Ringi be Edia Ima Kwakikwaki ai Ia Atodia Lou

“MANI egu ima kwakikwaki oi itadia. Oi ese gau idauna ta oi itaia diba, a?” Tau ta ese ena imana be hahine ta, Iehova ena Witnes hahinena ta, dekenai ia hahedinaraia, unai hahine ese ia itaia bona maoromaoro ia diba unai tau ena headava ena ringi be lasi. Ia gwau ia bona ena adavana be idia noho hebou namonamo lasi, unai dainai idia ura edia headava idia hadokoa. Unai Witnes hahinena ia gwau: “Lasi! Inai buka oi abia bona oi duahia. Oi do ia durua emu headava oi hanamoa totona.” Bena, ia ese Baibel ena hereva ia hahedinaraia bukana Diba ese Mauri Dekenai Ita Ia Hakaua Lao ia henia.a

Dina haida murinai, unai tau be mai ena moale ida unai Witnes hahinena dekenai ia giroa lou. Ena imana be ia dekenai ia hahedinaraia. Hari ia ese ena headava ena ringi ia karaia. Unai Witnes hahinena ia hamaoroa, ia bona ena adavana ese unai Diba bukana idia duahia bona hari idia moale bada. Unai buka ese edia ringi be edia ima kwakikwaki ai ia atoa lou bamona.

Baibel ena sisiba ese headava tauna bona ena hahine ia durua diba ta ta dekenai lalokau korikorina idia hahedinaraia totona. Unai be momokani badina Baibel ia torea tauna be ita ia Havaraia Tauna, bona ia gwau: “Lau inai Lohiabada, emui Dirava. Emui namo habadaia dalana, be umui dekenai lau hadibaia noho. Emui raka dalana namona dekenai umui lau hakaua noho.”​​—⁠Isaia 48:⁠17.

[Footnote]