaia,
Emu kara namodia be uru ibounai dekenai do lau herevalaia.
2 Badina lau gwau: “Lalokau* be do ia gini* ela bona hanaihanai,+
Bona emu kara namodia be guba ai oi haginia goada.”
3 Oi gwau: “Lau be lau abia hidi tauna ida gwaubou ta ai karaia,+
Egu hesiai tauna Davida dekenai lau gwauhamata:+
4 ‘Lau ese emu bese taudia do lau haginia goada ela bona hanaihanai,+
Bona uru ibounai totona emu terona do lau haginia.’”+ (Sela)
5 Iehova e, guba gaudia ese emu hoa karadia idia gwauraia,
Oibe, helaga taudia* edia hebou lalonai emu kara namodia idia gwauraia.
6 Guba ai daika be Iehova ida ia hegeregere?+
Dirava ena natudia+ huanai daika be Iehova hegeregerena?
7 Helaga taudia edia hebou lalonai Dirava idia matauraia bada,+
Ia idia hagegea taudia ibounai dekenai ia be ladana bada bona hoa kara badadia ia karaia Diravana.+
8 Tuari oreadia edia Dirava Iehova e, oi be goada,
Iah e, daika be oi hegeregerena?+
Oi be hanaihanai kara namodia oi hahedinaraia.+
10 Oi ese Rahaba*+ oi hadikaia ore, idia hamasea tauna bamona,+
Oi ese emu imana goadana amo emu inai taudia oi lulua lao.+
11 Guba be oiemu, bona tanobada danu be oiemu,+
Oi ese tano bona ena lalonai idia noho gaudia ibounai oi havaraia.+
12 Oi ese not kahana bona saut kahana oi karaia,
Taboro+ bona Heremona+ be mai moale ida emu ladana idia hanamoa.
14 Emu terona be kara maoromaoro bona kota maoromaoro amo oi haginia auka,+
15 Moale boiboina idia diba taudia be idia moale.+
Iehova e, idia be emu vairana ena diari ai idia raka.
16 Dina ibounai lalonai idia be emu ladana dainai idia moale bada,
Bona emu kara maoromaoro dainai idia moale.
18 Badina emai kesi be Iehova amo,
Bona emai king be Israela ena Helaga Tauna amo.+
19 Unai nega ai oi idia badinaia taudia be matahanai amo oi hereva henia, oi gwau:
“Lau ese goada bada tauna dekenai goada lau henia,+
Lau ese taunimanima huanai lau abia hidi tauna lau hanamoa.+
21 Egu imana amo ia do lau durua,+
Bona egu imana amo ia do lau hagoadaia.
22 Iena inai tauna ese ia dekenai metau do ia henia lasi,
Bona kara dika tauna ese ia do ia hahisia lasi.+
23 Lau ese iena vairanai ia idia dagedage henia taudia do lau hadikaia ore,+
Bona ia idia inai henia taudia do lau hamasea.+
24 Ia dekenai egu kara momokani bona lalokau* do lau hahedinaraia,+
Bona egu ladana dainai iena goada do ia bada.
25 Lau ese iena imana* be davara latanai do lau atoa,
Bona iena imana idibana be sinavai latanai do lau atoa.+
26 Ia be lau dekenai do ia boiboi: ‘Oi be egu Tamana,
Egu Dirava bona egu hahemauri Nadi.’+
27 Bona lau ese ia be vara guna natuna ai do lau halaoa,+
Tanobada ena king ibounai edia ataiai do ia noho.+
28 Egu lalokau be hanaihanai ia dekenai do lau hahedinaraia,+
Bona ia ida lau karaia gwaubou be do ia noho hanaihanai.+
29 Lau ese iena bese tauna do lau haginia goada ela bona hanaihanai,
Bona ena terona do ia noho hanaihanai, guba ia noho hanaihanai bamona.+
30 Bema iena bese taudia ese egu taravatu idia badinaia lasi,
Bona egu hahemaoro daladia hegeregerena idia noho lasi,
31 Bema idia ese egu hakaua herevadia idia dadaraia,
Bona egu oda herevadia idia badinaia lasi,
32 Vadaeni edia gwau-edeede dainai kwadia auna amo idia do lau panisia,+
Bona edia kerere dainai idia do lau kwadia.
33 To egu lalokau* be hanaihanai ia dekenai do lau hahedinaraia,+
Eiava egu gwauhamata do lau hakoikoia lasi.
35 Lau be helaga dainai lau gwauhamata vadaeni,
Lau be Davida dekenai koikoi herevadia do lau gwauraia lasi.+
36 Iena bese taudia be do idia noho hanaihanai,+
Egu vairanai iena terona be do ia noho hanaihanai, dina ia noho hanaihanai bamona.+
37 Terona be do ia gini goada ela bona hanaihanai,
Hua be guba dekenai ia hedinarai hanaihanai bamona.” (Sela)
38 To oi sibona ese ia oi negea bona oi dadaraia,+
Oi ese emu horoa tauna oi badu henia dikadika.
39 Oi ese emu hesiai tauna ida oi karaia gwaubou oi badinaia lasi,
Oi ese ena korona be tano dekenai oi negea dainai, ia dika.
40 Oi ese ena nadi magu ibounai oi hamakohia,
Oi ese ena magu aukadia oi hadikaia ore.
41 Idia raka hanai taudia ibounai ese ena gaudia idia henaoa,
Iena dekena taudia ese ia idia gwauraia dika.+
42 Oi ese ia idia dagedage henia taudia dekenai kwalimu oi henia,*+
Oi ese iena inai taudia ibounai dekenai moale oi havaraia.
43 Oi ese iena tuari kaia oi hadikaia danu,
Bona tuari ai ia gini goada totona ia oi durua lasi.
44 Oi ese iena hairai oi kokia,
Bona ena terona be tano dekenai oi negea.
45 Oi ese ena matamata negana oi hakwadogia,
Oi ese ia be hemarai amo oi koua. (Sela)
46 Iehova e, do oi hunia ela bona edena nega? Ela bona hanaihanai, a?+
Emu badu be lahi bamona do ia araia noho, a?
47 Namona be oi laloatao egu mauri be kwadogi!+
Oi ese taunimanima ibounai be oi havaraia kava, a?
48 Tau ta be do ia mauri noho bona do ia mase lasi, a?+
Ia be Mase Gurina* ena siahu amo sibona ia hamauria diba, a? (Sela)
49 Iehova e, guna negadia ai oi hahedinaraia lalokau* be edeseniai?
Mai kara momokani ida Davida dekenai oi gwauhamatalaia karana unai.+
50 Iehova e, emu hesiai taudia idia hahisia herevadia mani oi laloatao,
Taunimanima ese lau idia hahisia herevadia be lau haheaukalaia.
51 Iehova e, emu inai taudia ese hadikaia herevadia idia gwauraia noho,
Emu horoa tauna ena raka daladia ibounai idia gwauraia dika.
52 Iehova ita hanamoa hanaihanai be namo. Amen bona Amen.+
BUKA FOA
(Salamo 90-106)
Dirava momokanina ena hesiai tauna Mose ena guriguri.+
90 Iehova e, oi be emai heau mauri gabuna*+ ela bona hanaihanai.
2 Ororo oi do karaia lasi neganai,
Eiava tanobada bona tano namona oi do karaia lasi neganai,+
Unai nega amo ela bona hanaihanai, oi be Dirava.+
3 Oi ese taunimanima be kahu dekenai oi siaia lou,
Oi gwau: “Taunimanima e, kahu dekenai umui giroa lou.”+
4 Oi dekenai idia hanaia lagani tausen be varani sibona bamona,+
Hanuaboi ena hora haida sibona bamona.
5 Oi ese taunimanima oi kokia haraga,+ idia be nihi bamona idia boio haraga,
Idia be daba ai ia tubu rei matamata bamona.+
9 Emu badu karana dainai emai mauri ia kwadogi ia lao,
Bona emai mauri lagani idia ore, hahodi tamona bamona.
10 Emai mauri lagani ena daudau be 70 sibona,
Eiava bema ta ia goada, lagani 80+ ia abia diba.
To idia be hekwakwanai bona hisihisi amo idia honu,
Idia hanaia haraga, bona ai boio.+
11 Daika ese emu badu ena siahu ia lalopararalaia diba?
Emu badu ena goada be bada herea, taunimanima ese oi idia gari henia karana ida ia hegeregere.+
13 Iehova e, mani oi giroa mai!+ Emu badu do ia noho ela bona edena negai?+
Mani emu hesiai taudia oi hebogahisi henia.+
14 Daba ai emu lalokau* be ai dekenai oi hahedinaraia,+
Unai amo emai mauri dinadia ibounai lalonai mai moale ida ai boiboi.+
15 Namona be ai oi hamoalea dinadia ese ai oi hahisia dinadia ia hereaia,+
Badina lagani momo lalonai ai hisihisi vadaeni.+
16 Emu hesiai taudia ese oi karaia gau namodia idia itaia be namo,
Bona edia natudia ese emu hairai idia itaia be namo.+
17 Iehova emai Dirava ena lalonamo be ai latanai ia noho be namo,
Emai imana amo ai karaia gaukaradia oi hanamoa be namo.
Oibe, emai imana amo ai karaia gaukaradia oi hanamoa.+
91 Ataiai Momokani Diravana ena hunia gabuna ai idia noho taudia+
Be Siahu Ibounai Diravana ena apena henunai do idia noho.+
2 Iehova dekenai do lau gwau: “Oi be egu heau mauri gabuna bona egu kohoro goadana,+
Lau abidadama henia Diravana.”+
3 Badina ia ese manu tarapua gauna amo oi do ia hamauria,
Gorere dikana amo oi do ia hamauria.
4 Iena apena amo oi do ia koua,
Bona iena hanina henunai do oi hunia.+
Iena kara momokani+ be kesi badana+ bona gimaia maguna bamona.
5 Hanuaboi ai idia vara dika gaudia dainai do oi gari lasi,+
Eiava dina ai ia roho peva ena diba dainai do oi gari lasi,+
6 Eiava dibura ai ia noho gorere dikana dainai do oi gari lasi,
Eiava dina tubua ai ia vara dika badana dainai do oi gari lasi.
7 Taunimanima tausen be emu badinai do idia moru,
Bona taunimanima 10,000 be emu imana idibana ai do idia moru,
To unai dika ta be oi dekenai do ia vara lasi.+
8 Dirava ese kara dika taudia ia panisia neganai,
Oi ese unai ibounai do oi itaia.
9 Badina oi gwau: “Iehova be egu heau mauri gabuna,”
Oi ese Ataiai Momokani Diravana be emu noho gabuna* ai oi halaoa.+
11 Badina oi totona ia ese ena aneru+ do ia oda henidia,
Emu raka daladia ibounai lalonai oi idia gimaia totona.+
13 Oi ese laiona natuna bona kobra do oi moia,
Oi ese laiona natuna bona gaigai badana be emu aena amo do oi moia.+
14 Dirava ia gwau: “Ia be lau ia ura henia bada dainai, ia do lau hamauria.+
Lau ese ia do lau gimaia badina egu ladana ia diba.+
15 Ia be lau dekenai do ia boiboi, bona ia do lau haere henia.+
Metau negana ai lau be ia ida do lau noho.+
Lau ese ia do lau hamauria bona hanamoa.
Sabati dina ena ane.
92 Namona be Iehova lau tanikiu henia,+
Bona Ataiai Momokani Diravana e, emu ladana dekenai hanamoa anedia lau abia* be namo,
4 Iehova e, oi karaia gaudia dainai, lau oi hamoalea,
Emu imana amo oi karaia gaukaradia dainai mai moale ida lau boiboi.
6 Laloa namonamo lasi tauna ese unai gaudia do ia dibaia lasi
Bona kavakava tauna ese inai do ia lalopararalaia lasi:+
7 Kara dika taudia be ava dikadia bamona idia tubu daekau
Bona kerere taudia be mauri namona idia abia neganai,
Dika bada do idia davaria.+
8 To Iehova e, oi be ataiai momokani oi noho ela bona hanaihanai.
9 Iehova e, emu inai taudia oi itaia,
Momokani, idia be do idia boio,
Kerere taudia ibounai be gabu idauidau dekenai do idia heau lao.+
10 To oi ese egu goada do oi habadaia, uda boromakau ena goada bamona,
Dehoro namona amo egu tauanina do lau dahua.+
11 Egu inai taudia idia lusi neganai, unai do lau itaia,+
Lau idia tuari henia tatau dikadia idia moru ena sivarai do lau kamonai.
12 To kara maoromaoro taudia be pama au bamona do idia tubu namonamo,
Bona Lebanona ena sida au bamona do idia bada momokani.+
13 Idia be Iehova ena ruma lalonai idia hadoa,
Idia be Dirava ena ariara gabudia ai idia tubu namonamo.+
14 Ena be idia buruka momokani,* to idia ese huahua do idia atoa noho,+
Edia tauanina be do ia namo bona idia goada noho,+
15 Iehova idia gwauraia kara maoromaoro Diravana.
Ia be egu Nadi Badana,+ ia dekenai kara gageva be lasi.
93 Iehova be King ai ia lao vadaeni!+
Hairai bada be dabua bamona ia atoa,
Iehova ese goada be dabua bamona ia atoa,
Goada be beleta bamona ia kwatua.
Tanobada be ia gini goada,
Ia marere diba lasi.
3 Iehova e, sinavai be idia abata vadaeni,
Sinavai be idia abata bona idia regerege bada,
Sinavai be idia abata bona regerege bada noho.
4 To Iehova e, oi be guba ai oi noho,
Oiemu siahu be bada herea, ranu momo edia regena ia hereaia,+
Oiemu siahu bada ese hurehure badadia ia hereaia.+
94 Iehova e, oi be dika davana henia Diravana,+
Dika davana henia Diravana e, emu diari oi hahedinaraia!
3 Iehova e, kara dika taudia do idia noho ela bona edena nega?
Kara dika taudia do idia heagi noho ela bona edena nega?+
4 Idia laloa namonamo lasi bona mai hekokoroku ida idia hereva,
Kerere taudia ibounai be sibona idia heagi noho.
5 Iehova e, idia ese emu taunimanima idia hadikaia,+
Bona emu taunimanima idia hahisia noho.
6 Idia ese vabu bona idau tauna idia hamasea,
Bona tamana lasi natudia idia alaia.
8 Umui laloa namonamo lasi taudia e, inai umui lalopararalaia,
Umui kavakava taudia e, edena negai do umui aonega?+
9 Taiana ia karaia Diravana be ia kamonai diba lasi, a?
Matana ia karaia Diravana be ia itaia diba lasi, a?+
10 Bese idauidau ia matahakani henia Diravana be sisiba aukana do ia henia lasi, a?+
Ia ese taunimanima dekenai diba ia henia!+
11 Iehova be taunimanima edia lalohadai ia diba,
Idia be hahodi tamona sibona bamona.+
13 Unai amo dika negadia ai ia dekenai maino oi henia,
Ela bona kara dika tauna be guri lalonai ia moru.+
14 Badina Iehova ese ena taunimanima do ia dadaraia lasi,+
Bona ena taunimanima do ia rakatania lasi.+
15 Hahemaoro be dala maorona ai do idia karaia lou,
Bona kudou maoro taudia ibounai ese do idia badinaia.
16 Kara dika taudia amo daika ese lau do ia gimaia?
Kara kerere taudia amo daika ese lau do ia durua?
20 Lohia taudia* dikadia be oi ida idia gaukara hebou diba lasi,
Badina idia be taravatu ladanai kerere idia havaraia noho.+
21 Idia ese kara maoromaoro taudia idia kara dika henia,+
Bona kerere lasi tauna idia samania bona hamasea totona idia hereva.+
22 To Iehova be lauegu heau mauri gabuna goadana ai do ia lao,
Egu Dirava be lauegu heau mauri nadi.+
23 Ia ese edia kara dikadia be edia latanai do ia havaraia lou.+
Edia kara dikadia dainai do ia haoredia.
Iehova iseda Dirava ese idia do ia haorea.+
95 Umui mai, Iehova dekenai mai moale ida ita boiboi!
Iseda hahemauri ena Nadi Badana dekenai mai moale ida ita boiboi.+
2 Dirava vairanai ita haboua bona ia ita tanikiu henia,+
Ia dekenai ane ita abia bona mai moale ida ita boiboi.
3 Badina Iehova be Dirava badana,
Ia be King badana, dirava ibounai ia hereaia.+
4 Tanobada ena dobu momokani gabudia be iena imana ai,
Bona ororo latadia be iena.+
6 Umui mai, iseda Havaraia Tauna Iehova vairanai ita tui diho,
Ita tui diho bona ita tomadiho be namo.+
7 Badina ia be iseda Dirava,
Bona ita be iena rei gabuna ena mamoe,
Ia ese ia naria mamoe unai.+
Hari dina bema iena gadona umui kamonai,+
9 Unai nega ai emui sene taudia ese lau idia tohoa.+
Idia ese lau idia tohoa, ena be lau karaia gaudia idia itaia.+
10 Lagani 40 lalonai unai uru taudia lau badu henia, bona lau gwau:
“Nega ibounai edia kudouna ai egu hereva idia dadaraia,
Bona egu dala idia dibaia lasi.”
11 Unai dainai lau badu bona lau gwau:
“Idia be egu laga-ani lalonai do idia vareai lasi.”+
2 Iehova dekenai ane abia, iena ladana hanamoa.
Dina ta ta ai iena hamauria ena sivarai namona umui harorolaia.+
3 Bese idauidau huanai iena hairai umui herevalaia,
Taunimanima ibounai huanai iena kara namo hereadia umui herevalaia.+
4 Iehova ena siahu be bada herea bona hanamoa ia abia be namo.
Ia sibona ita gari henia be namo, badina dirava idauidau ibounai ia hereaia.
6 Siahu bada bona hairai bada ese Dirava idia hagegea,+
Goada bona hairai be iena noho gabuna amo idia diaridiari.+
7 Tanobada besedia e, Iehova umui hanamoa,
Iehova ena hairai bona goada dainai ia umui hanamoa.+
8 Iehova ena ladana dainai ia umui hanamoa.+
Harihari gauna ta umui abia bona iena ariara dekenai umui mai.
9 Iehova dekenai umui tui diho* mai emui dabua helagadia ida.*
Tanobada taudia ibounai e, ia vairanai do umui heudeheude mai gari ida!
10 Bese idauidau huanai umui gwau: “Iehova be King ai ia lao vadaeni!+
Tanobada be ia gini goada noho, do ia marere diba lasi.
Dirava ese taunimanima do ia kota henia maoromaoro.”+
11 Guba ia moale, bona tanobada ia moale bada.
Davara bona davara lalonai idia noho gaudia ibounai do idia boiboi.+
12 Tano bona tano latanai idia noho gaudia ibounai do idia moale.+
Unai nega ai uda badadia lalonai idia noho au be mai moale ida Iehova vairanai do idia boiboi,+
13 Badina Dirava ia mai noho,
Tanobada hahemaoro henia totona.
Ia be mai kara maoromaoro ida tanobada do ia hahemaoro henia+
Bona mai kara momokani ida taunimanima do ia kota henia.+
2 Ori bona dibura bada ese ia idia hagegea,+
Iena terona be kara maoromaoro bona kota maoromaoro amo ia haginia auka.+
3 Lahi be iena vairanai ia lao noho+
Bona iena inai taudia, ia idia hagegea taudia unai, ia araia ore.+
4 Iena kevaru ese tano ia hadiaria,
Tanobada ese unai ia itaia bona ia gari dikadika.+
5 Iehova ena vairanai ororo badadia be girisi* bamona idia veve,+
Tanobada ibounai ena Lohiabada ena vairanai idia veve.
