Hereva Momokani Ia Davaria

PRESBYTERIAN Church ena haroro tauna ta be ena haroro gaukarana ia moalelaia momokani lasi dainai, Dirava ena tomadiho oreana momokanina ia tahua matamaia. Pepa ta dekenai taravatu 10 ia torea; ia laloa namona be tomadiho oreana momokanina ese unai taravatu ia diba vadaeni Bible ia hahedinaraia hel be lahi gabuna lasi bona ta ia mase neganai ia mase vaitani. Lagani 30 lalodiai tomadiho oreana momokanina ia tahua noho. Dina ta ai, Iehova ena Witness tauna ta ia davaria neganai ia nanadaia, ia gwau: “Seri maragi be daidia? Mamoe idaudia haida bona 144,000 taudia be daidia?” Witness tauna ese ia gwauraia herevadia ia abia dae bona ena lalona be hegeregere ia ida Bible do idia stadilaia. Hua toi idia ore, bena Witness tauna dekenai ia gwau: “Vadaeni, Tadikaka e, Dirava ena tomadiho oreana momokanina be Iehova ena Witness taudia.” Hari unai tau ena mauri laganidia be 71, bona ia moale bada badina lagani 30 lalodiai tomadiho oreana ia tahua murinai ia davaria vadaeni!