‘Umui Lalohisihisi Lasi, Ma Haida Bamona’
LAI-GUBANA ia vara neganai, ena be ena toana be ia moru bamona to palaoapalaoa ta ia gini noho be nega ta oi itaia, a? Unai ita itaia neganai iseda lalona ia hamarerea. Ena be animal bona taunimanima edia goada ese palaoapalaoa edia goada ia hanaia, to reana unai medu ia diho neganai, animal bona taunimanima momo be haraga herea medu koua gabuna idia tahua. To unai palaoapalaoa be ena gabu ai ia gini noho, medu ena siahu ia koua diba lasi. Vadaeni, ena gabu ai ia gini noho, toana ia moru sisina to ia dika lasi; ena toana be ia goada lasi to ia goada unai. Oi moalelaia neganai reana oi laloa, gabeai do ia gini maoromaoro bena ena hairai toana do ia hahedinaraia lou eiava.
Taunimanima be unai bamona. Hari inai hekwarahi negadia ai, ita be lai-gubana idauidau ita davaria. Moni hekwarahi, lalo-metau, tauanina ena goada ia ore, lalokau tauna ta ia mase—unai bamona hekwarahi be nega haida ita ibounai ita davaria, bona nega haida ita koudia diba lasi, palaoapalaoa be ena gabu ia rakatania diba lasi bona dika koua gabuna ia tahua diba lasi hegeregerena. Taunimanima haida edia tauanina toana ia goada lasi, to ita hoa badina unai bamona hekwarahi negadia ai goada idia hahedinaraia, bona unai idia karaia dainai iseda lalona ia hamarerea. Edena bamona idia karaia diba? Nega momo idia karaia diba ena badina be abidadama. Iesu Keriso ena tadina Iakobo ia toretore, ia gwau: “Unai bamona hetoho negadia ai emu abidadama ia kwalimu neganai, anina be oi haheauka diba.”—Iakobo 1:3, Today’s English Version.
Idia karaia diba ena badina ma ta be helaro. Hegeregere, edia lalokau tauna ta ia mase neganai, helaro be mai anina bada idia mauri noho taudia dekenai. Aposetolo Paulo be Tesalonika dekenai Keristen taudia ia tore henidia, ia gwau: “Ai ura lasi mase dekenai idia mahuta taudia totona umui daradara. Umui lalohisihisi lasi, ekalesia lasi taudia bamona, madi idia laloa goada diba lasi.” (1 Tesalonika 4:13) Momokani, Keristen taudia be ta ia mase dainai edia lalona dekenai idia tai, to idia
idau. Mase taudia edia noho dekenai bona toreisi lou ena helaro dekenai diba maoromaoro idia abia.—Ioane 5:28, 29; Kara 24:15.
Unai diba dainai helaro idia abia. Bona unai helaro be sisina sisina edia lalona dekenai idia tai karana ia kokia. Ia durudia idia haheauka totona, bona unai sibona lasi. Gabeai, nega ia lao murinai, lai-gubana ia vara negana murinai unai palaoapalaoa ese ia karaia bamona, edia kwarana be lalohisihisi amo idia veria isi diba bona mauri mai anina idia moalelaia lou diba.