Abidadama Gadodia

LAGANI 100 bamona idia lao vadaeni, saiens bona tanobada ena aonega abidia isi gadodia ese Dirava bona Baibel abidadama henidia karadia idia hadikadia noho.

To gado ma haida idia hedinarai. Diba tahua taudia momo ese Dirava abidadama lalohadaina hamomokania gaudia momo idia davaridia. Unai gau ese danu idia hamomokania Baibel be Dirava ena Hereva.

Gado badana ta be C. T. Russell. Taunimanima milion momo ese ena buka ladana The Divine Plan of the Ages, lagani 1886 ai ia halasia gauna, be idia duahia. Unai buka ena karoa ta mai siahuna ena ladana be “Idia Hamomokania Gau Iboudiai Havaradia Diravana Hereadaena mai Aonegana be Ia Mauri Noho.”

Unai murinai, Russel ese hereva, pepapepa, bona buka ia toredia; Dirava bona Baibel abidadama henidia lalohadaina ena badina namodia idia hahedinaraidia. Watch Tower Bible and Tract Society ese unai gau ia halasidia. Ena presiden iharuana, J. F. Rutherford, ese Creation (1927) bona ma buka haida ia toredia, abidadama gadona idia habadaia.

Vanegai unai sosaiti ese unai bamona herevadia matamatadia ia hagaegaelaidia. Iehova ena Witness taudia ese unai hereva oi do idia henia diba, do oi lalodia namonamo totona.

Bema oi ura ma diba haida do oi abia eiava oi ura ta be emu ruma do ia mai, Baibel stadi, davana lasi gauna, be oi dekenai do ia karaia totona, mani inai adres oi tore henia: IBSA, Box 636, Boroko, N.C.D., P.N.G.