Tama Sina Haida be Tisa Ena Lalo-Dika Henia Karana Idia Ura Henia Lasi
Sikuli tisa ta Cassano Murge, Italy ai, ese ena stiuden taudia haida ida stika ia siaidia lao. Unai stika be edia vaira iduara dekenai do idia atoa totona ia siaia bona inai hereva ia noho: “Ai be Katolik taudia. Iehova ena Witnes taudia ai noia inai iduara dekenai idia pidipidi lasi.”
Unai stiuden taudia haida edia tama sina, ena be idia be Iehova ena Witnes taudia lasi, to idia ese unai tisa ena kara idia ura henia lasi. Magasin ta ladana Muoviti Muoviti ia gwau, tama bona sina ese idia samania badina ‘natudia dekenai unai bamona hereva idia henia dainai, idia ese edia lalohadai idia abia dae lasi taudia idia ura henia lasi o ta idia dadaraia badina tomadiho dalanai ia be “idau.” ’ Unai magasin taudia ia tore henia sinana ta be ia gwau unai stika be “ava dikana ena uhe, haida dadaraia kava bona kavakava karadia edia natuna kekeni.”
Unai ripoti ese ia hahedinarai bamona, laloa maoromaoro taudia momo ese lalo-dika henia kava karana ena dika idia diba. Danu, idia ese Iehova ena Witnes taudia edia hesiai gaukara Italy ai bona tanobada ibounai dekenai idia matauraia. Namona be Iehova ena Witnes taudia oi nanadaia edia helaro ena badina idia gwauraia totona, ani? “Mai mataurai” ida idia ura bada oi danu unai idia herevalaia.—1 Petero 3:15.