6 Guba gaudia ese iena kara maoromaoro idia herevalaia,
Bona taunimanima ibounai be iena hairai idia itaia.+
7 Kaivakuku idia tomadiho henia taudia ibounai be do idia hemarai,+
Edia anina lasi diravadia dainai idia heagi taudia unai.+
8 Iehova e, emu hahemaoro karadia dainai,
Siona be ia kamonai bona ia moale,+
9 Badina Iehova e, oi be tanobada ena Ataiai Momokani Diravana.
Oi be dirava iboudiai edia ataiai oi noho.+
10 Iehova umui lalokau henia taudia e, kara dika umui inai henia.+
Ia be ia idia badinaia taudia edia mauri ia gimaia,+
11 Kara maoromaoro taudia totona diari ia hedinarai+
Bona kudou maoro taudia be idia moale noho.
12 Kara maoromaoro taudia e, Iehova dainai umui moale,
Bona iena ladana helagana dainai, ia umui tanikiu henia.
Ane ta.
98 Iehova dekenai ane matamata umui abia,+
Badina ia ese kara namo hereadia ia karaia.+
Iena imana idibana, imana helagana unai, be hahemauri ia mailaia.+
2 Iehova be ena hahemauri karadia ia hahedinaraia vadaeni,+
Ia ese bese idauidau edia vairanai ena kara maoromaoro ia hahedinaraia.+
3 Ia ese Israela bese dekenai ia hahedinaraia lalokau* bona kara momokani ia laloatao.+
Tanobada ibounai be iseda Dirava ena hahemauri* karadia idia itaia vadaeni.+
4 Tanobada taudia ibounai e, mai moale ida Iehova dekenai umui boiboi.
6 Kibi umui hiriria,+
Bona Iehova, iseda King ena vairanai mai moale bada ida umui boiboi.
7 Davara bona ena lalonai idia noho gaudia be mai moale ida idia boiboi,
Tanobada bona idia noholaia taudia danu.
8 Sinavai be edia imana idia patapataia,
Namona be Iehova vairanai ororo badadia be mai moale ida idia boiboi hebou,+
9 Badina ia be tanobada hahemaoro henia totona ia mai noho.*
Ia ese kara maoromaoro ai tanobada ibounai+
Bona taunimanima do ia hahemaoro henia.+
99 Iehova be King ai ia lao vadaeni.+ Taunimanima idia heudeheude be namo.
Ia be kerubi edia ataiai* terona ai ia helai.+ Tanobada ia mareremarere be namo.
2 Siona ai Iehova ena siahu be bada herea,
Bona taunimanima ibounai edia ataiai ia noho.+
3 Emu ladana badana idia hanamoa be namo,+
Badina emu ladana be helaga bona idia matauraia be namo.
4 Oi be king goadana, hahemaoro goeva oi ura henia bada.+
Oi ese kara maoromaoro ena badina oi haginia goada.
Iakobo dekenai hahemaoro goeva bona kara maoromaoro oi mailaia.+
5 Iehova, iseda Dirava umui hanamoa,+ bona ena aena atoa gauna badinai umui tui diho.+
Ia be helaga.+
6 Mose bona Arona be iena hahelaga taudia huanai idia noho,+
Bona Samuela be iena ladana dekenai idia boiboi taudia huanai ia noho.+
Idia be Iehova dekenai idia boiboi,
Bona ia be idia dekenai ia haere.+
7 Ia be ori lalona amo idia ia hereva henia.+
Idia dekenai ia henia oda herevadia bona taravatu idia badinaia.+
8 Iehova emai Dirava e, oi ese idia oi haere henia.+
Oi be edia dika gwauatao Diravana,+
To edia kara dika dainai idia oi panisia.+
9 Iehova iseda Dirava ita hanamoa bada+
Bona ena ororo helagana vairanai ita tui diho,*+
Badina Iehova iseda Dirava be helaga.+
Tanikiu ane.
100 Tanobada taudia ibounai e, mai moale ida umui boiboi bona Iehova umui hanamoa.+
3 Do umui diba Iehova be Dirava.+
Ia ese ita ia karaia, bona ita be iena.+
Ita be iena taunimanima bona ita be ia naria mamoe oreana.+
4 Iena geiti ai umui vareai bona ia umui tanikiu henia,+
Hanamoa ane ida iena ariara dekenai umui vareai.+
Ia umui tanikiu henia. Iena ladana umui hanamoa.+
5 Badina Iehova be namo.+
Iena lalokau* be ia noho hanaihanai,
Bona ia be ena hereva ia badinaia ela bona hanaihanai.+
Davida ena ane.
101 Lau ese noho hanaihanai lalokauna bona kota maoromaoro do lau anelaia.
Iehova e, oi dekenai hanamoa ane do lau abia.*
2 Lau be do lau aonega bona kerere ta do lau karaia lasi.
Edena nega ai lau do oi durua?
Egu ruma lalonai mai kudouna ibounai ida oi do lau badinaia.+
3 Lau ese anina lasi gauna ta do lau itaia lasi.
Dala maorona idia rakatania taudia edia kara lau inai henia.+
Lau be idia do lau bamoa lasi.
4 Kudouna ia dika tauna be lau amo ia daudau,
Lau ese kara dika do lau abia dae* lasi.
5 Hunia ai ena dekena tauna ena ladana ia hadikaia tauna+
Ena uduna do lau koua.
Ia hekokoroku bona ia heagi tauna
Be lau ese do lau dadaraia.
6 Lau ese tanobada ai abidadama taudia do lau lalonamo henia,
Unai amo idia be lau danu do idia noho.
Kerere lasi tauna be lau do ia hesiai henia.
7 Egu ruma dekenai kara koikoi tauna do ia noho lasi,
Bona egu vairanai hereva koikoi tauna do ia gini lasi.
8 Daba ta ta ai lau ese tanobada dekenai kara dika taudia do lau hamasea ore,
Unai amo Iehova ena siti amo kara dika taudia ibounai lau kokia.+
Ia hisihisi* tauna ena guriguri. Ia be metau ia davaria bona Iehova vairanai ena lalohekwarahi ia gwauraia.+
2 Egu hisihisi negana ai lau amo emu vairana oi hunia lasi.+
Mani lau oi kamonai henia.*
Lau boiboi neganai mani oi haere haraga.+
3 Badina egu mauri dinadia be idia ore idia lao, kwalahu bamona,
Bona lau mamia egu turia be lahi ese ia gabua bamona.+
4 Egu kudouna be ia manoka, ava ia kakoro bamona,+
Badina lau ura lasi lau aniani.
6 Lau be tano kaukau ai ia noho peliken manu bamona,
Lau be gabu dikana ai ia noho baimumu manu maragina bamona.
8 Dina ibounai lalonai egu inai taudia ese lau idia hevasehalaia.+
Lau idia kirikirilaia taudia ese egu ladana be hadikaia herevana bamona idia gaukaralaia.
9 Badina lau ese lahi kahu be paraoa bamona lau ania,+
Bona lau inua ranu be mata ranu ida ia mikisi,+
10 Badina oi ese lau oi badu henia bada,
Oi ese lau oi abia isi, to gabeai lau oi negea lao.
11 Egu mauri dinadia be ia boio noho dina ena laulau bamona,+
Bona lau be ava bamona lau kakoro noho.+
12 To Iehova e, oi be oi noho hanaihanai,+
Bona emu ladana bada do idia laloatao ela bona hanaihanai.+
13 Do oi toreisi bona Siona dekenai hebogahisi do oi hahedinaraia,+
Badina unai be ia do oi lalonamo henia negana.+
Oi abia hidi negana be ia ginidae vadaeni.+
15 Bese idauidau be Iehova ena ladana dekenai do idia gari,
Bona tanobada ena king ibounai be emu hairai do idia gwauraia.+
17 Ia ese ladana maragi taudia edia guriguri do ia kamonai henia,+
Ia ese edia guriguri do ia dadaraia lasi.+
18 Inai gaudia be vaira nega ai do ia mai uru totona idia torea,+
Unai amo gabeai idia vara taudia be Iah do idia hanamoa.
19 Ia be ena atai herea helaga gabuna amo ia itaia,+
Guba amo Iehova ese tanobada ia itaia noho,
20 Dibura ai idia noho taudia edia hisihisi ia kamonai totona,+
Bona kota ia gwau do idia mase taudia ia ruhaia totona.+
21 Vadaeni Siona dekenai Iehova ena ladana do idia harorolaia+
Bona Ierusalema dekenai ia do idia hanamoa,
22 Unai neganai taunimanima bona basileia idauidau
Be Iehova hesiai henia totona do idia haboua.+
23 Ia ese egu matamata negana ai egu goada ia kokia,
Ia ese egu mauri dinadia ia hakwadogia.
24 Lau gwau: “Egu Dirava e,
Oi be oi noho hanaihanai,
Lau matamata negana ai egu mauri oi kokia lasi.+
25 Idaunegai oi ese tanobada ena badina aukana oi haginia,
Bona emu imana amo guba gaudia oi karaia.+
26 Unai gaudia be do idia ore, to oi be do oi noho,
Idia be do idia dika, dabua gunana bamona.
Oi ese dabua gunana bamona idia do oi kokia, bona do idia ore.
27 To oi be oi idau lasi, bona emu mauri lagani be do idia ore diba lasi.+
28 Emu hesiai taudia edia natudia be do idia noho namonamo,
Bona edia bese taudia be emu vairanai do idia noho namonamo.”+
Davida ena ane.
103 Iehova lau hanamoa be namo.
Mai egu lalona ibounai ida iena ladana helagana lau hanamoa be namo.
2 Iehova lau hanamoa be namo.
Ia karaia gaudia ibounai do lau laloaboio lasi.+
4 Ia ese mase gurina amo lau ia hamauria+
5 Egu mauri ibounai lalonai ia ese gau namodia amo lau ia hanamoa,+
Unai amo egu goada ia matamata lou, ugava ena goada bamona.+
6 Iehova be kara maoromaoro ia badinaia+ bona kota maoromaoro ia karaia,
Hisihisi idia davaria taudia ia durua totona.+
10 Ia ese iseda kara dika hegeregerena ita ia kara henia lasi,+
Bona iseda kerere hegeregerena davana ia henia lasi.+
11 Guba be tanobada amo ia daudau herea hegeregerena,
Dirava idia gari henia taudia dekenai iena lalokau* be bada herea.+
12 Dina ia daekau kahana be dina ia diho kahana amo ia daudau hegeregerena,
Ia ese iseda kara dika be ita amo ia kokia lao daudau.+
13 Tamana ese natudia memero dekenai hebogahisi ia hahedinaraia hegeregerena,
Iehova ese ia idia gari henia taudia dekenai hebogahisi ia hahedinaraia.+
16 To lai ia toa neganai, unai flaoaflaoa ia moru,
Toana be guna ia noho lasi bamona.
17 To Iehova ena lalokau be do ia noho hanaihanai
Ia idia gari henia taudia dekenai,+
Bona edia tubudia dekenai iena kara maoromaoro do ia hahedinaraia noho,+
18 Iena taravatu idia badinaia+
Bona iena oda herevadia idia badinaia namonamo taudia dekenai kara maoromaoro ia hahedinaraia.
19 Iehova ese guba ai iena terona ia haginia goada,+
Bona iena lohia siahuna amo gau ibounai ia lohiaia.+
20 Iena siahu bada aneru ibounai e, Iehova hanamoa,+
Idia be iena hereva hegeregerena idia kara,+ bona ena gadona idia kamonai.
22 Iena havaraia gaudia ibounai e, Iehova hanamoa,
Ia lohiaia gabudia ibounai be ia idia hanamoa.
Mai lalona ibounai ida Iehova lau hanamoa be namo.
104 Iehova lau hanamoa be namo.+
Egu Dirava Iehova e, emu ladana be bada herea.+
Emu siahu be bada herea.+
2 Diari ese oi ia hagegea,+ dabua bamona,
Oi ese guba be palai ruma ena dabua ta bamona oi kehoa badabada.+
3 Ori edia latanai emu noho gabuna oi haginia,+
Ori be emu kariota bamona oi halaoa,+
Lai ese ena apena amo oi ia abia lao.+
4 Oi ese emu aneru dekenai goada bada oi henia,*
Emu hesiai taudia be lahi ena hururuhururu bamona ai oi halaoa.+
5 Oi ese tanobada be badina aukana latanai oi haginia,+
6 Oi ese ranu dobudia amo tanobada oi koua, dabua bamona.+
Ranu be ororo edia ataiai ia noho.
7 Oi hereva goada neganai idia heau boio,+
Emu guba boiboi regena dainai mai gari ida idia heau boio,
8 Oi ese idia totona oi karaia gabudia dekenai idia lao,
Ororo idia daekau+ bona koura idia diho lao.
9 Oi ese ranu ena maka oi atoa, do ia hanaia lasi,+
Unai amo ranu ese tanobada do ia koua lou lasi.
10 Oi ese ranu be koura gabudia dekenai oi siaia lao,
Ororo edia huanai idia aru.
11 Uda animal ibounai be unai ranu idia inua,
Idia ranu mase uda doniki be unai ranu idia inua.
12 Ranu badinai idia noho au edia latanai manu be edia ruma idia karaia,
Idia be au badadia huanai ane idia abia.
13 Oi ese emu atai daiutudia amo ororo dekenai ranu oi henia noho.+
Emu gaukara ena anina namona ese tanobada ia hahonua.+
14 Oi ese ava oi hatubua boromakau totona
Bona tubutubu gaudia oi havaraia,
Unai amo taunimanima ese aniani idia hadoa+
15 Bona lalona ia hamoalea wain idia karaia,+
Vairana toana ia hadiaria dehoro idia karaia,
Bona goada ia henia paraoa idia karaia.+
16 Iehova ena au be ranu momo idia abia,
Lebanona ai ia hadoa sida audia unai,
17 Unuseniai manu be ruma idia karaia.
Noko manu be iunipa audia ai ruma idia karaia.+
18 Ataiai momokani ororodia be ororo nanigosi totona,+
19 Oi ese hua oi karaia, nega ena hetoana ia hahedinaraia totona,
Dina be ena diho negana ia diba.+
20 Dagedage animal ibounai be uda dekenai idia loaloa neganai,
Oi ese dibura oi mailaia, bona hanuaboi ia vara.+
21 Laiona maragidia be mai boiboi ida edia vamu idia tahua,+
Bona Dirava ese ia henia aniani idia tahua.+
22 Dina ia daekau neganai,
Idia be idia giroa bona edia noho gabudia dekenai idia hekure.
23 Taunimanima be idia lao gaukara,
Bona idia gaukara ela bona dina ia diho.
24 Iehova e, oi karaia gaudia be momo herea!+
Mai aonega ida inai gaudia ibounai oi karaia.+
Tanobada be oi karaia gaudia amo ia honu momokani.
25 Davara be bada herea bona ia lababa,
Ia lalonai mauri gaudia badadia bona maragidia be momo herea.+
27 Idia ibounai be oi idia naria noho
Edia nega korikori ai edia aniani oi henia totona.+
28 Idia dekenai oi henia gaudia idia ania.+
Emu imana oi kehoa neganai, idia be gau namodia momo idia abia.+
29 Idia amo emu vairana oi hunia neganai, idia gari.
Bema edia laga oi kokia, idia mase bona kahu dekenai idia giroa lou.+
30 Emu lauma helaga oi siaia neganai, mauri gaudia idia vara,+
Bona oi ese tano oi hamatamataia.
31 Iehova ena hairai be do ia noho hanaihanai.
Iehova be ena gaukara idauidau dekenai do ia moale bada.+
32 Ia ese tanobada ia itaia, bona tanobada ia heudeheude,
Ia ese ororo ia dogoatao, bona kwalahu ia daekau.+
33 Egu mauri ibounai lalonai Iehova dekenai ane do lau abia,+
Lau mauri noho lalonai egu Dirava dekenai ane do lau abia.*+
34 Lau laloa gaudia dekenai oi moale be namo.*
Iehova dainai do lau moale bada.
35 Kara dika taudia be tanobada amo do idia boio,
Bona kerere taudia be do idia noho lasi.+
Iehova lau hanamoa be namo. Iah hanamoa!*
105 Iehova umui tanikiu henia,+ ena ladana dekenai umui boiboi,
Taunimanima dekenai iena kara namodia umui herevalaia!+
2 Ia dekenai ane umui abia, ia dekenai hanamoa anedia umui abia,*
4 Iehova umui tahua+ bona ia amo ena goada umui noia.
Iena lalonamo totona umui noinoi.
5 Ia karaia kara namodia umui laloatao,
Iena hoa karadia bona ia gwauraia hahemaoro herevadia umui laloatao,+
6 Umui, iena hesiai tauna Aberahamo ena bese taudia,+
Umui, Iakobo ena natudia memero, iena abia hidi taudia.+
8 Ia ese ia karaia gwaubou ia laloatao hanaihanai,+
10 Iakobo dekenai unai be taravatu ai ia halaoa,
Bona Israela dekenai unai be ia noho hanaihanai gwaubou,
12 Unai nega ai idia be momo lasi,+
Oibe, idia be momo lasi, bona idau taudia bamona unai tano ai idia noho.+
13 Idia be bese ta amo bese ta dekenai idia lao,
Basileia ta amo basileia ta dekenai idia lao.+
14 Ia ese tau ta dekenai maoro ia henia lasi idia ia hahisia totona,+
To idia dainai king taudia ia hereva auka henia,+
15 Ia gwau, “Egu abia hidi taudia umui dogoatao lasi,
Bona egu peroveta taudia dekenai dika gauna ta umui karaia lasi.”+
16 Ia ese edia tano ai hitolo bada ia havaraia,+
Ia ese edia aniani abia dalana ia koua.
17 Idia do lao lasi neganai, ia ese tau ta ia siaia guna,
Igui hesiai gaukara totona idia hoihoilaia, ia be Iosepa.+
18 Iena aena be seini amo idia guia,+
Iena aiona ai auri idia atoa
19 Ela bona Iehova ena hereva ia guguru,+
Iena hereva ese ia be tau namona ai ia halaoa.
20 King ese oda ia henia ia idia ruhaia totona,+
Taunimanima edia lohia taudia ese ia idia ruhaia.
21 King ese ia be ena ruma naria tauna ai ia halaoa,
Iena gau ibounai ena lohia tauna ai ia halaoa,+
22 Ia be king ena lohia taudia ia gunalaia
Bona iena tau badadia dekenai aonega ia hadibaia.+
23 Bena Israela be Aigupito dekenai ia lao,+
Bona Iakobo be idau tauna bamona Hamo tanona ai ia noho.
24 Dirava ese iena taunimanima edia namba ia habadaia,+
Ia ese idia be bese goadana ai ia halaoa, edia inai taudia idia hereaia,+
25 Dirava ese unai taudia edia lalona ia haidaua, bona iena taunimanima idia inai henia,
Iena hesiai taudia hadikaia totona palani idia karaia.+
27 Idia ese taunimanima huanai Dirava ena toa idauidau idia hahedinaraia,
Hamo tanona ai hoa karadia idia karaia.+
28 Dirava ese Aigupito dekenai dibura ia mailaia,+
Idia ruaosi be iena hereva idia badinaia.
