Lalo-Tamona Tadikaka Oreana ai Idia Vareai

Unai dina be August 7, 1993 lalonai, Republican Stadium, Kiev, Ukraine dekenai. Unai dina ai guba ena toana be bulu bona ia diari bada, bona idia mai taudia iboudiai 64,000 mai kahana idia helai bona idia naria, ia vara gauna idia itaia totona. Bena, henanadai badadia rua murinai, taunimanima tausen mai kahana idia boiboi, “Da!” (“Oibe!”) Inai dala amo, taunimanima vairadiai edia abidadama idia gwauraia bena gabeai edia gwauhamata toana Iehova Dirava dekenai idia hahedinaraia, steidiam ena bapatiso gabudia 6 ta dekenai idia bapatiso neganai.​—Mataio 28:19.

Unai be Iehova ena Witness taudia edia “Dirava Ena Hahediba” intenesenel hebouhebouna ena dina ihatoina ai, bona helai taudia be kara badana ta idia itaia: taunimanima 7,402 be bapatiso idia abia bona ia parara dubuna ta dekenai idia vareai lasi, to tanobada hegegemadai lalo-tamona Keristen kongregesen dekenai idia vareai.

Bema ma hereva haida Keristen lalo-tamona karana dekenai oi ura oi diba, mani leta oi siaia Watchtower, 25 Columbia Heights, Brooklyn, New York 11201, eiava rau 2 ena address ta dekenai.