Henry Namba 8 Bona Baibel

WINSTON CHURCHILL be ena buka ladana History of the English-Speaking Peoples (Volium 2) lalonai ia gwau: “Tomadiho lalohadai be Refomeisen ese ia haidaua. Unai dainai gabu momo dekenai taunimanima ese Baibel ena sisiba idia tahua matamaia. Guna idia noho taudia idia laloa diba bada lasi taudia ese Baibel idia abia be dika herea bona pris taudia sibodia ese idia duahia be namo.”

Unai buka ma ia gwau: “Lagani 1535 ena siahu negana ai, unai be nega ginigunana idia printaia vadaeni Baibel ibounai, Tyndal bona Coverdale ese English gado dekenai idia hahanaia Baibel unai, idia hahedinaraia, bona iena kopi ma haida idia karaia vadaeni. Gavamani ese dubu gunalaia taudia oreana ia hagania taunimanima idia hagoadaia Baibel idia duahia totona.” Lagani handred momo lalonai England taudia be Baibel ena hereva idia diba lasi, bona dubu dainai lasi to Henry Namba 8 ena gavamani dainai, idia be Baibel ena hereva idia diba.a

“Paris dekenai gavamani ese oda ia henia English gado ai Baibel momo do idia printaia, guna idia karaia Baibel ena toana ia hereaia momokani, unai kara ese guna Baibel gaukaralaia lasi lalohadaina idia dogoatao taudia ia hadikaia bamona. Bona September 1538 ai, hahegani ia henia unai gabu ena dubu iboudiai ese English gado dekenai Baibel badana idia hoia be namo, dubu ta ta dekenai idia atoa, unuseniai reana tomadiho totona idia lao taudia ese idia gaukaralaia momo bona duahia diba. London ai, St Paul’s Catheral dekenai, Baibel ena kopi 6 idia atoa, bona taunimanima momo herea be unai dubu badana dekenai idia haboua dina ibounai lalonai unai Baibel idia duahia totona, to unai ia vara bema Baibel ia duahia badabada tauna ta idia davaria.”

To madi, bese momo lalonai, taunimanima momo be Baibel idia duahia hanaihanai lasi. Unai ita laloa bada be namo, badina Baibel sibona “be Dirava ena Lauma ese ia havaraia. Bona inai hereva be mai ena siahu, Dirava ena hereva momokani ita dekenai do ia hadibaia. Ia be mai ena siahu danu iseda kara dika do ia hedinaraia, iseda kerere do ia hamaoromaoroa, bona mauri dala maoromaorona ita dekenai do ia hadibaia.”​—⁠2 Timoteo 3:⁠16.

[Footnote]

[Picture Credit Line on page 32]

Henry VIII: Painting in the Royal Gallery at Kensington, from the book The History of Protestantism (Vol. I)