29 Ia ese edia ranu gabudia be rara ai ia halaoa
Bona edia gwarume ia hamasedia.+
30 Edia tano be paroparo ese ia hahonua,+
King ena ruma lalonai danu.
31 Ia ese lao momo herea ia oda henia unai tano hadikaia totona
Bona edia tano ibounai be nemo ese idia hahonua.+
33 Ia ese edia vain bona fig audia ia hadikaia
Bona edia tano ibounai ena au idauidau danu.
34 Ia gwau kwadi oreana ese tano do idia hadikaia be namo,
Oibe, kwadi maragidia be momo herea.+
35 Idia ese tubutubu gaudia idia ania ore,
Bona tano ena aniani idia hadikaia.
36 Bena edia tano ai ia ese edia natudia ginigunadia ia hamasea,+
Edia vara guna natudia unai.
37 Ia ese ena taunimanima ia hakaua raka-lasi, mai edia siliva bona golo ida,+
Bona iena iduhu ibounai amo ta ia manoka* lasi.
38 Idia raka-lasi neganai Aigupito taudia idia moale,
Badina idia be Israela taudia dekenai idia gari dikadika.+
40 Idia be vamu idia noia, bona ia ese manu ia henia,+
Idia bogakunu noho totona, ia ese guba amo paraoa ia henia.+
41 Dirava ese nadi ta ia kehoa, bona ranu ia raka-lasi,+
Unai ranu be tano kaukau huanai ia aru lao, sinavai bamona.+
42 Badina ia ese ena hesiai tauna Aberahamo dekenai ia karaia gwauhamata helagana ia laloatao.+
43 Vadaeni ia ese ena taunimanima ia hakaua raka-lasi,+
Iena abia hidi taudia be mai moale ida idia boiboi.
44 Ia ese idia dekenai bese idauidau edia tano ia henia,+
Taunimanima haida ese idia hekwarahilaia gaudia edia anina be idia ese idia abia,+
106 Iah hanamoa!*
2 Daika ese Iehova ena siahu karadia
Eiava ena kara namodia ibounai ia gwauraia diba?+
3 Kota maoromaoro idia karaia taudia be idia moale,
Idia be nega ibounai kara maorona idia karaia.+
4 Iehova e, emu taunimanima oi lalonamo henidia neganai, lau oi laloatao.+
Lau oi naria bona oi hamauria,
5 Unai amo emu abia hidi taudia dekenai oi henia gau namodia lau moalelaia,+
Emu bese taudia ida do lau moale hebou,
Lau bona emu taunimanima be mai moale bada ida oi do ai hanamoa.
7 Aigupito ai, emai sene taudia ese emu gaukara namodia idia laloa bada lasi.*
Idia ese emu lalokau* ena bada idia laloaboio,
Bona Davara Kakakaka dekenai oi idia gwau-edeede henia.+
9 Ia ese Davara Kakakaka ia hereva henia, bona ia kaukau,
Bona ena dobu gabudia ai idia ia hakaua lao, tano kaukauna ai bamona.+
10 Ia ese idia be edia inai taudia amo ia hamauria+
Bona idia badu henia taudia edia imana amo idia ia abia lou.+
11 Ranu ese edia inai taudia ibounai ia hamasea,
Ta ia mauri lasi.+
13 To ia karaia gaudia idia laloaboio haraga,+
Idia be iena hakaua daladia totona idia naria lasi.
15 Bona Dirava ese edia ura gauna ia henia,
To idia dekenai gorere ia havaraia, unai amo idia mase.+
16 Kamepa ai idia be Mose dekenai idia mama,
17 Tano ia kehoa bona Datana ia hadonoa
Bona tano ese Abirama ida idia hebou taudia ia koua.+
18 Lahi be edia orea huanai ia vara,
Lahi ese kara dika taudia ia gabua ore.+
19 Horeba ai boromakau kaivakuku ta idia karaia
Bona idia tomadiho henia.+
20 Idia ese lau tomadiho henia karana idia hadokoa,
Ava ia ania boromakau idia tomadiho henia totona.+
21 Idia be edia Hamauria Diravana idia laloaboio,+
Aigupito ai kara badadia ia karaia Diravana unai,+
22 Ia ese Hamo tanona ai kara namo hereadia ia karaia,+
Bona hoa kara badadia be Davara Kakakaka ai ia karaia.+
23 Ia ura oda ia henia idia ibounai hadikaia ore totona,
To iena abia hidi tauna Mose be ia dekenai ia noinoi,
Iena badu bada ia koua totona.+
25 Idia be edia palai rumadia lalonai idia maumau noho,+
Idia be Iehova ena hereva idia kamonai henia lasi.+
26 Vadaeni ia be idia dainai gwauhamata metauna ta ia karaia,
Taunimanima noho lasi gabuna ai dika idia davaria totona,+
27 Ia ese edia bese taudia be tano idauidau dekenai do ia lulua lao,
Bona unuseniai do idia mase.+
28 Bena idia be Peoro ena Bala diravadia idia tomadiho henia,+
Bona mase taudia totona idia henia boubou gaudia idia ania.*
30 To Pineha ia toreisi bona kara ta ia karaia neganai,
Gorere ia ore.+
31 Dirava ese ia ia gwauraia maoromaoro,
Bona hanaihanai ia be unai bamona idia laloa.+
32 Meriba* ranudia dekenai idia ese Dirava idia habadua,
Bona idia dainai Mose be hekwakwanai ia davaria.+
33 Idia ese ia idia habadua,
Bona ia ese hereva kereredia ia gwauraia.+
34 Iehova ese idia ia oda henia taunimanima ibounai idia hadikaia ore totona,+
To unai hegeregerena idia karaia lasi.+
36 Idia ese unai bese edia kaivakuku idia tomadiho henia noho,+
Bona idia dekenai unai be tarapu ta bamona.+
37 Idia ese edia natudia memero
Bona natudia kekeni be demoni dekenai idia bouboulaia.+
38 Kerere lasi taudia edia rara idia bubua noho,+
Edia natudia memero bona natudia kekeni edia rara unai.
Edia natudia be Kanana taudia edia kaivakuku dekenai idia henia,+
Bona edia rara ese unai tano ia hadikaia.
40 Vadaeni Iehova ena badu mai siahuna be ena taunimanima latanai ia diho,
Bona ena bese taudia ia inai henia matamaia.
41 Ia ese idia be bese idauidau dekenai ia henia loulou,+
Unai amo edia inai taudia ese idia do idia lohiaia.+
42 Idia be edia inai taudia ese idia hahisia,
Bona edia siahu* henunai idia noho.
43 Dirava ese nega momo idia ia hamauria,+
To idia gwau-edeede bona idia kamonai lasi,+
Bona edia kara dika dainai dika idia davaria.+
45 Idia dainai ia be ia karaia gwaubou ia laloatao,
Bona ena lalokau* be bada dainai, idia ia hebogahisi henia.+
46 Dirava ese bese idauidau, idia abia lao besedia unai, edia kudouna ia hamarerea,
Idia dekenai hebogahisi idia hahedinaraia totona.+
47 Iehova emai Dirava e, ai oi hamauria,+
Bona bese idauidau amo ai oi haboua,+
Unai amo emu ladana helagana dainai oi do ai tanikiu henia
Bona mai moale bada ida oi do ai hanamoa.+
48 Iehova, Israela ena Dirava hanamoa
Ela bona hanaihanai.+
Bona taunimanima do idia gwau, “Amen!”*
Iah hanamoa!*
BUKA FAIV
(Salamo 107-150)
2 Iehova ese ia hoia lou taudia ese unai idia gwauraia be namo,
Dirava ese idia be edia inai taudia edia imana amo ia hoia lou,+
3 Idia be tano idauidau amo ia haboua,+
Ist kahana amo bona west kahana amo,*
Not kahana amo bona saut kahana amo.+
4 Idia be tano kaukauna, taunimanima lasi gabuna ai idia loaloa,
Idia noho totona siti ta idia davaria lasi.
5 Idia hitolo bona idia ranu mase,
Idia hesiku bona idia manoka momokani.
8 Iehova ese taunimanima totona ia hahedinaraia lalokau* bona ia karaia kara badadia dainai,+
Ia idia tanikiu henia be namo.+
9 Badina ia ese ranu mase taudia dekenai ranu ia henia,
Bona hitolo taudia dekenai gau namodia momo ia henia.+
10 Haida be dibura momokani ai idia noho,
Idia be dibura ruma ai idia hisihisi bona seini amo idia guia.
11 Badina idia be Dirava ena hereva dekenai idia gwau-edeede,
Ataiai Momokani Diravana ena hakaua dalana idia dadaraia.+
12 Idia davaria dika be Dirava ese ia koua lasi, unai amo idia ia hamanaua,+
Idia be idia moru, bona tau ta ia noho lasi, idia ia durua totona.
13 Hisihisi negadia ai Iehova dekenai heduru totona idia boiboi,
Ia ese edia hisihisi amo idia ia hamauria.
14 Ia ese dibura momokani gabuna amo idia ia hakaua raka-lasi,
Bona edia seini ia makohia.+
15 Iehova ese taunimanima totona ia hahedinaraia lalokau* bona ia karaia kara badadia dainai,
Ia idia tanikiu henia be namo.+
16 Badina ia ese kopa iduara ia makohia
Bona iduara badadia edia auri ia utua.+
18 Idia ura lasi aniani idia ania,
Idia be mase ena iduara kahirakahira idia lao.
19 Hisihisi negadia ai Iehova dekenai heduru totona idia boiboi,
Ia ese edia hisihisi amo idia ia hamauria.
20 Dirava be ena hereva ia siaia bona edia gorere ia hanamoa+
Bona idia noho guri amo idia ia hamauria.
21 Iehova ese taunimanima totona ia hahedinaraia lalokau* bona ia karaia kara badadia dainai,
Ia idia tanikiu henia be namo.
22 Idia ese tanikiu henia bouboudia idia henia be namo+
Bona mai moale bada ida iena kara idia herevalaia.
23 Taunimanima be bouti amo idia laolao,
Bona bisinesi gaukara idia karaia bona edia kohu be davara amo idia abia lao mai,+
24 Idia be ranu dobu gabudia ai Iehova ena kara badadia
Bona ia karaia gaudia idia itaia,+
25 Iena oda dainai lai gubana ia toreisi+
Bona hurehure badadia ia havaraia dalana idia itaia.
26 Hurehure ese bouti be ataiai momokani dekenai ia abia isi,
Bona dobu momokani gabunai ia diho lao.
Ia vara dika idia itaia dainai, edia goada ia ore.
28 Bena hisihisi negadia ai Iehova dekenai idia taitai,+
Bona edia hisihisi amo idia ia hamauria.
29 Ia ese lai gubana ia hadokoa,
Davara ena hurehure ena regena ia ore.+
30 Hurehure ia ore neganai, idia moale,
Bona Dirava ese edia ura gabuna dekenai idia ia hakaua lao.
31 Iehova ese taunimanima totona ia hahedinaraia lalokau* bona ia karaia kara badadia dainai,
Ia idia tanikiu henia be namo.+
32 Idia ese hebou badana lalonai ia idia hanamoa be namo,+
Bona tau badadia edia hebou lalonai ia idia hanamoa be namo.
33 Ia ese sinavai be tano kaukauna ai ia halaoa
Bona ranu gabudia be tano kakoro ai ia halaoa,+
34 Tano namona be anina lasi gabuna ai ia halaoa,+
Badina tano ai idia noho taudia be idia kara dika.
35 Ia ese tano kaukau be ranu gabudia ai ia halaoa,
Bona ranu lasi gabudia be sinavai gabudia ai ia halaoa.+
38 Ia ese idia ia hanamoa bona edia namba ia bada daekau,
Ia ese edia boromakau ena namba ia habadaia.+
39 To taunimanima edia namba ia maragi lou bona idia hemarai,
Badina haida ese idia hahisia, dika idia davaria, bona idia lalometau.
40 Ia ese ladana bada taudia dekenai hemarai ia havaraia,
Bona ia siaidia lao taunimanima lasi gabudia ai idia loa kava totona.+
41 To ia ese ogogami taudia be edia hisihisi amo ia gimaia,*+
Bona edia bese taudia edia namba ia habadaia, mamoe oreana bamona.
42 Kara maoromaoro taudia ese unai idia itaia bona idia moale,+
To kara maoromaoro lasi taudia be edia uduna idia koua.+
43 Ia aonega tauna be unai gaudia do ia laloa,+
Bona ia be Iehova ese ia hahedinaraia lalokau* do ia laloa namonamo.+
Davida ena ane.
108 Dirava e, egu kudouna ia goada,
Mai lalona ibounai ida ane do lau abia bona miusiki do lau karaia.+
2 Miusiki gauna mai ena varo e, oi noga, hap* e, oi danu oi noga.+
Daba ia rere lasi neganai, do lau noga.
3 Iehova e, taunimanima huanai oi do lau hanamoa,
Bona bese idauidau huanai oi dekenai hanamoa anedia do lau abia.*
4 Badina emu lalokau* be bada herea, ena bada ese guba ia abia,+
Bona emu kara momokani be bada herea, ori dekenai ia daekau lao.
5 Dirava e, guba ai emu siahu oi hahedinaraia,
Tanobada ibounai dekenai emu hairai oi hahedinaraia.+
6 Unai amo emu lalokau taudia do idia heau mauri,
Emu imana idibana amo ai oi hamauria bona lau oi haere henia.+
7 Dirava be helaga dainai,* ia gwau:
“Do lau moale, lau ese Sekema be ahuna bamona do lau henia,+
Bona Sukoto Koura be do lau hahetohoa.+
8 Gileada+ bona Manase be lauegu,
Bona Eparaima be kwara gauna* bamona, egu kwarana totona+
Iuda be egu lohia tauna ena itotohi.+
9 Moaba be egu uro.+
Edoma dekenai egu sandolo do lau negea lao.+
Filistia do lau halusia dainai, mai moale ida do lau boiboi.”+
10 Siti mai magu aukana dekenai daika ese lau do ia hakaua lao?
Daika ese lau do ia gunalaia ela bona Edoma dekenai?+
11 Dirava e, oi ese ai dekenai kwalimu do oi henia! To itaia, oi be ai oi dadaraia.
Bona emai Dirava e, oi be emai tuari oreadia ida oi lao lasi.+
12 Emai hisihisi negadia lalonai, ai oi durua,+
Badina taunimanima edia hahemauri karadia be anina lasi.+
Hereva ta miusiki gunalaia tauna totona. Davida ena ane.
109 Dirava e, oi lau hanamoa noho,+ mani oi kamonai.
2 Badina kara dika taudia bona koikoi taudia be lau idia hereva dika henia.
Mai koikoi ida lau idia herevalaia.+
3 Lau idia hagegea, lau dekenai hahisia herevadia idia gwauraia noho,
Bona lau idia botaia kava noho.+
4 Idia lau lalokau henia, to lau idia ura henia lasi.+
To lau guriguri noho.
5 Idia lau kara namo henia, to lau idia kara dika henia+
Bona idia lau lalokau henia, to lau idia inai henia.+
6 Kara dika tauna ese unai tauna ia kota henia be namo.
Ia dekenai ia badu tauna be ena idiba kahanai ia gini be namo.
7 Ia kota henia neganai, iena kerere ia davaria be namo,
Danu iena guriguri be dika gauna ai ia halaoa.+
9 Lau ura do ia mase, unai amo ena natudia be tamana lasi,
Bona iena adavana be vabu ai do ia lao.
10 Iena natudia be do idia loa kava, idia noinoi noho,
Edia ruma dikadia dekenai aniani idia tahua noho.
11 Ia dekenai moni ia henitorehai tauna ese iena gau ibounai ia abia be namo,
Bona idau taudia ese ena kohu ibounai idia henaoa be namo.
12 Ta ese ia dekenai hebogahisi* do ia hahedinaraia lasi,
Bona iena natudia, tamana lasi natudia unai, be ta ese do ia laloa bada lasi.
13 Iena bese taudia ibounai idia mase ore be namo.+
Edia uru amo edia ladana ia boio be namo.
14 Iena sene taudia edia kara dika be Iehova ese ia laloatao be namo,+
Bona ena sinana ena kara dika be do ia gwauatao lasi.
15 Iehova ese edia kara ibounai do ia laloa noho,
Bona taunimanima ese edia ladana do idia laloatao lou lasi.+
16 Badina unai tauna be hebogahisi* ia hahedinaraia lasi,+
To hisihisi tauna, ogogami tauna, bona lalometau tauna ia lulua noho,+
Idia ia hamasea totona.+
17 Ia ura haida hadikaia herevana ia gwauraia, to unai dika be ia dekenai idia vara.
Ia ura lasi haida ia hanamoa, unai dainai ia be hahenamo ia abia lasi.
18 Hanaihanai hadikaia herevadia ia gwauraia, dabua ia atoa hanaihanai bamona.
Bona unai hereva be ranu bamona ena tauanina ai idia bubua,
Dehoro bamona iena turia dekenai idia bubua lou.
19 Ia gwauraia hadikaia herevadia ese ia idia koua, dabua bamona,+
Bona nega ibounai ia kwatua beleta bamona.
20 Iehova ese lau ia dadaraia tauna dekenai unai dika davana do ia henia,+
Lau idia hereva dika henia taudia danu davana do ia henia.
21 To Siahu Ibounai Lohiabadana Iehova e,
Emu ladana dainai lau oi durua.+
23 Lau be lau boio haraga, adorahi ena dina ena laulau ia boio bamona,
Lau idia negea lao, lai goadana ese kwadi ia odaia lao bamona.
24 Lau aniani lasi* dainai egu tuina idia manoka,
Egu tauanina ia maragi momokani bona ia dika noho.
26 Egu Dirava Iehova e, lau oi durua,
Emu lalokau dainai lau oi hamauria.
27 Iehova e, namona be idia diba,
Emu imana amo lau oi hamauria.
28 Idia ese hadikaia herevana idia gwauraia, to lau dekenai hahenamo do oi henia.
Lau idia tuari henia neganai, idia do oi hahemaraia,
To lau, emu hesiai tauna, do lau moale.
29 Lau idia dadaraia taudia be do idia hemarai bada,
Edia hemarai be kouti bamona do idia karaia.+
30 Egu uduna amo Iehova do lau hanamoa bada,
Taunimanima momo edia vairanai ia do lau hanamoa.+
31 Badina ia be ogogami tauna ena idiba kahanai do ia gini,
Ia idia gwauraia dika taudia amo ia hamauria totona.
Davida ena ane.
110 Iehova be egu Lohiabada dekenai ia gwau:
“Egu imana idiba kahanai oi helai+
Ela bona emu inai taudia be emu aena atoa gauna ai lau halaoa.”+
2 Iehova ese Siona amo kepata do ia siaia, gabu ma haida ia lohiaia totona, ia gwau:
“Oi lao emu inai taudia huanai oi lohia.”+
3 Emu tuari dinana ai, emu taunimanima be mai moale ida oi danu do idia lao.
Tatau matamata edia orea be daba ena paripari bamona.
Idia be helaga bona edia toana be namo herea.
4 Iehova be gwauhamata ta ia karaia, bona ena lalona do ia haidaua lasi:
“Oi be hahelaga tauna ela bona hanaihanai,+
Melekisedeka bamona!”+
6 Ia ese bese idauidau do ia hahemaoro henia.+
Ia ese tano be mase tauanina amo do ia hahonua.+
Ia ese tanobada ena kahana ibounai ia gunalaia tauna do ia hadikaia ore.
