Oi Ura ta Ia Vadivadi Oi Dekenai?

Lagani gunanai, Corpus Christi, Texas, U.S.A. dekenai, hahine ta be Watchtower Society, Brooklyn, New York dekenai revareva ta ia torea, ia gwau: “Lauegu ladana be Emily, bona Iehova ena Witness taudia be wiki haida gunanai lau dekenai idia henia magasin ta lau stadilaia. Magasin lau duahia bona lauegu ruma bese ena Bible ida lau hahegeregerea murinai, lau laloa reana Roman Katolik Dubu be Buka Helaga ena hereva idia hadibaia lasi. Idia be Dirava ena ladana eiava Dirava ena Basileia do ia mai ena sivarai idia herevalaia lasi, bona lau itaia unai hereva be Bible ena hereva badadia. Oiemu hereva momokani magasin dainai lauegu ruma bese ena dubu dekenai lau lao lasi bona Bible lau stadilaia hamatamaia.

“Lau ura Iehova ena Witness edia kongregesen ta ida lau hebamo. Mani umui hamaorodia lauegu ruma dekenai idia mai ai herevahereva totona.”

Iehova ena Witness tauna ta do ia ura oi dekenai ia mai bona oi ia durua. Bena Bible lalonai ia torea hegeregerena, Dirava, iena Basileia, bona iena ura dekenai emu diba do oi habadaia. Unai heduru oi abia totona, henuna pepa oi torea bona address dekenai oi siaia.

Lau ura egu diba Bible dekenai lau habadaia. Mani emu kara taunimanima ta oi siaia lau ia vadivadi henia totona.