7 Ia* be dala badinai ia aru sinavai maragina amo ranu do ia inua.
Bena ena kwarana do ia abia isi, badina goada ia abia.
א [Aleph]
Mai kudouna ibounai ida Iehova do lau hanamoa,+
ב [Beth]
Idia hebou kara maoromaoro taudia edia huanai ia do lau hanamoa.
ג [Gimel]
2 Iehova ia havaraia gaudia be namo herea.+
ד [Daleth]
Iena havaraia gaudia idia moalelaia taudia ese unai gaudia idia stadilaia noho.+
ה [He]
3 Ia karaia gaudia ese iena hairai bona siahu idia hahedinaraia,
ו [Waw]
Bona iena kara maoromaoro be do ia noho hanaihanai.+
ז [Zayin]
4 Ia havaraia gaudia be namo herea dainai taunimanima ese idia laloaboio diba lasi.+
ח [Heth]
Iehova be hariharibada bona hebogahisi Diravana.+
ט [Teth]
5 Ia idia gari henia taudia dekenai aniani ia henia.+
י [Yod]
Iena gwauhamata be hanaihanai do ia laloatao.+
כ [Kaph]
6 Ia ese bese idauidau edia ahuna* be iena bese taudia dekenai ia henia,
ל [Lamed]
Unai amo iena taunimanima dekenai ena siahu karadia ia hahedinaraia.+
מ [Mem]
7 Ia karaia gaudia ibounai be mai momokani bona kota maoromaoro ida ia karaia.+
נ [Nun]
Iena oda herevadia ibounai be momokani.+
ס [Samekh]
8 Taunimanima ese ena hereva idia abidadama henia diba, hari ela bona hanaihanai.
ע [Ayin]
Iena oda hereva be mai momokani bona mai kara maoromaoro ida ia karaia.+
פ [Pe]
9 Ia ese ena taunimanima ia hoia lou.+
צ [Tsade]
Bona ia karaia gwaubou be do ia noho ela bona hanaihanai.
ק [Qoph]
Iena ladana be helaga bona idia matauraia be namo.+
ר [Resh]
10 Iehova gari henia karana be aonega ena matamana.+
ש [Sin]
Iena oda herevadia idia badinaia taudia be aonega idia hahedinaraia.+
ת [Taw]
Ia do idia hanamoa ela bona hanaihanai.
א [Aleph]
Iehova ia gari henia tauna be ia moale,+
ב [Beth]
Ia be Dirava ena oda herevadia ia laloa bada.+
ג [Gimel]
2 Unai tauna ena bese be tanobada ai goada taudia ai do idia lao,
ד [Daleth]
Bona kara maoromaoro tauna ena bese taudia be hanamoa do idia abia.+
ה [He]
3 Iena ruma dekenai moni bona kohu idia noho,
ו [Waw]
Bona iena kara maoromaoro be ia noho hanaihanai.
ז [Zayin]
4 Kara maoromaoro taudia dekenai ia be dibura ai ia noho diari ta bamona.+
ח [Heth]
Ia be hariharibada bona hebogahisi+ bona kara maoromaoro tauna.
ט [Teth]
5 Hariharibada tauna ena mauri be ia namo.+
י [Yod]
Ia karaia gaukara ibounai lalonai kara maoromaoro ia badinaia.
כ [Kaph]
6 Ta ese ia do ia hamorua diba lasi.+
ל [Lamed]
Taunimanima ese kara maoromaoro tauna do idia laloatao ela bona hanaihanai.+
מ [Mem]
7 Ia be sivarai dikadia dainai do ia gari lasi.+
נ [Nun]
Iena lalona be goada, Iehova ia abidadama henia noho.+
ס [Samekh]
8 Iena lalona be goada, bona ia gari lasi,+
ע [Ayin]
Dokonai mai kwalimu ida ena inai taudia edia moru do ia itaia.+
פ [Pe]
9 Ia ese harihari gaudia momo ia henia, ogogami taudia dekenai gau momo ia henia vadaeni.+
צ [Tsade]
Iena kara maoromaoro be ia noho hanaihanai.+
ק [Qoph]
Iena goada bona hairai be do ia bada herea.
ר [Resh]
10 Kara dika tauna ese do ia itaia bona do ia badu.
ש [Shin]
Ia be iena isena do ia koria bona do ia boio.
ת [Taw]
Kara dika taudia edia ura gaudia be do idia boio.+
113 Iah hanamoa!*
Iehova ena hesiai taudia e, ia umui hanamoa,
Iehova ena ladana umui hanamoa.
2 Iehova ena ladana umui hanamoa be namo,
Hari amo ela bona hanaihanai.+
6 Ia igo diho, guba bona tanobada ia itaia totona,+
7 Ladana maragi taudia be tano ena kahu amo ia abia isi.
8 Unai amo ia be lohia taudia ida do ia helai,
Ena taunimanima edia lohia taudia unai.
9 Ia ese natuna lasi hahine dekenai ruma ia henia,
Unai hahine be mai ena natudia bona ia moale.+
Iah hanamoa!*
114 Israela be Aigupito amo ia raka-lasi,+
Iakobo ena bese taudia be idau gado idia herevalaia taudia idia rakatania neganai,
2 Iuda be Dirava ena helaga gabuna ai ia halaoa,
Israela be ena lohia gabuna ai ia halaoa.+
4 Ororo badadia be mamoe tau bamona idia roho loaloa,+
Ororo maragidia be mamoe natudia bamona idia roho loaloa.
6 Ororo badadia e, dahaka dainai mamoe tau bamona umui roho loaloa?
Ororo maragidia e, dahaka dainai mamoe natudia bamona umui roho loaloa?
7 Tanobada e, Lohiabada dainai oi heudeheude,
Iakobo ena Dirava dainai oi heudeheude,+
8 Dirava ese nadi badana be ranu gabuna ai ia halaoa,
Ia ese nadi aukana be ranu ia lohilohi gabuna ai ia halaoa.+
115 Iehova e, ai ese hairai ai abia lasi be namo,
To emu ladana ese hairai ia abia,+
2 Dahaka dainai bese idauidau idia gwau:
“Edia Dirava be edeseniai?”+
3 Iseda Dirava be guba ai ia noho,
Ia ura ia karaia gauna be ia karaia.
4 Edia kaivakuku be siliva bona golo,
Taunimanima ese idia karaia gaudia.+
5 Mai edia uduna, to idia hereva diba lasi,+
Mai edia matana, to gau ta idia itaia diba lasi.
6 Mai edia taiana, to idia kamonai diba lasi,
Mai edia udu baubau, to gau ta idia bonaia diba lasi.
7 Mai edia imana, to gau ta idia dogoatao diba lasi,
Mai edia aena, to idia raka diba lasi,+
Edia gado regena be lasi.+
8 Kaivakuku idia karaia taudia be kaivakuku hegeregerena do idia lao,+
Kaivakuku idia abidadama henia taudia be kaivakuku hegeregerena do idia lao.+
10 Arona ena bese taudia e,+ Iehova umui abidadama henia,
Ia be emui durua tauna bona emui kesi.
11 Iehova umui gari henia taudia e, Iehova umui abidadama henia,+
Ia be emui durua tauna bona emui kesi.+
12 Iehova be ita ia laloatao bona ita do ia hanamoa,
Ia ese Israela besena do ia hanamoa,+
Ia ese Arona ena bese taudia do ia hanamoa.
13 Ia ese Iehova idia gari henia taudia do ia hanamoa,
Ladana bada taudia bona ladana maragi taudia.
14 Iehova ese emui namba do ia habadaia,
Emui natudia edia namba danu do ia habadaia.+
17 Mase taudia be Iah idia hanamoa lasi,+
Guri dekenai idia diho lao taudia be ia idia hanamoa lasi.+
3 Mase ena varo ese lau ia kwatua auka.
Mase Gurina ese lau ia dogoatao auka.+
Lau be hisihisi bona lalohekwarahi bada lau davaria.+
4 To Iehova ena ladana dekenai lau boiboi:+
“Iehova e, lau oi hamauria!”
6 Iehova be diba bada lasi tauna ia gimaia.+
Egu goada be ia ore momokani, bona ia ese lau ia hamauria.
7 Hari egu lalona do ia hekwarahi lou lasi,
Badina Iehova ese lau ia kara namo henia.
8 Oi ese mase amo lau oi hamauria,
Egu mata ranu oi dahua, egu aena oi gimaia ia dedi lasi totona.+
9 Egu mauri ibounai lalonai Iehova vairanai do lau raka.
10 Ena be hisihisi bada lau davaria,
To egu abidadama dainai, lau hereva.+
11 Lau be lau gari, bona lau gwau:
“Taunimanima ibounai be koikoi taudia.”+
12 Iehova be lau totona gau namodia ia karaia dainai,
Ia dekenai dahaka do lau henia lou?
13 Lau be hahemauri ena kapusi do lau abia dae,
Bona Iehova ena ladana dekenai do lau boiboi.
15 Abidadama hesiai taudia idia mase neganai,
Iehova vairanai, unai be gau namo hereana* ta ia boio bamona.+
16 Iehova e, oi lau noia,
Badina lau be emu hesiai tauna.
Lau be emu hesiai tauna, emu hesiai kekeni ena natuna mero.
Oi ese lau ia guia gauna amo lau oi ruhaia.+
17 Lau ese oi dekenai tanikiu henia boubouna do lau henia.+
Lau be Iehova ena ladana dekenai do lau boiboi.
18 Iehova ena taunimanima ibounai vairanai,
Lau be ia dekenai egu gwauhamata do lau hagugurua,+
2 Badina ita dekenai ia hahedinaraia lalokau* be bada herea,+
2 Namona be Israela ia gwau:
“Iena lalokau be ia noho hanaihanai.”
3 Namona be Arona ena bese taudia idia gwau:
“Iena lalokau be ia noho hanaihanai.”
4 Namona be Iehova idia gari henia taudia idia gwau:
“Iena lalokau be ia noho hanaihanai.”
5 Egu hisihisi lalonai, Iah* dekenai lau boiboi,
Iah ia haere bona gabu namona dekenai lau ia abia lao.+
6 Iehova be egu kahanai ia noho, lau be do lau gari lasi.+
Taunimanima be lau dekenai dahaka do idia karaia?+
7 Iehova be egu kahanai ia noho lau ia durua totona,*+
Egu inai taudia idia lusi neganai, unai do lau itaia.+
8 Iehova be iseda heau mauri gabuna ai ita halaoa be namo,
Taunimanima ita abidadama henia lasi.+
9 Iehova be iseda heau mauri gabuna ai ita halaoa be namo,
Lohia taudia ita abidadama henia lasi.+
10 Bese idauidau be lau idia hagegea,
To Iehova ena ladana dainai,
Idia lau doria siri.+
11 Idia be lau idia hagegea, oibe, lau idia hagegea momokani,
To Iehova ena ladana dainai,
Idia lau doria siri.
12 Lau idia hagegea, nanigo bamona,
To idia boio, lahi ese au ginigini ia gabua ore haraga bamona.
Iehova ena ladana dainai,
Idia lau doria siri.+
13 Lau idia doria goada,* lau moru totona,
To Iehova ese lau ia durua.
14 Iah be egu hunia gabuna bona egu goada,
Bona ia be egu hamauria tauna ai ia lao.+
15 Kara maoromaoro taudia edia palai rumadia amo
Moale bona kwalimu ena regena ia daekau.
Iehova be ena imana idibana amo ena goada ia hahedinaraia noho.+
16 Iehova be ia kwalimu dainai ena imana idibana ia abia isi,
Iehova be ena imana idibana amo ena goada ia hahedinaraia noho.+
17 Lau be do lau mase lasi, to do lau mauri noho,
Unai amo Iah ena kara badadia do lau herevalaia.+
19 Lau totona kara maoromaoro ena geiti umui kehoa,+
Do lau raka vareai bona Iah lau hanamoa.
20 Inai be Iehova ena geiti.
Kara maoromaoro taudia be unai geiti amo idia vareai.+
21 Lau ese oi do lau hanamoa, badina lau oi haere henia+
Bona egu hamauria tauna ai oi lao.
22 Ruma haginia taudia ese idia dadaraia nadina
Be kona nadi badana ai ia lao.+
23 Unai be Iehova ena amo ia vara,+
Iseda matana ai ia be gau namo hereana.+
24 Inai be Iehova ese ia abia hidi dinana,
Unai dina ai do ita moale bada.
25 Iehova e, ai noinoi, mani ai oi hamauria!
Iehova e, ai dekenai mani kwalimu oi henia!
26 Iehova ena ladana dekenai ia mai tauna be hanamoa ia abia,+
Ai ese Iehova ena ruma amo oi ai hanamoa.
27 Iehova be Dirava,
Ia ese ita dekenai diari ia henia.+
Au rigi umui dogoatao bona aria dekenai idia lao taudia ida umui raka+
Ela bona boubou patana ena doana badinai umui ginidae.+
28 Oi be egu Dirava, bona oi do lau hanamoa.
Egu Dirava e, oi do lau hanamoa.+
29 Iehova tanikiu henia,+ badina ia be namo.
Iena lalokau be ia noho hanaihanai.+
א [Aleph]
119 Kerere lasi ida idia noho taudia be idia moale,
Idia be Iehova ena taravatu hegeregerena idia raka.+
2 Iena hadibaia herevadia idia badinaia taudia be idia moale,+
Idia be mai kudouna ibounai ida ia idia tahua.+
3 Idia be kara dika ta idia karaia lasi,
Bona idia be iena dala ai idia raka.+
4 Oi ese ai oi oda henia,
Emu oda hereva ai badinaia namonamo totona.+
5 Bema dala maorona ai lau raka noho,+
Lau ese emu hakaua hereva do lau badinaia!
6 Emu oda hereva ibounai lau badinaia neganai,
Haida ese lau do idia hahemaraia lasi.+
7 Lau ese emu kara maoromaoro taravatudia lau dibaia neganai,
Mai kudou maorona ida oi do lau hanamoa.
8 Lau ese emu hakaua herevadia do lau badinaia.
Mani lau oi dadaraia momokani lasi.
ב [Beth]
9 Edena dala ai matamata tauna ta ena mauri do ia goeva noho?
Namona be ia ese emu hereva ia badinaia noho.+
10 Lau be mai kudouna ibounai ida oi lau tahua.
Lau oi durua, emu oda herevadia lau rakatania lasi totona.+
12 Iehova e, oi lau hanamoa be namo,
Lau dekenai emu hakaua herevadia oi hadibaia.
13 Oi gwauraia taravatu hereva ibounai
Be egu uduna amo lau herevalaia.
14 Emu hadibaia herevadia lau moalelaia bada,+
Taunimanima ese dava bada kohudia idia moalelaia bamona.+
16 Lau ese emu taravatu lau ura henia bada.
Lau ese emu hereva do lau laloaboio lasi.+
ג [Gimel]
17 Lau, emu hesiai tauna, oi kara namo henia,
Unai amo lau mauri noho bona emu hereva do lau laloa.+
18 Egu matana oi kehoa, unai amo lau ese
Emu taravatu lalonai idia noho gau namo hereadia do lau itaia namonamo.
19 Lau be idau tauna bamona tano ma ta dekenai lau noho.+
Lau amo emu oda hereva oi hunia lasi.
20 Emu taravatu be nega ibounai
Lau ura henia bada.
21 Oi ese hekokoroku taudia oi hereva auka henia,
Idia be emu oda herevadia idia rakatania.+
22 Lau idia matauraia lasi bona lau idia kirikirilaia taudia oi kokia,
Badina lau be emu hadibaia herevadia lau badinaia.
23 Ena be lohia taudia idia helai hebou bona lau idia gwauraia dika,
To lau, emu hesiai tauna, be emu taravatu lau laloa dobu* noho.
ד [Daleth]
25 Lau be kahu dekenai lau hekure.+
Emu hereva hegeregerena egu mauri oi gimaia.+
26 Oi dekenai egu kara lau herevalaia, bona lau oi haere henia.
Emu hakaua hereva be lau oi hadibaia.+
27 Lau oi durua emu oda hereva ena anina lau lalopararalaia totona,
28 Lau taitai bada dainai lau mahuta namonamo lasi.
Emu hereva hegeregerena lau dekenai goada oi henia.
29 Koikoi dalana amo lau oi hakaua siri,+
Bona lau oi lalonamo henia bona emu taravatu oi henia.
30 Egu lalona lau hadaia oi lau badinaia totona.+
Lau laloparara oiemu disisen be maoro.
31 Lau ese emu hadibaia herevadia lau dogoatao auka.+
Iehova e, lau oi rakatania lasi, lau lalohisihisi garina.*+
32 Lau be mai ura bada ida emu taravatu hegeregerena do lau raka,
Badina oi ese egu lalona oi kehoa.*
ה [He]
33 Iehova e, emu taravatu ena anina be lau dekenai oi hadibaia,+
Bona unai dala do lau badinaia ela bona dokona.+
34 Lau dekenai laloparara oi henia,
Unai amo emu taravatu do lau badinaia
Bona mai kudouna ibounai ida do lau dogoatao auka.
35 Emu oda hereva ena dala ai lau oi hakaua,+
Badina unai lau moalelaia bada.
36 Egu lalona oi veria emu hadibaia herevadia lau ura henia totona,
Unai amo sibona egu namo do lau tahua lasi.+
40 Lau ese emu oda hereva lau ura henia bada.
Emu kara maoromaoro dainai egu mauri oi gimaia.
ו [Waw]
41 Iehova e, emu lalokau* be lau dekenai oi hahedinaraia,+
Emu gwauhamata* hegeregerena lau oi hamauria,+
42 Bena lau ia gwauraia dika tauna do lau haere henia,
Badina emu hereva lau abidadama henia.
43 Namo lasi egu uduna amo hereva momokani oi kokia,
Badina lau ese emu kota maoromaoro karana lau naria noho.
44 Lau ese emu taravatu do lau badinaia noho
Ela bona hanaihanai.+
45 Lau be gabu namona ai do lau raka,+
Badina emu oda herevadia lau tahua namonamo.
47 Lau be emu oda herevadia lau ura henia bada,
Oibe, lau lalokau henia.+
48 Egu imana do lau abia isi bona do lau guriguri, badina emu oda herevadia lau ura henia,+
ז [Zayin]
49 Emu hesiai tauna dekenai oi gwauraia herevana* oi laloatao,
Unai hereva amo lau dekenai helaro oi henia.*
50 Egu hisihisi lalonai unai ese lau ia hagoadaia,+
Badina emu hereva ese egu mauri ia gimaia.
53 Kara dika taudia dainai lau badu momokani,
Idia ese emu taravatu idia dadaraia.+
54 Herevana edeseniai lau noho,*
Lau dekenai emu hakaua herevadia be ane bamona.
55 Iehova e, hanuaboi ai emu ladana lau laloatao,+
Unai amo emu taravatu lau badinaia diba.
56 Lau be unai bamona lau karaia,
Badina lau be emu oda herevadia lau badinaia.
ח [Heth]
59 Lau ese egu mauri dalana lau tahua namonamo,
Unai amo emu hadibaia herevadia lau badinaia lou.+
60 Emu oda hereva badinaia totona
Lau haraga bona lau naria lasi.+
61 Kara dika taudia edia varo ese lau ia hagegea,
To emu taravatu lau laloaboio lasi.+
62 Hanuaboi momokani ai lau toreisi oi lau tanikiu henia totona,+
Badina emu taravatu be maoromaoro.
63 Lau be oi idia gari henia taudia ibounai
Bona emu oda herevadia idia badinaia taudia edia turana.+
ט [Teth]
65 Iehova e, emu hereva hegeregerena,
Oi ese emu hesiai tauna oi kara namo henia.
66 Lau dekenai laloa namonamo karana bona aonega oi hadibaia,+
Badina lau ese emu oda hereva lau abidadama henia.
67 Guna lau raka kerere dainai, hisihisi lau davaria,
To hari lau ese emu hereva lau badinaia.+
68 Oi be namo+ bona emu kara be namo.
Lau dekenai emu hakaua hereva oi hadibaia.+
69 Hekokoroku taudia be lau dekenai koikoi herevadia idia gwauraia,
To lau be mai kudouna ibounai ida emu oda hereva lau badinaia.
י [Yod]
73 Oi ese emu imana amo lau oi karaia.
Lau dekenai laloparara oi henia,
Unai amo emu oda herevadia lau dibaia diba.+
74 Oi idia gari henia taudia be lau idia itaia bona idia moale,
75 Iehova e, lau diba emu kota be maoromaoro,+
Bona emu kara momokani dainai lau oi matahakani henia.+
77 Lau dekenai hebogahisi oi hahedinaraia, unai amo do lau mauri noho,+
Badina emu taravatu lau ura henia bada.+
78 Hekokoroku taudia oi hahemaraia be namo,
Badina idia ese lau idia gwauraia kerere kava.
To lau ese emu oda hereva do lau laloa dobu.*+
79 Oi idia gari henia taudia be lau dekenai idia giroa mai be namo,
Idia be emu hadibaia hereva idia diba.
כ [Kaph]
82 Emu gwauhamata idia guguru negana lau naria noho lalonai egu matana idia manoka,+
Lau henanadai: “Edena negai lau do oi hagoadaia?”+
83 Badina lau be ranu puse* bamona, kwalahu ese ia hakaukaua,
To emu hakaua hereva be lau laloaboio lasi.+
84 Emu hesiai tauna be dina hida do ia naria?
Lau idia dagedage henia taudia be edena negai do oi hahemaoro henia?+
85 Dagedage taudia be lau totona guri idia geia,
Idia be emu taravatu idia dadaraia.
86 Emu oda hereva ibounai be momokani.
Taunimanima ese lau idia dagedage henia kava, lau oi durua!+
87 Idia ese kahirakahira egu mauri idia kokia,
To emu oda herevadia lau dadaraia lasi.
88 Emu lalokau* dainai egu mauri oi gimaia,
Unai amo oi gwauraia hadibaia hereva lau badinaia noho.
ל [Lamed]
90 Oi ese emu hereva oi badinaia hanaihanai.+
Oi ese tanobada be badina aukana latanai oi haginia, unai amo ia gini noho.+
91 Emu taravatu dainai, idia* gini noho ema bona hari,
Badina idia ibounai be emu hesiai taudia.
93 Lau ese emu oda herevadia lau laloaboio lasi,
Badina idia ese egu mauri idia gimaia.+
95 Kara dika taudia be lau hadikaia totona idia naria noho,
To lau be emu hadibaia herevadia lau laloa noho.
96 Lau itaia gau momo herea be goevadae,
To emu oda hereva ese unai gaudia ia hereaia.
מ [Mem]
97 Lau ese emu taravatu lau ura henia bada!+
Dina ibounai lalonai unai taravatu lau laloa dobu.*+
98 Emu oda hereva dainai lau aonega, egu inai taudia bamona lasi,+
Badina unai oda hereva be lau ia hakaua hanaihanai.
99 Egu laloparara ese egu tisa ibounai edia laloparara ia hereaia,+
Badina lau ese emu hadibaia hereva lau laloa dobu.*
100 Egu aonega ese tau badadia edia aonega ia hereaia,
Badina lau ese emu oda hereva lau badinaia.
101 Lau ura lasi dala kererena ai lau raka,+
Unai amo emu hereva lau badinaia diba.
102 Lau be emu taravatu amo lau raka siri lasi,
Badina oi ese lau oi hadibaia.
103 Egu uduna ai emu hereva edia mamina be namo herea,
Hani ena mamina ia hereaia!+
104 Emu oda herevadia dainai, lau be mai aonega ida lau kara.+
Unai dainai koikoi ena dala ibounai lau inai henia.+
נ [Nun]
106 Lau be gwauhamata ta lau karaia, bona do lau badinaia,
Unai amo emu kara maoromaoro taravatu lau badinaia.
107 Lau be hisihisi bada lau davaria.+
Iehova e, emu hereva hegeregerena egu mauri oi gimaia.+
108 Iehova e, egu tanikiu hereva be boubou gauna bamona lau henia, mani oi abia dae,+
Bona emu taravatu be lau oi hadibaia.+
109 Nega momo kahirakahira egu mauri lau haboioa,
To lau ese emu taravatu lau laloaboio lasi.+
110 Kara dika taudia be lau totona tarapu idia atoa,
To lau be emu oda herevadia amo lau raka siri lasi.+
111 Hanaihanai emu hadibaia herevadia lau laloa bada,
Badina egu kudouna idia hamoalea.+
112 Lau ese egu lalona lau hadaia, emu hakaua hereva lau badinaia totona,
Nega ibounai ela bona hanaihanai.
ס [Samekh]
115 Kara kerere taudia e, lau amo umui raka siri,+
Unai amo egu Dirava ena oda hereva lau badinaia diba.
116 Emu gwauhamata* hegeregerena, lau oi durua,+
Unai amo lau mauri noho diba.
Oi lau abidadama henia dainai lau oi durua, unai amo hemarai do lau abia lasi.+
117 Lau oi durua, unai amo dika do lau davaria lasi,+
Bena nega ibounai emu hakaua herevadia do lau laloa noho.+
118 Emu hakaua hereva idia badinaia lasi taudia ibounai oi dadaraia,+
Badina idia be koikoi taudia.
119 Tanobada ai oi ese kara dika taudia ibounai oi negea, momoru bamona.+
Unai dainai emu hadibaia hereva lau ura henia bada.
120 Oi dekenai lau gari bada dainai lau heudeheude,
Lau be emu kota karana dainai lau gari.
ע [Ayin]
121 Lau be kara momokani bona kara maoromaoro lau badinaia.
Idia ura lau idia hahisia taudia edia imana ai lau oi atoa lasi!
122 Mani oi gwauhamata emu hesiai tauna do oi durua,
Unai amo dagedage taudia ese lau do idia hahisia lasi.
123 Emu hahemauri karana
Bona emu gwauhamata* momokanina lau naria noho lalonai egu matana idia manoka.+
124 Lau, emu hesiai tauna dekenai lalokau* oi hahedinaraia,+
Bona emu hakaua herevadia be lau oi hadibaia.+
125 Lau be emu hesiai tauna, lau dekenai laloparara oi henia,+
Unai amo emu hadibaia herevadia do lau diba.
126 Nega ia ginidae Iehova be kara ta ia karaia totona,+
Badina idia ese emu taravatu idia makohia.
127 Unai dainai lau ese emu oda herevadia lau ura henia bada,
Unai ese golo goevana ia hereaia.+
128 Vadaeni lau diba momokani emu oda hereva be maoro.+
Lau ese koikoi taudia edia dala lau inai henia.+
פ [Pe]
129 Oiemu hadibaia hereva be namo herea.
Unai dainai emu hereva lau badinaia.
130 Emu hereva edia anina idia hedinarai neganai, diari ia mailaia,+
Aonega lasi tauna dekenai laloparara ia henia.+
131 Emu oda herevadia totona lau ranu mase,
Bona lau ura henia bada.+
132 Lau oi laloa lou bona oi lalonamo henia,+
Emu ladana idia ura henia taudia dekenai nega ibounai oi karaia bamona.+
133 Emu hereva amo egu raka dalana dekenai lau oi hakaua namonamo.
Dika gauna ta ese lau ia biagua lasi be namo.+
134 Tatau dikadia amo lau oi hamauria,*
Bona lau ese emu oda herevadia do lau badinaia noho.
135 Emu vairana ena diari ese lau, emu hesiai tauna, ia hadiaria be namo,+
Bona emu hakaua herevadia be lau oi hadibaia.
136 Egu matana ranu idia diho,
Badina taunimanima ese emu taravatu idia badinaia lasi.+
צ [Tsade]
138 Oi henia hadibaia herevadia be maoromaoro
Bona ai abidadama henia momokani diba.
139 Oi lau ura henia bada, egu lalona ai unai ura be lahi bamona,+
Badina egu inai taudia ese emu hereva idia laloaboio.
143 Ena be hisihisi bona metau lau davaria,
Lau be emu oda hereva lau ura henia noho.
144 Emu hadibaia herevadia be hanaihanai idia maoromaoro.
Lau dekenai laloparara oi henia,+ unai amo lau mauri noho diba.
ק [Qoph]
145 Iehova e, lau be mai kudouna ibounai ida lau boiboi, lau oi haere henia.
Lau ese emu hakaua herevadia do lau badinaia.
146 Lau be oi dekenai lau boiboi, mani lau oi hamauria!
Lau ese emu hadibaia herevadia do lau badinaia.
147 Daba ia do rere lasi neganai, lau toreisi bona oi dekenai heduru totona lau noinoi,+
Badina emu hereva lau abidadama henia.
149 Emu lalokau* dainai egu gadona oi kamonai.+
Iehova e, emu kara maoromaoro hegeregerena egu mauri oi gimaia.
150 Hemarai karadia* idia karaia taudia be lau kahirakahira idia mai,
Idia be emu taravatu amo idia daudau.
152 Idaunegai emu hadibaia herevadia lau dibaia,
Oi ese oi atoa, idia noho hanaihanai totona.+
ר [Resh]
153 Egu hisihisi oi itaia bona lau oi hamauria,+
Badina lau ese emu taravatu lau laloaboio lasi.
155 Kara dika taudia be emu taravatu idia badinaia lasi dainai,
Idia ese hahemauri do idia abia lasi.+
156 Iehova e, emu hebogahisi be bada herea.+
Emu kara maoromaoro hegeregerena egu mauri oi gimaia.
157 Lau idia dagedage henia taudia bona inai henia taudia be momo,+
To emu hadibaia herevadia amo lau raka siri lasi.
158 Lau ese kara koikoi taudia lau inai henia,
Badina idia ese emu hereva idia badinaia lasi.+
159 Iehova e, lau ese emu oda herevadia lau ura henia!
Emu lalokau* dainai egu mauri oi gimaia.+
160 Emu hereva ibounai be momokani,+
Bona emu kara maoromaoro taravatu ibounai be idia noho hanaihanai.
ש [Sin] eiava [Shin]
162 Lau be emu hereva dekenai lau moale bada,+
Dava bada gaudia ia davaria tauna ia moale bamona.
165 Emu taravatu idia ura henia bada taudia dekenai maino be bada,+
Gau ta ese idia ia hamorua diba lasi.
166 Iehova e, lau ese emu hahemauri karadia lau naria noho,
Bona emu oda hereva lau badinaia.
167 Lau ese emu hadibaia herevadia lau badinaia,
Bona idia lau ura henia bada.+
168 Lau ese emu oda bona hadibaia hereva lau badinaia,
Badina lau karaia gaudia ibounai be oi diba.+
ת [Taw]
169 Iehova e, heduru totona egu noinoi mani oi kamonai.+
Emu hereva hegeregerena, lau dekenai laloparara oi henia.+
170 Mani egu guriguri oi kamonai henia.
Emu gwauhamata* hegeregerena, lau oi hamauria.
171 Nega ibounai egu uduna amo oi lau hanamoa,+
Badina oi ese lau dekenai emu hakaua herevadia oi hadibaia.
172 Lau ese emu hereva do lau anelaia,+
Badina emu oda hereva ibounai be maoromaoro.
174 Iehova e, lau ura dikadika lau oi hamauria,
Bona emu taravatu lau ura henia bada.+
175 Lau mauri noho be namo, unai amo oi do lau hanamoa.+
Emu taravatu ese lau ia durua be namo.
176 Lau be boio mamoe bamona lau raka siri.+ Lau, emu hesiai tauna oi tahua,
Badina emu oda herevadia lau laloaboio diba lasi.+
Daekau Lao Anena.*
2 Iehova e, ladana hadikaia taudia
Bona hereva koikoi taudia amo lau oi hamauria.
3 Hereva koikoi taudia e,+
Ia ese umui dekenai dahaka do ia karaia, bona edena dala ai umui do ia panisia?
4 Tuari tauna ena diba mai edia matana+
Bona lahi gidadia, siahu herea gaudia+ amo umui do ia panisia.
5 Lau madi, badina lau be idau bese tauna bamona Meseka ai lau noho!+
Lau be Kedara ena palai rumadia huanai lau noho.+
6 Maino idia ura henia lasi taudia huanai+
Lau be nega daudau lau noho vadaeni.
7 Lau ura maino dekenai ai noho, to lau hereva neganai,
Idia ura tuari idia hamatamaia.
Daekau Lao Anena.
3 Ia ese oi ia hakaua dainai, emu aena be do ia dedi diba lasi.+
Oi ia gimaia tauna be do ia mahuta diba lasi.
8 Oi karaia gaudia ibounai lalonai Iehova ese oi do ia gimaia,
Hari amo ela bona hanaihanai.
Daekau Lao Anena. Davida ena ane.
122 Lau dekenai idia gwau: “Iehova ena ruma dekenai ita lao.”
Unai neganai lau moale bada.+
2 Ierusalema e, hari ai be emu geiti lalonai
Ai gini noho.+
4 Iehova ena ladana hanamoa totona,
Iduhu idauidau be unai siti dekenai idia daekau lao,
Iah* ena iduhu idauidau unai,
Israela dekenai ia henia taravatu hegeregerena.+
6 Ierusalema ai maino ia noho totona umui guriguri.+
Siti e, oi idia ura henia taudia be do idia noho namonamo.
7 Emu magu aukadia lalonai maino ia noho be namo,
Emu kohoro aukadia lalonai idia noho taudia be hanaihanai do idia gari lasi.
8 Egu tadikaka bona egu turadia lau laloa dainai do lau gwau:
“Emui huanai maino ia noho be namo.”
9 Iehova iseda Dirava ena ruma lau laloa dainai,+
Lau be emu namo totona do lau guriguri.
Daekau Lao Anena.
123 Oi dekenai egu matana lau abia isi,+
Guba ai oi be terona latanai oi helai.
2 Hesiai taudia edia matana be edia biaguna dekenai,
Bona hesiai kekeni ena matana be ena biaguna hahine dekenai,
Unai hegeregerena, emai matana be Iehova emai Dirava dekenai+
Ela bona ai dekenai hebogahisi ia hahedinaraia.+
3 Iehova e, mani ai dekenai hebogahisi oi hahedinaraia,
Badina ai idia gwauraia dika taudia be momo herea.+
4 Sibona idia laloa bada taudia ese ai idia hevasehalaia momo
Bona hekokoroku taudia ese ai idia gwauraia dika.
Daekau Lao Anena. Davida ena ane.
124 “Bema Iehova be ai ida ia noho lasi,”+
Namona be Israela taudia idia gwau lou,
4 Unai nega ai abata ranu ese ai do ia abia lao,
Sinavai ena ranu bada ese ai do ia negea lao.+
5 Ia aru goada ranu ese ai do ia koua momokani.
6 Namona be Iehova ai hanamoa,
Badina ia ese emai inai taudia, dagedage animal bamona taudia, amo ai ia hamauria.
8 Ai be Iehova ena ladana amo heduru ai abia,+
Ia ese guba bona tanobada ia karaia.”
Daekau Lao Anena.
125 Iehova idia abidadama henia taudia+
Be Siona Ororo bamona, ia marere diba lasi,
Ia noho hanaihanai.+
2 Ororo badadia ese Ierusalema idia hagegea hegeregerena,+
Iehova be ena taunimanima ia hagegea,+
Hari amo ela bona hanaihanai.
3 Kara maoromaoro taudia edia tano ai kara dika taudia edia kepata* do ia noho lasi,+
Unai amo kara maoromaoro taudia be kerere do idia karaia lou lasi.+
4 Iehova e, kara namo taudia dekenai kara namo oi hahedinaraia,+
Kudou maoro taudia dekenai kara namo oi hahedinaraia.+
5 To dala gageva idia badinaia lou taudia
Be Iehova ese kara dika taudia ida do ia kokia.+
Israela ai maino ia noho be namo.
Daekau Lao Anena.
126 Iehova ese igui taudia be Siona dekenai ia haboua neganai,+
Ita laloa unai be nihi sibona.
2 Unai nega ai ita kiri bada
Bona mai moale ida ita boiboi.+
Unai nega ai bese idauidau taudia idia gwau:
“Iehova be idia totona kara badadia ia karaia.”+
3 Iehova be ita totona kara badadia ia karaia,+
Bona ita moale bada noho.
4 Iehova e, igui hesiai taudia oi haboua lou,
Negebe ena sinavai ranu bamona.
5 Mai tai ida uhe idia hadoa noho taudia
Be uma ena anina do idia gogoa neganai, mai moale bada ida idia boiboi.
6 Tau ta be uhe baege ia huaia
Bona mai taitai ida uma gabu dekenai ia lao,
To ia giroa mai neganai, mai moale bada ida ia boiboi,+
Ia haboua vadaeni witi ia huaia noho.+
Daekau Lao Anena. Solomona ena ane.
127 Bema Iehova ese ruma ia haginia lasi,
Ruma haginia taudia idia gaukara goada be anina lasi.+
Bema Iehova ese siti ia gimaia lasi,+
Gima tauna ia noga noho be anina lasi.
2 Daba momokani umui noga,
Umui gaukara noho ela bona hanuaboi momokani,
Bona aniani abia totona umui gaukara goada, to unai ibounai be anina lasi,
Bema Dirava ese umui ia hanamoa lasi.+
5 Mai ena natudia memero momo tauna be ia moale.*+
Idia be hemarai do idia abia lasi,
Badina idia be siti ena geiti ai edia inai taudia ida idia herevahereva diba.
Daekau Lao Anena.
2 Emu hekwarahi amo oi abia aniani do oi ania.
Oi be do oi moale bona emu mauri do ia namo.+
3 Emu ruma ai emu adavana be huahua momo vain au bamona.+
Emu natudia memero be olive au ena rau matamatadia bamona teibolo idia hagegea.
4 Kamonai, Iehova ia gari henia tauna
Be unai bamona do ia hanamoa.+
5 Siona amo Iehova ese oi do ia hanamoa.
Ierusalema ena noho namo be emu mauri dinadia ibounai lalonai do oi itaia,+
6 Bona emu tubudia do oi itaia.
Israela ai maino ia noho be namo.
Daekau Lao Anena.
129 “Lau matamata negana amo idia ese nega ibounai lau idia dagedage henia,”+
Namona be Israela taudia be unai bamona idia hereva lou,
3 Haida ese lau idia kwadia bona egu doruna ia darea,+
Tano geia tauna ese tano ia geia bamona.”
5 Siona idia inai henia taudia ibounai
Be hemarai do idia abia bona do idia heau.+
6 Idia be guhi latanai idia noho ava bamona,
Ia kakoro neganai idia kokia,
7 Unai ese witi utua tauna ena imana ia hahonua lasi,
Eiava witi haboua tauna ena imana ia hahonua lasi.
8 Idia raka hanaia taudia be do idia gwau lasi:
“Iehova ena hanamoa be umui latanai ia noho.
Ai ese Iehova ena ladana dekenai umui ai hanamoa.”
Daekau Lao Anena.
130 Iehova e, dobu momokani gabudia amo oi dekenai lau boiboi.+
2 Iehova e, egu gadona oi kamonai.
Heduru totona egu noinoi mani oi kamonai.
5 Lau be Iehova lau naria, mai lalona ibounai ida ia lau abidadama henia,
Iena hereva totona lau naria noho.
6 Lau be mai ura bada ida Iehova lau naria noho,+
Gima tauna ese daba ena rere ia naria karana ia hereaia,+
Oibe, gima tauna ese daba ena rere ia naria karana ia hereaia.
7 Israela taudia be Iehova totona idia naria noho be namo,
Badina Iehova ena lalokau be ia noho hanaihanai,+
Bona ia be mai ena siahu bada taunimanima ia hoia lou totona.
8 Ia ese Israela taudia edia kerere ibounai do ia gwauatao.
Daekau Lao Anena. Davida ena ane.
131 Iehova e, lau be lau hekokoroku lasi,
Bona lau heagi lasi.+
Gau badadia lau tahua lasi,+
Eiava lau abia diba lasi gaudia lau tahua lasi.
2 To lau manau bona lau hereva lasi,+
Sinana ena imana ai ia hekure natuna maragina* bamona.
Lauegu hemami ia namo vadaeni, natuna maragina bamona.
3 Israela taudia be Iehova totona idia naria be namo,+
Hari amo ela bona hanaihanai.
Daekau Lao Anena.
132 Iehova e, mani Davida oi laloatao,
Ia be hisihisi momo ia davaria.+
2 Ia be oi, Iehova, dekenai ia gwauhamata,
Iakobo ena Siahu Ibounai Diravana dekenai inai gwauhamata ia karaia:+
3 “Lau be egu palai ruma dekenai do lau lao lasi.+
Lau be egu bedi ai do lau hekure lasi.
4 Lau be do lau mahuta lasi,
Eiava egu matana do lau koua lasi,
5 Ela bona Iehova ena noho gabuna ta do lau davaria,
Iakobo ena Siahu Ibounai Diravana ena noho gabuna namona* ta.”+
8 Iehova e, oi toreisi, emu laga-ani gabuna dekenai oi lao,+
Oi bona Taravatu Maua, emu goada ia hahedinaraia maua unai.+
9 Emu hahelaga taudia ese kara maoromaoro be dabua bamona idia atoa be namo,
Bona emu taunimanima be mai moale ida idia boiboi be namo.
10 Emu hesiai tauna Davida oi laloa be namo,
Mani emu horoa tauna oi dadaraia lasi.+
11 Iehova be Davida dekenai gwauhamata ia karaia.
Bona ena hereva do ia hamomokania:
“Emu bese tauna ta be
Emu terona latanai do lau atoa.+
12 Bema emu bese taudia be egu gwauhamata
Bona egu hadibaia herevadia idia badinaia,+
Edia bese taudia danu
Be emu terona ai do idia helai ela bona hanaihanai.”+
13 Badina Iehova ese Siona ia abia hidi,+
Ia ura unai gabu be ena noho gabuna ai ia halaoa, ia gwau:+
14 “Siona be egu laga-ani gabuna ela bona hanaihanai.
Ia be lau ura henia gabuna dainai, iniseniai do lau noho.+
15 Lau ese Siona dekenai aniani momo do lau henia,
Iena ogogami taudia dekenai aniani do lau henia, do idia bogakunu.+
16 Bona lau ese iena hahelaga taudia do lau hamauria,+
Bona iena taunimanima be mai moale ida do idia boiboi.+
17 Siona dekenai Davida ena siahu do lau habadaia.
Lau ese egu horoa tauna totona lamepa* ta lau hegaegaelaia vadaeni.+
18 Lau ese iena inai taudia dekenai hemarai be dabua bamona do lau atoa,
To iena kwarana ai ia noho korona be do ia diaridiari.”+
Daekau Lao Anena. Davida ena ane.
133 Itaia, tadikaka be lalotamona ai idia noho hebou,
Unai be namo herea bona moale bada gauna!+
2 Unai be dehoro namo hereana bamona,+
Arona ena kwarana ai idia bubua,
Iena adena huina amo ia diho,+
Bona iena dabua dekenai ia diho lao.
3 Unai hebou karana be Heremona ena daba paripari bamona,+
Siona ena ororo latanai ia diho.+
Unuseniai Iehova ese hahenamo ia gwauhamatalaia,
Unai be mauri hanaihanai.
Daekau Lao Anena.
134 Iehova ena hesiai taudia ibounai,
Hanuaboi ai Iehova ena ruma lalonai umui gini taudia e,
Iehova umui hanamoa.+
3 Iehova, guba bona tanobada ia karaia Diravana,
Be Siona amo umui dekenai hanamoa ia henia.
135 Iah hanamoa!*
Iehova ena ladana umui hanamoa,
Iehova ena hesiai taudia e, ia umui hanamoa.+
2 Iehova ena ruma lalonai umui gini taudia,
Iseda Dirava ena ruma ena ariara ai umui gini taudia.+
3 Iah hanamoa, badina Iehova be namo.+
Iena ladana dekenai hanamoa ane abia,* badina unai be namo herea.
4 Iah ese ia sibona totona Iakobo ia abia hidi,
Israela ia abia hidi iena dava bada kohuna bamona.+
5 Lau diba Iehova be Dirava badana,
Iseda Lohiabada be dirava ibounai ia hereaia.+
6 Iehova be iena ura hegeregerena gau ibounai ia karaia,+
Guba ai bona tanobada ai, davara lalonai bona dobu gabudia ai.
7 Tanobada ena gabu daudau amo ia ese ori ia mailaia.
Ia ese kevaru* ia karaia medu totona,
Bona lai ia haboua gabuna amo ia ese lai ia mailaia.+
8 Aigupito ai, ia ese taunimanima edia vara guna natudia
Bona animal edia vara guna natudia ia hamasea.+
9 Aigupito taudia e, Dirava ese umui huanai hoa karadia bona toa ia karaia,+
Farao bona ena hesiai taudia ibounai vairanai ia karaia.+
11 Sihona, Amoro taudia edia king,+
Oga, Basana ena king,+
Bona Kanana ena basileia ibounai ia hadikaia.
12 Ia ese edia tano be Israela taudia dekenai ia henia,
Iena taunimanima dekenai ahuna bamona ia henia.+
13 Iehova e, emu ladana do ia noho ela bona hanaihanai.
Iehova e, emu ladana do idia laloatao ela bona hanaihanai.+
14 Iehova be kota ai ena taunimanima totona do ia hereva,+
Bona iena hesiai taudia do ia hebogahisi henia.+
15 Bese idauidau edia kaivakuku be siliva bona golo,
Taunimanima ese idia karaia gaudia.+
16 Mai edia uduna, to idia hereva diba lasi,+
Mai edia matana, to gau ta idia itaia diba lasi.
17 Mai edia taiana, to idia kamonai diba lasi.
Idia hahodi diba lasi danu.+
18 Kaivakuku idia karaia taudia be kaivakuku hegeregerena do idia lao,+
Kaivakuku idia abidadama henia taudia be kaivakuku hegeregerena do idia lao.+
19 Israela besena e, Iehova hanamoa.
Arona ena bese taudia e, Iehova hanamoa.
20 Levi ena bese taudia e, Iehova hanamoa.+
Iehova umui gari henia taudia e, Iehova hanamoa.
2 Dirava ibounai ia hereaia Diravana tanikiu henia.+
Iena lalokau be ia noho hanaihanai.
3 Lohiabada ibounai ia hereaia Lohiabadana tanikiu henia.
Iena lalokau be ia noho hanaihanai.
5 Ia ese mai aonega ida guba gaudia ia karaia.+
Iena lalokau be ia noho hanaihanai.
6 Ia ese ranu latanai tanobada ia atoa.+
Iena lalokau be ia noho hanaihanai.
7 Ia ese diari badadia ia karaia.+
Iena lalokau be ia noho hanaihanai.
8 Dina ia karaia, dina ai diari ia henia totona.+
Iena lalokau be ia noho hanaihanai.
9 Hua bona hisiu ia karaia, hanuaboi ai diari idia henia totona.+
Iena lalokau be ia noho hanaihanai.
10 Ia ese Aigupito ena vara guna natudia ia hamasea.+
Iena lalokau be ia noho hanaihanai.
11 Ia ese Israela taudia be edia huana amo ia hakaua raka-lasi.+
Iena lalokau be ia noho hanaihanai.
12 Imana goadana amo unai ia karaia.+
Iena lalokau be ia noho hanaihanai.
13 Ia ese Davara Kakakaka be kahana rua dekenai ia hapararaia.+
Iena lalokau be ia noho hanaihanai.
14 Ia ese davara huana amo Israela taudia ia hakaua lao.+
Iena lalokau be ia noho hanaihanai.
15 Ia ese Farao bona ena tuari orea be Davara Kakakaka lalonai ia hamasea.+
Iena lalokau be ia noho hanaihanai.
16 Ia ese tano kaukauna amo ena taunimanima ia hakaua lao.+
Iena lalokau be ia noho hanaihanai.
17 Ia ese siahu bada king taudia ia halusia.+
Iena lalokau be ia noho hanaihanai.
18 Ia ese king goadadia ia hamasea.
Iena lalokau be ia noho hanaihanai.
19 Amoro taudia edia king, Sihona ia hamasea.+
Iena lalokau be ia noho hanaihanai.
20 Basana ena king, Oga ia hamasea.+
Iena lalokau be ia noho hanaihanai.
21 Ia ese edia tano be ahuna bamona ia henia.+
Iena lalokau be ia noho hanaihanai.
22 Iena hesiai tauna Israela dekenai ahuna bamona ia henia.
Iena lalokau be ia noho hanaihanai.
24 Ia ese iseda inai taudia amo ita ia hamauria loulou.+
Iena lalokau be ia noho hanaihanai.
25 Ia ese mauri gaudia ibounai dekenai aniani ia henia.+
Iena lalokau be ia noho hanaihanai.
26 Guba ena Dirava tanikiu henia.
Iena lalokau be ia noho hanaihanai.
3 Unuseniai, ai idia abia lao taudia ese ai idia hamaoroa ane ta ai abia totona,+
Ai idia hevasehalaia taudia idia ura idia ai hamoalea dainai, idia gwau:
“Ai totona Siona ena ane ta umui abia.”
4 Idau tano ai,
Edena dala ai Iehova totona ane ai abia diba?
5 Ierusalema e, bema lau ese umui lau laloaboio,
Egu imana idibana ese gaukara ta ia karaia lasi be namo.+
6 Bema lau ese umui lau laloatao lasi,
Bema Ierusalema, egu moale ena badina badana unai,+
Be lau laloa bada lasi,
Egu uduna lau koua be namo.
7 Iehova e, mani oi laloatao,
Edoma taudia edia hereva oi laloatao, Ierusalema ia moru dinana ai idia gwau:
“Ita hamorua! Ita hamorua ela bona ena badina goadana ita hadikaia!”+
8 Babulonia ena natuna kekeni e, kahirakahira dika do oi davaria,+
Oi dekenai davana do ia henia tauna be do ia moale,
Badina oi be ai dekenai dika oi havaraia.+
9 Tau ta ese emu natudia ia dogoatao
Bona nadi badadia dekenai ia hamasedia, unai tauna be do ia moale.+
Davida ena ane.
138 Lau be mai kudouna ibounai ida oi do lau hanamoa.+
Dirava ma haida vairanai,
Lau ese oi dekenai hanamoa anedia do lau abia.*
2 Emu lalokau* bona kara momokani dainai,
Lau be emu dubu helaga vairanai do lau tui diho,+
Bona emu ladana do lau hanamoa.+
Emu ladana ai oi gwauraia gwauhamata be namo herea! To idia guguru karana ese gau ibounai ia hereaia.
4 Iehova e, tanobada ena king taudia ibounai ese oi do idia hanamoa,+
Badina oi gwauraia vadaeni gwauhamata hereva be do idia kamonai.
5 Idia ese Iehova ena kara do idia anelaia,
Badina Iehova ena hairai be bada herea.+
6 Ena be Iehova be ataiai momokani ia noho, ia ese manau taudia ia laloa,+
To hekokoroku taudia amo ia noho daudau.+
7 Ena be lau davaria dika be momo, to oi ese egu mauri oi gimaia.+
Emu imana amo egu inai taudia edia badu oi koua,
Emu imana idibana amo lau do oi hamauria.
8 Iehova be lau totona gau momo do ia hagugurua.
Iehova e, emu lalokau* be ia noho hanaihanai.+
Emu imana amo oi karaia gaudia oi laloaboio lasi.+
Hereva ta miusiki gunalaia tauna totona. Davida ena ane.
139 Iehova e, oi ese lau oi tahua namonamo, bona lau oi diba.+
2 Lau karaia gaudia ibounai oi diba, egu helai eiava toreisi danu.+
Oi ese daudau amo egu laloa gaudia oi diba.+
3 Lau loaloa bona lau hekure neganai, lau oi itaia noho,
Egu kara ibounai oi diba namonamo.+
4 Hereva ta lau do gwauraia lasi neganai,
Iehova e, oi ese unai oi diba vadaeni.+
5 Oi be egu vairana kahana bona egu murina kahana ai oi noho, lau oi hagegea,
Bona emu imana be egu latanai oi atoa.
6 Oi ese lau oi diba namonamo,
Emu diba ese egu diba ia hereaia.+
7 Emu lauma amo edeseni do lau heau lao?
Bona emu vairana amo edeseni do lau heau lao?+
8 Bema guba dekenai lau daekau lao, oi be unuseniai oi noho,
Bema Mase Gurina* dekenai egu mahuta gabuna lau karaia, oi be unuseniai oi noho danu.+
9 Bema daba rere ena apena amo lau roho lao,
Davara ena daudau gabuna ai lau noho totona,
10 Unuseniai emu imana amo lau do oi hakaua
Bona emu imana idibana amo lau do oi dogoatao.+
11 Bema lau gwau: “Momokani dibura ese lau do ia koua!”
Vadaeni lau ia hagegea hanuaboi be diari ai do ia lao.
12 Oi dekenai dibura be do ia dibura momokani lasi,
Bona hanuaboi be do ia diari, dina bamona,+
Oi dekenai dibura bona diari be idia hegeregere.+
14 Lau ese oi lau hanamoa, badina hoa dalanai lau oi karaia.+
Emu gaukara be namo herea,+
Unai lau diba namonamo.
15 Egu sinana ena bogana* ai lau noho neganai, lau oi itaia.
Unai hunia gabuna ai lau noho neganai,
Egu turia ibounai oi itaia diba.+
16 Egu sinana ena bogana ai lau vara matamaia neganai, lau oi itaia.
Ena be egu tauanina ena kahana ta ta idia do vara lasi
Bona idia vara ena dina ia do abia lasi,
To oi ese buka dekenai oi torea vadaeni.
18 Lau duahia neganai, idia be kone ena miri ena momo ia hereaia.+
19 Dirava e, bema kara dika taudia oi alaia mase,+
Vadaeni dagedage* tatau be lau amo do idia raka siri,
20 Idia be mai ura ida oi idia gwauraia dika,
Idia be emu inai taudia, emu ladana idia hadikaia taudia.+
21 Iehova e, lau ese oi idia inai henia taudia
Bona oi idia tuari henia taudia lau inai henia.+
22 Idia lau inai henia momokani,+
Idia be egu inai taudia ai idia lao vadaeni.
23 Dirava e, egu kudouna oi tahua namonamo bona lau laloa gaudia oi dibaia.+
Egu lalona oi sekea, bona egu lalohekwarahi gaudia oi dibaia.+
24 Lau oi sekea namonamo, namo lasi egu lalona ai dika gauna ta ia noho,+
Bona mauri hanaihanai dalana dekenai lau oi hakaua.+
Hereva ta miusiki gunalaia tauna totona. Davida ena ane.
140 Iehova e, kara dika taudia amo lau oi hamauria.
Dagedage taudia amo lau oi gimaia,+
2 Idia be edia kudouna ai palani dikadia idia karaia+
Bona dina ibounai lalonai heai idia havaraia.
3 Edia malana be mai matana, gaigai ena malana bamona.+
Gaigai ena poisini be edia uduna dekenai ia noho.+ (Sela)
4 Iehova e, kara dika taudia edia imana amo lau oi gimaia.+
Dagedage taudia amo lau oi naria,
Idia be palani idia karaia lau idia hamorua totona.
5 Hekokoroku taudia be lau idia hamorua totona tarapu idia atoa.
Dala ai idia ese reke ta mai ena varo idia atoa.+
Lau idia hadikaia totona tarapu idia atoa.+ (Sela)
6 Iehova dekenai lau gwau: “Oi be egu Dirava.
Iehova e, heduru totona egu noinoi mani oi kamonai.”+
7 Siahu Ibounai Lohiabadana bona egu Hamauria Tauna goadana Iehova e,
Oi ese tuari dinana ai lau oi gimaia.+
8 Iehova e, kara dika taudia edia ura gaudia oi henia lasi.
Edia palani dikadia oi koua, unai amo do idia hekokoroku lasi.+ (Sela)
9 Lau idia hagegea taudia ese idia gwauraia dika gaudia
Be idia dekenai do idia vara be namo.+
10 Lahi gidadia be edia latanai ia diho be namo.+
Unai taudia be lahi lalonai idia negea be namo,
11 Ladana hadikaia taudia be tanobada ai idia noho lasi be namo.+
Dagedage taudia be dika idia davaria bona idia mase be namo.
12 Lau diba Iehova be ladana bada lasi tauna do ia durua
Bona ogogami tauna totona kota maoromaoro do ia karaia.+
13 Momokani, kara maoromaoro tauna be emu ladana do ia hanamoa.
Kara maoromaoro tauna be emu vairanai do ia noho.+
Davida ena ane.
141 Iehova e, lau be oi dekenai lau boiboi.+
Lau oi durua totona oi haraga.+
Oi dekenai lau boiboi neganai, mani oi kamonai.+
2 Lau ura egu guriguri be emu vairanai idia hegaegaelaia bonana namo muramura bamona,+
Lau ura egu imana lau abia isi karana be adorahi ena aniani boubou bamona.+
3 Iehova e, lau oi durua egu uduna lau gimaia totona,
Lau oi durua egu udu bibina lau gimaia totona.+
4 Dala oi kehoa lasi kara dika karaia lalohadaina lau abia totona,+
Bona kara dika taudia edia kara dikadia lau durua totona.
Edia aniani namodia lau ania lasi be namo.
5 Kara maoromaoro tauna ese lau ia kwadia neganai, unai be lalokau karana,+
Ia ese lau ia sisiba henia neganai, unai be egu kwarana ai ia noho dehoro bamona,+
Unai do lau dadaraia lasi.+
Edia dika negadia ai, idia totona do lau guriguri noho.
6 Ena be edia hahemaoro taudia be ororo badana ena isena amo idia negea diho,
To taunimanima ese egu hereva do idia kamonai, badina idia be hereva namodia.
7 Tau ta ese tano ia makohia bona gabu idauidau ia negea lao hegeregerena,
Mase Gurina* dekenai emai turia be gabu idauidau idia negea lao.
8 Siahu Ibounai Lohiabadana Iehova e, egu matana be oi dekenai.+
Oi be egu heau mauri gabuna.
Mani egu mauri oi kokia lasi.
9 Lau totona idia atoa tarapu amo lau oi gimaia,
Kara dika taudia edia tarapu unai.
10 Kara dika taudia be sibona edia tarapu lalonai do idia moru,+
To lau be do lau raka hanaia sibona, dika ta do lau davaria lasi.
Masikili.* Davida ena guriguri, kohua ai ia noho neganai.+
142 Iehova dekenai heduru totona lau boiboi,+
Iehova ena hebogahisi totona ia dekenai lau noinoi.
2 Ia dekenai egu lalohekwarahi gaudia lau gwauraia.
Ia dekenai egu lalometau gaudia lau herevalaia,+
3 Badina egu goada ia ore.
Bena oi ese egu raka dalana oi naria.+
Lau raka gabuna ai,
Egu inai taudia ese lau totona tarapu idia hunia.
4 Egu idiba kahana oi itaia bona do oi diba
Ta ese lau ia laloa bada lasi.+
Do lau heau lao gabuna ta be lasi,+
Ta ese lau ia laloa lasi.
5 Iehova e, lau be heduru totona oi dekenai lau boiboi.
Lau gwau: “Oi be egu heau mauri gabuna,+
Tanobada ai oi sibona lau abidadama henia.”
6 Heduru totona egu noinoi mani oi kamonai,
Badina lau lalometau bada.
Egu inai taudia amo lau oi hamauria,+
Badina edia goada ese egu goada ia hereaia.
7 Emu ladana lau hanamoa totona,
Dibura gabuna amo lau oi hakaua raka-lasi.
Kara maoromaoro taudia ese lau idia hagegea be namo,
Badina oi be lau oi kara namo henia.
Davida ena ane.
143 Iehova e, mani egu guriguri oi kamonai.+
Heduru totona egu noinoi oi kamonai.
Oi be kara momokani bona kara maoromaoro Diravana dainai, lau oi haere henia.
2 Lau, emu hesiai tauna oi kota henia lasi,
Badina emu vairanai kara maoromaoro tauna ta be lasi.+
3 Egu inai tauna be lau ia lulua,
Ia ese egu mauri ia hadikaia momokani.
Ia ese dibura gabuna ai lau ia hakaua lao, idia mase vadaeni taudia bamona.
5 Lau ese nega gunadia lau laloatao,
Lau ese emu kara lau laloa dobu,+
Lau be mai ura ida emu imana amo oi karaia gaudia lau lalohadailaia.*
6 Lau be oi dekenai egu imana lau kehoa,
Lau be oi lau naria noho, tano kaukau be medu totona ia naria noho bamona.+ (Sela)
7 Iehova e, lau oi haere henia haraga,+
Egu goada be ia ore lao noho.+
Lau amo emu vairana oi hunia lasi,+
Mase gurina idia lao taudia bamona lau lao garina.+
8 Oi hahedinaraia lalokau* be daba ai lau laloa noho,
Badina oi lau abidadama henia.
Do lau raka dalana be lau oi hadibaia,+
Badina lau be oi dekenai heduru lau tahua.
9 Iehova e, egu inai taudia amo lau oi hamauria.
Lau ura oi ese lau oi gimaia.+
10 Lau oi hadibaia emu ura lau karaia totona,+
Badina oi be egu Dirava.
Emu lauma be namo,
Namona be tano palakana* dekenai lau ia hakaua.
11 Iehova e, emu ladana dainai egu mauri oi gimaia.
Emu kara maoromaoro dainai, egu hisihisi amo lau oi hamauria.+
12 Emu lalokau* dainai, egu inai taudia oi hadikaia ore.+
Lau idia hahisia taudia oi hamasea,+
Badina lau be emu hesiai tauna.+
Davida ena ane.
144 Iehova, egu Nadi Badana+ lau hanamoa,
Ia ese tuari totona egu imana ia treinia,
Bona egu ima kwakikwaki ia hegaegaelaia.+
2 Ia be lau dekenai lalokau* ia hahedinaraia, bona ia be egu magu aukana,
Ia be egu hunia gabuna bona egu hamauria tauna,
Ia be egu kesi bona egu heau mauri gabuna,+
Ia ese taunimanima be lau henunai ia atoa.+
3 Iehova e, taunimanima be dahaka bona oi ese idia oi laloa noho?
Taunimanima ena natuna be dahaka bona oi ese ia oi naria?+
4 Taunimanima edia mauri be kwadogi,+
Iena mauri dinadia ia boio haraga, dina ena laulau ia boio haraga bamona.+
5 Iehova e, guba oi atoa diho bona oi diho mai,+
Ororo oi dogoatao bona idia amo kwalahu do ia daekau.+
6 Kevaru oi havaraia bona emu inai taudia be gabu idauidau dekenai idia heau lao,+
Emu peva ena diba amo idia oi pidia bona do idia daradara.+
7 Ataiai amo emu imana oi atoa diho,
Ranu dobu amo lau oi hamauria,
Idau taudia edia imana amo lau oi hamauria.+
8 Idia ese hereva koikoi idia gwauraia
Bona edia imana idibana idia abia isi gwauhamata koikoi karaia totona.*
9 Dirava e, oi dekenai ane matamatana do lau abia.+
Oi dekenai hanamoa anedia do lau abia,* sita* do lau gadaralaia,
10 Oi be king taudia dekenai kwalimu oi henia,+
Oi ese lau, emu hesiai tauna Davida be tuari kaia amo oi hamauria.+
11 Idau taudia edia imana amo lau oi hamauria,
Idia be hereva koikoi idia gwauraia,
Bona edia imana idibana idia abia isi gwauhamata koikoi karaia totona.
12 Vadaeni emai natudia memero be idia tubu haraga, tubutubu gaudia matamatadia bamona,
Emai natudia kekeni be king ena ruma totona idia haginia du hairaidia bamona.
13 Emai aniani haboua rumadia be aniani idauidau amo do idia honu momokani,
Emai tano ai mamoe oreadia be ten tausen momo amo do idia bada daekau.
14 Emai boromakau edia bogana ai natudia be dika do idia davaria lasi eiava do idia mase lasi.
Emai ariara gabudia ai ta be hisihisi dainai do ia taitai lasi.
15 Unai bamona idia noho taudia be idia moale!
Iehova be edia Dirava ai idia halaoa taudia be idia moale!+
Davida ena hanamoa ane.
א [Aleph]
ב [Beth]
ג [Gimel]
3 Iehova ena ladana be bada bona ia ita hanamoa be namo,+
Iena siahu bada ita lalopararalaia diba lasi.+
ד [Daleth]
4 Hari idia noho taudia bona gabeai do idia vara taudia ese emu gaukara do idia hanamoa.
Idia ese oi karaia siahu karadia do idia herevalaia.+
ה [He]
ו [Waw]
6 Idia ese emu hoa kara badadia do idia herevalaia,
Bona lau ese emu siahu bada do lau gwauraia.
ז [Zayin]
7 Idia ese emu kara namodia do idia herevalaia noho, sinavai ia aru noho bamona,+
Bona emu kara maoromaoro dainai mai moale ida do idia boiboi.+
ח [Heth]
ט [Teth]
9 Iehova be taunimanima ibounai dekenai kara namo ia hahedinaraia,+
Bona iena hebogahisi be ia karaia gaudia ibounai dekenai ia hahedinaraia.
י [Yod]
10 Iehova e, oi karaia gaudia ibounai ese oi do idia hanamoa,+
Bona oi idia badinaia taudia ese oi do idia hanamoa.+
כ [Kaph]
11 Idia ese emu lohia siahuna ena hairai do idia herevalaia+
Bona emu siahu badana do idia gwauraia,+
ל [Lamed]
מ [Mem]
13 Emu lohia siahuna be do ia doko diba lasi,
Bona emu lohia dalana be do ia noho ela bona hanaihanai.+
ס [Samekh]
ע [Ayin]
15 Taunimanima ibounai be oi totona idia naria noho.
Oi ese nega korikori ai idia dekenai aniani oi henia noho.+
פ [Pe]
צ [Tsade]
ק [Qoph]
18 Iehova be ia dekenai idia boiboi taudia kahirakahira ia noho,+
Mai momokani ida ia dekenai idia boiboi taudia unai.+
ר [Resh]
19 Ia ese ia idia gari henia taudia edia ura gaudia ia henia.+
Heduru totona ia dekenai idia taitai neganai ia kamonai, bona idia ia hamauria.+
ש [Shin]
20 Iehova be ia idia lalokau henia taudia ibounai ia gimaia,+
To kara dika taudia ibounai do ia hadikaia ore.+
ת [Taw]
21 Egu uduna amo Iehova do lau hanamoa.+
Namona be mauri gaudia ibounai ese iena ladana helagana idia hanamoa ela bona hanaihanai.+
Lau be mai lalona ibounai ida Iehova lau hanamoa.+
2 Egu mauri ibounai lalonai Iehova do lau hanamoa.
Egu mauri dinadia ibounai lalonai egu Dirava dekenai hanamoa ane do lau abia.*
3 Lohia taudia umui abidadama henia lasi
Bona taunimanima danu, badina idia ese umui idia hamauria diba lasi.+
5 Iakobo ena Dirava amo heduru ia tahua tauna be ia moale,+
Ia ese Iehova, iena Dirava ia abidadama henia,+
6 Dirava be guba bona tanobada ia karaia,
Davara, bona edia lalonai idia noho gaudia ibounai danu,+
Ia be hanaihanai ia kara momokani,+
7 Haida ese idia koia taudia be ia ese kota ai do ia durudia,
Ia be hitolo taudia dekenai aniani ia henia.+
Iehova be dibura ruma taudia ia ruhaia noho.+
8 Iehova ese matakepulu taudia edia matana ia kehoa,+
Iehova ese lalometau taudia ia abia isi noho,+
Iehova ese kara maoromaoro taudia ia lalokau henia.
9 Iehova ese idau bese taudia ia gimaia noho,
Ia ese tamana lasi natuna bona vabu ia naria noho,+
To kara dika taudia edia palani ia hadikaia.+
10 Iehova be King ela bona hanaihanai,+
Siona e, emu Dirava be King ela bona hanaihanai.
Iah hanamoa!*
147 Iah hanamoa!*
3 Ia ese lalometau taudia ia hagoadaia,
Ia ese edia bero ia kumia.
6 Iehova ese manau tauna ia abia isi,+
To kara dika tauna be tano dekenai ia negea.
7 Iehova dekenai tanikiu anedia ita abia,
Iseda Dirava dekenai hanamoa anedia ita abia, hap* do ita gadaralaia,
8 Ia ese ori amo guba ia koua,
Ia ese tanobada dekenai medu ia hadihoa,+
Ia ese ororo edia latanai rei ia havaraia.+
9 Ia ese animal dekenai aniani ia henia,+
Bona aniani totona idia boiboi galo manu natudia dekenai aniani ia henia.+
10 Ia dekenai hosi ena goada be gau badana lasi,+
Eiava tau ta ena aena ia goada, ia dekenai unai be gau badana lasi.+
11 Iehova be ia idia gari henia taudia dekenai ia moale,+
Idia be Dirava idia naria noho, iena lalokau* ia hahedinaraia totona.+
12 Ierusalema e, Iehova oi hanamoa.
Siona e, emu Dirava oi hanamoa.
13 Ia ese emu siti ena geiti edia auri latadia ia haginia goada,
Ia ese emu natudia memero ia hanamoa.
14 Ia ese emu tano dekenai maino ia mailaia,+
Ia ese oi be witi namo hereana amo ia ubua bona oi bogakunu.+
15 Ia ese tanobada dekenai ena oda ia siaia,
Iena hereva be ia lao haraga.
16 Ia ese sinou be wulu bamona ia siaia,+
Ia ese aisi be lahi kahu bamona gabu ibounai dekenai ia negea lao.+
17 Ia ese aisi nadi be paraoa ena momoru bamona ia negea diho,+
Daika be ena keru ia haheaukalaia diba?+
18 Ia ese hereva ia siaia, bona aisi idia veve.
Ia ese lai ia siaia,+ bona ranu ia aru.
19 Ia be Iakobo dekenai ena hereva ia henia,
Israela dekenai ena hakaua herevadia bona taravatu ia henia.+
20 Ia ese bese ma haida dekenai unai bamona ia karaia lasi,+
Idia be iena taravatu idia diba lasi.
148 Iah hanamoa!*
Guba ai idia noho taudia e, Iehova hanamoa.+
Ataiai momokani idia noho taudia e, ia umui hanamoa.
3 Dina bona hua e, ia umui hanamoa.
Idia diari noho hisiu ibounai e, ia umui hanamoa.+
4 Atai herea guba e, ia umui hanamoa,
Guba ai idia noho ori e, ia umui hanamoa.
5 Unai gaudia ese Iehova ena ladana idia hanamoa be namo,
Badina oda ia henia, bona unai gaudia idia vara.+
6 Ia ese edia gabu ai idia ia atoa, idia noho ela bona hanaihanai,+
Ia ese taravatu ia atoa, idia badinaia hanaihanai totona.+
7 Tanobada ai Iehova hanamoa,
Davara ena animal badadia bona davara ena dobu gabudia danu,
8 Kevaru bona aisi nadi, sinou bona ori koremadia,
Bona lai gubana, iena hereva idia badinaia gaudia unai,+
11 Tanobada ena king taudia bona bese idauidau ibounai,
Tanobada ena lohia taudia bona hahemaoro taudia,+
12 Tatau matamata bona hahine* matamata,
Buruka taudia bona matamata taudia.
13 Namona be idia ibounai ese Iehova ena ladana idia hanamoa,
Badina iena ladana be ataiai momokani.+
Iena hairai be tanobada bona guba ia hanaia.+
14 Dirava ese ena taunimanima dekenai goada bada do ia henia,
Bena ia idia badinaia taudia ibounai do idia hanamoa,
Israela taudia, ia kahirakahira idia noho taudia unai.
Iah hanamoa!*
149 Iah hanamoa!*
2 Israela be ena Havaraia Tauna Badana dainai ia moale be namo.+
Siona ena natudia memero be edia King dainai idia moale be namo.
3 Iena ladana idia hanamoa bona idia mavaru+
Bona ia dekenai hanamoa anedia idia abia,* tambarin bona hap* idia gadaralaia danu.+
5 Dirava badinaia taudia be hairai bada idia abia be namo.
Idia moale dainai edia mahuta patana latanai idia boiboi.+
6 Edia uduna amo Dirava hanamoa anedia idia abia,
Bona edia imana ai tuari kaia mai ena matana rua idia dogoatao,
7 Bese idauidau dekenai dika davana henia totona
Bona taunimanima panisia totona,
8 Bona edia king taudia bona ladana bada taudia
Be auri seini amo idia kwatua totona,
9 Idia ese dika do idia davaria, idia gwauraia hahemaoro herevana hegeregerena.+
Dirava badinaia taudia ibounai ese unai do idia karaia.
Iah hanamoa!*
Dirava be iena gabu helagana lalonai umui hanamoa.+
Iena siahu bada idia hamomokania gaudia henunai ia umui hanamoa.+
4 Tambarin umui gadaralaia bona umui mavaru* bona ia umui hanamoa.+
Miusiki gaudia mai edia varo bona fluti amo ia umui hanamoa.+
5 Simbol* ena regena namona amo ia umui hanamoa.
Simbol umui botaia karana amo ia umui hanamoa.+
6 Idia mauri noho gaudia ibounai e, Iah umui hanamoa.
Eiava “Iena taravatu ia laloa dobu.”
Eiava “lalohadailaia.”
Eiava “sisiba idia abia hebou.”
Eiava “iena Keriso.”
Diksenari itaia.
Heb., “kisi henia.”
Eiava “kara maoromaoro dalana amo umui boio.”
Diksenari itaia.
Diksenari itaia.
Eiava “rara hadihoa tauna bona koikoi tauna.”
Eiava “noho hanaihanai lalokauna.” Diksenari itaia.
Diksenari itaia.
Eiava “noho hanaihanai lalokauna.” Diksenari itaia.
Eiava “laloatao.”
Eiava “Sheol,” unai be, mase taudia guria gabuna. Diksenari itaia.
Eiava “mase negana ai idia abia anena.”
Eiava “kudouna bona kidni oi sekea namonamo.”
Eiava “miusiki do lau karaia.”
Diksenari itaia.
Eiava reana, “Emu hairai be guba ataiai idia herevalaia!”
Diksenari itaia.
Eiava “miusiki do lau karaia.”
Eiava “kohoro goadana.”
Heb., “natuna kekeni.”
Diksenari itaia.
Eiava “Sheol,” unai be, mase taudia guria gabuna. Diksenari itaia.
Eiava reana, “Mataganigani tauna be sibona ia hanamoa.”
Eiava “tama sina idia mase natuna.”
Eiava “iena lalonamo idia abia.”
Diksenari itaia.
Eiava reana, “tano ai idia karaia lahi gabuna.”
Eiava “noho hanaihanai lalokauna.” Diksenari itaia.
Eiava “oi abia dae.”
Eiava “ia hahemaraia.”
Diksenari itaia.
Unai be, dirava koikoidia edia ladana.
Eiava “egu lalona momokani ai ia noho hemami.”
Eiava “Sheol,” unai be, mase taudia guria gabuna. Diksenari itaia.
Eiava reana, “dika ia itaia totona.”
Eiava “Oi igo diho bona oi kamonai.”
Eiava “noho hanaihanai lalokauna.” Diksenari itaia.
Eiava “tano dekenai ita idia negea diho.”
Diksenari ai, “Doana” itaia.
Eiava “kohoro goadana.”
Eiava “Sheol,” unai be, mase taudia guria gabuna. Diksenari itaia.
Eiava “lai.”
Heb., “lau be goeva.”
Diksenari itaia.
Eiava “miusiki do lau karaia.”
Eiava “noho hanaihanai lalokauna.” Diksenari itaia.
Eiava “oi laloa gaudia.”
Eiava “noho hanaihanai lalokauna.” Diksenari itaia.
Heb., “ane ai abia bona miusiki ai karaia.”
Reana tiuni ta eiava miusiki sitaelo ta.
Eiava “ma haida ese idia hahemaraia lasi.”
Reana inai be nanigo ese idia karaia hani haboua gauna, ia veve haraga.
Diksenari itaia.
Eiava “noho hanaihanai lalokauna.” Diksenari itaia.
Diksenari ai, “Tuari oreadia edia Iehova” itaia.
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Heb., “hoia lou.”
Eiava “noho hanaihanai lalokauna.” Diksenari itaia.
Eiava “koikoi taudia ida lau noho lasi.”
Eiava “rara idia bubua.”
Eiava “miusiki do lau karaia.”
Eiava “mase gurina.”
Eiava “tomadiho henia.”
Eiava reana, “badina iena helaga be hairai herea.”
Heb., “ranu.”
Lebanona ena ororo gabudia.
Eiava “Sheol,” unai be, mase taudia guria gabuna. Diksenari itaia.
Eiava “miusiki umui karaia.”
Eiava “Oi igo diho bona oi kamonai.”
Eiava “noho hanaihanai lalokauna.” Diksenari itaia.
Eiava “lalona.”
Eiava “noho hanaihanai lalokauna.” Diksenari itaia.
Eiava “Sheol,” unai be, mase taudia guria gabuna. Diksenari itaia.
Eiava “noho hanaihanai lalokauna.” Diksenari itaia.
Diksenari itaia.
Inai be doniki tau bona hosi hahine edia natuna.
Inai be hosi biagua totona idia gaukaralaia varo ia herevalaia. Varo be auri dekenai idia kwatua bona hosi ena uduna ai idia atoa.
Eiava “noho hanaihanai lalokauna.” Diksenari itaia.
Miusiki gauna ta mai ena varo, gita bamona, to ena toana be idau.
Miusiki gauna ta, ena varo be 10.
Eiava “miusiki umui karaia.”
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Eiava “lalomanoka.”
Eiava “dika.”
Eiava reana, “Dirava dadaraia taudia be keke abia totona idia hevaseha.”
Eiava “laloa dobu.”
Eiava “noho hanaihanai lalokauna.” Diksenari itaia.
Eiava “durua ia henia.”
Diksenari itaia.
Israela ai ia noho. Ia be kaubebe bamona, ena apena be 4. Ena apena idia do vara lasi neganai, ia be dabua ia ania.
Eiava “mai haheauka.”
Eiava “ia kamonai totona ia igo diho.”
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Diksenari itaia.
Eiava “noho hanaihanai lalokauna.” Diksenari itaia.
Eiava reana, “Egu turia idia makohia bamona.”
Miusiki gauna ta mai ena varo, gita bamona, to ena toana be idau.
Diksenari itaia.
Eiava “hahemauri.”
Eiava “noho hanaihanai lalokauna.” Diksenari itaia.
Heb., “hoia lou.”
Diksenari itaia.
Heb., “Egu gaukara.”
Eiava “rekodi torea tauna.”
Eiava “peni.”
Diksenari itaia.
Eiava “hahemaoro maoromaoro.”
Diksenari itaia.
Inai be au ta mai ena bonana namona, Baibel negadiai pefium totona idia gaukaralaia.
Ia be sinamon au eiava unai au amo idia karaia gauna.
Ia be dava bada gauna bona elefant bona animal ma haida edia isena badadia kurokurodia amo idia abia.
Miusiki gauna ta mai ena varo, gita bamona, to ena toana be idau.
Eiava reana, “dabua latanai hairai gaudia idia hatua.”
Diksenari itaia.
Diksenari ai, “Tuari oreadia edia Iehova” itaia.
Eiava reana, “kesi.”
Eiava “miusiki umui karaia.”
Eiava “abia hidi negana ai idia hedavari.”
Diksenari ai, “Tuari oreadia edia Iehova” itaia.
Eiava “noho hanaihanai lalokauna.” Diksenari itaia.
Heb., “natudia kekeni.”
Eiava reana, “ela bona ita mase.”
Miusiki gauna ta mai ena varo, gita bamona, to ena toana be idau.
Eiava “Sheol,” unai be, mase taudia guria gabuna. Diksenari itaia.
Eiava “Sheol,” unai be, mase taudia guria gabuna. Diksenari itaia.
Eiava “Sheol,” unai be, mase taudia guria gabuna. Diksenari itaia.
Heb., “imana.”
Heb., “hoia lou.”
Eiava “Ist amo ela bona west.”
Eiava “hadibaia herevana.”
Eiava reana, “ia oi bamoa.”
Eiava “noho hanaihanai lalokauna.” Diksenari itaia.
Eiava “egu lalona ai ia noho.”
Diksenari itaia.
Eiava “noho hanaihanai lalokauna.” Diksenari itaia.
Eiava “magu goadana.”
Eiava “noho hanaihanai lalokauna.” Diksenari itaia.
Diksenari itaia.
Diksenari itaia.
Eiava reana, “Hagaria gauna ta be lasi, to idia gari.”
Diksenari itaia.
Eiava “lau durua totona oi hereva.”
Diksenari itaia.
Eiava “Bona heduru totona lau guriguri neganai, oi hunia lasi.”
Heb., “hoia lou.”
Unai be, siri 13 bona 14 ai ia herevalaia turana.
Diksenari itaia.
Animal kopina amo idia karaia.
Diksenari itaia.
Eiava “noho hanaihanai lalokauna.” Diksenari itaia.
Miusiki gauna ta mai ena varo, gita bamona, to ena toana be idau.
Eiava “miusiki do lau karaia.”
Eiava “noho hanaihanai lalokauna.” Diksenari itaia.
Diksenari itaia.
Eiava “kara gageva.”
Eiava “sneil.”
Diksenari itaia.
Eiava “ala-ala.”
Eiava “kohoro goadana.”
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Eiava “miusiki do lau karaia.”
Eiava “noho hanaihanai lalokauna.” Diksenari itaia.
Diksenari itaia.
Heb., “kohoro goadana.”
Eiava “manoka.”
Eiava “noho hanaihanai lalokauna.” Diksenari itaia.
Eiava “miusiki do lau karaia.”
Diksenari itaia.
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Eiava “Ta ta idia hagoadaia dika karaia totona.”
Eiava “miusiki umui karaia.”
Eiava “noho hanaihanai lalokauna.” Diksenari itaia.
Eiava “miusiki umui karaia.”
Eiava reana, “Ori edia latanai.”
“Iah” be Iehova ena ladana kwadogina.
Heb., “hahemaoro.”
Eiava “gwau-edeede.”
Eiava reana, “mamoe edia noho gabudia.”
Eiava “Toana be Salamoni ai sinou ia diho.”
Eiava “ororo badana.”
Eiava “miusiki umui karaia.”
Heb., “ori.”
Diksenari ai, “Tuari oreadia edia Iehova” itaia.
Diksenari ai, “Aniani lasi taravatu” itaia.
Eiava reana, “Lau taitai bona aniani lasi neganai.”
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Eiava “bona lau lalometau momokani.”
Eiava “Oi igo diho bona oi kamonai.”
Eiava “ranu dobuna.”
Miusiki gauna ta mai ena varo, gita bamona, to ena toana be idau.
Eiava “oi totona miusiki do lau karaia.”
Eiava “egu mauri oi hoia lou vadaeni.”
Eiava “laloa dobu.”
Unai be, Euperate.
Eiava “edia mauri do ia hoia lou.”
Eiava “Egu imana lau huria, unai amo lau hahedinaraia lau be kerere lasi.”
Heb., “inai henia.”
Eiava “Heudahanai tauna bamona idia kara.”
Diksenari itaia.
Heb., “emu orea taudia.”
Eiava “Dirava tomadiho henia gabudia ibounai.”
Diksenari itaia.
Heb., “veve.”
Eiava “miusiki lau karaia.”
Diksenari itaia.
Eiava “noho hanaihanai lalokauna.” Diksenari itaia.
Heb., “imana.”
Heb., “hoia lou.”
Diksenari itaia.
Eiava “hadibaia herevana.”
Eiava “aneru.”
Eiava “Edia mauri idia haboioa bona idia abia lou lasi.”
Heb., “hoia lou.”
Diksenari itaia.
Heb., “Bona iena rami-hebou kekenidia idia hanamoa lasi.”
Eiava reana, “ruhaia.”
Eiava reana, “huanai.”
Unai be, Euperate.
Eiava “vain au ena badina.”
Eiava “rigi.”
Diksenari itaia.
Miusiki gauna ta mai ena varo, gita bamona, to ena toana be idau.
Heb., “guba ena boiboi regena ena hunia gabuna.”
Anina be “Hepapahuahu.”
Heb., “ia,” unai be, Dirava ena taunimanima.
Eiava “dirava ai idia halaoa taudia.”
Eiava “gimaia taudia.”
Unai be, Moaba taudia bona Amono taudia.
Eiava “gunalaia taudia.”
Diksenari itaia.
Diksenari ai, “Tuari oreadia edia Iehova” itaia.
Eiava “Baka uda ena koura.”
Eiava reana, “Bona hadibaia tauna be hahenamo amo sibona ia hagegea.”
Eiava reana, “Dirava e, emai kesi oi itaia.”
Eiava “ai oi haboua lou.”
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Eiava “oi igo diho bona oi kamonai.”
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Eiava “Sheol,” unai be, mase taudia guria gabuna. Diksenari itaia.
Eiava “noho hanaihanai lalokauna.” Diksenari itaia.
Eiava “hamomokania gauna.”
Reana Aigupito ia herevalaia.
Diksenari itaia.
Diksenari itaia.
Eiava “oi igo diho bona oi kamonai.”
Diksenari ai, “Ne′phesh; Psy·khe′” itaia.
Eiava “Sheol,” unai be, mase taudia guria gabuna. Diksenari itaia.
Eiava “Lau be goada lasi tauna ta bamona.”
Eiava “noho hanaihanai lalokauna.” Diksenari itaia.
Eiava “Abadono.” Diksenari itaia.
Diksenari itaia.
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Eiava “haheauka.”
Eiava “aneru helagadia.”
Reana Aigupito eiava Farao ia herevalaia.
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Eiava “siahu.”
Eiava “noho hanaihanai lalokauna.” Diksenari itaia.
Heb., “Iena inai taudia edia imana idibana oi abia isi.”
Eiava “Sheol,” unai be, mase taudia guria gabuna. Diksenari itaia.
Eiava “noho hanaihanai lalokauna.” Diksenari itaia.
Eiava “noho gabuna.”
Eiava “noho hanaihanai lalokauna.” Diksenari itaia.
Eiava reana, “magu goadana; heau mauri gabuna.”
Eiava “miusiki lau karaia.”
Eiava “noho hanaihanai lalokauna.” Diksenari itaia.
Miusiki gauna ta, ena varo be 10.
Idaunegai idia gaukaralaia miusiki gauna ta mai ena varo, ia be gita bamona. Eng., Lute.
Miusiki gauna ta mai ena varo, gita bamona, to ena toana be idau.
Eiava “huina idia kurokuro.”
Heb., “regerege lasi lau noho.”
Eiava “noho hanaihanai lalokauna.” Diksenari itaia.
Eiava “Diadi taudia.”
Anina be “Hepapahuahu.”
Anina be “Tohoa.”
Eiava “tomadiho.”
Eiava reana, “badina iena helaga be hairai herea.”
Reana inai be nanigo ese idia karaia hani haboua gauna, ia veve haraga.
Eiava “tomadiho.”
Heb., “natudia kekeni.”
Eiava “siahu.”
Eiava “noho hanaihanai lalokauna.” Diksenari itaia.
Eiava “iseda Dirava ena kwalimu.”
Eiava “miusiki umui karaia.”
Miusiki gauna ta mai ena varo, gita bamona, to ena toana be idau.
Eiava “miusiki umui karaia.”
Eiava “ia mai vadaeni.”
Eiava reana, “huanai.”
Eiava “tomadiho.”
Eiava “noho hanaihanai lalokauna.” Diksenari itaia.
Eiava “miusiki do lau karaia.”
Heb., “dibaia.”
Eiava “ia manoka.”
Eiava “Oi igo diho bona oi kamonai.”
Eiava reana, “Lau maragi momokani.”
Eiava “noho hanaihanai lalokauna.” Diksenari itaia.
Eiava “hebogahisi.”
Eiava “noho hanaihanai lalokauna.” Diksenari itaia.
Eiava “be lai bamona oi halaoa.”
Eiava “do ia marere lasi.”
Ia be rabiti badana ta bamona, iuna lasi, bona nadi momo gabunai ia noho.
Diksenari itaia.
Eiava “miusiki do lau karaia.”
Eiava reana, “Iena kara lau laloa dobu karana lau moalelaia.”
Eiava “Aleluia!” “Iah” be Iehova ena ladana kwadogina.
Eiava “miusiki umui karaia.”
Eiava reana, “herevalaia.”
Heb., “ia henia oda herevana.”
Eiava “lahi.”
Eiava “moru.”
Eiava “Aleluia!” “Iah” be Iehova ena ladana kwadogina.
Eiava “Aleluia!” “Iah” be Iehova ena ladana kwadogina.
Eiava “noho hanaihanai lalokauna.” Diksenari itaia.
Eiava “edia anina idia lalopararalaia lasi.”
Eiava “noho hanaihanai lalokauna.” Diksenari itaia.
Unai be, mase taudia eiava dirava koikoidia totona idia henia boubou gaudia.
Anina be “Hepapahuahu.”
Eiava “dibaia.”
Eiava “dirava ma haida ida ariara karadia idia karaia.”
Heb., “imana.”
Eiava “noho hanaihanai lalokauna.” Diksenari itaia.
Eiava “Oibe!”
Eiava “Aleluia!” “Iah” be Iehova ena ladana kwadogina.
Eiava “noho hanaihanai lalokauna.” Diksenari itaia.
Eiava “Dina daekau kahana amo bona dina diho kahana amo.”
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Eiava “ataiai ia atodia,” unai be, ta ese idia ia dogoatao diba lasi.
Eiava “noho hanaihanai lalokauna.” Diksenari itaia.
Miusiki gauna ta mai ena varo, gita bamona, to ena toana be idau.
Eiava “miusiki do lau karaia.”
Eiava “noho hanaihanai lalokauna.” Diksenari itaia.
Eiava reana, “iena helaga gabuna ai.”
Heb., “kohoro goadana.”
Eiava “noho hanaihanai lalokauna.”
Eiava “noho hanaihanai lalokauna.”
Eiava “noho hanaihanai lalokauna.” Diksenari itaia.
Diksenari ai, “Aniani lasi taravatu” itaia.
Siri 1 ai ia idia gwauraia “egu Lohiabada.”
Eiava “Aleluia!” “Iah” be Iehova ena ladana kwadogina.
Unai be, tano.
Eiava “Aleluia!” “Iah” be Iehova ena ladana kwadogina.
Eiava “Aleluia!” “Iah” be Iehova ena ladana kwadogina.
Eiava “terona ai ia helai.”
Eiava reana, “momoru negea gabuna.”
Eiava “Aleluia!” “Iah” be Iehova ena ladana kwadogina.
Eiava “noho hanaihanai lalokauna.” Diksenari itaia.
Eiava “Aleluia!” “Iah” be Iehova ena ladana kwadogina.
Eiava reana, “Iehova lau lalokau henia badina ia kamonai.”
Eiava “ia kamonai totona ia igo diho.”
Heb., “dava bada gauna.”
Eiava “Aleluia!” “Iah” be Iehova ena ladana kwadogina.
Eiava “iduhu.”
Eiava “noho hanaihanai lalokauna.” Diksenari itaia.
Eiava “Aleluia!” “Iah” be Iehova ena ladana kwadogina.
Eiava “noho hanaihanai lalokauna.” Diksenari itaia.
“Iah” be Iehova ena ladana kwadogina.
Eiava reana, “lau idia durua taudia ida ia noho.”
Eiava reana, “Oi ese lau oi doria goada.”
Eiava “stadilaia.”
Eiava “stadilaia.”
Eiava “stadilaia.”
Eiava “lau hemarai garina.”
Eiava reana, “oi ese lau dekenai goada oi henia.”
Eiava “hereva.”
Eiava reana, “Unai gwauhamata be oi dekenai idia gari taudia dekenai oi karaia.”
Eiava “hahemaoro.”
Eiava “noho hanaihanai lalokauna.” Diksenari itaia.
Eiava “hereva.”
Eiava “stadilaia.”
Eiava “gwauhamata.”
Eiava “Unai hereva dainai lau naria noho.”
Eiava “Idau tauna bamona lau noho rumana ai.”
Eiava “hereva.”
Eiava “noho hanaihanai lalokauna.” Diksenari itaia.
Eiava “emu hereva dainai lau naria.”
Eiava “noho hanaihanai lalokauna.” Diksenari itaia.
Eiava “hereva.”
Eiava “stadilaia.”
Eiava “emu hereva dainai lau naria.”
Animal kopina amo idia karaia.
Eiava “noho hanaihanai lalokauna.” Diksenari itaia.
Unai be, ia karaia gaudia ibounai.
Eiava “stadilaia.”
Eiava “stadilaia.”
Eiava “emu hereva dainai lau naria.”
Eiava “hereva.”
Eiava “hereva.”
Eiava “noho hanaihanai lalokauna.” Diksenari itaia.
Heb., “hoia lou.”
Eiava “stadilaia.”
Eiava “noho hanaihanai lalokauna.” Diksenari itaia.
Eiava “kara dika.”
Eiava “hereva.”
Eiava “noho hanaihanai lalokauna.” Diksenari itaia.
Eiava “hahemaoro.”
Eiava “hereva.”
Diksenari itaia.
“Iah” be Iehova ena ladana kwadogina.
Diksenari itaia.
Heb., “Peva ena diba amo baege ia hahonua tauna be ia moale.”
“Iah” be Iehova ena ladana kwadogina.
Heb., “gari henia.”
Eiava “rata ia rakatania natuna.”
Eiava “dubu helaga badana.”
Eiava “iena dubu helaga badana.”
Reana bese tauna.
Eiava reana, “Dubu helaga lalonai.”
Eiava “Aleluia!” “Iah” be Iehova ena ladana kwadogina.
Eiava “miusiki karaia.”
Eiava reana, “abata ena geiti.”
Eiava “noho hanaihanai lalokauna.” Diksenari itaia.
Babulonia ia herevalaia.
Miusiki gauna ta mai ena varo, gita bamona, to ena toana be idau.
Eiava reana, “Lau ese dirava ma haida do lau dadaraia, bona oi totona miusiki do lau karaia.”
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Eiava “Sheol,” unai be, mase taudia guria gabuna. Diksenari itaia.
Eiava reana, “egu tauanina ena kahana ibounai oi karaia.”
Heb., “Tanobada ena dobu momokani gabuna.”
Eiava reana, “Lau be idia lau do duahia noho.”
Eiava “ala-ala.”
Eiava “Ranu guri lalonai.”
Eiava “Sheol,” unai be, mase taudia guria gabuna. Diksenari itaia.
Diksenari itaia.
Eiava “stadilaia.”
Eiava “noho hanaihanai lalokauna.” Diksenari itaia.
Eiava “kara maoromaoro taudia edia tano.”
Eiava “noho hanaihanai lalokauna.” Diksenari itaia.
Eiava “noho hanaihanai lalokauna.” Diksenari itaia.
Heb., “Bona edia imana idibana be koikoi totona.”
Eiava “miusiki do lau karaia.”
Miusiki gauna ta, ena varo be 10.
Eiava “noho hanaihanai lalokauna.” Diksenari itaia.
Eiava “Aleluia!” “Iah” be Iehova ena ladana kwadogina.
Eiava “miusiki do lau karaia.”
Eiava “Aleluia!” “Iah” be Iehova ena ladana kwadogina.
Eiava “Aleluia!” “Iah” be Iehova ena ladana kwadogina.
Eiava “miusiki ita karaia.”
Miusiki gauna ta mai ena varo, gita bamona, to ena toana be idau.
Eiava “noho hanaihanai lalokauna.” Diksenari itaia.
Eiava “Aleluia!” “Iah” be Iehova ena ladana kwadogina.
Eiava “Aleluia!” “Iah” be Iehova ena ladana kwadogina.
Heb., “rami-hebou kekeni.”
Eiava “Aleluia!” “Iah” be Iehova ena ladana kwadogina.
Eiava “Aleluia!” “Iah” be Iehova ena ladana kwadogina.
Eiava “miusiki idia karaia.”
Miusiki gauna ta mai ena varo, gita bamona, to ena toana be idau.
Eiava “Aleluia!” “Iah” be Iehova ena ladana kwadogina.
Eiava “Aleluia!” “Iah” be Iehova ena ladana kwadogina.
Miusiki gauna ta mai ena varo, gita bamona, to ena toana be idau.
Eiava “sekol dekenai umui mavaru.”
Heberu herevana be auri amo idia karaia miusiki gauna ia herevalaia. Ia be sekol, rua oi pataia hebou neganai, ia rege.
Eiava “Aleluia!” “Iah” be Iehova ena ladana kwadogina.